教育王國

標題: 點樣可以積極面對 [打印本頁]

作者: Gracemm 時間: 14-8-17 01:18 標題: 點樣可以積極面對

自己小朋友發展明顯遲緩。自卑到無辦法同親人朋友交流。做野都無心機，而家係全職媽媽，日對夜對壓力大到想死。

作者: icanhear 時間: 14-8-17 11:15 標題: 回覆：Gracemm 的帖子

是，會很大壓力！

要間中take a break,因為你都要叉電！

另外，有無其他家長可以分享下？傾下？聽下其他過來人的分享？看看成功追上進度的小朋友是怎樣訓練的呢？增加正面能量！

作者: Gracemm 時間: 14-8-17 11:59 標題: 回覆：icanhear 的帖子

我自己唔識有類似情況嘅家長。

作者: Hopesforlife 時間: 14-8-17 13:33

你好, 有一概念請緊記:如你不能接受小朋友情況，你將來如何能教導自己的小朋友正面面對自己的情況而去努力？如會取笑你的人並不是你朋友，我從不介意告訴別人我小朋友有腦痳痹情況，因為我知道我的朋友只會鼓勵我。

如果你唔開心其實小朋友是感受到的。你不需要自悲，我覺得情況只等同你比其他人窮，窮是不需要自悲，窮亦可以快樂，是嗎？

我經常提醒自己只要向前望才會有進步的機會，我亦見到我囝慢慢地進步！如可以可以找些兼職工作，分散一下注意力。

無論遇到什麼，我們都要記得要開心！媽媽努力呀！

作者: hannalam 時間: 14-8-17 13:41 標題: 回覆：點樣可以積極面對

加油，三年前我又係遇到一樣情況，當時好徬徨。

作者: Gracemm 時間: 14-8-17 15:32 標題: 回覆：hannalam 的帖子

咁你點算吖

作者: cp2004 時間: 14-8-17 15:54

回覆 Gracemm 的帖子

好同意hopesforlife 的說法. 朋友一定不會笑你. 我仔小一時, 有同學生日會, 有媽咪笑有同學週記只寫"今天吃了一隻蕉, 很開心" 不知所謂. 我就大大聲話, 是的, 小兒來的, 他有讀寫障礙, 看不到的傷殘. 可免的功課就不用寫.

仔仔由小自大見我如此面對, 我還教他有事一定要出聲, 立即解決.

作者: Gracemm 時間: 14-8-17 22:51 標題: 回覆：Hopesforlife 的帖子

Thanks so much dear JM. God bless your kind words.

作者: LanEE 時間: 14-8-18 02:15

回覆 Gracemm 的帖子

可講小朋友的問題出來彼此交流下心得嗎？呢度好多同路人㗎！

作者: Olympian 時間: 14-8-18 17:56 標題: 回覆：Gracemm 的帖子

如果面對親友會太大壓力及影響情緒，就別免強應酬。親友不明白你的情況，有時候既未能安慰你，又要花心機時間向他們解釋自己小朋友是什麼一回事，可能令人更累更洩氣。發現孩子問題的第一年通常心情最糟，第二年感覺會好些，第三年已經可以面對。大部份家長心路歷程都係咁。要點時間適應接受。認識多些同路人家長，跟他們傾訴，相約一起出街玩或到對方家玩都好，跟他們和他們的小朋友相處會輕鬆很多，有咩唔開心通常一講就明。到自已心情好返一點，再面對其他人。

作者: DollyCC 時間: 14-8-19 10:26 標題: 回覆：Olympian 的帖子

親友唔明架，話大大下識，呀邊個邊個4歲先講野，遲行好福氣。。。。聽你排特殊又話唔好排，入左出唔番。聽左笑下，答:排左可能唔讀，係呀未識呀，點教呢？你得閑來教下，我唔識呀！其實佢地吹水多。下下上心人都顛。其實小朋友有福氣既，遇到我地，有心機教，幫助佢地既父母。今日既付出有收獲既，第日小朋友長大一定好孝順。

作者: taylortse 時間: 14-8-22 19:30 標題: 回覆：點樣可以積極面對

我仔都係有明顯既發展遲緩，我發現果陣都有唔開心左幾日，跟住日日教，同佢出去上堂訓練，雖然到而家都未跟得切同年既小朋友進度，但係睇到阿仔有明顯進步已經好開心，黎緊九月已經要揀小學，真係好大壓力，不過我都係已平常心去面對，樓主，你個小朋友幾歲？如果重細，五歲前跟得返就可以嫁喇，加油！

作者: feipow 時間: 14-8-22 20:12 標題: 回覆：點樣可以積極面對

提示: 作者被禁止或刪除內容自動屏蔽

作者: ecbee 時間: 14-8-24 13:34 標題: 回覆：Gracemm 的帖子

我都係今年二月學校覺得囝囝有感統問題，去健康院轉介瑪麗兒科，發現係遲緩，依家仲等緊做全面評估。
其實學校發現同我知道後，我就即刻辭職，諗住可快快追上，但原來自己既心理壓力係好大，唔係開放同朋友講或想做好就得，我見囝囝除左感統問題，言語上同情緒上都有問題，自問自己EQ真係唔高，係甘既情況下，我自己都唔知點先可以幫到囝囝……

作者: miafan 時間: 14-8-24 19:05 標題: 回覆：Gracemm 的帖子

你好呀Graeme,我個bb有病所以發展遲緩，佢而家五個月，成日都要去e院覆診和上物理治療，但我從來都無一刻灰心過，作為阿媽就一定要比正能量小朋友，要去帶動佢，覺得有壓力多和家人朋友傾下，再唔係我地都可以交流下咖，有時追追遂逐會好辛苦，活得開心最重要呀，加油

作者: pinkdoll 時間: 14-8-24 19:24

本帖最後由 pinkdoll 於 14-8-24 19:25 編輯

DollyCC 發表於 14-8-19 10:26
親友唔明架，話大大下識，呀邊個邊個4歲先講野，遲行好福氣。。。。聽你排特殊又話唔好排，入左出唔番。聽 ...

親友唔明架，話大大下識，呀邊個邊個4歲先講野，遲行好福氣。。。。<-------呢啲真係唔好聽, 我當呢啲係善意既安慰, 講真到4至5歲時, 仍然唔識講嘢, 又或者仍然行得唔好, 啲人又會話做乜佢咁樣既? 你重乜唔一早去處理呀??

作者: LivedLee 時間: 14-8-25 00:21 標題: 回覆：點樣可以積極面對

每人際遇也不同，不用下下跟人比較。與其盲目跟隨別人的步伐，不如為他打好根底，backup佢去開拓以後的路，退一步亦令他能開心的過每一天。畢竟一切一切也不是他的錯。

我也在學習中……

作者: WinryRockbell 時間: 14-8-28 00:44 標題: 回覆：點樣可以積極面對

我孖女兩個都發展遲緩，但實在忙到想呻下有幾大壓力既時間都無，大家一齊努加油啦。

歡迎光臨教育王國 (/)