教育王國

標題: 男拔仔中樂團　揚威東歐 [打印本頁]

作者: elbar 時間: 14-8-15 09:55 標題: 男拔仔中樂團　揚威東歐

■男拔中樂團今年暑假喺東歐音樂比賽贏到開巷。

百年老校拔萃男書院嘅中樂團威到東歐！男拔28名中一至中四生同10名舊生組成中樂團，喺7月底赴東歐斯洛伐克參加「第六屆布拉提斯拉瓦國際青年音樂節」，獲全場總冠軍、金獎同最佳指揮。表演好有香港特色，包括演奏《太平山下不夜城》；20幾分鐘嘅吹彈拉打，據知演奏好有潮州同廣東音樂神韻，令東歐人感受到香港人嘅「國樂」藝術。

■拔萃中四學生琵琶手梁家樂，喺演出時甩咗隻假指甲，要即時換甲，真係有驚無險。

由於演出同學大多係初中生，出現唔少蝦碌事，包括有敲擊樂嘅學生，離開酒店去緊比賽場地先發現有鼓但冇鼓棍，需折返攞番；又有中三學生抵達斯洛伐克後幾個鐘，就收到電訊公司5,900蚊漫遊費SMS警告，嚇到全團同學仔即刻唔敢再玩電話；仲有中一同學仍然保留小學雞文化，舉手請示去廁所。男拔雖然一向好西化，但中樂團喺1960年就成立，每年規模有成60人。

作者: doggy2013 時間: 14-8-17 12:29 標題: 引用：+■男拔中樂團今年暑假喺東歐音樂比賽贏到

原帖由 elbar 於 14-08-15 發表
■男拔中樂團今年暑假喺東歐音樂比賽贏到開巷。

百年老校拔萃男書院嘅中樂團威到東歐！男拔28名中一至 ...

唔怪得冇時間讀書

作者: awah112 時間: 14-8-17 13:18

提示: 作者被禁止或刪除內容自動屏蔽

歡迎光臨教育王國 (/)