教育王國

標題: 升中三，編錯班？？？ [打印本頁]

作者: phoebepanpan 時間: 14-9-5 20:21 標題: 升中三，編錯班？？？

阿仔話而家編左入一班最差的班，全班同學冇一個係中一中二的同學，在暑假時知編入已唔開心，又話轉校又話唔讀。
又話自己成績不至於差到入依班。
而有同學成績差過佢又去左成績偏好的一班。
不過班別成績好與差，都係佢地估估下。

而家班中多留班生，正式上課2日，英文堂用中文講解教小學的past tense。風氣亦麻麻。
我係咪盡快找老師傾傾好呢？

作者: cy.muimui 時間: 14-9-5 23:50

如果入左比較差果班心情當然唔好,但揾老師傾有用嗎？不如試吓適應吓,真有心既呢一年努力d争取入番好d果班

作者: phoebepanpan 時間: 14-9-6 10:31 標題: 回覆：cy.muimui 的帖子

我都明換班冇咩可能，但我想知佢地分班準則，點解今次分成咁，成績真係好差定剛踏線

作者: polo819 時間: 14-9-6 11:04

平常心吧，阿女間中學都會這樣做，學校有時會刻意放一些成績好的同學仔入補底班，希望她們會帶動那班的讀書風氣。

作者: qkhui 時間: 14-9-6 11:43

我覺得, 你可以先問仔仔意思, 同佢分析一下, 如果他真的有疑問想問問老師分班準則, 我覺得可以去問問老師, 同時要跟仔仔說好. 如老師的答案未必是他希望所聽的. 他會用什麼態度去面對餘下的中三課堂?

作者: grace_xian 時間: 14-9-6 12:01

多了解學校的分班准則無壞架, 問問吧,
不過就算唔問, 也要做好仔的心理工作, 否則中三會對佢來講是個唔太好的開始呢

作者: phoebepanpan 時間: 14-9-6 13:46 標題: 回覆：grace_xian 的帖子

我相信學校拉平衡來分班，因仔話有同學好好成績但去左平庸班。
我都同仔講既然編左係咁，正明學校想拉平衡。
佢最主要是班中冇一個同學係識既，15歲依個年紀朋友大過天乜野都要搵人陪。
又怕人地小圈子排斥，所以我都要安撫佢心靈。
亦因學習風氣麻麻，佢自己都識講要坐前些位置。
我唯有分享自己以前中三又係去左最差一班既經驗比佢知，等佢唔好步我後塵冇心向學

作者: waiwai1224 時間: 14-9-7 00:46 標題: 回覆：升中三，編錯班？？？

提示: 作者被禁止或刪除內容自動屏蔽

作者: waiwai1224 時間: 14-9-7 00:49 標題: 回覆：升中三，編錯班？？？

提示: 作者被禁止或刪除內容自動屏蔽

作者: 洋蔥頭媽咪 時間: 14-9-7 09:35 標題: 回覆：升中三，編錯班？？？

樓主，先唔好理人地點睇，覺得家長怪唔怪獸先，我同意家長應該與班主任溝通一下，了解現時孩子情況。其實每間學校编班時，以我所知各班班主任，老師，訓導主任等都會一齊開會，除了成績外，咩同學去咩班佢地都會考慮過，所以未必係編錯班，有機會係學校嘅安排，當然而家已經開學，冇可能再轉班，但中三其實係比較重要嘅一年，如果影響到兒子學習，令其成績倒退，黎緊嘅選科亦有機會受影響，選錯科將會對孩子影響更深遠。須然仔仔已是中學生，日常問題應該自己想辦法去解決，但家長其實都可以在背後用為支援者，與班主任取得共式，了解多ｄ，如發現孩子情緒出現起伏，就要盡快協助佢。

作者: phoebepanpan 時間: 14-9-7 11:08 標題: 回覆：洋蔥頭媽咪的帖子

非常認同你中肯的回應，我都叫佢要學適應，午餐時亦可同返識既同學一齊，
最重要自己唔好被影響要為考好D中四選科為目標，
我應承佢只要佢今年比心機，明年暑假比佢去日本遊學

作者: HIN2003 時間: 14-9-19 09:06

其實樓主都要同個仔傾下，讀左間學校2年，真係入到一班一個同學都唔識(唔friend)??呢2年點都有課外活動會識到同級同學仔

中三都唔細，要教佢，上堂唔洗搵人陪，上堂都係聽書，想搵friend 等小息，午飯時間都得。
要令佢知道世事無可能事事如意，要面對現實。
如學校無精英班的話，就一定會有成績好 &成績差一班，你個仔讀左2年，你都唔知學校點分班

作者: phoebepanpan 時間: 14-9-21 10:03 標題: 回覆：HIN2003 的帖子

學校冇精英班之分，所以分班應該是平均。
佢依班真係一個都唔識，一向課外活動都同返相識同學一堆。
相信你以前都會咁囉

我都話依個年紀最愛找朋友陪，班中冇個識固然失落。當然我亦解釋佢知落堂小息午餐都可搵返相熟同學一齊，初期難識認，而家情況較好。
多謝意見

歡迎光臨教育王國 (/)