教育王國

標題: 自行與叩門 [打印本頁]

作者: sauwaileung 時間: 14-8-15 15:51 標題: 自行與叩門

請教過來人，自行接受咗学位，係咪吾可以叩門？谢！

作者: 已刪除用戶 時間: 14-8-15 16:12

WHY NOT

?
不過有D學校要求家長有誠意, 有D只接受111

個別學校規定可參考呢個:
http://www.edu-kingdom.com/forum ... &extra=page%3D1

作者: Bstar 時間: 14-8-15 16:26 標題: 回覆：sauwaileung 的帖子

要睇學校本身接唔接受，有些學校你無放1-1-1就無機會in
但有些學校只見小朋友表現好就收

作者: Jane1983 時間: 14-8-15 18:26

可以叩，不過而家叩門的人真系多咗好多。

如果你自行搞掂，無去考直私，無操開，去叩吾一定夠in咗、操咗一年的人爭。

作者: sauwaileung 時間: 14-8-15 18:57

但係自行巳注册, 是否很難拿回注册証?謝!

作者: sissysze 時間: 14-8-15 23:43 標題: 引用：可以叩，不過而家叩門的人真系多咗好多。如

原帖由 Jane1983 於 14-08-15 發表
可以叩，不過而家叩門的人真系多咗好多。

如果你自行搞掂，無去考直私，無操開，去叩吾一定夠in咗、操咗一 ...

小朋友係smart 嘅隔幾耐都掂嘅

作者: chingcging 時間: 14-8-16 09:35 標題: 回覆：自行與叩門

唔好諗叩門啦。有好多人係派到10幾志願先會叩門。你自行簡得即都唔會太差，何必去同呢班派得差嘅人爭？需知道由自行到大抽獎派彩要7個月，呢7個月真係食唔安，瞓唔落，好大壓力架。身邊唔少朋友係叩都叩唔到，局食4寶！冇謂同佢哋爭啦。

作者: Obiepapa 時間: 14-8-16 09:49 標題: 回覆：自行與叩門

可以叩. 應吾應該叩又系另一回事。

作者: sissysze 時間: 14-8-16 11:16 標題: 引用：唔好諗叩門啦。有好多人係派到10幾志願先會

原帖由 chingcging 於 14-08-16 發表
唔好諗叩門啦。有好多人係派到10幾志願先會叩門。你自行簡得即都唔會太差，何必去同呢班派得差嘅人爭？需知 ...

叩到就係你有能力，叩門位能者居之。

作者: sauwaileung 時間: 14-8-16 12:03

自行之後，隔咗幾个月，好似很難拿回注冊証？是嗎？謝！

作者: Jane1983 時間: 14-8-16 14:14

回覆 sissysze 的帖子

超班或屋企有操開吾計啦，成個考學校的過程，面試的經歷、父母的反應……小朋友學到好多，自然會成熟。

差吾多水平的小朋友，有走過果段路，父母再執吓教吓，會好過無準備果d。

作者: Jane1983 時間: 14-8-16 15:09

至于應吾應該叩，好難講的，識人派第一志願或有好私小都週圍叩。旁人有吾同意見，但佢地系有權為仔女搵心儀學校，好難話叫佢地吾好甘做

作者: ckh311 時間: 14-8-16 15:32 標題: 回覆：自行與叩門

聽有人講有d係將第一志願擺d穩陣又不是太差嘅(可能係d二線上嘅)，當派到之後就再叩d大熱，諗住叩唔到都不至於派到最差，因為身邊都識有好幾個呢d家長

佢6月放榜時已講派第一志願，手上亦有九真私小offer，但都再四出叩門，所以而家唔係派得好唔好，係好似唔叩過唔安落咁，因為佢地話想揾間更好啫

作者: vancouverisland 時間: 14-8-16 16:30 標題: 引用：但係自行巳注册,+是否很難拿回注册証?謝!

原帖由 sauwaileung 於 14-08-15 發表
但係自行巳注册, 是否很難拿回注册証?謝!

一般只家長親自到校學填表，便可以即時取回注册証。

作者: chingcging 時間: 14-8-16 22:28 標題: 引用：Quote:原帖由+chingcging+於+14-08-16+發表

原帖由 sissysze 於 14-08-16 發表
叩到就係你有能力，叩門位能者居之。

我只覺得係自私同討厭。先hold住個位，又要心頭高！咁叻嘅就一開始自行就簡心儀嗰間！又要驚死，又要驚蝕。

利申：我女係自行已入到。唔係咩神校。

作者: sissysze 時間: 14-8-16 23:43 標題: 引用：Quote:原帖由+sissysze+於+14-08-16+發表叩

原帖由 chingcging 於 14-08-16 發表
我只覺得係自私同討厭。先hold住個位，又要心頭高！咁叻嘅就一開始自行就簡心儀嗰間！又要驚死，又要驚蝕。 ...

都係嗰句，有能力why not 揾間好啲。去叩都要有實力先得，唔係個個去叩都成功。唔想煩咪有粥食粥，有飯食飯囉。

作者: chingcging 時間: 14-8-17 01:55 標題: 引用：Quote:原帖由+chingcging+於+14-08-16+發表

原帖由 sissysze 於 14-08-16 發表
都係嗰句，有能力why not 揾間好啲。去叩都要有實力先得，唔係個個去叩都成功。唔想煩咪有粥食粥，有飯食 ...

有能力就應該一開始去揾好嗰間，唔係騎牛揾馬！你攞咗要個機會，即係有人冇咗一個機會！己所不慾勿施於人，唔怕報應？

作者: 11B 時間: 14-8-17 08:13 標題: 引用：Quote:原帖由+sissysze+於+14-08-16+發表都

原帖由 chingcging 於 14-08-17 發表
有能力就應該一開始去揾好嗰間，唔係騎牛揾馬！你攞咗要個機會，即係有人冇咗一個機會！己所不慾勿施於人， ...

話明自行係計分，大抽獎講運，同能力唔掛钩架wor！點一開始就因為有能力而去填最top/最心儀果間？！叩門時就係實力的表現。
每人都有自由，權利去叩門。人地平時花時間操練，部署。都係為小朋友鋪路。果d咩都唔做，一心等運到，以為3條1就係皇牌的人先唔好去叩。
有需要既人難左？唔會吖！公平競爭，除非有人話，只要你小朋友唔去，個面試/入學位就係她小朋友架喇。

作者: BeeBee1129 時間: 14-8-17 08:58 標題: 回覆：11B 的帖子

Agree, 機會係留比有準備嘅人。

作者: tabotsang 時間: 14-8-17 09:30

Thanks!

作者: sissysze 時間: 14-8-17 12:42 標題: 回覆：自行與叩門

而家啲1-1-1 唔值錢架， side 鬼氣，學位只會留比有實力，有準備嘅人。怕輸自行入間唔好嘅，我寧願辛苦啲出行力叩間好嘅。

歡迎光臨教育王國 (/)