教育王國

標題: 如果間小學好多老師走,係咪代表有好大問題??? [打印本頁]

作者: sora2013 時間: 14-8-26 23:11 標題: 如果間小學好多老師走,係咪代表有好大問題???

同朋友一齊研究緊揀咩小學,發現有幾間心水學校既老師流失率好高,幾乎每一兩年就走一半人,係咪代表學校WORKLOAD好重？或者唔係好學校呢？

作者: doll_fish 時間: 14-8-26 23:24

有時好好的學校,例如英X,以前鄧校長時代的呂明X,每年都好多人走,後者在初轉新校舍加全日制的學年,很多人走,報紙都有賣.原因是活動好多,教學工作很重,而人手又有限(尤其津校),做到PA 低,又或者個老闆D要求好惡頂.咁米多人走.但由於學校有佢優勝之處,而且學生多到可以選擇,家長的支援又夠,就算走好多老師,請很多新人,也不怕影響學生學業,因為有家長支援. 我識有人在英X教,佢話做到傻,家庭時間又少,但學生讀得開心. 我覺得也很看老師是否同老闆的要求及口味夾唔夾,你頂唔頂得住你老闆.

作者: iamcute_lala 時間: 14-8-26 23:34

樓下講緊都有好多, 今年聽講有成十個走, d人咪又係仆到去報...

作者: 爸爸愛您 時間: 14-8-27 00:27 標題: 回覆：如果間小學好多老師走,係咪代表有好大問題

其實都唔緊要嘅

作者: little_yolky 時間: 14-8-27 09:17

sora2013 發表於 14-8-26 23:11
同朋友一齊研究緊揀咩小學,發現有幾間心水學校既老師流失率好高,幾乎每一兩年就走一半人,係咪代表學校WORKL ...

如果係幼稚園我就唔會揀呢間學校, 如果係小學, 有得揀我都唔會揀, 無得揀就無辦法。老師走成一半人, 唔理workload重唔重, 但咁多新老師, 老師要重頭適應學校新環境, 新文化, 我唔想小朋友做白老鼠, 尤其係高年班。

作者: HaYi 時間: 14-8-27 09:49

有D老師好易被人挖去神校, 都是一個因素,

作者: crispin 時間: 14-8-27 10:33

我同個教師朋友傾過
呢個未必同workload有關，而係個阿頭諗嘅嘢work 唔work
即係佢向家長講到天花龍鳳，其實執行上有無問題，結果係咪預期
如果唔work，老細會點？擺人上枱？
大家唔好諗嗰度係一間學校，只要諗成係一間中小型公司
校長係靈魂人物

最後，朋友話，嗰d新派直資d老師唔太穩定，多數係老細理念/方法唔work！

作者: Tigerpooh 時間: 14-8-27 10:47

我記得以前讀書時, 有一年我班個數學老師, 一個學期換左3個, 攪到我地都唔知點算好, 教極都教唔晒, 進度好差
所以我都覺得成日換老師係對小朋友非常唔好的

作者: silvia_ng 時間: 14-8-27 11:38

今年學校都多老師走呀, 唔好彩仔仔個班主任因身體有事要走, 另一個老師因想生BB (因年紀都唔細)而停職, 有個好似要跟老公/男朋友離開香港, 我知係呢幾個既REASON啦! 其他唔識既就唔知了。不過有時我諗唔一定係老師自己走, 而係做唔到學校要求而被請走

(津校難D, 直資/私校唔係行公積金果套麻)

作者: mimics218 時間: 14-8-27 11:46

提示: 作者被禁止或刪除內容自動屏蔽

作者: 喜樂果子 時間: 14-8-27 11:56

如以你講既情況都好嚴重, 講真我地真係無可能知道真正既原因既全部, 但好肯定間學校既行政好有問題, 同時如學生O係咁既情況下讀書都會好無安全感同歸屬感, 進度都會有一定既問題. 比我唔會考慮呢D學校.

幾乎每一兩年就走一半人, 呢個數目真係唔少, 而且持續係咁就真係有好大問題

作者: silvia_ng 時間: 14-8-27 12:08

喜樂果子發表於 14-8-27 11:56
如以你講既情況都好嚴重, 講真我地真係無可能知道真正既原因既全部, 但好肯定間學校既行政好有問題, 同時如 ...

應該唔會咁誇張, 兩年內走成半掛?! 小學概覽都會有顯示老師年資, 教左幾多年既%睇到呢。

作者: 喜樂果子 時間: 14-8-27 12:12

silvia_ng 發表於 14-8-27 12:08
應該唔會咁誇張, 兩年內走成半掛?! 小學概覽都會有顯示老師年資, 教左幾多年既%睇到呢。 ...

我都覺得有D誇張, 不如樓主開名, 等大家幫你查證下, 同埋睇下有無讀緊既家長可以講下實際情況啦

作者: 已刪除用戶 時間: 14-8-27 12:45

iamcute_lala 發表於 14-8-26 23:34
樓下講緊都有好多, 今年聽講有成十個走, d人咪又係仆到去報...

成十個, 咁total幾多先?
以我仔果間為例, 老師係合約制, 全職都68個, 仲有單元又十幾個, 仲有part time, 其實個base真係好大
net就不嬲都轉得快, 無辦法, 成個市場都係咁, 所以net越多, 流動就越大, 正常的 (咁本地學校福利係及唔上國際學校架喇)
近年除左net, 普教中老師一樣有挖角潮

就以上原因, 新派直資staff turnover高, 已經解釋到一大部分

另一原因, 亦因為新派直資工作特別繁忙, 又校本, 要review教學法, 教材, 過一二年又轉教材, 又話要e-learning, 功課又唔死板即係要份份睇(比起我地細個全部做mc拎張紙挖個窿一對就攪掂), 另一方面, 又要面對現實(升中, TSA, 呈分), 總有老師頂唔順的, 又未必關老闆事 (咁老闆總有難頂的)

作者: sora2013 時間: 14-8-27 18:02

多謝各位既意見...

其實都係同朋友一齊研究緊,最後朋友都係決定搵D老牌既學校,貪佢老師穩定,就算有老師變動,都唔會走咁多人

我就仲諗緊...

作者: sora2013 時間: 14-8-27 18:05

回覆喜樂果子的帖子

已經決定唔會揀,因為朋友知道校風唔好同多雙非,即刻DELETE

費事開名

作者: Yanamami 時間: 14-8-27 18:22

sora2013 發表於 14-8-27 18:05
回覆喜樂果子的帖子

已經決定唔會揀,因為朋友知道校風唔好同多雙非,即刻DELETE

可能就喺因為多雙非，難教，所以走禁多老師。

作者: sora2013 時間: 14-8-27 18:28

回覆 Yanamami 的帖子

我有老師朋友教雙非,教到想死...

作者: 喜樂果子 時間: 14-8-27 19:02

sora2013 發表於 14-8-27 18:05
回覆喜樂果子的帖子

已經決定唔會揀,因為朋友知道校風唔好同多雙非,即刻DELETE

多雙非真係難搞

作者: sora2013 時間: 14-8-27 20:24

回覆喜樂果子的帖子

所以多雙非既學校都咪搞...............

不過北區同大埔真係冇得揀

作者: genpub 時間: 14-8-27 21:24

Usually those popular primary schools in the eyes of parents will have higher turnover rate. Parents' dream schools are usually the nightmare for teachers.

作者: 喜樂果子 時間: 14-8-28 10:58