教育王國
標題: 灣仔聖約瑟及華仁 [打印本頁]
作者: linhorma 時間: 14-8-22 11:54 標題: 灣仔聖約瑟及華仁
本帖最後由 linhorma 於 14-8-22 12:01 編輯
仔仔明年升小一, 昨天看到一個06年的舊POST, 話ST. JO好多功課, 時時做到好夜, 甚至有時多到家長幫小朋友做, 而且話如是working mum則一定好難跟...建議改選華仁...
我本屬意明年選St. JO, 但我兩公婆要返工, 睇完個POST都有啲擔心, 想問問有冇人知道ST. JO現時情況? 是否真的選華仁較佳?
煩請給予意見.. 謝謝
作者: loklokhui 時間: 14-8-22 12:07
如果華仁下午校,遲D會搬去北角
作者: 200709 時間: 14-8-22 13:01
我本身最鐘意華仁, 但佢好少位, 真係唔知搏唔搏....
作者: linhorma 時間: 14-8-22 13:04
200709 發表於 14-8-22 13:01 
我本身最鐘意華仁, 但佢好少位, 真係唔知搏唔搏....
我都係咁諗, 本來諗華仁, 但比起ST. JO真係少好多位, 我仲有個細仔, 所以諗ST. JO抽到機會大啲, 可以帶埋細佬入, 不過睇完話入到去勁多功課好辛苦, 又話好計較分數要9字頭先得, 但我又要返工跟唔到, 都唔知點算.
作者: linhorma 時間: 14-8-22 13:05
本帖最後由 linhorma 於 14-8-22 13:16 編輯
loklokhui 發表於 14-8-22 12:07 
如果華仁下午校,遲D會搬去北角
我知, 不過係咪書院會照收華下學生? 仍是直屬嗎?
作者: phoebehung 時間: 14-8-22 13:20 標題: 回覆:灣仔聖約瑟及華仁
提示: 作者被禁止或刪除 內容自動屏蔽
作者: i_love_pampers 時間: 14-8-22 13:35 標題: 引用:我本身最鐘意華仁,+但佢好少位,+真係唔知搏
原帖由 200709 於 14-08-22 發表
我本身最鐘意華仁, 但佢好少位, 真係唔知搏唔搏....
即上午校会keep返係wan chai??

作者: hkpapa852 時間: 14-8-22 13:41
華仁係上下午校一齊搬過北角再轉全日制, 直屬關係不變
作者: phoebehung 時間: 14-8-22 15:11 標題: 回覆:灣仔聖約瑟及華仁
提示: 作者被禁止或刪除 內容自動屏蔽
作者: linhorma 時間: 14-8-22 15:57
phoebehung 發表於 14-8-22 15:11 
你可以去st joe 個版面看,有近期2014的post 参考,標題: 功課 默書 測驗 考試。從該post 看st joe 看似不太 ...
好, 謝謝
作者: Obiepapa 時間: 14-8-23 01:36 標題: 引用:Quote:200709+發表於+14-8-22+13:01+我本身
原帖由 linhorma 於 14-08-22 發表
我都係咁諗, 本來諗華仁, 但比起ST. JO真係少好多位, 我仲有個細仔, 所以諗ST. JO抽到機會大啲, 可以帶埋細 ...
華仁競爭都不少,小三平均分八十七分都是中位數,如此成績到小六未必一定升到。

作者: eaubobo 時間: 14-8-23 11:37 標題: 回覆:灣仔聖約瑟及華仁
我朋友間有小朋友分別讀 St Jo和華仁。相對上,真的華仁輕鬆D。

作者: hkpapa852 時間: 14-8-23 11:45
唔啱聽都要講句: 都未入到,會唔會諗多咗?
作者: markBB 時間: 14-8-23 11:47
WY must be more relax, P3 kids can finish all homework within 1 hour. problem is it is half day school (up to this moment) so they have to make use of the leisure time to study more, since not much time for school teachers to teach them. As a result, how parents help the kids after school hours make huge difference in the future development of the kids.
作者: 爸爸愛您 時間: 14-8-23 12:51 標題: 回覆:灣仔聖約瑟及華仁
兩間都好勁呀,好難入

作者: annienorman 時間: 14-8-23 13:15 標題: 回覆:灣仔聖約瑟及華仁
不要被人嚇親……
不覺得st Joe輕鬆,但也不是太辛苦,功課一個小時內可完成,默書隔星期一次,考試有唒範圍,不會教淺考深……
如是working mom, 每一間傳統小學你都會感吃力,以盡快教導小朋友自動自覺做功課為上策,學校也是這樣鼓勵家長不要太過插手……
St Joe 程度適中,不會教深一年半年,老師有愛心盡責,有問題我會寫便條留言,老師亦會當日致電回覆,不覺得有不耐煩……

作者: plastic 時間: 14-8-23 15:38
回覆 annienorman 的帖子
同意。我個仔當年於St. Jo小學時仍然是返半日,小一至小三返下午班,放學回家已經是7點,我下班回家約8點食完晚飯8:30才睇功課。每晚9:30阿仔一定上床睡覺,所以他實際做功課時間應該不多過1小時。當然,我知道他有利用轉堂時間做部分功課,但每次轉堂只有約5分鐘。
作者: linhorma 時間: 14-8-23 23:05
annienorman 發表於 14-8-23 13:15 
不要被人嚇親……
不覺得st Joe輕鬆,但也不是太辛苦,功課一個小時內可完成,默書隔星期一次,考試有唒範 ...
謝謝你意見 😊
你都講得啱,其實任何一間傳統小學,對working mum來講都辛苦。
作者: linhorma 時間: 14-8-23 23:08
hkpapa852 發表於 14-8-23 11:45 
唔啱聽都要講句: 都未入到,會唔會諗多咗?
當然未必入到,但9月就要報自行,明年1月就要報大抽獎,我認為早點了解不同學校既情況,有助我作出選擇,111亦是叩門的重要因素。
作者: mcl203 時間: 14-8-23 23:19
linhorma 發表於 14-8-23 23:05 
謝謝你意見 😊
你都講得啱,其實任何一間傳統小學,對working mum來講都辛苦。
...
其實真係要睇番小朋友既性格/長處...有人讀得輕鬆...有人讀得吃力
又未必係一面倒....只係任何官津P5/P6有呈分...未係中上會不自覺地存在一定壓力~~~
作者: 爸爸愛您 時間: 14-8-23 23:35 標題: 回覆:灣仔聖約瑟及華仁
聖若瑟校舍好似比較舊少少咁

作者: sissysze 時間: 14-8-24 10:20 標題: 引用:Quote:hkpapa852+發表於+14-8-23+11:45+唔
原帖由 linhorma 於 14-08-23 發表
當然未必入到,但9月就要報自行,明年1月就要報大抽獎,我認為早點了解不同學校既情況,有助我作出選擇,11 ...
而家1-1-1 唔馨香架喇,有實力嘅,話之你 0-0-0, 叻就得...

作者: Jessy 時間: 14-8-24 12:11
如果你小朋友係自動自覺, 係叻既, 讀邊間都無問題啦, 但如果唔自覺要三吹四請, 教樣新野要解釋好多次, 又無記性等等就梗係唔好楝st jo啦, 日日在家開戰都似.
不過事實上華仁少位係難入過st jo.
作者: eaubobo 時間: 14-8-24 12:30 標題: 回覆:灣仔聖約瑟及華仁
如果想1-1-1,應該選華仁。
華仁會睇呢d誠意。

作者: annienorman 時間: 14-8-24 21:49 標題: 回覆:灣仔聖約瑟及華仁
老實說,去到叩門階段,冇實力冇人事冇關係,乜1-1-1-1-1都冇用……

作者: lugano 時間: 14-8-25 14:24
linhorma 發表於 14-8-22 11:54 
仔仔明年升小一, 昨天看到一個06年的舊POST, 話ST. JO好多功課, 時時做到好夜, 甚至有時多到家長幫小朋友做 ...
舊 Post 分享
http://www.edu-kingdom.com/forum.php?mod=redirect&goto=findpost&ptid=2401500&pid=35268111&fromuid=680719
http://www.edu-kingdom.com/forum.php?mod=redirect&goto=findpost&ptid=2658254&pid=37681547&fromuid=680719
兩間都係小弟 Dream School, 兩間都 equally good
幾年前揸 20 分, 同時喜歡華仁和聖若瑟,思前想後,最後自行計分階段報名當時還是 8 班的聖若瑟 ( 8 班 vs 2 班,感覺上,聖若瑟機會率大 D,但其實當一眾家長都係這樣想這樣報名,機會率咪又細左),阿仔都抽不到,最後有直資學校收,沒有參加中央大抽獎階段。
今天的聖若瑟改收 5 班全日,變相學位少左,無論自行階段或統一階段相對以往難入左。
華仁就分上下午班報名,又係驚買錯邊,報左多人報名那邊,加上聽聞今年上午校自行階段又破紀錄地超額 8 位,隨著出生率每年上升,將來兩校只會越來越難入。
對比港島區呢兩間多年互相視對方為宿敵的難兄難弟, 雖未致於男拔 vs 喇沙般世仇式競爭,但亦從公開試,學界運動,其他課外活動比賽,互相良性競爭。我覺得比來比去, 兩間都係差唔多..... 手頭上冇乜小學部數據, 小弟在幾年前選這兩校時做了很多中學部資料搜作,出過 Post 討論過兩所中學的留言, 現 copy and paste 於此, 可作另類參考
個人意見,港島區除了神級經典男校皇仁外,最好的男校就是香港華仁跟聖若瑟,兩間天主教學校都是港島區大熱,按 EK 資深家長 Khmama 分析都屬 Band 1 頭,入到其中一間都開香檳,從多角度去分析以下 criteria, 我覺得港華和聖若瑟差不多
(1) 學校歷史
(2) 過往成績
(3) 現今成績
(4) 校風
(5) 校譽
(6) 舊生社會成就
(7) 舊生 Network
(8) 辦學團體理念
(9) 對現校學生觀感
(10) 個人認識的舊生
====================
(1) 華仁和聖若瑟的微妙關係
特別有趣的是, 華仁和聖若瑟有一段特別的淵源, 相信在香港的傳統名校圈內都絕無僅有。創立華仁的徐老先生本身為聖若瑟舊生,他畢業後回到母校聖若瑟任教, 徐老先生最後辭職離開聖若瑟並先後於 5 年內創立兩間華仁, 未知是否種種原因,造就了兩校日後長期互相視對方為宿敵的文化傳統 ?
上一代老一輩的若瑟夫 (聖若瑟舊生的稱號) 視創立華仁為聖若瑟舊生的一種成就,因沒有聖若瑟,就沒有徐老先生這位校友,沒有徐老先生,就沒有今天的華仁,但當然耶穌會洋神父於 1932 年接手後默默耕耘亦厥功至偉。
講開兩間學校的神父和修士,其實佢地好老友,華仁耶穌會的神父大部份來自愛爾蘭 (如 Fr. Deignan, Fr. Coghlan, Fr. Mallin....etc) ,而聖若瑟喇沙會的修士亦大部份來自愛爾蘭 (如 Br. Thomas, Br. Patrick, Br. Alphonsus Breen....etc)。大家都是愛爾蘭天主教神職同鄉,相識香江幾十年,自然老友鬼鬼。
WahYan Story (From WYHK 官方網站)
http://web.wahyan.edu.hk/index.php/stories-of-wyhk
".... 徐仁壽先生生於1889年,祖籍五華人氏。其祖父為基督教會長老,父親任職教師。幼年隨父到香港生活,入讀聖若瑟書院,故篤信天主教.......四年後回到母校聖若瑟書院任教。1919年,徐仁壽毅然獨自創立華仁書院,其後更邀得舊同事林海瀾先生一同辦學。由於學校成績卓著,教育司批准華仁成為政府補助之華籍私人辦理之學校。1925年在九龍設分校......徐仁壽先生為何在事業巔峰的時候突然退休,把辦學權轉讓給耶穌會呢?原來是跟徐先生之教育理想息息相關的..... 預料由私人辦理的學校,勢難實現其最高之理想。為了教師和學生的福利,毅然將心血結晶,於1932年親手創立的華仁書院付予耶穌會接辦"...
另外,在聖若瑟的 Wikipedia 內亦有提及舊生徐老先生創立華仁的事蹟
http://en.wikipedia.org/wiki/St._Joseph%27s_College,_Hong_Kong
NotableAlumni: Academics
".....Mr.Peter Tsui Yan Sau (徐仁壽); former teacher of SJC, founded Wah Yan College, Hong Kong in 1919 and Wah Yan College Kowloon in1924....."
================
名校指標 -- 會考狀元紀錄 (1987 – 2010), 兩間學校又係差唔多
(2) 香港華仁會考狀元 18 名 (4 班會考班出戰)
http://zh.wikipedia.org/wiki/%E9%A6%99%E6%B8%AF%E8%8F%AF%E4%BB%81%E6%9B%B8%E9%99%A2
“……香港華仁於歷屆會考出了18位狀元…….”
1987年:盧俊佳
1989年:馮天麟(以九優生為當屆狀元,因當年全港未能有考生取得十優成績)
1990年:陳 彤
1992年:許志賢、黃偉強、何煒基(該年全港只有5位十優狀元)
1993年:馮志豪
1994年:何禮文、吳志強
1996年:田志豪、林祥智
1997年:王之明
2000年:蔡宗衡、葉文健
2001年:葉嘉揚
2005年:吳子健
2008年:鍾汶庭,是香港華仁書院第一個 8A25*(8科A等2科5*等)狀元
2010年:張柏朗,覆核成績成功後成為香港最後一名 8A25*狀元
(3) 聖若瑟會考狀元 16 名 (5 班會考班出戰)
http://zh.wikipedia.org/wiki/%E8%81%96%E7%B4%84%E7%91%9F%E6%9B%B8%E9%99%A2
聖若瑟於歷屆香港中學會考出產了 16 位狀元,成績輝煌,1987 年為首屆可報考十個科目,最後一屆會考為2010年。
4位狀元: 2002, 2010 (柯栢菱,柯嘉俊,戴樂天,陳俊登)
2位狀元: 2006 (白瑋璘,劉智豪)
1位狀元: 1998, 2000, 2004(周靈傑), 2007 (蘇逸軒), 2008 (孔祥發), 2009 (譚品堯)
=======================
(4) 最新學界運動成績
分享於 2013 年 6月出爐的 2012-2013 學界體育官方統計總成績表 Bauhinia Bowl Award ,香港華仁與聖若瑟兩間宿敵又係鬥得難分難解。港九男校頭十位如下,由於頭三位是九龍區學校,所以香港華仁今年做左港島一哥,聖若瑟則為港島二哥。兩間學界運動成績大致差不多。
(註: Bauhinia Bowl Award 是跟據港九每校各樣運動的表現來個總計分成績來排位)
http://www.hkssf-hk.org.hk/hk/sec/bauhinia%20bowl/past%20results/1213_BauhiniaBowl%20boys.pdf
1. 男拔
2. 喇沙
3. 英華
4. 香港華仁
5. 聖若瑟
6. 皇仁
7. 官塘聖若瑟
8. 聖保羅男校
9. 陳瑞祺喇沙
10. 長天
=======================
(5) 香港中學/小學 50位排名榜
由網民笑稱為豬肉獎的 " 2013-2014香港最具教育競爭力中學/小學50強龍虎榜" (由香港專業教育出版社編製).....大家自行定奪參考
http://www.hkpep.com/2013/
全港 450 所中學
香港華仁: 排第 13
聖若瑟: 排第 18
全港 516 所小學
聖若瑟: 排第 10
香港華仁: 排第 15
作者: linhorma 時間: 14-8-25 15:26
謝謝資料, 很詳細
作者: lugano 時間: 14-8-27 11:04
本帖最後由 lugano 於 14-8-27 11:15 編輯
linhorma 發表於 14-8-25 15:26 
謝謝資料, 很詳細
The chsc site is useful
Wah Yan Primary School
http://applications.chsc.hk/psp2013/sch_detail1.php?lang_id=2&sch_id=416
I copy and paste few pages here for sharing
教師資料(包括校長) |
| 教師人數 (核准編制內) | : | 38 |
| 教師人數 (核准編制外) | : | 6 |
| 學歷 (佔全校教師人數%) | | |
| 教育文憑 | : | 100% |
| 學士 | : | 91% |
| 碩士、博士或以上 | : | 38% |
| 特殊教育培訓 | : | 46% |
| 年資 (佔全校教師人數%) | | |
| 0-4年 | : | 2% |
| 5-9年 | : | 3% |
| 10年或以上 | : | 95% |
課外活動 | | 田徑、足球、乒乓球、羽毛球、籃球、排球、游泳、弦樂、管樂、中樂、手鈴、節奏樂、朗誦班、道理班、歌詠團、電腦班、英語話劇班、國際象棋班、童軍、少年警訊、公益少年團、基督小先鋒、趣味數學班、奧數精英班、圍棋練習班、紅十字會少年團。 |
|
|
| |
學校特色
|
| 重點關注事項 |
| 學校重點關注事項 | : | 宣揚本校的校訓精神; 認識優秀的中華文化 ; 發展高階思維能力 |
| 學校管理 | | |
| 學校管理架構 | : | 請參考學校網頁。 |
| 法團校董會/ 校董會 | : | 校董會。 |
| 環保政策 | : | 廢紙回收;節約用電。 |
| 教學策劃 | | |
| 學習和教學策略 | : | 按常規時間表運作。除正常課程外,鼓勵學生以不同形式,在課本以外探究、擴闊學習空間。一至六年級以常識科為核心,通過專題研習推行跨學科學習。 |
| 關鍵項目的發展 | : | 日常教學活動主要通過資訊科技進行,將加強電子平台的使用。學生通過圖書課掌握閱讀技巧,強化語文學習。專題研習則繼續跨學科進行,發展學生本科知識及共同能力。 未來繼續通過課本、時事、生活事件及活動計劃推行德育及公民教育。 |
| 共通能力 | : | 通過各科課堂學習、課外活動、比賽及特別活動,培養學生共通能力。 |
| 學生支援 | | |
| 全校參與照顧學生個別差異 | : | 學生支援小組與科任老師協作,為個別學生安排配合的教學和輔導策略。外購服務小組和語言治療服務。及早識別和輔導有學習困難/語言障礙學生計劃。小六與中一的銜接措施、功課輔導、資源運用及學習調適。 |
| 課程剪裁及調適措施 | : | 為提升學生的學習效能,近年數學科持續進行課程調適,提升學生高階思維能力。此外,為資優學生提供加速學習安排,配合彼等之學習進度。 |
| 學費減免 | : | 不適用。 |
| 家校合作 | | |
| 家校合作 | : | 家教會每年舉辦家校活動,參加者極踴躍。學年初為初小學生家長安排導引講座。家長義工協助圖書科及學校活動,全年無間。家教會家長委員與教師全年協作,支援學務。 |
| 校風 | : | 重視學生德育與靈育,培養學生自律守規的態度。通過各種獎勵計劃,激發學生自我完善。五、六年級學生全體均擔任風紀工作,表現積極投入。家長參與義務工作,並不時與教師交流,共同攜手,使學生愉快地成長發展。 |
| 未來發展 | | |
| 學校發展計劃 | : | 校友會正積極籌辦各類型活動,凝聚校友力量協助學校發展。此外,本校已成功申請新校舍,最快可望於16-17年度轉型為24班全日制學校,現積極開展一系列籌劃工作。 |
| 教師發展及培訓 | : | 配合當今教育發展,深化分組學習、提問技巧等小班教學策略,並加強多角度思考教學策略培訓。 |
| 其他 | : | - |
作者: lugano 時間: 14-8-27 11:08
本帖最後由 lugano 於 14-8-27 11:16 編輯
linhorma 發表於 14-8-25 15:26 
謝謝資料, 很詳細
The chsc site is useful
St. Joseph's Primary School
http://applications.chsc.hk/psp2013/sch_detail1.php?lang_id=2&sch_id=424
I copy and paste few pages here for sharing
教師資料(包括校長) |
| 教師人數 (核准編制內) | : | 52 |
| 教師人數 (核准編制外) | : | 2 |
| 學歷 (佔全校教師人數%) | | |
| 教育文憑 | : | 100% |
| 學士 | : | 71% |
| 碩士、博士或以上 | : | 26% |
| 特殊教育培訓 | : | 5% |
| 年資 (佔全校教師人數%) | | |
| 0-4年 | : | 15% |
| 5-9年 | : | 15% |
| 10年或以上 | : | 70% |
課外活動 |
| 各項球類活動及校隊,有足球隊、田徑校隊、游泳校隊等。服務類有童軍、小童軍、紅十字會、基督小先鋒等。其他興趣小組包括:英文、樂器、天文學會、普通話、紙黏土、武術、戲劇、圍棋、機械人及奧林匹克數學等。 |
學校特色 |
| 重點關注事項 |
| 學校重點關注事項 | : | 請參考本校網頁。 |
| 學校管理 | | |
| 學校管理架構 | : | 校長、兩位副校長、49位老師。 |
| 法團校董會/ 校董會 | : | 請參考本校網頁。 |
| 環保政策 | : | 請參考本校網頁。 |
| 教學策劃 | | |
| 學習和教學策略 | : | 由2009-2010開始,學校為老師進行專業培訓,並就學生的學習風格、多元智能的發展及個別差異,設計不同的課堂活動及課業。 |
| 關鍵項目的發展 | : | 1. 閱讀計劃︰每年舉辦校內閱讀獎勵計劃。
2. 資訊科技︰老師都應用資訊科技教學,全校課室已網絡化。
3. 專題研習︰透過專題研習促進學生自學能力。
4. 德育及公民教育︰本校設有德育及公民教育課。 |
| 共通能力 | : | 共通能力是學習的基礎,能幫助學生學得更好。學校通過不同科目和學習領域的學與教去培養學生的共通能力。 |
| 學生支援 | | |
| 全校參與照顧學生個別差異 | : | 學習調適、拔尖補底課程﹔因應學生的特殊需要而安排他們參加不同的小組訓練及課外活動。 |
| 課程剪裁及調適措施 | : | 為照顧學生個別差異及其適應社會轉變,校方會作適度的課程剪裁及課程調適。 |
| 學費減免 | : | 不適用。 |
| 家校合作 | | |
| 家校合作 | : | 聖若瑟小學和家長是教育下一代的合作夥伴,為學生終生學習開闢空間!家長從多方面支持學校,例如在圖書館做圖書館助理。家教會更辦了一份家教會會訊及每年舉行各種活動,一起推動學校成為一個良好的學習環境。 |
| 校風 | : | 以多元化教材及教導方式,推行校本德育課程及校本輔導訓練,培養學生良好品德及高尚情操。融合訓導與輔導,使「預防」、「發展」和「跟進」等三方面做得更好。透過家長教師會及引入家長人力資源,加強親子關係,並改善教學環境。 |
| 未來發展 | | |
| 學校發展計劃 | : | 提升學生自我導向學習的能力。藉著教師集體備課和互相觀課,以加強照顧學生的個別差異,從以提高教師的教學質素。 |
| 教師發展及培訓 | : | 學校因應教育改革及學生需要,每年都為教師提供一系列教師專業發展的課程及活動。 |
| 其他 | : | - |
作者: Obiepapa 時間: 14-8-27 20:26 標題: 引用:如果華仁下午校,遲D會搬去北角
原帖由 loklokhui 於 14-08-22 發表
如果華仁下午校,遲D會搬去北角
好似仲有排。

作者: loklokhui 時間: 14-8-29 14:09
好似3年後到
作者: chhbb 時間: 14-8-30 19:44
請問20分入到st jo 有冇機會?
作者: kinder.bb 時間: 14-8-30 23:08
上年(2014-15) 識好多20分,第一輪,抽唔到。
作者: Kmee@@ 時間: 14-8-31 09:55 標題: 回覆:灣仔聖約瑟及華仁
我眼見華仁的學生超級冇禮貌(對老師)。

作者: eaubobo 時間: 14-8-31 11:15 標題: 回覆:灣仔聖約瑟及華仁
冇禮貌的學生,間間學校都有

作者: kinder.bb 時間: 14-8-31 14:46
回覆 Kmee@@ 的帖子
我就見啲華仁小學學生好乖,好純!
作者: Kmee@@ 時間: 14-8-31 14:52 標題: 引用:回覆+Kmee@@+的帖子 我就見啲華仁小學學生
原帖由 kinder.bb 於 14-08-31 發表
回覆 Kmee@@ 的帖子
我就見啲華仁小學學生好乖,好純!
我見的都是小學生叫個乒乓球教練收聲,幾個男生不停踏爛D乒乓球,不知所謂,住我樓上個華仁仔仲成日呼喝個工人死肥婆。真人真事。



作者: hkpapa852 時間: 14-8-31 15:09
Kmee@@ 發表於 14-8-31 14:52 
我見的都是小學生叫個乒乓球教練收聲,幾個男生不停踏爛D乒乓球,不知所謂,住我樓上個華仁仔仲成日呼喝個 ...
品德、禮貌,係要靠家教;如果父母本身只會對人呼呼喝喝,唔通返到學校學校係可以令個小朋友變得謙虛有禮?變唔到就係學校問題?
作者: Kmee@@ 時間: 14-8-31 16:17 標題: 引用:Quote:Kmee@@+發表於+14-8-31+14:52+我見的
原帖由 hkpapa852 於 14-08-31 發表
品德、禮貌,係要靠家教;如果父母本身只會對人呼呼喝喝,唔通返到學校學校係可以令個小朋友變得謙虛有禮? ...
我有叫個敎練告訴他們的父母,但好可惜他們的父母不相信,父母們說他們的兒子好乖好有禮貌,咁正明咗D乜?我好相信最後受害的是父母。加上華仁是政府派位,學生來自不同階層,學生的質素非常參差。

作者: mmpo 時間: 14-9-1 08:53 標題: 回覆:灣仔聖約瑟及華仁
好睇小朋友性格,冇專心冇記性去到邊間都辛苦,可能佢個小朋友讀得辛苦就話學校谷,其實依家間間差不多。

作者: cutekiddy 時間: 14-9-1 12:13
linhorma 發表於 14-8-22 11:54 
仔仔明年升小一, 昨天看到一個06年的舊POST, 話ST. JO好多功課, 時時做到好夜, 甚至有時多到家長幫小朋友做 ...
我唔覺好多功課做,1個鐘都做得哂.有時阿仔係學校都做完,返屋企唔駛做!
作者: lugano 時間: 14-9-1 14:49
本帖最後由 lugano 於 14-9-1 14:52 編輯
Kmee@@ 發表於 14-8-31 16:17 
我有叫個敎練告訴他們的父母,但好可惜他們的父母不相信,父母們說他們的兒子好乖好有禮貌,咁正明咗D乜? ...
如果只憑著眼見幾個學生的行為,就認定學校是不好,認定全校學生一律是操行欠佳的,未免目光短窄和膚淺。
舉個例,我對上一份工作的惡頂舊上司,也手帶著一隻與你 Icon 相頭一樣同款 (但不同顏色) 的愛馬仕 Hermes H-Hour Diamond 手表, 但邏輯上,我絕不會認為所有配帶愛馬仕 Hermes H-Hour Diamond 手表的都是惡頂的人。
作者: mcy8 時間: 14-9-4 22:34 標題: 回覆:灣仔聖約瑟及華仁
請問20分,是否兩間都冇機會?

作者: eaubobo 時間: 14-9-4 23:48 標題: 回覆:灣仔聖約瑟及華仁
上年識人20分入到華仁

作者: wingszew 時間: 14-9-5 08:39 標題: 回覆:eaubobo 的帖子
兩間都有機但好微

作者: lewisfung 時間: 14-9-5 23:07 標題: 引用:Quote:原帖由+hkpapa852+於+14-08-31+發表
原帖由 Kmee@@ 於 14-08-31 發表
我有叫個敎練告訴他們的父母,但好可惜他們的父母不相信,父母們說他們的兒子好乖好有禮貌,咁正明咗D乜? ...
派位只令學習成績的差別在一齊,而私校直資只可以在面試時易選成績較優的學生,唔代表所選學生的品行沒有參差。
每所學校都有不同性格的學生,劍橋牛津都會有品行差的人。

作者: mcy8 時間: 14-9-5 23:09 標題: 回覆:灣仔聖約瑟及華仁
謝!華仁分上,下午校,自行是但報一個,下午機會大啲?但是上下午各只有30位

作者: AAAFamily 時間: 14-9-6 00:13 標題: 回覆:chhbb 的帖子
上年有幾個20分抽入SJ。不過上年LS 25分卻入唔到,相信今年大軍會南下,有宗教分而有20分嘅九龍人可能會抽灣仔。

作者: SCKnight 時間: 14-9-6 00:31
回覆 AAAFamily 的帖子
喇沙舊生係攞唔到聖若瑟舊生嗰五分。何來大軍南下?
作者: camomile00 時間: 14-9-6 00:51 標題: 引用:回覆+AAAFamily+的帖子
喇沙舊生係攞唔到
原帖由 SCKnight 於 14-09-06 發表
回覆 AAAFamily 的帖子
喇沙舊生係攞唔到聖若瑟舊生嗰五分。何來大軍南下?
我諗AAA Family o既意思係,好多有extra 5分天主教分o既20分小朋友家長眼見上年喇沙25分都有人抽唔到,即20分已無機,但反觀St Jo同華仁20分仲有DD機會,所以會多左手持20分家長放棄喇沙揀St Jo或華仁。

作者: AAAFamily 時間: 14-9-6 23:57 標題: 回覆:camomile00 的帖子
BINGO!

作者: SCKnight 時間: 14-9-7 00:22
咁都係得廿分,只不過令到廿分想抽St Jo同華仁嘅人多咗。影響唔到廿五分嘅家長。至於廿分嘅家長,不嬲都係難抽中,平常心看待就得。
作者: lugano 時間: 14-9-8 17:37
camomile00 發表於 14-9-6 00:51 
我諗AAA Family o既意思係,好多有extra 5分天主教分o既20分小朋友家長眼見上年喇沙25分都有人抽唔到,即20 ...
同感, 應有20分家長放棄喇沙揀St Jo或華仁。
歡迎光臨 教育王國 (/) |
Powered by Discuz! X1.5 |