教育王國

標題: 校車意外 [打印本頁]

作者: ws_papa 時間: 14-8-21 08:42 標題: 校車意外

在其他本地討論區見到, 懷疑係19/8 下午4點幾沙田發生,車上掛"九龍靈糧堂幼稚園"牌, 有冇家長知道?

https://www.youtube.com/watch?v=Ie4TL7UqpjM

作者: Elislee 時間: 14-8-22 23:28

回覆 ws_papa 的帖子

係呀! 19/8 下午3點幾放學往沙田方向, 架D車開得太快炒車, 我個仔就係坐係入面.

校方不負責任, 無公佈出嚟, 我個仔都唔敢返學喇.

個司機做左1年就炒車, 之前請唔到司機就要老師帶學生搭的士,

學校呃左家長好多嘢, 幼稚園個邊又換左校長, 到宜家都無公佈俾家長知喇.

幼稚園老師成日換, 今次連校長都換埋. 但幼兒園果邊就唔換, 請埋成批年紀大嘅老師, 無D活力.

作者: joypeace 時間: 14-8-23 04:43

請問係校車定保姆車呢?

作者: Elislee 時間: 14-8-23 17:46

梗係校車喇, 係去沙田嘅 D 車.

之前請唔到司機就要我大仔的士, 宜家請到司機就開快車. 細仔唔敢返學喇.

我都諗緊轉唔轉校好. D老師質素差又老

作者: chanbibi 時間: 14-8-25 14:21 標題: 回覆：校車意外

其實老唔等如質素會差既, so far我兩個寶貝真係讀得好開心,老師亦好錫佢地

作者: C.S.Lau 時間: 14-8-26 18:52

回覆 Elislee 的帖子

校車有意外，學校都唔想！我都睇左片，好彩校車叔叔好技術，無小朋友傷。我個囡都係讀靈糧堂，由嬸嬸到校長都好好人，我個囡都係開開心心上學去。啲老師年紀輕又話無經驗，年紀大又話無活力，咁究竟想點呢，咁不滿咪唔好讀囉！大把人排隊想入都入唔到呀！

作者: Elislee 時間: 14-8-26 20:28

讀3樓幼稚園梗係好喇, 幼稚園個校長好有經驗, 老師又好.
但我個仔係讀4,5樓幼兒園, 幼兒園個林校長個樣都高敖到死, 請埋D老師全部係年紀大,無活力, 點同學生上堂同玩呀.
宜家靈糧堂唔係好似以前咁喇, 都唔係咩名校, 無左趙鈞鴻博士幫手,所有嘢都變左, 你地咪以為讀呢間有咩好,程度淺,上小學讀死你.

作者: piglet1212 時間: 14-8-27 18:27 標題: 回覆：Elislee 的帖子

本帖最後由 piglet1212 於 14-8-27 18:32 編輯

睇返各下嘅post，應該有三個小朋友，兩個係九龍城返，一個係長青返，都好辛苦喎，點解靈糧堂咁差你都選擇呢?長青間路德會你都唔係好like 喎，你嘅要求都唔低

作者: piglet1212 時間: 14-8-27 18:29 標題: 回覆：Elislee 的帖子

咁又唔好詛咒人地上小學讀死，世界好細，積下口德為自己積褔啦

作者: chanbibi 時間: 14-8-27 20:14 標題: 回覆：Elislee 的帖子

咁唔滿意既話,我覺得你應該轉校,比個位真心想讀既人

作者: Elislee 時間: 14-8-27 22:44

係呀, 我大仔好彩今年轉左另一間一條龍嘅好學校, 阿2 都等緊後備, 轉到咪留比其他無知嘅人讀.
我有錢有能力先可以負擔3個細路, 又有工人同奶奶幫手,咪可以有時間上網睇吓邊間學校好,邊間老師質素好.再根據分析提醒其他家長.
靈糧程度淺,唔係我個人意見, 唔信可以問吓畢左業嘅學生家長,做人唔好人云亦云.
阿3係青衣讀因為係奶奶湊.

作者: piglet1212 時間: 14-8-27 22:58 標題: 回覆：Elislee 的帖子

身教好緊要，如果父母都用負面嘅言詞去中傷人，對小孩長遠發展係唔好架，請家長留意言詞，山水有相逢，他朝有日都可能會遇見，做人留一線好，但凡事不能去到太盡，有錢負擔得得起當然開心啦，但好多嘢都不能用錢去衡量

作者: C.S.Lau 時間: 14-8-27 23:01

轉左一條龍嘅學校，都要睇睇自己個小朋友嘅能力！有錢，有力，老師質素好都係其次！最重要係父母嘅質素同修養，小朋友係一面鏡子！父母是怎樣，他便是怎樣！

作者: piglet1212 時間: 14-8-27 23:03 標題: 回覆：Elislee 的帖子

本帖最後由 piglet1212 於 14-8-27 23:10 編輯

課程淺亦代表咩呢？難道當初你去分析同比較唔同學校都唔知道靈糧堂係間happy school ?你有時間去比較唔同學校嘅質素，居然睇漏眼，同其他無知的人一樣人云亦云，揀左靈糧堂咁差嘅學校，我諗你需要多d時間再去分析同比較唔同學校再去選擇，唔好再揀錯喇，多謝你放棄學位，使其他小朋友受惠

作者: piglet1212 時間: 14-8-27 23:05 標題: 引用：轉左一條龍嘅學校，都要睇睇自己個小朋友嘅

本帖最後由 piglet1212 於 14-8-27 23:06 編輯

原帖由 C.S.Lau 於 14-08-27 發表
轉左一條龍嘅學校，都要睇睇自己個小朋友嘅能力！有錢，有力，老師質素好都係其次！最重要係父母嘅質素同修 ...

非常贊成

作者: Elislee 時間: 14-8-27 23:49

學校咁好,咪叫校監,校長出張通告出嚟,解釋撞車事件,做乜唔敢出聲,
咁你地呢班所謂家長又唔夠膽問學校.

作者: piglet1212 時間: 14-8-28 07:34

本帖最後由 piglet1212 於 14-8-28 10:02 編輯

~~~~~

作者: piglet1212 時間: 14-8-28 07:37

回覆 Elislee 的帖子

係家長就係家長，無所謂嘅家長，請你尊重別人時亦都尊重自己嘅人格，孩子會學習父母的言行，敬請注意

作者: JoJo 時間: 14-8-28 09:51

版主按: 請會員能冷靜及理性討論, 切勿作出挑釁之言詞, 違規者會收警告牌作警戒.

另請會員文責自負, 會員如在文章中發表任何言論而被告誹謗，一切後果教育王國恕不負責，並保留刪除有關文章之權利，如教育王國因會員言論而需負上民事責任，將保留向會員作出追究之權利。

敬請注意!

作者: C.S.Lau 時間: 14-8-28 11:01

睇左條片都唔知發生咩事，真有點奇怪！與其專注一啲事件通告，不如多啲從事件中，教導小朋友正面地對應事情的發生，才是最重要的。

作者: kitmoon 時間: 14-8-28 11:34 標題: 引用：回覆+Elislee+的帖子係家長就係家長，無

原帖由 piglet1212 於 14-08-28 發表
回覆 Elislee 的帖子

係家長就係家長，無所謂嘅家長，請你尊重別人時亦都尊重自己嘅人格，孩子會學習父母 ...

作者: chanbibi 時間: 14-8-28 20:42 標題: 回覆：Elislee 的帖子

好彩你同你既小朋友轉左校,因為每個小朋友都係父母既鏡子,反映左父母既質素同家教!

作者: mrscow 時間: 14-8-30 02:45 標題: 回覆：校車意外

上下午校校長係因為身體不適而離開，而且放緊暑假，又未開學，唔通叫老師打晒二百幾個電話通知所有家長咩。學校換老師好正常，但我仲見到好多舊既老師係度。

我都識開車，仲係住沙田，那個是彎位，可以講司機叔叔已經好好技術。全車冇人受傷，如果你有留意片段，架貨車都已經滑胎。

我相信冇人想小朋友受到任何傷害。有咩事，司機都要坐監。

作者: baby_ha 時間: 14-8-31 22:51

提示: 作者被禁止或刪除內容自動屏蔽

作者: gwan 時間: 14-9-1 12:20

回覆 baby_ha 的帖子

你講得對，開心才是學習的原動力，我阿仔是LLC幼兒園的畢業生，由幼兒園開始，他到今時今日每天也是開心地上學，開心地放學，LLC不會死谷學生，反為注重品德和與人相處的技巧，要加深課程有幾難呀？要堅持教學理念才困難。

作者: karenyeung 時間: 14-9-2 17:57

我的女兒是今屆的畢業生, 雖然程度不及私校深或者叫淺, 但佢上小學完全沒有問題, 且第一天上小學不斷舉手答問題, 放學時, 班主任還說她很精靈. 而且在過去三年佢很喜歡上學, 喜愛的程度係病了也要上學, 沒有得上學會爆哭的. 我深信哪裡有愛便能吸引小朋友. 同埋老師都是人, 為何要出言辱駡呢, 每個人都會老的. 最重要係心態. 如有一天妳的兒子說妳老了及不夠活力. 妳有多難受呢.

作者: rubymak804 時間: 14-9-8 14:27

我好早就看到這POST和影片...
我小朋友也是坐D車,當天也在車內, 看到影片當然也好擔心. 但感恩天父保守, 天雨路滑, 各人無事,也是神蹟!
但我們選擇直接同校長反映,讓校長多提醒各司機叔叔保護孩子才重要; 選擇不出聲或回應, 是因為愛護這所愛我們孩子的學校; 選擇相信學校的安排, 是因為這所學校值得我們信賴.

作者: vickywong221 時間: 14-9-17 14:39

回覆 rubymak804 的帖子

關於換校長的事, 開學時其實學校已經派左通告通知我地家長!
另外, 我女係LLC 讀左3年都係搭校車的, 校車叔叔都是很好人的, 我女非常LIKE坐校車
就算K2 時經常轉校車叔叔(好似話請唔到人)所以有時要安排小朋友坐的士回校, 學校都會安排一個老師跟車(的士)!其實我覺得學校已經安排得好好!
至於程度淺, 如果相比私幼, 當然是程度淺, 所以其實真係無得比較, 不過我真係好感恩學校老師真係教得我女好乖, 我女尼三年真係好開心, 學校比較重品德方面的培養, 所以有幸我女成為LLC的一份子!我女剛上小一, SO FAR 暫時佢都好快適應了, 至於會否跟不上的情況, 暫時都未睇到, 起碼抄手冊都抄得切, 我女話有好多小朋友都抄唔切!

其實每間學校都實有家長覺得有D老師教得好,有D教得唔好, 我諗唔止出現係LLC , 係好多學校都會有尼D情況出現, 所以除左學校, 家長身教都好重要, 很多人都說LLC 出來的小朋友都很乖巧, 其實唔單止老師, 家長自己本身在家的言行舉止身教都好重要!

歡迎光臨教育王國 (/)