教育王國

標題: 有關朗思Think 幼稚園 [打印本頁]

作者: Lawp 時間: 14-8-27 10:54 標題: 有關朗思Think 幼稚園

小朋友而家讀緊朗思pn班。但直到目前都日日話唔番學。而我到目前唯止又未覺得呢間學校有咩優點。想睇下有無讀緊k1既學生。可以話我知多啲有關呢間學校既野。thanks

作者: Sachr.baby 時間: 14-8-27 11:27

本帖最後由 Sachr.baby 於 14-8-27 11:28 編輯

理論上呢樣係唔多關間學校事, 特別係PN班, 好多時喊1-2個月話唔返學簡直係家常便飯. 如果小朋友KEEP到3-4個月都依然唔想返學, 你就真係要考慮下呢間學校係咪適合你既小朋友.

作者: Dior8 時間: 14-8-27 12:36

Lawp 發表於 14-8-27 10:54
小朋友而家讀緊朗思pn班。但直到目前都日日話唔番學。而我到目前唯止又未覺得呢間學校有咩優點。想睇下有無 ...

我小朋友9月B 都將會返朗思, 8月返左兩日試堂都喊到拆天, 不停哭求離開班房, 我都好擔心唔知佢會喊幾多個月......

作者: ipadress 時間: 14-8-27 20:55

提示: 作者被禁止或刪除內容自動屏蔽

作者: OmOm 時間: 14-8-27 21:19 標題: 回覆：有關朗思Think 幼稚園

你係邊間吖？
我仔今年pn,頭2日陪無哭，但一分離第1日哭到豬頭，每個小朋友都需要時間適應，而家阿仔開學差不多2星期，都好開心要返學，仲唱學校d歌。

作者: dotty6 時間: 14-8-28 04:48 標題: 回覆：有關朗思Think 幼稚園

我小朋友將升K1，好喜歡返學喎。整個pn開心到不得了。小朋友返pn梗要適應啦，喊係普通嘢，每個小朋友適應亦不同。家長要信任老師，多溝通!我記得頭一個月老師與家長聯絡幾密。但小朋友較適應你會少收班主任電話。我初初都緊張架，我會主動聯絡學校問。

作者: esmetam67 時間: 14-8-28 10:43

which branch does ur kid go

作者: 1105sad 時間: 14-8-28 10:59

囡囡都番左Laguny City Think 2星期學, 佢好開心喎, 回家有唱下歌仔,佢係細女, 未介片, 反而番左學唔肯坐toilet bowl, 反而想知佢地d ee唔佑好唔好, 會否好惡

作者: esmetam67 時間: 14-8-28 11:25

回覆 1105sad 的帖子

my gal studied PN at Laguna b4, the EEs there are nice. No worry.

作者: 1105sad 時間: 14-8-28 14:06

回覆 esmetam67 的帖子

Thx! 咁我無咁擔心

作者: nnjane 時間: 14-8-28 14:22

回覆 Lawp 的帖子

pn班這種情況好正常，我個女當初頭1個月走到門口就說不想去學校，頭半年接放學的時候看她表情好嚴肅。後來上學開心得不得了，放學都連蹦帶跳的。這個還是和孩子的性格有關，像我個女就屬於比較慢熱型，要適應半年時間。不過經常和老師溝通是必要的，瞭解還在在學校的情況是怎樣的。

作者: dotty6 時間: 14-8-29 03:11 標題: 回覆：有關朗思Think 幼稚園

我個囡都係返LC Branch.我估ee應ok呱，冇聽個囡complain

好欣賞老師主動提出表示幫個囡戒片，試過冬天時個囡又瀨番尿(後來老師講嫌厠板凍)，工人姐姐幫佢著番片返學(我唔知架)，老師致電通知我，仲好nice叫我不要放棄同唔好返轉頭。講真，學校當然冇完美，有不足地方，欣賞多D做得好嘅地方，咁家長會安心同開心D。小朋友返到學，有得食，有得玩，簡直開心啦。Think 可能唔係個別家長杯茶，但對大部份小朋友黎講(至少我認識的)，都真係過左過好愉快的pn...

作者: yyshiu 時間: 14-8-29 09:41

我囝囝又係今年返PN, 8月頭兩日有家長陪都喊左5分鐘，之後自已返學老師話一入課室都有5分鐘想喊想喊要老師呵。不過過了兩星期小朋友熟悉了環境、老師及照顧他的嬸嬸後，都感到他返學係開心，因為回家有講玩車，食茶點及唱歌，問佢鍾唔鍾意班主任，佢都答鍾意。
老師頭一兩星期都時常打來報告小朋友在學校的情況，老師話之後至少一星期一次；接放學時門口D嬸嬸都開始認得小朋友及主動同家長講返小朋友去廁所情況。所以暫時我覺得老師及嬸嬸們都係好有愛心，有交帶。

作者: NockyNg 時間: 14-9-1 09:40 標題: 回覆：Lawp 的帖子

老師同學校嘅ee 都好有愛心架（我個仔係麗港城分校畢業生）

作者: PandaWhite 時間: 14-9-7 00:52

我都留意緊呢間學校，佢哋d畢業生係咪升直九龍塘間國際小學?

作者: NockyNg 時間: 14-9-7 18:09 標題: 回覆：PandaWhite 的帖子

不一定，直資也有很多

作者: lawrainbow 時間: 14-10-24 11:33

回覆 Lawp 的帖子

我個仔讀緊,老師無心機教,校長成日黑面,RECEPTION無禮貌,成日SELL我轉讀全日制

歡迎光臨教育王國 (/)