教育王國

標題: 有無人俾兩個仔讀唔同小學？ [打印本頁]

作者: IloveJJ 時間: 14-9-2 22:03 標題: 有無人俾兩個仔讀唔同小學？

提示: 作者被禁止或刪除內容自動屏蔽

作者: 小曳人 時間: 14-9-2 22:16

我識嘅人當中有
原因只係機遇或緣份問題

缺點一大蘿：接送、考試、放假，乜都唔同，好麻煩

作者: hadwinboy 時間: 14-9-2 22:33 標題: 回覆：有無人俾兩個仔讀唔同小學？

識人有，是因應兩個仔不同性格而決定，其實細佬係可以跟呀哥一間學校的。母親是ftm 自己揸車接送，有時一日走幾轉，但她又ok, 情願揀對學校給小朋友。

作者: hoihoima 時間: 14-9-2 22:51

IloveJJ 發表於 14-9-2 22:03
原因是什麼？有什麼優點缺點？可以分享一下嗎？

朋友三個孩子各有不同龍校，按孩子的性格選最合適的學校。其實有些學校三個孩子都適合，不過孩子的資質各有不同，適合的又不代表考到。只可以在每個孩子考到的學校中，選最適合的。壞處當然是十二年的煩爆。

作者: cherriesiu 時間: 14-9-3 00:14 標題: 回覆:有無人俾兩個仔讀唔同小學？

提示: 作者被禁止或刪除內容自動屏蔽

作者: Yvonne523 時間: 14-9-3 07:05 標題: 回覆：有無人俾兩個仔讀唔同小學？

我都猶疑緊分5分開兩兄弟，哥哥受教，谷得，细佬自由身，你急佢5急。

作者: 盈璇謙 時間: 14-9-3 09:33 標題: 回覆：Yvonne523 的帖子

我都爭扎緊呢個問題，家姐今年小三，成績一般中，中下，唔谷得。
妹妹入左同一間，今年小一，但妹妹好受谷，都算醒，依家唸住睇佢第一次測同考成績，如佢去到全級10名我會同佢轉校

作者: hkpapa852 時間: 14-9-3 10:24

大家成日話邊間學校"適合"自己個仔女, 就幫佢選邊間咁先會好.
咁其實你真係做過D咩去衡量? 適合與唔適合個小朋友, 係咪只由作為父母的你/妳去衡量係足夠? 呢個又係咪"適合"既方式?

如果已能輕鬆學習, 那算是"適合"還是"不適合"?

作者: gracelam 時間: 14-9-3 10:29 標題: 引用：原因是什麼？有什麼優點缺點？可以分享一下

原帖由 IloveJJ 於 14-09-02 發表
原因是什麼？有什麼優點缺點？可以分享一下嗎？

我朋友兩個女分別讀唔同直資小學，其中一個理由係到考試期唔駛分身不暇，唔駛同一時間幫兩個女温書!!

作者: 豬小B 時間: 14-9-3 10:41

我女小二，已經成日講細佬日後要同佢一間小學，原因喺佢想同細佬一起返學放學，開心D，會照顧細佬喎！其實，2個讀同一間，感情是否會更好呢？！

作者: bbaunt 時間: 14-9-3 10:53

其實我覺得睇資質好d，我細個跟家姐讀間谷校，家姐考頭十名，我就掉轉。
6年都讀得唔開心！

作者: IloveJJ 時間: 14-9-3 11:33 標題: 回覆：有無人俾兩個仔讀唔同小學？

提示: 作者被禁止或刪除內容自動屏蔽

作者: crispin 時間: 14-9-3 12:26

我寧願一齊考試喎
溫習係自己嘅事，自己溫好爸媽再問書，大嗰就咁搞掂
細嗰個初小可以要俾d時間適應，學習自己溫書

作者: Chickee 時間: 14-9-3 12:27

回覆 IloveJJ 的帖子

我覺得每個小朋友都係獨立個體, 我會選合適的學校俾每一個仔女, 讀同一間無錯大人係會方便D, 但我唔會為了方便而夾硬將兩個小朋友放一齊。

作者: IloveJJ 時間: 14-9-3 12:33 標題: 引用：回覆+IloveJJ+的帖子我覺得每個小朋友都

提示: 作者被禁止或刪除內容自動屏蔽

作者: sadsam 時間: 14-9-3 12:36

有，我朋友一個讀DB，一個讀Ls

作者: monchuBB 時間: 14-9-3 15:38

我到煩緊想轉細B讀LS,因佢性格太自我、反叛,讀IS太自由,想搵人管下佢,唔知會唔會有幫助,又驚轉左仲衰,好煩

作者: wai406 時間: 14-9-3 17:37 標題: 回覆：有無人俾兩個仔讀唔同小學？

我都係兩個讀不同直資, 好處係可將兩間學校的資源互相利用, 其實長假期兩間學校放的時間差不多, 考試可分開温, 壞處係父母會辛苦D

作者: conniecheung 時間: 14-9-19 10:53 標題: 回覆：有無人俾兩個仔讀唔同小學？

我都猶豫緊。。。兩姊妹性格完全唔同，一個好醒一個豬頭炳，想分開讀，各取所需！但妹妹得10分，頭痕！

作者: pinkdoll 時間: 14-9-19 11:23

本帖最後由 pinkdoll 於 14-9-19 11:44 編輯

wai406 發表於 14-9-3 17:37
我都係兩個讀不同直資, 好處係可將兩間學校的資源互相利用, 其實長假期兩間學校放的時間差不多, 考試可分開 ...

. 我覺得既然知道兩個小朋友性格截然不同, 學習態度上也有分別, 將他們分開兩所小學讀書, 其實反而是好事, 講到尾, 最緊要佢哋讀得開心, 才可以有自信地去學習. 而且, 各自找到適合既學校, 父母更加唔需要為他們學習上面既事去煩惱及費神.

作者: karen55407 時間: 14-9-19 12:18 標題: 回覆：有無人俾兩個仔讀唔同小學？

我兩個小朋友讀兩間唔同嘅津校，因為細個個係仔，跟唔到家姐讀女校。家長會和學校活動要做雙倍；大女就好羨慕人家可以同細佬妹同校。如果可以同校當然理想！

作者: pamelaywy 時間: 14-9-19 13:04

我兩個仔唔同校，大仔男校，細仔男女校。大家以為弟弟一定跟哥哥，因為個個相信哥哥間學校是不能抗拒的學校，但事實弟弟性格不適合讀男校。所以呢個世界，間學校幾無可抗拒都好，不適合就是不適合

作者: little_yolky 時間: 14-9-19 14:33

IloveJJ 發表於 14-9-2 22:03
原因是什麼？有什麼優點缺點？可以分享一下嗎？

識朋友因為仔女各自考到一級齋校, 佢仲要有三個既working mom。最後頂唔住, 小朋友高小時辭工自己教。

作者: sylvianyiuchun 時間: 14-9-19 19:16 標題: 回覆：little_yolky 的帖子

其實因應兩個小朋友同埋大嗰間學校如何，如果大的入到間唔適合細佬，咁會情願分開。
另一方面，如果讀得開心，我唔贊成轉校。
利申: 我大女升小一，佢同我們一樣不是太喜歡那學校，我們亦感到唔適合細佬，所以不惜要佢地分開

作者: 爸爸愛您 時間: 14-9-19 21:40 標題: 回覆：有無人俾兩個仔讀唔同小學？

我諗無人會夠膽喺度認，因為肯定比人鬧爆

作者: bonnycai 時間: 14-9-19 22:00 標題: 引用：我都猶豫緊。。。兩姊妹性格完全唔同，一個

原帖由 conniecheung 於 14-09-19 發表
我都猶豫緊。。。兩姊妹性格完全唔同，一個好醒一個豬頭炳，想分開讀，各取所需！但妹妹得10分，頭痕！

...

我同你一樣！頭痕中

作者: JJVV 時間: 14-9-19 23:01

本帖最後由 JJVV 於 14-9-19 23:02 編輯

我有2個小朋友；

2個性格好吾一樣，我未有打算刻意將佢地放埋同一間學校。。。我只會按個體去考慮適合佢既學校。。。

我個人認為一間適合小朋友既學校係最重要的。。。

作者: anitalove 時間: 14-9-20 01:32 標題: 引用：我都猶豫緊。。。兩姊妹性格完全唔同，一個

原帖由 conniecheung 於 14-09-19 發表
我都猶豫緊。。。兩姊妹性格完全唔同，一個好醒一個豬頭炳，想分開讀，各取所需！但妹妹得10分，頭痕！

...

同你一樣

下星期就要交表喇。。。

作者: 濼晴 時間: 14-9-20 02:49 標題: 回覆：cherriesiu 的帖子

認同我都唔想兩個讀同一間學校一齊測驗都唔知溫得邊個

作者: Kamei 時間: 14-9-20 10:49 標題: 引用：Quote:原帖由+conniecheung+於+14-09-19+發

原帖由 bonnycai 於 14-09-19 發表
我同你一樣！頭痕中

我兩個女是讀不同的私校，大女好open主動，但細則內向。
細女考大女學校時已很緊張，又感到她的壓力，因為她很想同家姐一齊返學，但那面試模式又不是她的性格，她很frustrated, 最後要waiting。當有另一間收佢時，我們便不再等又無再求情。
現在大家也各自開心。

作者: Kamei 時間: 14-9-20 10:58 標題: 回覆：有無人俾兩個仔讀唔同小學？

我兩個女讀不同的私校，大女主動open，細女內向。面試時已見到细女的壓力，因她很希望同家姐一起返學，但那面試模式和揀選標準跟本不是她的性格，很frustrated，要waiting。最後當有另一間私校收時便不再等，我也不用再寫求情信。相信是天父的安排。

作者: bonnycai 時間: 14-9-20 14:41 標題: 回覆：Kamei 的帖子

我二女也同樣內向，還有些硬頸，

作者: summertown 時間: 14-9-20 16:22 標題: 引用：Quote:原帖由+conniecheung+於+14-09-19+發

原帖由 anitalove 於 14-09-20 發表
同你一樣下星期就要交表喇。。。

我都係，唉！兩兄弟性格南轅北轍！

作者: 爸爸愛您 時間: 14-9-20 19:06 標題: 回覆：有無人俾兩個仔讀唔同小學？

對唔住，我睇左 topic , 我以為話，有無人會比個仔同時讀兩間學校，Sorry

作者: bonnycai 時間: 14-9-20 21:10 標題: 引用：我兩個女讀不同的私校，大女主動open，細女

原帖由 Kamei 於 14-09-20 發表
我兩個女讀不同的私校，大女主動open，細女內向。面試時已見到细女的壓力，因她很希望同家姐一起返學，但那 ...

想請教你细女選擇什麼類型學校？我手上有兩家間，一間小班活動教學，第二間係比較谷。心大心细！

作者: 青青河邊草 時間: 14-9-21 14:44 標題: 引用：大家成日話邊間學校"適合"自己個仔女,+就幫

原帖由 hkpapa852 於 14-09-03 發表
大家成日話邊間學校"適合"自己個仔女, 就幫佢選邊間咁先會好.
咁其實你真係做過D咩去衡量? 適合與唔適合個 ...

我也有兩個小朋友，我也準備為細果個揀唔同小學。
選擇適合與否，首先係要識睇學校嘅差別。
我去參觀小學，會睇佢地嘅課程安排，時間表編排，照顧學習差異的措施，學校嘅功課深淺，如何處理tsa訓練等等。
只要用心比較，就會睇到每間學校都有分別。
但最重要係，誠實地面對自己小朋友嘅特點，唔好成日覺得佢讀得唔好就係未發力，我身邊嘅朋友嘅例子只係令我覺得，好多時係學校果種教法根本唔啱個小朋友。

作者: Kamei 時間: 14-11-2 02:05 標題: 回覆：bonnycai 的帖子

我細女學校是happy school.

作者: serinac 時間: 14-11-2 08:54 標題: 引用：我女小二，已經成日講細佬日後要同佢一間小

原帖由 豬小B 於 14-09-03 發表
我女小二，已經成日講細佬日後要同佢一間小學，原因喺佢想同細佬一起返學放學，開心D，會照顧細佬喎！其實 ...

我也覺得除非兩人的資質相距很遠，否則係咪兄弟姊妹感情比唔知結果嘅所謂「適合」更重要？起碼他們將來長大成人後，有兒有女時，還有不少共同回憶呢！

作者: 爸爸愛您 時間: 14-11-2 09:13 標題: 引用：我識嘅人當中有原因只係機遇或緣份問題缺點

原帖由 小曳人 於 14-09-02 發表
我識嘅人當中有
原因只係機遇或緣份問題

同意

作者: ajkma 時間: 14-11-2 09:46

但我想分享的是。我同家姐自幼稚園到中學都是同一間學校，我成績唔好，家姐叻，我永遠都只會比佢d同學學或老師叫xxx個細妹囉。。特別在中學時。感到很有比較，你返去問下你家姐啦，你家姐冇教你？。。唉所以中學很自卑，又覺得自己有些影衰家姐，家姐在家教我功課我又唔識，她教到我哭，媽就罵我。。令到家姐哭，但我資質真的好差，拿書成日讀也唔明唔識，中學都係因為家姐在我先讀到。所以中學時代我很自卑唔開心
我都有兩個小朋友。。我都覺得會因才施教。。將來我會比他們去他們能力去到的學校。唔知到對與錯，但起碼我自免強一起谷既學校會有比較，因細的吸收專注力差。。大的專注，吸收，記性好，很受教。

作者: 已刪除用戶 時間: 14-11-2 10:10 標題: 回覆：有無人俾兩個仔讀唔同小學？

我大仔同細女相差一年，如果妹妹考到其他學校我都將他們分開讀，首先哥哥唔想妹妹跟住佢,當中因為差一年既關係，親友常將他倆比較，而學業上妹妹比哥哥叻，我唔想佢地有這方壓力，所以希望分開他倆。

歡迎光臨教育王國 (/)