教育王國
標題: 如果坐隔離嘅小朋友打人你會點做？ [打印本頁]
作者: Aphrodite 時間: 14-8-26 20:28 標題: 如果坐隔離嘅小朋友打人你會點做？
第一日返適應班，BB隔離位個小朋友好活躍。係媽咪同老師都喺度嘅情況下，有兩個小朋友比佢打到，一個仲嚇到喊咗好耐。講真有啲擔心無家長跟時會點。我個B好老實，仲要坐正佢隔離。
作者: hoihoima 時間: 14-8-27 09:09
回覆 Aphrodite 的帖子
第一日打人又唔代表日日都會打人，唯有多D同小朋友傾計，瞭解學校的情況。同埋教小朋友被同學打要話比老師聽，經常發生的話，家長就要要求調位了。
作者: twk005 時間: 14-8-27 10:12 標題: 回覆：Aphrodite 的帖子
甘打人b個媽咪有咩反應？如果佢有即時stop佢個b, 有教佢甘樣唔啱架，可以接受同會比過度期。
作者: victoryu19 時間: 14-8-27 10:32
let the kids try to settle by themselves
having a third party handle things for them might not be a good idea. Try to let them deal with it in their own way.
作者: crispin 時間: 14-8-27 10:48
呢d嘢要睇老師點處理，唔到家長擔心
況且，小朋友一定會有肢體碰撞，如果嗰位小朋友只係郁手但唔大力，而老師見到會教，我唔會放响心
N班第一日，小朋友未識啫，俾d時間老師教啦
作者: minimami 時間: 14-8-27 16:46
本帖最後由 minimami 於 20-5-7 12:12 編輯
Deleted
作者: Aphrodite 時間: 14-8-27 18:30 標題: 回覆：minimami 的帖子
唔該哂樓上各位先！個小朋友媽咪喺度，第一個喊咗之後佢都未趕得切反應經已打咗第二個，跟住佢攬起個小朋友講:同你講咗架喇唔好打人！咁第二個喊嘅小朋友媽咪好嚴肅咁同打人小朋友講:我同你講，唔可以打人！跟住老師過來要打人小朋友講Sorry.
今日又喊咗一個，同埋老師叫小朋友起身嗰陣我個B唔肯郁，佢即刻來大力推佢個頭。我都明兩歲小朋友應該冇惡意，不過就係有啲擔心阿B會比人打
作者: 小鼠 時間: 14-8-27 19:08 標題: 引用：唔該哂樓上各位先！個小朋友媽咪喺度，第一
原帖由 Aphrodite 於 14-08-27 發表
唔該哂樓上各位先！個小朋友媽咪喺度，第一個喊咗之後佢都未趕得切反應經已打咗第二個，跟住佢攬起個小朋友 ...
作者: apple_love 時間: 14-8-27 20:04 標題: 引用：唔該哂樓上各位先！個小朋友媽咪喺度，第一
原帖由 Aphrodite 於 14-08-27 發表
唔該哂樓上各位先！個小朋友媽咪喺度，第一個喊咗之後佢都未趕得切反應經已打咗第二個，跟住佢攬起個小朋友 ...
作者: Aphrodite 時間: 14-8-27 20:13 標題: 回覆：apple_love 的帖子
仲有兩日
作者: Aphrodite 時間: 14-8-27 20:20 標題: 回覆：小鼠 的帖子
我諗係因為打人小朋友嘅媽咪太溫柔。我個B未比打過都未打過人，今日比人推好似唔明發生咗咩事，所以我先擔心。不過宜加好似冇咩辦法，惟有再觀察下
作者: darichie 時間: 14-8-27 23:59 標題: 回覆：victoryu19 的帖子
Agree
作者: pokey 時間: 14-8-28 13:05 標題: 回覆：如果坐隔離嘅小朋友打人你會點做？
其實啲幼稚園學生每日都會發生呢類一下半下的打人事件，你唔駛太擔心啦！亦冇得擔心咁多！
佢地一緊張就可能會出手，最緊要大人在家自己教唔可打人，或畀人打就要避開及嗌唔好。
如到高班都仲打人嗰啲，係有行為問題，老師會同家長連絡叫佢去做評估。
作者: hello365 時間: 14-9-4 09:51 標題: 回覆：victoryu19 的帖子
Agreed
作者: megwong1 時間: 14-9-4 14:44
我小朋友剛返n, 老師頭先好唔好意思咁打比我, 話我小朋友玩車時, 有另一小朋友又去攞黎玩,結果果個小朋友郁手,我阿b條頸至心口一大條長但唔算深傷痕! 阿b喊左一分鐘, 話”驚驚”, 之後老師安慰後就無事了! 學校打完比我報告仲sent 埋email 連相, 見張相影得笑晒口, 雖然傷痕好長, 但覺得應該無咩問題, 小朋友碰撞小小損傷實有! 每間學校總有技安 / 大雄………
| 歡迎光臨 教育王國 (/) |
Powered by Discuz! X1.5 |