教育王國

標題: 關於學樂理，聆聽，想知家長睇法 [打印本頁]

作者: anidacat 時間: 14-8-21 18:29 標題: 關於學樂理，聆聽，想知家長睇法

利申，我本身係教琴，專教3-5歲初學，我上堂時，一定教埋樂理，聆聽，視奏等（當然用遊戲方式，唔係攞本一級樂理書出黎啦⋯）。但見呢度好多人會覺得樂理係考級先學，要分開學⋯

其實我唔明⋯學琴時要睇譜，兼顧音符節奏，大細聲，快慢速度，呢啲咪都係樂理？？如果唔教，咁小朋友點會明自己彈緊咩？定係上堂只係不停彈歌練手指，好似打字機咁？家長又點睇？如果一個老師每堂只彈一兩首歌，但會做吓樂理遊戲練習，聆聽，玩 jam 歌，寫吓譜咁，你地會覺得個老師係度 dum 時間嗎？

作者: miss321 時間: 14-8-21 19:23 標題: 引用：利申，我本身係教琴，專教3-5歲初學，我上

原帖由 anidacat 於 14-08-21 發表
利申，我本身係教琴，專教3-5歲初學，我上堂時，一定教埋樂理，聆聽，視奏等（當然用遊戲方式，唔係攞本一 ...

我都係咁教，但功課只做一題，其他回家做，你唔好用好多時間俾學生填顏色，最多堂課聆聽練習上堂做，就冇dum 時間感覺，sofar 冇家長對教學方法有意見，你有人complain 嗎？

作者: anidacat 時間: 14-8-21 20:41 標題: 回覆：miss321 的帖子

當然冇人投訴，我只係好奇其他家長嘅諗法，係咪彈得多歌就叫好，其他嘢唔識係正常？

作者: EduKing 時間: 14-8-21 21:24

提示: 作者被禁止或刪除內容自動屏蔽

作者: anidacat 時間: 14-8-21 22:07 標題: 回覆：EduKing 的帖子

因為我見有JM 話學到二三級使唔使學樂理，有人就答考五級先學啦，我就諗平時上堂老師係咪真係一啲都唔教？而我又真係接收過一啲學生，學咗琴年幾兩年，咩係 forte 咩係 piano 唔知，咩係 line note space note 唔知，咩係 tie, slur, staccato legato 等等，佢只知譜上音符嘅 letter name, 但只限 middle C 手位⋯我真係好出奇⋯ 而我所講嘅「樂理」亦唔係要寫字做功課嗰種，都係琴上玩遊戲，不知不覺佢就學咗咁樣⋯我自己就覺得，學琴（或其他樂器）同樂理係分唔開，老師好應該負責埋基本嘅。如果一路係咁學，到要考五級樂理時，我相信只需要操吓試卷就考到，唔使再重頭學起⋯

作者: EduKing 時間: 14-8-21 22:27

提示: 作者被禁止或刪除內容自動屏蔽

作者: miss321 時間: 14-8-21 22:56 標題: 引用：因為我見有JM+話學到二三級使唔使學樂理，

原帖由 anidacat 於 14-08-21 發表
因為我見有JM 話學到二三級使唔使學樂理，有人就答考五級先學啦，我就諗平時上堂老師係咪真係一啲都唔教？ ...

不用太上心，學校都有人考第一，考包尾。同一老師教，有人上心，有人冇記住。感到做左本份就ok。

作者: Horen 時間: 14-8-26 23:03

基本樂理就一定要教
即音符拍子和琴譜上的articulation等等
初學的琴書也不會太複習所以基本上不會浪費太多時間
cadence或者SATB harmony就當然不用教

至於樂理遊戲練習
除非家長有特別要求
否則可免則免
如果幾堂一次咁都可以接受

建議你同家長有更好的溝通

作者: renee12345 時間: 14-8-29 00:41

提示: 作者被禁止或刪除內容自動屏蔽

作者: music-suki 時間: 14-9-12 11:25

anidacat 發表於 14-8-21 18:29
利申，我本身係教琴，專教3-5歲初學，我上堂時，一定教埋樂理，聆聽，視奏等（當然用遊戲方式，唔係攞本一 ...

anidacat的教學方法非常正確。即使我教長笛，都是在教樂器的過程中滲透了樂理，如拍子、調號，一些教移調樂器(transposing instruments)的老師，如單簧管，冇理由唔解釋點解自己吹個A音同鋼琴個A音唔同聲掛。
平時有一定基礎，到真的應付五級樂理試時，就得心應手

歡迎光臨教育王國 (/)