教育王國

標題: 求........發展遲緩仙丹（終於比我找到了） [打印本頁]

作者: helen_kam613 時間: 14-8-31 16:55 標題: 求........發展遲緩仙丹（終於比我找到了）

本帖最後由 helen_kam613 於 17-6-8 06:28 編輯

仔仔三歲了, 到而家連爸媽都未識講, 行路又未穩, 未識跑跳, 認知差, 玩具又未識玩.......上過好多物理治療, 職業治療, 言語治療, 幼兒導師訓練, 針灸, 顱底骨治療, 香薰油......咩嘢都做暈, 但未見有好喜色...
人哋成日話唔使驚, 終有一日會叮一聲, 咩嘢都返哂嚟, 但......究竟還要等到幾時?幾時呢個叮一聲先會來? 好傷心....
究竟世上有無靈丹妙藥或醫生, 可以幫到我個仔?
嗚嗚嗚........

作者: 濼晴 時間: 14-8-31 17:02 標題: 回覆：helen_kam613 的帖子

咩神奇妙藥都不是會一學就店

做左平估未？如有認清楚咩問題，響私人機構上密集班星期一至五好似番學一樣，其實上半年到會開始見到進步

作者: Cinken 時間: 14-8-31 17:29

仙丹 ---- 父母必備愛心耐性及合理期望，發展呢樣野好講小朋友自己本身potential,先天及後天是十分重要，小朋友只不過3 歲,仍有發展及進步空間，你要給点耐性,因有d事是不由你控制,你唯有繼續盡力幫他，其餘便交托上天的安排及小朋友自己湣力

作者: helen_kam613 時間: 14-8-31 17:36

仔仔早已評估了, 一知道後, 已安排上了私人密集訓練, 都上了一年半, 但未見有明顯幫助.
剛剛八月開始入了 S 位.
老實說, 呢一年半裏, 我已做了很多嘢, 就是因為還未見有好大進步, 所以先有感而發問這個問題.....,
有時真的覺得好倦好倦了, 同時也好擔心

作者: 414928 時間: 14-8-31 18:56

「叮」一聲當初我都有期望過.....如果真的想快些出現,就把期望降低,這樣「叮」一聲好快出現,現實就是現實,合理期望會對大家都有正面幫助。

作者: Destination121 時間: 14-8-31 19:34 標題: 引用：仔仔早已評估了,+一知道後,+已安排上了私人

原帖由 helen_kam613 於 14-08-31 發表
仔仔早已評估了, 一知道後, 已安排上了私人密集訓練, 都上了一年半, 但未見有明顯幫助.
剛剛八月開始入了 S ...

有無介奶？

作者: Alam123 時間: 14-8-31 23:07 標題: 回覆：helen_kam613 的帖子

3歲已有S位都算快，希望上了S位有進步。你都試了好多不同療法，有冇試過生物療法？

作者: pocoyo123 時間: 14-8-31 23:14

呢個世界邊有叮一聲呀?

上左年半訓練, 現在有無單字? 因為言語差, 連帶表達也會差.
行路是大肌, PT有無講為何3歲, 大腿張力都未得?

現在已上S位, 就唔好上太多私人訓練, 反而多些回校和導師溝通, 多做家居訓練, 要知小朋友最好的老師是家長, 生活每個細節, 也可成為訓練的一部份, 努力

作者: maggie814 時間: 14-9-1 17:52 標題: 回覆：求........發展遲緩仙丹 ...

我仔同你仔一樣3歲，冇言語，行得唔穩，唔識跳，但佢今年7月先排s位

你做過咁多治療， d導師有冇講你仔咩事？cac話我仔係自閉症譜糸~~

作者: maggie814 時間: 14-9-1 18:03 標題: 回覆：求........發展遲緩仙丹 ...

之前去參觀S位，有帶埋阿仔去，諗住俾佢見下我仔，問下多唔多小朋友同我仔同樣情況，但多數都話好少有同我仔一樣，通常行路冇問題，一係就4歲都唔識行

作者: 銘豬媽 時間: 14-9-1 22:16 標題: 回覆：maggie814 的帖子

你都好吖！最起碼知道係自閉譜系，我亞囡仍然未揾到原因，又係咩都唔識，行又唔得，語言又唔得。最近睇咗個80幾歲嘅中醫師話亞囡有得醫！聽到好開心，希望真係醫返好亞囡

作者: SandraLo 時間: 14-9-1 22:41

helen_kam613 發表於 14-8-31 16:55
仔仔三歲了, 到而家連爸媽都未識講, 行路又未穩, 未識跑跳, 認知差, 玩具又未識玩.......上過好多物理治療, ...

樣樣都做過但幾耐？個治療師叫唔叫到佢做？佢肯不肯跟指令？

作者: shirleyley 時間: 14-9-1 23:17 標題: 回覆：helen_kam613 的帖子

樓主，我囝情況同你差不多，下個月就3歲，仲係講BB話，行路不算穩，完全唔識跑及跳，由19個月起到現在同他周圍去做綜合訓練，剛於8月開始上S位，一直都緩慢的進步中，他的表現似懂非懂的，我已作了最壞情況打算，可能情況會一直這樣，這樣下來，他有進步的話，自己便會很感恩，亦更讚賞他的進步，可能是阿Q一點，但總好過自己鑽牛角尖，更有機會遷怒於他，這樣對雙方都不好⋯⋯所以繼續同學校合作，幫小朋友做訓練，另外多儲蓄些作為小朋友的生活費，其實做這些已夠充塞你的時間，沒有空餘時間再想其他了。
還有建議安排自己定期外出旅行放鬆一下自己，回來你會更愛你的小朋友～

作者: legolas625 時間: 14-9-2 00:03

其實好睇小朋友係咪有潛質，訓練只係幫佢，引導佢，做父母只能盡能力教，希望有一曰佢識

作者: helen_kam613 時間: 14-9-2 07:09

回覆 Destination121 的帖子

其實我之前都有聽過話介奶, 但我個仔無咗支奶真係會嘈到呢, 而且瞓唔到覺, 所以我已經減到只有夜晚臨瞓一支, 而且只用有機豆奶, 這樣可以嗎?如果都係唔得, 還有咩嘢好提議可以代替支奶?

作者: helen_kam613 時間: 14-9-2 07:10

回覆 Alam123 的帖子

生物療法真係未聽過, 係咩嘢嚟? 有幫助嗎?

作者: helen_kam613 時間: 14-9-2 07:15

回覆銘豬媽的帖子

你睇成點? 睇咗幾多次? 有什麼變化? 可否介紹個中醫比我?

作者: helen_kam613 時間: 14-9-2 07:17

回覆 SandraLo 的帖子

一直都在做, 現在仍做, 雖然已返 S 位, 但連針灸都盡量 keep 住一星期兩次

作者: helen_kam613 時間: 14-9-2 07:20

回覆 shirleyley 的帖子

唉...我都想可以咁看得開, 但事與願為....有時真係好擔心, 現時自己還有力氣去照顧佢, 但將來呢? 將來自己都唔掂時, 佢點算? 嗚嗚嗚.....

作者: helen_kam613 時間: 14-9-2 07:33

老實講, 我都知訓練好重要, 但當你發現做了好多好多而反應又不是太大時, 真係有啲心灰, 只覺好倦好辛苦

作者: DollyCC 時間: 14-9-2 08:37 標題: 回覆：helen_kam613 的帖子

都明白，錢就不停燒，進步得少少，見人地細成年彈跳得好高，自己個仲係搖搖下。人地駁咀，自己個仲ee呀呀！有時對住都會好氣餒。唯有互相鼓勵一下。

作者: 銘豬媽 時間: 14-9-2 08:43 標題: 回覆：helen_kam613 的帖子

總言而知，湊依類小朋友嘅父母就會好辛苦！但係都要頂住撐住！因為如果父母放棄協助小朋友進步，小朋友咁就一世嫁嘞！得閒米上嚟發洩下囉！因為針唔拮到肉唔知痛，同其他人講佢地未必明白到底有幾苦！

作者: carmenkmlo 時間: 14-9-2 12:35

helen_kam613 發表於 14-9-2 07:33
老實講, 我都知訓練好重要, 但當你發現做了好多好多而反應又不是太大時, 真係有啲心灰, 只覺好倦好辛苦 ...

不要氣餒!可能只欠些時間.....
難得已經排到訓練。

我小朋友也排緊E位，現在未排到時。。。
唯有勤力看一些相關資料及找一些訓練課程是自己可以負擔的報讀。
當然，我也會到此討論區，多些跟其他家長的分享；
大家互相扶持。
加油！

作者: Alam123 時間: 14-9-2 12:55 標題: 回覆：helen_kam613 的帖子

生物療法係外國比較流行，要驗血看有冇食物敏感再介口，同埋驗體內有冇重金屬要排毒. 你可上網查下有𨶹資料.

作者: WinryRockbell 時間: 14-9-2 18:06 標題: 回覆：求........發展遲緩仙丹

我大孖31個月大，爬都未識，都唔好講企呀行呀果d喇，總之雙腳一惦地就喊啦，醫生搵唔到原因，我都係無晒辦法，今日第一日返s位，返左一個鐘無喊，聽日都係返一個鐘，暫時唔敢有太大期望，細孖好少少，岩岩八月頭開始肯放手行，上星期仲收到通知話佢有s後補位，同大孖同一間，不過而家搞得黎最快9月中至可以開學。都係果句，大家一齊加油啦。

作者: pocoyo123 時間: 14-9-2 19:01

回覆 WinryRockbell 的帖子

努力, 加油, 一對孖仔, 家長你一定好辛苦

作者: SandraLo 時間: 14-9-2 22:04

helen_kam613 發表於 14-9-2 07:17
回覆 SandraLo 的帖子

一直都在做, 現在仍做, 雖然已返 S 位, 但連針灸都盡量 keep 住一星期兩次 ...

如果係咁會唔會轉吓治療師呢？要有d 新 stimulation ！

作者: helen_kam613 時間: 14-9-3 07:44

多謝你哋嘅支持, 呢條路真係好似好漫長, 完全未見到盡頭, 有時對住佢真係好無奈, 都唔知還有咩嘢可以再做, 唉.....

作者: methy 時間: 14-9-3 11:52 標題: 回覆：helen_kam613 的帖子

大把既做架，我仔1歲既時候我仔集中訓練大肌，訂製樓梯比個仔爬上我地張床，好有推動力架，下肢力係咁練返黎，上下親子游水班，用水既浮力令阿仔可以郁動唔同組既肌肉，3歲半開始行得好喇，開始加強小肌訓練，買小肌訓練玩具，開始大就加埋言語訓練，另外針灸推拿，4歲就係星期六上社交班+畫班（開心地玩住練手肌）進步左好多。

讀S位既幫助最大，日日返學上堂，學自理社交認知（學術），又有治療師跟進。

作者: urme1997 時間: 14-9-3 15:33

本帖最後由 urme1997 於 14-9-3 15:35 編輯

樓主唔洗灰心, 我小朋友2歲半先開始行,但仲未穩, 2歲入s位讀咗2年出去讀普通幼稚園, 衣家讀梗主流小學啦:, 我果時送天送佢返學, 上堂前幫佢做30分鐘運動, 每次學校要家長出席, 我都一定去, 所以放多d時間係小朋友身上, 日後一家有成績

作者: maggie814 時間: 14-9-3 18:20

銘豬媽發表於 14-9-1 22:16
你都好吖！最起碼知道係自閉譜系，我亞囡仍然未揾到原因，又係咩都唔識，行又唔得，語言又唔得。最近睇咗個 ...

今日去做言語治療，個姑娘話我仔係失用症，上網睇左資料但唔係好明⋯
你個醫師在佐敦的嗎？我都睇緊，希望有好轉啦～～

作者: helen_kam613 時間: 14-9-3 18:45

回覆 maggie814 的帖子

可否話我知你哋個醫師資料? 同埋佢係點醫? 食中藥?

作者: 誠媽 時間: 14-9-3 19:19 標題: 引用：仔仔三歲了,+到而家連爸媽都未識講,+行路又

原帖由 helen_kam613 於 14-08-31 發表
仔仔三歲了, 到而家連爸媽都未識講, 行路又未穩, 未識跑跳, 認知差, 玩具又未識玩.......上過好多物理治療, ...

我仔仔也是三歲幾先開始叫爸媽，而加四歲幾，講到句子了，出面上左一年私人S位，所以萬樣佳有可能，千萬別灰心，別比自己甘大壓力，大家一起加油！

作者: maggie814 時間: 14-9-3 19:44 標題: 引用：回覆+maggie814+的帖子可否話我知你哋個

原帖由 helen_kam613 於 14-09-03 發表
回覆 maggie814 的帖子

可否話我知你哋個醫師資料? 同埋佢係點醫? 食中藥?

我個醫師係佐敦岑醫師針灸的，有需要我pm資料俾你

作者: taylortse 時間: 14-9-3 19:55 標題: 引用：仔仔三歲了,+到而家連爸媽都未識講,+行路又

原帖由 helen_kam613 於 14-08-31 發表
仔仔三歲了, 到而家連爸媽都未識講, 行路又未穩, 未識跑跳, 認知差, 玩具又未識玩.......上過好多物理治療, ...

我個仔同你個仔差唔多，兩歲先學行，四歲先講野，到而家差唔多六歲，都重係認知差，感統有問題，大小肌肉較弱，而家都未認到顏色，我到而家都未揾到係乜野問題，評估話佢整體發展遲緩兩年，上左私人訓練都有一段時間，但後期阿仔對上堂好明顯抗拒，所以改為我自己日日教，我教佢1至10教左佢整整兩年，一直無起息，跟住我打電話比智能中心同姑娘講話好擔心阿仔，因為佢連基本數字都認唔到，心理醫生建議提早做入小學評估，不過只限認字，結果係輕度，不過出年二月會做多次，返到屋企我喊，可能阿仔見到，第二日阿仔同我講'媽咪，其實我已經識'，結果真係識，跟住再教佢中文字，呢半年有明顯進步，雖然都係慢，但我已經好開心

作者: helen_kam613 時間: 14-9-3 22:09

回覆誠媽的帖子

咁你仔仔而家返緊咩嘢?希望我個仔都可以快些識叫我一聲媽媽, 嗚嗚嗚....

作者: helen_kam613 時間: 14-9-3 22:10

回覆 maggie814 的帖子

好呀, pm 我吖, 萬分感激

作者: helen_kam613 時間: 14-9-3 22:13

回覆 taylortse 的帖子

咁其實佢係咪什麼都識, 只係唔出聲咋?

作者: 誠媽 時間: 14-9-3 22:42 標題: 回覆：helen_kam613 的帖子

剛剛開始返緊S位，因為巨兩歲九個月評古，個時完全唔會講，行路又差，一出門口要抱，無眼神，感㓍又差，見到樓梯又哭，公園完全抗巨，正所謂無樣得，雖然而加差不多追上同年齡的，精神科醫生也說叫讀I位，但我為左巨第日上主流跟得好些，我都係決定比巨去S，起碼巨地的團隊係對自閉小朋友最專業些

作者: 波蘿包1 時間: 14-9-3 22:43 標題: 回覆：helen_kam613 的帖子

有無排早期訓練？有無做過智能評估？

作者: 誠媽 時間: 14-9-3 22:43 標題: 引用：回覆+誠媽+的帖子咁你仔仔而家返緊咩嘢?

原帖由 helen_kam613 於 14-09-03 發表
回覆誠媽的帖子

咁你仔仔而家返緊咩嘢?希望我個仔都可以快些識叫我一聲媽媽, 嗚嗚嗚....

剛剛開始返緊S位，因為巨兩歲九個月評古，個時完全唔會講，行路又差，一出門口要抱，無眼神，感㓍又差，見到樓梯又哭，公園完全抗巨，正所謂無樣得，雖然而加差不多追上同年齡的，精神科醫生也說叫讀I位，但我為左巨第日上主流跟得好些，我都係決定比巨去S，起碼巨地的團隊係對自閉小朋友最專業些

作者: maggie814 時間: 14-9-3 22:52 標題: 引用：Quote:原帖由+helen_kam613+於+14-09-03+發

原帖由誠媽於 14-09-03 發表
剛剛開始返緊S位，因為巨兩歲九個月評古，個時完全唔會講，行路又差，一出門口要抱，無眼神，感㓍又差，見 ...

即是上左一年私人S位，現在政府S位？可pm我邊間私人S位嗎？小朋友有冇讀過主流幼稚園？

作者: taylortse 時間: 14-9-3 23:18

helen_kam613 發表於 14-9-3 22:13
回覆 taylortse 的帖子

咁其實佢係咪什麼都識, 只係唔出聲咋?

我又唔覺得佢係識，因為佢之前成日發呆，其實佢話識果陣佢有上感統堂，可能有D關係

作者: helen_kam613 時間: 14-9-5 22:34

回覆波蘿包1 的帖子

之前有排過, 但中途轉了 S 位了

作者: Olympian 時間: 14-9-7 09:50 標題: 引用：Quote:原帖由+helen_kam613+於+14-08-31+發

原帖由 taylortse 於 14-09-03 發表
我個仔同你個仔差唔多，兩歲先學行，四歲先講野，到而家差唔多六歲，都重係認知差，感統有問題，大小肌肉較 ...

好感動。可能你個仔唔想你傷心所以發。

最近都見有兩個小朋友五歲才開口，現在慢慢進步，大家努力。

作者: 已刪除用戶 時間: 14-9-7 16:44 標題: 回覆：求........發展遲緩仙丹

靈丹妙藥就係改變自己心態

相信天生我才，小朋友每一個都係獨立個體，有自己長短處，要贏人先要贏自己，謹記每一日都比昨日進步，共勉之

作者: myemmie 時間: 14-9-8 02:44 標題: 引用：Quote:原帖由+誠媽+於+14-09-03+發表剛剛開

原帖由 maggie814 於 14-09-03 發表
即是上左一年私人S位，現在政府S位？可pm我邊間私人S位嗎？小朋友有冇讀過主流幼稚園？

...

我囝囝而家三歲半，上咗一年私人言語治療都好似冇乜大進步。而家返K1，真係好明顯比其他小朋友差好多！我唸緊究竟係咪repeat對佢好D呢，定係讀S位好呢？我都想知私人S位嘅資料！！可否PM埋比我！

作者: helen_kam613 時間: 14-9-8 08:24

PM 咗比你哋了

作者: maggie814 時間: 14-9-8 09:58 標題: 引用：回覆+Destination121+的帖子其實我之前都

原帖由 helen_kam613 於 14-09-02 發表
回覆 Destination121 的帖子

其實我之前都有聽過話介奶, 但我個仔無咗支奶真係會嘈到呢, 而且瞓唔到覺, 所 ...

可以check左先決定介唔介奶，平平地我見groupxx都有，不過就check既野少d，最緊要問下係咪包快同慢反應，我仔快個個冇事一，慢個個中晒

圖片附件: myphoto.jpg (14-9-8 09:58, 123 KB) / 下載次數 97
/forum.php?mod=attachment&aid=MzIzMzJ8OTQ1NTI1YTB8MTc2ODgyNDA1Mnww

作者: nicolelaulau 時間: 14-9-9 00:37 標題: 回覆：maggie814 的帖子

只適用於10歲以上

作者: helen_kam613 時間: 14-9-9 23:35

回覆 nicolelaulau 的帖子

Oh......

作者: idak 時間: 14-9-11 00:48 標題: 回覆：求........發展遲緩仙丹

你做果d我差不多都有做，除咗針灸、髗底同香薰唔敢！我連求神都有試過。我發現對囡囡最有效的，就係我同爸爸帶佢去玩，每次都有好大進步，連我C6都覺，可能我個女鍾意玩，我會話如果你做得好儲夠貼紙有得去海洋公園。希望你都揾到有效的方法教小朋友！

作者: feipow 時間: 14-9-11 19:53 標題: 引用：我大孖31個月大，爬都未識，都唔好講企呀行

提示: 作者被禁止或刪除內容自動屏蔽

作者: helen_kam613 時間: 14-9-11 22:01

回覆 idak 的帖子

佢認知差, 未識同我講數, 如果識我就開心死了, 唉....,

作者: idak 時間: 14-9-11 23:03 標題: 引用：回覆+idak+的帖子佢認知差,+未識同我講數

原帖由 helen_kam613 於 14-09-11 發表
回覆 idak 的帖子

佢認知差, 未識同我講數, 如果識我就開心死了, 唉....,

我係自己畫格仔，寫1一10，到10就有禮物圖案，日日同佢講，如去廁所後記得洗手，就比佢自己貼張貼紙，再同佢講叻有貼紙獎，到儲夠10張，就指d貼紙同10有禮物，再講多次好叻，跟住去買禮物。

作者: kkcandy04 時間: 14-9-22 06:40

我個仔兩歲多剛可以自己行, 但其他咩都唔識, 成日發呆, 有時真系唔知點做好.
最慘一對住佢講野, 佢一系走左去, 一系訓地....家人(除左老公)又唔明白, 成日話我唔教佢

檢測食物致敏源有用嗎? 我以為是自閉先會?

作者: taylortse 時間: 14-9-22 10:00 標題: 引用：我個仔兩歲多剛可以自己行,+但其他咩都唔識

原帖由 kkcandy04 於 14-09-22 發表
我個仔兩歲多剛可以自己行, 但其他咩都唔識, 成日發呆, 有時真系唔知點做好.
最慘一對住佢講野, 佢一系走左 ...

發呆可以去做感統訓練，會好大改善

作者: Chikane123 時間: 14-9-25 21:13 標題: 回覆：WinryRockbell 的帖子

有無睇私家醫生?唔好淨係依賴政府醫生,聽多幾個醫生意見

作者: Tracymom 時間: 14-10-3 17:08 標題: 回覆：求........發展遲緩仙丹

好明白樓主心情，有時真係好沮喪，频撲到自己病了發燒響庥動不了，但個女不懂事還用頭撞你打你,那個moment真係想放棄一了百了。不過好翻之後米一樣繼續努力。。互勉

作者: helen_kam613 時間: 14-10-3 22:20

好耐無上嚟了, 呢排忙得要死, 又忙大嗰個, 又忙細嗰個, 又忙公司, 總之就係兩個字 "忙死".....
你哋啲小朋友怎樣? 有無咩嘢進步可以分享吓 ?

作者: loveyourbabies 時間: 14-10-4 21:15

妙藥只有一種﹕由滴水穿石的忍耐和不求回報的愛混成。有了它，你不會怕天天幫孩子訓練、時時教導小孩如何生活在這世界上。

智慧是生活經歷的累積，努力豐富他們吧！加油

作者: free_style 時間: 14-10-8 23:01

helen_kam613 發表於 14-10-3 22:20
好耐無上嚟了, 呢排忙得要死, 又忙大嗰個, 又忙細嗰個, 又忙公司, 總之就係兩個字 "忙死".....
你哋啲小朋 ...

試下生物療法，幾有用。我兩個小朋友都正戒口，一個是發展遲緩加自傾，戒口三年了，剛上小一，各方面追返大半。另一個是專注不足，戒口效果都幾好，由歪皮仔變返小天使。

作者: 王王爸爸 時間: 14-10-9 00:28 標題: 回覆：idak 的帖子

Agree!

作者: lovly_family 時間: 14-10-21 00:02 標題: 回覆：求........發展遲緩仙丹

唉！我都不敢想像日後既路....
我而家個人無哂方向，都唔知應該點做！
只係每星期返醫院做PT，其他既完全唔知點安排！

細細11個月，頭圍細，醫生話佢發展遲緩，已安排做智能評估，但要等9個月先可以見醫生，我想早d知佢問題，要排位都可以早d排呀！
有無媽媽可以話我知下一步點做？

作者: Mpok 時間: 14-10-30 16:03

樓主你並不孤單~
我個女啱啱過咗23個月都未識放手行, 歲零評估係發展遲緩. 宜家持續做緊政府物理/ 職業治療, 慢慢進步中.

共勉之

作者: 波蘿包1 時間: 14-10-30 22:54

回覆 lovly_family 的帖子

有無問醫生點解頭圍細係咪基因問題？頭圍細會影響發展？
有無睇長沙灣check基因？

作者: lucinang1130 時間: 14-11-9 13:57 標題: 回覆：求........發展遲緩仙丹

add oil mum

歡迎光臨教育王國 (/)