教育王國

標題: 幼稚園保安問題，十分憂心，我應該會退學 [打印本頁]

作者: icecool 時間: 14-9-4 02:04 標題: 幼稚園保安問題，十分憂心，我應該會退學

小女N班開學，發覺學校保問題十分令我憂慮。第一: 幼兒園時常不關門，雖不至於中門大開，但有個防夾手U型膠攝住個門。我觀察過，用U型膠攝住門情況都好頻密。基本上人人都可輕鬆開門入園。雖然安安幼稚園血案發生時我未出世，但我睇過套戲都好心寒。幼兒園唔關好門，閒雜人等極易進入，走左個精神病入黎斬人就大件事。第二: 小朋友咁矮，reception枱又咁高，唔關好門，隨時走左個出去都見唔到。第三: 放學時，雖然我地先在門口排隊，但夠鍾就放學証都唔使睇就放條龍入班房門口，隨時混左其他閒人都冇人知。放出班房時又幾個小朋友一齊出黎，萬一小朋友出黎俾其他誤以為係家長嘅人帶走點算。

我仔讀k1，隔離學校，從來保安好好，所以我冇諗過有咁多問題。所以依家我個女一返學就好憂心，諗到好多狀況。六合彩又唔見中，有起意外上黎我內疚一世。我諗過同校長反映，但我又諗學校會唔會因我講幾句話就改革到呢個保安問題呢。我已經諗定退學。你地又點睇呢？

作者: MrBeast 時間: 14-9-4 07:21

點解唔話比校長聽先？

作者: icecool 時間: 14-9-4 08:56 標題: 回覆：幼稚園保安問題，十分憂心，我應該會退學

我會同校長講，但我諗唔會咁快改到

作者: hedhed 時間: 14-9-4 10:43

咁你對學校好無信心...如果個問題真係問題, 通常係立即處理的....

作者: icecool 時間: 14-9-4 10:44 標題: 引用：咁你對學校好無信心...如果個問題真係問題,

原帖由 hedhed 於 14-09-04 發表
咁你對學校好無信心...如果個問題真係問題, 通常係立即處理的....

我今日會同校長講，即管觀察下佢有咩睇法先。

作者: Vickyblah 時間: 14-9-4 11:42 標題: 回覆：幼稚園保安問題，十分憂心，我應該會退學

介唔介意pm我講邊間？
如果問題真係令你困擾，我覺得轉校都好，個人感受唔同，自己買個安心都好。好過日日擔驚受怕。。

作者: wawa~~ 時間: 14-9-4 14:34 標題: 回覆：icecool 的帖子

真係唔得,太危險了

作者: crystal媽咪 時間: 14-9-4 18:45

通常學校在上學/ 放學時間至門常開. 而且會有職員企在門旁邊.

如果由一早開到下午, 就真係好危險

作者: creamsicle 時間: 14-9-4 19:15

既然有接送證呢樣野,應該係老師唔跟指引,校長make sure班老師跟指引,是份內事.
U型膠攝可以唔用.
呢兩樣應該好快解決.
解決唔到.... 轉校都好

作者: pokey 時間: 14-9-8 06:55 標題: 回覆：幼稚園保安問題，十分憂心，我應該會退學

係咪新校來？正常咁樣應該有n個家長向學校反映了，應該好快會改 - at least 要持接放學證先可踏入校門！你快快同學校反映吧！

作者: pokey 時間: 14-9-8 06:57 標題: 回覆：幼稚園保安問題，十分憂心，我應該會退學

http://hk.apple.nextmedia.com/realtime/breaking/20140307/52256442

引用埋今年初的新聞，學校應該好快會作出改變！

歡迎光臨教育王國 (/)