教育王國

標題: 4.5歲初學小提琴,真心想問上幾多堂先會教拉琴? [打印本頁]

作者: Elmo_MaMa 時間: 14-8-25 10:46 標題: 4.5歲初學小提琴,真心想問上幾多堂先會教拉琴?

女兒4.5歲,主動話要學小提琴,平時,佢會自己去彈鋼琴,睇譜唔太叻,主要靠記音,識數拍子,但無正式學過琴

去琴行上左兩堂小提琴, 第一堂,介紹小提琴結構,教拎弓, 第二堂,教樂理,我見小朋友開始想瞓(講左15分鐘有多),我提老師,小朋友其實識少少,老師話唔知小朋友識幾多,所以由頭開始教

.....我再提議不如教返拎弓,因上堂教完,小朋友唔知仲記唔記得....於是老師教返拎弓,過一陣,好快就夠鐘落堂,上左兩堂都未拉,小朋友(同我都)有少少失望

我未學過小提琴,朋友提議我請老師下堂拎埋佢自己部琴來,拉一兩首卡通片歌俾小朋友聽,等小朋友唔好悶到瞓著,想問這個要求是否好過份?

我提左老師小朋友專注力有限,齋講樂理應該唔明,但我又唔想太怪獸,想問學小提琴係唔係真係咁?

我知只上左兩堂,大家都要時間適應,所以會先同老師講,未諗住同琴行講,亦未諗要轉老師.

作者: lillymarie 時間: 14-8-25 11:07

我記得囝囝學小提琴第一堂學夾琴，回家練習怎樣用個頭夾琴唔使靠手去托。第二堂拉空弦。

如果一位老師要由家長去教他怎樣教學生，那不如轉過另一位老師，會否好些？

作者: Elmo_MaMa 時間: 14-8-25 11:17

因為我唔知係唔係真係要咁學,如果真係要咁,轉另一位老師情況都會一樣.

未教夾琴,老師話我要買個肩托,咁我叫老師代買,因為我驚買錯,但第二堂,老師唔記得左拎來,所以又教唔到.

作者: lillymarie 時間: 14-8-25 11:46

我囝的小提琴老師是一上課就拉，做多過講。在琴行學，無肩托，為何不立即在琴行買一個？下一堂若再忘記你怎樣辦？對4歲半小朋友講十幾分鐘樂理，會否經驗不足？

我囝第一堂到老師家上課，她教囝囝夾琴，教我怎樣照顧小提琴，怎樣幫支弓搽松香，替我們把琴調好音試琴聲，又借肩托給囝囝用，介紹我到那裏買。咁樣就過咗30分鐘。

如果我是你，我會找另一位老師。

作者: EduKing 時間: 14-8-25 12:28

提示: 作者被禁止或刪除內容自動屏蔽

作者: satinku 時間: 14-8-25 13:54 標題: 回覆：4.5歲初學小提琴,真心想問上幾多堂先會教拉琴?

我囝囝都係5歲開始學，係我爸爸自己教。一邊學拉一邊教基本樂理。一講得多佢就悶。因為我囝囝專注力差。唯有逐D逐D教。

作者: hagupit 時間: 14-8-25 14:04

回覆 Elmo_MaMa 的帖子

比你參考吓進度:
小朋友都係大約4.5歲學小提琴, 第一堂教點扲琴和弓, 教了4條弦係咩音, 拉空弦。第2和第3堂分別教了B和C音位置，第4堂小朋友已話悶唔想學, 點知第4堂老師就用A、B和C三個音教了拉 Mary have a little lamb, 學拉了第一首歌仔, 小朋友冇再話悶, 之後一路教新音, 學左5個月識拉好幾首歌仔 -- Jingle Bells、小蜜蜂、Ode To Joy、Twinkle Twinkle Little Star。小朋友依家都鍾意學小提琴。

作者: 四隻貓 時間: 14-8-25 14:14

如果照正0甘去教小提琴/弓/弦既構造+夾琴持弓, 係悶0架. 但呢d野真係重要既, 小提琴唔似鋼琴, 唔會一彈個音就出到. 小提琴初學時, 夾琴持弓未得, 拉既聲真係叫耳朵受罪.

我女第一位老師第一堂係快速介紹下夾琴, 持弓同弦線既名, 之後就俾我女拉空弦,任佢拉, 所以我女拉得好開心, 但姿勢同弓法都亂來的.
後來轉左老師, 這位老師第一堂主要教夾琴同持弓正確姿勢, 教小朋友一些遊戲去練習夾琴同持弓, 另外快速講下小提琴/弓/弦既構造同名稱. 第二堂就練拉空弦, 全弓, 上半弓, 下半弓練習. 本來係悶既, 但老師當遊戲去教, 所以我女都肯練.

作者: Elmo_MaMa 時間: 14-8-25 14:47

多謝大家既意見同分享,咁如果我叫老師下堂帶埋自己部琴(我相信佢拉唔到我女部琴)來拉,示範一下,會唔會要求過份?

作者: heisun 時間: 14-8-25 15:10

hagupit 發表於 14-8-25 14:04
回覆 Elmo_MaMa 的帖子

比你參考吓進度:

請問可否分享一下這小朋友是在那裡學的?

作者: Elmo_MaMa 時間: 14-8-25 15:18

回覆 heisun 的帖子

琴行,不過老師應該唔係全職係琴行教,有學生先來教果種

作者: hagupit 時間: 14-8-25 15:46

本帖最後由 hagupit 於 14-8-26 10:53 編輯

heisun 發表於 14-8-25 15:10
請問可否分享一下這小朋友是在那裡學的?

我只係屋企附近細琴行學.

作者: EduKing 時間: 14-8-25 20:06

提示: 作者被禁止或刪除內容自動屏蔽

作者: Elmo_MaMa 時間: 14-8-26 10:02

請教空弦是什麼?

我會嘗試要求老師下堂唔好齋講樂理,叫佢拉首歌來示範,當俾多兩堂時間大家,如果都係唔夾,就會要求轉老師

作者: lillymarie 時間: 14-8-26 11:06

本帖最後由 lillymarie 於 14-8-26 11:11 編輯

Elmo_MaMa 發表於 14-8-26 10:02
請教空弦是什麼?

我會嘗試要求老師下堂唔好齋講樂理,叫佢拉首歌來示範,當俾多兩堂時間大家,如果都係唔夾, ...

小提琴有四條弦，由左至右，低音至高音，G，D，A和E弦。左手手指不按弦，用弓在弦上拉，就是拉空弦。

你請老師拉拉歌仔也是好的，可以聽聽老師拉得好不好聽。
我囝囝跟過兩位老師，一位上課時會用自己的琴和囝囝一起拉，一位就用囝囝的琴拉他學的歌作示範。

小心留意和聽聽老師拉得如何。這世上有些識講但唔係幾識拉的，我在youtube亦聽過一些自稱是老師但拉到走音的。

作者: Elmo_MaMa 時間: 14-8-26 11:12

lillymarie 發表於 14-8-26 11:06
小提琴有四條弦，由左至右，低音至高音，G，D，A和E弦。左手手指不按弦，用弓在弦上拉，就是拉空弦。

你 ...

好清楚,明白晒!

作者: toitoitoi 時間: 14-8-26 11:34 標題: 回覆：4.5歲初學小提琴,真心想問上幾多堂先會教拉琴

3歲一般四堂完成小星星，五歲有音樂底一般一至兩堂。睇小朋友接受能力。

作者: cowmoon 時間: 14-8-26 12:29

學琴必須要落手去拉 (practice) 才學得識，講樂理只是幫助明白，老師一定要落手示範小朋友才真正明白和學到。我會提議你轉老師。同琴行講，或者索性轉琴行。

作者: NewSnoopy 時間: 14-8-26 18:52 標題: 回覆：4.5歲初學小提琴,真心想問上幾多堂先會教拉琴

我係你就唔會跟佢學。

老師自己琴都唔帶，咁上咩堂？
一係佢可以用小朋友個琴照示範，做得老師，可以拉學生個琴

無肩托就唔開始好不可思議！無弓就拉唔到啫，無肩托唔係問題，怎可以浪費兩堂都唔拉吓空弦？揼波鐘？！

作者: NanaC 時間: 14-8-28 05:18

本帖最後由 NanaC 於 14-8-28 05:30 編輯

回覆 Elmo_MaMa 的帖子

我本身都教左8年小提琴，所以都可以分享下心得

其實一開始頭幾堂，老師都會教左最基本既揸弓，托琴，同埋拉空弦既姿勢
因為小朋友仲係4,5歲，都算係比教細，耐力同耐性都卸未算強當然偶爾都會遇到3歲小朋友學4堂就拉到小星星
除左係好天份好認真既小天才外
都好有可能係因為老師俾小朋友死記左指法拉左歌仔先
但就冇學習睇譜，手指認知等必要步驟

老師最好都係要跟番個別學生既進度一步一步教
有d老師甚至會教4條空弦教足幾個月先教新野，關鍵都係睇練完既進度。
有d空弦都未拉好就學歌最後首首歌都拉得半桶水。
一步一步黎小朋友會容易消化d,手部既肌肉都要時間去習慣同適應
基本功打得好日後再拉上去先會紮實
如果姿勢果d長期都執唔正，嚴重既仲會影響到身體既發育～

不過是否老師比較嚴令小朋友驚？
或者因為係房間上堂老師比較"hea"?
可以問下琴行可否俾家長係隔離陪住，
一黎小朋友會聽話d，家長又可以知道學左d咩番去提點小朋友
更重要係可以令老師好認真咁教
如果係悶或者惡既，可以提議老師用d有趣d既方式生動鬼馬咁樣講解
小朋友就會上得投入好多 :D

作者: Sindy 時間: 14-8-28 23:46

個個老師教法唔同, 你覺得佢唔夾你就轉老師啦

作者: Elmo_MaMa 時間: 14-8-29 11:56

同左琴行講唔想上堂齋教樂理,琴行話會同導師講,叫我睇多一堂,希望下堂有改善.

如果都係咁,我會要求琴行轉老師.我預左呢個月學費已倒出去.

作者: miss321 時間: 14-8-30 00:39 標題: 引用：我係你就唔會跟佢學。老師自己琴都唔帶，

原帖由 NewSnoopy 於 14-08-26 發表
我係你就唔會跟佢學。

老師自己琴都唔帶，咁上咩堂？

actually我朋友話教strings係唔使帶琴去上堂，好似教鋼琴都唔使2部琴一樣。

作者: cowmoon 時間: 14-8-30 09:19

本帖最後由 cowmoon 於 14-8-30 09:21 編輯

miss321 發表於 14-8-30 00:39
actually我朋友話教strings係唔使帶琴去上堂，好似教鋼琴都唔使2部琴一樣。

...

教鋼琴沒有兩部琴，但我囡的老師好多時會同囡一齊彈，佢彈高8度。一隻小提琴，要示範遞來遞去也夠浪費時間。所以如果老師想在教學時示範，一定會自己帶琴的，而且還可以齊奏呢。

作者: Elmo_MaMa 時間: 14-9-1 09:46

我見過我朋友個仔學CELLO,老師都有帶私家CELLO上門教,不過我無問係唔係因係小朋友要比賽,老師先拎琴同佢夾,好有可能只係我見到果堂先有拎琴

作者: Sindy 時間: 14-9-1 11:02

miss321 發表於 14-8-30 00:39
actually我朋友話教strings係唔使帶琴去上堂，好似教鋼琴都唔使2部琴一樣。

...

啱, 我女幾個提琴老師, 有D無帶琴, 有D有帶琴, 無帶琴果個最貴

, 學得最多野都係呢個階段, 有個價錢同名聲都緊次於呢個, 有琴係身, 因為去佢琴室, 可以同阿仔一齊拉, 又係另一番體驗... 都學到好多野, 所以各有各教法, 如果不認同既話, 有無琴都無用, 無琴一齊拉唔代表咩, 有琴一齊拉, 亦都唔見得一定好, 最緊要老師有料...

作者: pandora9874 時間: 14-9-7 16:30

提示: 作者被禁止或刪除內容自動屏蔽

作者: msay 時間: 14-11-10 18:58

提示: 作者被禁止或刪除內容自動屏蔽

歡迎光臨教育王國 (/)