教育王國
標題: 從前我希望/要求仔女點樣,依家仔女咁樣!唉!要接受好大落差 [打印本頁]
作者: 小時了了 時間: 14-8-14 17:01 標題: 從前我希望/要求仔女點樣,依家仔女咁樣!唉!要接受好大落差
本帖最後由 小時了了 於 14-8-14 17:43 編輯
呢排無聊, 突發奇想數算小女呢 9年來的成長經過, 數算之下, 發覺作為父母的我所籌謀計劃的, 因著種種原因, 最後有好多事情並不是我當初的想法. 過兩年小女要考呈分試及升中選校, 阿女人生漫漫長路, 作為母親的我仲有好多事情要接受現實, 好多事情唔係作為父母可以控制的, 大家一起學習.
阿女年幼時我希望/要求
1.音樂: i)學鋼琴 (有嘗試過半年) ii) 學口琴 (無嘗試過); iii)報演藝學院課外音樂課程; iv) 教會事奉做司琴
2.運動: i)學體操 (有嘗試過一年, 當初學的目是為了考小學, 提高收小女機會), ii)棒球 (有嘗試過一個暑假, 當年還幻想可以入港隊, 因為這運動女仔算冷門,好易入港隊, 諗住用這運動來考中學), iii)游水 (目的係求生技能)
3.畫畫:已學了6年, 仍在繼續 (目的是訓練她專注及安靜)
4.小學選校: 原本一直以來想報及讀A小學
5. 在家愉快學習: 在家只親子, 不談學校學習, 只溫習中英文默書
6.學科校外課程報讀: 無
7.制服團體: 基督少年軍 (仍未發生, 好想訓練紀律及服從)
女自小希望/要求
學足球
依家9歲的女咁樣的:
1.音樂: 全無興趣
2.運動: i)游水, ii)乒乓球 iii)田徑
3.畫畫: 仍在繼續
4.小學選校: 最後報及入B小學
5.在家愉快學習: 無了, 為了學習事宜時常嘈, 令母女關係緊張. 除了溫中英文默書外, 又要聽及睇英文書, 又要英文作文.
6. 學科校外課程報讀: 之前跟外籍老師學英文拼音及劍橋英文, 依家跟外籍老師學英文作文及朗誦, 同一日要走幾場呢! 唉!!!!!
7. 制服團體: 基督少年軍 (仍未發生, 好想發生, 但阿女好唔想, 因為佢唔想好嚴, 反而佢想參加交通安全隊, 佢話制服好靚及唔嚴)
作者: Jane1983 時間: 14-8-14 17:13
多謝分享。好多時計劃和現實都差好遠，我地自己人生都系，何况仔女，結果好就得！
作者: little_yolky 時間: 14-8-14 17:31
回覆 小時了了 的帖子
好有趣既課題, 不如大家都分享下自己過去對子女既期望同依家現實既落差。
BB時期我對囡囡既期望：
1. 健康
2. 靚
3. 開朗
4. 成為天才 (我一直深信天才唔係天生, 係培養出嚟的)
5. 學唱opera (因為佢天生把聲好好聽)
6. 考DGS
7. 琴棋書畫樣樣精通
現實係：
1. 都算健康
2. 仲係幾靚
3. 都算開心, 但好易唔開心
4. 依家只期望佢唔好變蠢才
5. 佢鐘意Chinese opera, 志願話夠13歲就考八和青年團
6. 當然考都唔敢考, 讀咗阿媽間母校
7. 琴棋書畫唔多精, 啲字幾靚, 畫畫都好靚, 琴棋就.........
作者: LeeCC 時間: 14-8-14 17:36
小朋友健康正常已經係好大的福氣
去特殊嗰版望下，就知道好多野不是理所當然,
作者: hkpapa852 時間: 14-8-14 17:48
好多事情都係雙向嘅，你對人地有要求，人地對你都有要求
係「檢討」之餘，又有冇問過仔女對自己嘅期望？答案可能令你更難接受
作者: Yanamami 時間: 14-8-14 18:14
本帖最後由 Yanamami 於 14-8-14 20:48 編輯
無心插柳，柳成蔭。順其自然~
我大女由4歲加入香兒，唱到P4就要升中二組先話我知：Mami其實我一d都唔鍾意唱歌！
俾她入泳隊（因幼稚園學識游水，費事又學樣新野），希望游得好可以幫下升中，點知強差人意。好彩我到P4叮一聲想通，唔強她所難，只當強身健體算。
我本人毫無音樂感，亦唔太重視，所以近升P3個暑假先俾個女學長笛（因為我細路有支剩餘物資，用得唔好嘥，所以揀長笛），P5先考5級，到F3先考曬8級。點知她7、8級都攞“丁”，音樂節仲有1st，嚇死~~
有左呢個經驗，到細女我就知點玩。P1已同我講：Mami，我唔鍾意學樂器。Fine，咪唔學囉。。。。但學校要考樂器o咼，唔可以企曬喺度o者，咪跟學校學隻歌去應付校內音樂試囉。唔洗她去考級或參加音樂節。
諗住入泳隊又喺強身健體啦（她好鍾意食野，當keep fit），點知傻更更，P4又俾她入到區際（無獎~）。似乎她應該會游得比家姐出色。
總之父母有父母自己諗既美好景像，但要預備唔一定順住你諗既方向發展囉。Take it easy！
作者: yanyan6 時間: 14-8-14 18:20
我就對我仔仔沒要求,開開心心過童年,kg時沒有出去外面報英,數...
只係學下普通話,
我沒有比過要求仔仔,
而家佢學到咩,我都覺得好欣賞
返學放學都好累,填鴨式左一日已夠了,回家吃仔仔喜歡食的,
然後我自己跟功課同dict.一年4次考試都是我跟的,沒有外判比功課班
人地一日走幾場,我就一日沒有一場,
長期走幾場事實上係學左好多野,小朋友係好叻,但會影響心理,我不想
他的長處自然會有的,強迫沒有用,可能就從沒要求我不加壓力,而家升小二
自覺性想叻比人睇,小一下學期開始,特然間好肯合作跟我讀書
作者: awah112 時間: 14-8-14 18:23
提示: 作者被禁止或刪除 內容自動屏蔽
作者: MASAYA 時間: 14-8-14 18:41
好有趣既topic，但諗一諗我一開始冇set死計劃，所以冇得期望vs現實，例如K2學珠心算時我定左一年後有兩個方向，如數感好就轉學奧數，數感唔好就學圍棋，而家學緊圍棋，都冇話期望佢學邊樣，順其自然
作者: MrBeast 時間: 14-8-14 18:41
Yanamami 發表於 14-8-14 18:14 
無心插柳，留成蔭。順其自然~
...
作者: Jane1983 時間: 14-8-14 19:09
hkpapa852 發表於 14-8-14 17:48
好多事情都係雙向嘅，你對人地有要求，人地對你都有要求
係「檢討」之餘，又有冇問過仔女對自己嘅期望？答 ...
小學生心思仲係單純，父母愛錫、有時間陪佢、吾打少鬧、吾好逼佢做呢樣果樣，已經攞到90分。
作者: shadeslayer 時間: 14-8-14 20:19 標題: 回覆：從前我希望/要求仔女點樣,依家仔女咁樣!唉!要接受好大落差
興趣班嘅野，有時也講 timing 和老師。我女兩年前，我想佢學 debate，佢一口拒絕了。因為不喜歡那位老師。兩年後她自己由多種暑期活動中挑選了 debate，而家會挑戰我一對一辯論，仲會看我的悶蛋哲學書。
這是時機到也。
作者: Lawfamily2409 時間: 14-8-14 20:21 標題: 回覆：從前我希望/要求仔女點樣,依家仔女咁樣!唉!要接受好大落差
很好的帖子值得反思
作者: Yanamami 時間: 14-8-14 20:57
Jane1983 發表於 14-8-14 17:13
多謝分享。好多時計劃和現實都差好遠，我地自己人生都系，何况仔女，結果好就得！ ...
作者: Carsonshum 時間: 14-8-14 21:05
世事豈能盡如人願
做父母的盡了本分就算
作者: hadwinboy 時間: 14-8-14 21:27 標題: 回覆：從前我希望/要求仔女點樣,依家仔女咁樣!唉!要接受好大落差
我仔6歳半，暫時與我期望差不多，唯獨是一樣，跳舞! 他未出世時我與C6 已經好想個仔在此方面有點成就，亦打算用心栽培他。點知我仔到現在，依然覺得個身體屁股扭來扭去好肉酸唔肯學 
作者: c1234 時間: 14-8-14 23:07
回覆 小時了了 的帖子
很好的提醒，
作者: nillnill 時間: 14-8-15 00:43 標題: 回覆：小時了了 的帖子
Very good的提醒
作者: eviepa 時間: 14-8-15 07:31
當BB呱呱落地時，做父母的很自然會有很多的幻想，期望這個小不點將來可以發光發熱照萬家。有這樣的想法，並無不妥，不過如果真的化為行動，就要考慮孩子的承受能力。
我有一項天賦，就是長期記憶超強，我還很清楚地記得兒時自己有能力做甚麼，沒有能力做甚麼，也記得和我一起長大的孩子的能力。由於我清楚孩子的能力，所以不會強逼女兒做她能力範圍以外的東西。
但不少朋友已經忘記了，往往高估了他們的能力，因而強迫他們做很多能力範圍以外的事，造成很多問題。
作者: MASAYA 時間: 14-8-15 08:52
eviepa 發表於 14-8-15 07:31
當BB呱呱落地時，做父母的很自然會有很多的幻想，期望這個小不點將來可以發光發熱照萬家。有這樣的想法，並 ...
作者: 小時了了 時間: 14-8-15 09:02
本帖最後由 小時了了 於 14-8-19 11:56 編輯
Yanamami 發表於 14-8-14 20:57 
唔記得聽邊度講：仔女唔喺要黎實現你未完既夢想架~~~
無錯, 學鋼琴就係我自己個人的夢想而強加係阿囡身上.
基於自己心結, 自己無機會學亦不識彈鋼琴, 但我好喜歡係屋企聽鋼琴音樂, 而教會司琴亦很缺乏, 小女BB 時已好想她快些長大, 到適合年齡可以到琴行學鋼琴, 將來可以在教會幫手負責司琴. 而我當時亦上網找尋了演藝學院課外音樂課程, 打算小女又再長大些報讀.
好不容易小女上幼稚園夠年齡學了, 我立即報附近琴行學琴, 但學了差不多大半年, 小女表現得非常不積極, 亦不時說不想學. 平日是老爺奶奶接送她去琴行, 有一日我突襲到琴行偷看她學琴, 我卻看見一個情景 – 老師好有耐性向她教如何在琴鍵上彈, 我卻看見小女的眼皮不受控制緩緩墜下, 而頭顱亦隨著眼皮不停向上向下來回擺動, 老師不停輕拍她, 她都是醒一下, 睡三下. 因為這情景令我好深刻印象, 我決定不再強迫她學佢無興趣的鋼琴了. 什麼負責教會司琴, 什麼藝演學院學音樂, 一切已遙不可及了.
作者: 小時了了 時間: 14-8-15 09:18
hkpapa852 發表於 14-8-14 17:48
好多事情都係雙向嘅，你對人地有要求，人地對你都有要求
係「檢討」之餘，又有冇問過仔女對自己嘅期望？答 ...
阿女表達的希望及要求:
1) 阿媽唔好返工全職照顧家庭
2) 想有弟弟/妹妹一齊玩及被佢照顧 (因為她依家係獨女)
3) 想每晚同佢只係玩棋或玩其他, 總之每晚唔想聽, 睇英文書及英文作文
4) 非常想學足球 (但作為阿媽嘅我非常不願意, 什麼運動都可以, 惟獨足球不願意. 因為小女已經非常男仔頭了, 我好驚佢性傾向男性咁點算? 若日後佢要變性又或者同性X, 我都唔知點算?)
所以, 自己對自己期望 (作母親角色的期望 ), 自己對小女的期望等, 往往有好大落差, 要不停學習 "接受現實"
作者: edith208 時間: 14-8-15 09:26
小時了了 發表於 14-8-15 09:18
阿女表達的希望及要求:
1) 阿媽唔好返工全職照顧家庭
我識有小學同中學時期學踢足球 / 欖球的學生, 佢地冇因踢波變得男仔頭,
佢地體能不錯, 知道讀書時讀書, 練波時練波, 好自律
作者: Yanamami 時間: 14-8-15 09:30
本帖最後由 Yanamami 於 14-8-15 09:37 編輯
小時了了 發表於 14-8-15 09:18
阿女表達的希望及要求:
1) 阿媽唔好返工全職照顧家庭
我好驚佢性傾向男性咁點算? 若日後佢要變性又或者同性X, 我都唔知點算?)
同性戀喺咪天生的？不會因為完足球而變吧（最多粗魯d~）我同學個女，能文能武，3項鐵人，上山下海~~但都又可以好女仔下。我d女無玩比較男仔的運動，但從來唔著裙，日日tee同波鞋，咪一樣？我細女同學，劍擊、田競、排球，又喺唔著裙的，都OK呀！反正touch wood有一天你發現她變了。。。。都無法，始終喺自己個女，唔鍾意都要接受。父母既愛應該可以包容一切。有d人喺活動型，唔好困住他，先有得發揮，先做到成績的。
作者: MariaTsui 時間: 14-8-15 09:32
本帖最後由 MariaTsui 於 14-8-15 09:35 編輯
我沒有刻意要求對仔女,反而有意外收穫:
哥哥想參加幼童軍,就讓他參加,可能是自己想參加,所以很投入,升中後,會繼續晉團做童軍,他希望將來可以做童軍領袖,在這段期間,發現他的交際能力原來很強,也有點領導才能.
由於自己沒有藝術天份,一直沒有要求仔女學音樂,繪畫,除非自發性要求,妹妹讀幼稚園時,老師跟我說她畫得不錯,才留意她有繪畫天份,就讓她學繪畫,參加畫室的比賽,竟然有獎
我和其他家長一樣,最注重學業,我的要求不高,只需入到英中就可以,哥哥總算達標,但看著妹妹的進度,知道英中并不適合她,已調節自己的要求,只要入到一間校風好的中中都沒有問題
父母對初生兒有很多期望,隨時間長大,我們應按小朋友的能力,興趣而盡力裁培,也要按小朋友的意願,能力調節自己的要求,否則會影響親子關係,需明白小朋友是獨立個體.
作者: hkpapa852 時間: 14-8-15 09:38
不妨看看這篇文章:
http://hk.apple.nextmedia.com/su ... t/20140809/18824841
最好的一句, 亦是我們最需要學習的事: 哀悼你理想的孩子，接受你孩子的一切。
作者: Yanamami 時間: 14-8-15 09:41
MariaTsui 發表於 14-8-15 09:32
我沒有刻意要求對仔女,反而有意外收穫:
哥哥想參加幼童軍,就讓他參加,可能是自己想參加,所以很投入,升中後 ...
作者: MrBeast 時間: 14-8-15 09:41
MASAYA 發表於 14-8-15 08:52
我記憶不強, 但有大量幼稚思想加少許同理心, 大約知小朋友既想法, 所以好鍾意shall we talk裡面既一句: 孩 ...
作者: MrBeast 時間: 14-8-15 09:43
小時了了 發表於 14-8-15 09:18
阿女表達的希望及要求:
...
4) 非常想學足球
作者: 小時了了 時間: 14-8-15 09:49
本帖最後由 小時了了 於 14-8-15 09:54 編輯
hkpapa852, "哀悼你理想的孩子，接受你孩子的一切。" http://hk.apple.nextmedia.com/supplement/family/art/20140809/18824841 呢篇文章寫得非常好, Post 出來同大家分享
在英國，我們有一句俗語：「哀悼你理想的孩子，接受你孩子的一切。」（mourn the child you wanted, accept the child you have.）
所有父母都會對孩子長大後有所期望。或許你會想孩子成為律師，又或者明星，或是高級行政員？無論你望子成為怎樣的「龍」，有很高的可能性，你的孩子不會有跟你一樣的目標，或不能滿足你的期望。這不只是殘疾孩子的家長所面對的挑戰，是每個家長所面對的挑戰。
哀悼孩子，意旨接受你自己夢想中理想的孩子已死。給自己一些時間去接受這現實，實實在在的生活下去，接受你現實生活中你擁有的孩子。
我朋友有個兒子。我的朋友喜歡電腦遊戲，但不愛運動，他尤其討厭足球。他經常提及希望兒子快快長大，跟他一起「打機」。但他的兒子愛踢球，但因為我的朋友不喜歡，就不鼓勵兒子踢足球。他不想兒子喜歡他不喜歡的東西。如果兒子長大後只愛足球，而討厭玩電腦遊戲，那怎麼辦？在未來，這或許會因為孩子未能滿足父母之期望而感壓力，繼而發展成家庭問題。這令孩子長大後也沒太多的安全感，因為他只會不斷嘗試去滿足父母之期望，當孩子長大成人後，他們從來不知道自己喜歡甚麼、自己想做甚麼，他們只懂討好他人而不會知道自己的心思。
我和大女兒影曦有一個類似的經驗。我愛驚慄電影、過山車、萬聖節，但影曦卻相反，這些都不喜歡。她尤其討厭過山車。當然我對這有點失望，因為我希望她喜歡我喜歡的，想跟她有共同喜好。但生活不是如此的。我需要接受她的一切，接受她是誰。她愛電腦遊戲，也會跟我靜靜的坐着看體育節目，所以透過這些事，我仍可跟她建立良好的親子關係。當我們去海洋公園時，我會讓她跟着媽媽（她也不喜歡過山車），我會和二女靖翹去坐不同的過山車。我有三個女兒，她們也很不同，我需要找我們的共同點來跟她們「溝通」。
哀悼你那「理想」的孩子，接納你的孩子，讓孩子尋找他們喜歡的、享受的，跟孩子一起分享那些快樂時光，這是和孩子建立親密的親子關係長久之法，這些回憶會成為你給孩子永久的禮物。
作者: HaYi 時間: 14-8-15 10:22
我覺得家長的standard /要求應該是跟小朋友成長的步去不時調較, 所以正常不會長期有落差.
我個(8yr) 自細不同playgroup, 又不同運動 (Swim, TaiKwungDao, Tennis, Table Tennis, Badminton, basketball etc) 音樂( Piano, Violin, Choir and 吹的..) Art, Chess, Eng Drama, other interest class,
=> 其實佢冇野專, 叫做識下.
不過我自己都唔覺得要set 咩standard, 反正趁低年級, 喜歡又有時間就Keep, 冇要度, 落差反而不大 .
成績我見佢Kinder 都不錯, 點知上小學中文問題多, 開始是有較大落差, 2年來追下追下都己改善
我經常勸自己: 短期的落差實難免, 長期的落差要避免,
希望以後多來的是"驚喜"吧..
作者: external 時間: 14-8-15 10:42
相對上, 小朋友的要求來得簡單得多, 無論父母的樣貌如何, 健康如何, 聰明與否, 做什麼職業也好,他們的希望就是父母有時間用心地陪他玩和成長.
這個落差大嗎
作者: hkpapa852 時間: 14-8-15 10:48
看看這文, 作為父母的我們, 大家又做到了多少?
http://baby.mxabc.com/sidaoqi/nengli/200612/37419.shtml
作者: skkeung 時間: 14-8-15 10:53 標題: 引用：+本帖最後由+小時了了+於+14-8-14+17:43+編
原帖由 小時了了 於 14-08-14 發表
本帖最後由 小時了了 於 14-8-14 17:43 編輯
呢排無聊, 突發奇想數算小女呢 9年來的成長經過, 數算之下, ...
作者: 小時了了 時間: 14-8-15 10:59
本帖最後由 小時了了 於 14-8-15 11:02 編輯
external 發表於 14-8-15 10:42
相對上, 小朋友的要求來得簡單得多, 無論父母的樣貌如何, 健康如何, 聰明與否, 做什麼職業也好,他們的希望 ...
無錯, 成人的睇法同小孩的睇法, 簡直外星人同地球人的分別.
我真係覺得自己又肥(生女前115磅, 生女後160磅), 又醜, 又惡... 下刪 500字.
但阿女自幼到依家, 都話我唔肥, 佢仲成日話好鍾意依家嘅媽咪, 佢好鍾意攬住我肚皮, 好好攬. 而我成日話要減肥, 佢每次都唔鍾意及唔想聽到我話減肥. 係佢眼中, 自少佢真係覺得我靚
呢個落差都好大吓.........
作者: little_yolky 時間: 14-8-15 11:08
eviepa 發表於 14-8-15 07:31
當BB呱呱落地時，做父母的很自然會有很多的幻想，期望這個小不點將來可以發光發熱照萬家。有這樣的想法，並 ...
例如：
1. 好細個已經識畫畫
2. 好細個已經識自動自覺睇書
3. 好快戒片
4. 好多同學仔都鐘意同佢做朋友, i.e.幼稚園時成日坐生日枱(獲生日同學邀請)
5. 唱歌好好聽
6. 5、6歲人仔夠膽單挑上台表演粵劇
7. 好細個識自己沖涼
8. 好細個識用杯, 可以戒奶樽
9. 識得用好聽的說話呃媽咪為求達到自己的目的
10. 英文、普通話好過當年的我
原來, 到最後發現自己細個時, 只係讀書叻過佢, 同埋自律過佢兩樣而已。真慚愧。
作者: little_yolky 時間: 14-8-15 11:12
小時了了 發表於 14-8-15 10:59
無錯, 成人的睇法同小孩的睇法, 簡直外星人同地球人的分別.
作者: MASAYA 時間: 14-8-15 11:44
little_yolky 發表於 14-8-15 11:08
就係因為記性好, 所以成日覺得「點解我做到你做唔到」。但近來心情調適咗, 卻發現原來阿囡好叻, 有「更多」 ...
點解而家d球員冇佐敦同馬勒當拿咁勁？點解以前有達文西有愛因斯坦，雖然近年有steve jobs，但都成為過去...
作者: little_yolky 時間: 14-8-15 11:46
MASAYA 發表於 14-8-15 11:44
同以前比較仲大鑊過同身邊既人比較...
點解而家d球員冇佐敦同馬勒當拿咁勁？點解以前有達文西有愛因斯坦， ...
我諗用霍金同愛因斯坦比較會合適啲。
作者: little_yolky 時間: 14-8-15 11:48
hkpapa852 發表於 14-8-14 17:48
好多事情都係雙向嘅，你對人地有要求，人地對你都有要求
係「檢討」之餘，又有冇問過仔女對自己嘅期望？答 ...
細女對媽媽既要求：唔好成日咁惡, 成日陪住佢
都唔係好難受啫。
作者: jc2009 時間: 14-8-15 14:24
小時了了 發表於 14-8-15 09:02
無錯, 學鋼琴就係我自己個人的夢想而強加係阿囡身上.
基於自己心結, 自己無機會學亦不識彈鋼琴, 但我好喜 ...
到現在我女兒都有機會學, 但她熱誠不及我當年, 未肯定有或者無興趣...
所以興趣真係好睇個人....始終希望同現實係回事.
作者: little_yolky 時間: 14-8-15 16:01
看了, 我唔認為小孩子會關心8, 9。我自己做唔到3, 10, 老公做唔到3, 4, 10
作者: Jane1983 時間: 14-8-15 16:16
回覆 little_yolky 的帖子
做到10，好緊要ga。
作者: little_yolky 時間: 14-8-15 16:29
Jane1983 發表於 14-8-15 16:16
回覆 little_yolky 的帖子
做到10，好緊要ga。
作者: awah112 時間: 14-8-15 16:32
提示: 作者被禁止或刪除 內容自動屏蔽
作者: hkpapa852 時間: 14-8-15 18:15
little_yolky 發表於 14-8-15 16:01
看了, 我唔認為小孩子會關心8, 9。我自己做唔到3, 10, 老公做唔到3, 4, 10
作者: gpsmusic 時間: 14-8-18 02:10 標題: 回覆：hkpapa852 的帖子
提示: 作者被禁止或刪除 內容自動屏蔽
作者: cathymom 時間: 14-8-18 08:04
我對仔女盡量唔設期望。好彩的係我住美國，初中前讀書壓力唔大。我都好驚要同細路為讀書考試而嘈。
作者: cathymom 時間: 14-8-18 08:04
我對仔女盡量唔設期望。好彩的係我住美國，初中前讀書壓力唔大。我都好驚要同細路為讀書考試而嘈。
作者: EduKing 時間: 14-8-18 09:29
提示: 作者被禁止或刪除 內容自動屏蔽
作者: hkpapa852 時間: 14-8-18 09:37
哀悼你心中理想孩子(2), 週六剛出了, 雖然不及(1)咁精彩, 也值得一看:
http://hk.apple.nextmedia.com/su ... t/20140816/18832075
作者: hkpapa852 時間: 14-8-18 09:42
題外話, 可能有不少人唔鍾意生果報, 但我發覺佢逢週六副刊中的親子專欄都頗有水準, 大家不妨去看看 (可以係佢個網站睇番以前的).
好似呢篇講關於"魔雪奇緣"的領會, 又有多少人可以睇完之後感受得到:
http://hk.apple.nextmedia.com/su ... t/20140517/18721335
作者: Jane1983 時間: 14-8-18 09:46
回覆 gpsmusic 的帖子
小朋友學樂器，你說得很對，真系要講時機。
至於筋比較緊的問題，我女都係。她學過一年芭蕾舞，嫌節奏慢，停了，跟住再學了差不多2年體操，她一字馬、大字馬都勉強做到，但拉筋仍然吾及天生筋軟的同學。有時動作難做，見她都偷懶hea做。
我地比較高和筋硬，我對女體操無期望，但我呢一、兩年，我睇到她學體操的好處，反應靈活、手眼協調好，有次旅行，她在床上亂碌，危險關頭一個後筋斗落地，好似識輕功...我覺得如果你女吾反對，筋緊更要拉鬆，長遠有利。
作者: yipcharie 時間: 14-8-18 10:01
回覆 MariaTsui 的帖子
非常讚同你的說法。但要做到的，也不是一件易事！
作者: MariaTsui 時間: 14-8-18 11:03
yipcharie 發表於 14-8-18 10:01
回覆 MariaTsui 的帖子
非常讚同你的說法。但要做到的，也不是一件易事！
真的不易做,我都調適很久才做到,但當子女越大,又不想破壞彼此關係,想他們有自信地成長,就會做得到.
作者: 瑩瑩老豆 時間: 14-8-18 22:20
我對囡只有基本期望:健康/活潑.
其他的都是按她興趣自行發展. 初小去外面學過鋼琴, 游水, 芭蕾舞, 中國舞, 手玲, 圍棋. 后來佢話冇興趣先后停左. 只有鋼琴學到今天(到現在升中才剛考6級). 小五就加一個畫畫, 小六竟然話參加學校的藍球班(真係估佢唔到).
作者: sissysze 時間: 14-8-18 22:42 標題: 引用：題外話,+可能有不少人唔鍾意生果報,+但我發
原帖由 hkpapa852 於 14-08-18 發表
題外話, 可能有不少人唔鍾意生果報, 但我發覺佢逢週六副刊中的親子專欄都頗有水準, 大家不妨去看看 (可以係 ...
作者: irischowys 時間: 14-8-19 02:34 標題: 回覆：從前我希望/要求仔女點樣,依家仔女咁樣!唉!要接受好大落差
想落差少嘅唯一辦法是面對現實， 不要作無謂嘅幻想。我做事決斷，眼見子女拉小提琴時協調不順，很快便停了，但仍讓他們學琴，為求開心及順便學樂理。觀察到他們不太有音樂天分，冇必要再去試不同樂器，浪費金錢和時間， 亦冇期望入樂團，自然沒失望。
幸好我一對子女均入了龍校，沒升中煩惱， 令我可隨著他們強項去計劃， 自然獲得好成績。
作者: annie40 時間: 14-8-19 09:24
回覆 hkpapa852 的帖子
能夠明白這點核心天性，孩子走的路將會更廣大。凡事鼓勵和支持，不要過早為孩子定位。父母當然有期望，或偷偷的放肆幻想，在事情發展未有具體䟉型前，把這些個人的「想」當作自娛的嗜好吧，待年長日子的回憶中，自嘲一番。孩子有自己一套，說明其獨立自主性，和一定的洞察力。及時調節心態，由孩子帶路，我們在旁邊摸索審視，予以肯定，生活頭頂原來是另外一片天了。
不少父母沒諗過點點點.....今天孩子竟然能夠點點點，是「無心插柳，柳卻成蔭」了。孩子還少，說期望「落差」是太早。從前孩子多，兄弟姊妹間被視為最不聰明，不出眾的一位，往往日後是最出色最生性的孩子了。比我地估佢唔到，就是好兆頭啊。i
作者: 小時了了 時間: 14-8-19 11:49
"父母當然有期望，或偷偷的放肆幻想,.....把這些個人的「想」當作自娛的嗜好吧" - 好攪笑, 講得好中 point, 有遇知音人感受
作者: 小時了了 時間: 14-8-19 12:05
本帖最後由 小時了了 於 14-8-19 12:07 編輯
hkpapa852 發表於 14-8-18 09:42
題外話, 可能有不少人唔鍾意生果報, 但我發覺佢逢週六副刊中的親子專欄都頗有水準, 大家不妨去看看 (可以係 ...
" 好似呢篇講關於"魔雪奇緣"的領會, 又有多少人可以睇完之後感受得到: http://hk.apple.nextmedia.com/supplement/family/art/20140517/18721335 " - 好好的文章, 多謝分享
之前阿女係暑假時係咁同我講想買 "魔雪奇緣" VCD/ DVD 返屋企睇, 我心諗又係公主什麼什麼戲吧, 唔買. 尋日睇完您呢篇文章我決定買了, 故事好似好有教育意義.
作者: torunpoland 時間: 14-8-19 12:53 標題: 回覆：little_yolky 的帖子
Why do u have such a gesture for point 5?
作者: annie40 時間: 14-8-19 13:19
回覆 小時了了 的帖子
哈哈! 想起也开心死了,
*发现女女喜欢玩煮饭仔, 已经想定佢大个时做Jamie Oliver, (上星期上网订Jamie's Kitchen, 原来已经爆满六十天, 不然可以在六时前排四个钟等入座吃晚饭, 近七时去等, 已经停派位,明天请早)
* 买个四百元voilin 玩下, 顺便买埋Vannessa Mae DVD, 等住做星妈.
* 钟爱看书, 必定是未来大文豪, 成就应该可以拍得住: William Shakespeare
* 喜爱sports, 阿妈等紧送女女上奥运会奖台,顺便有得播国歌, 就是完美句号了.
********** ********* *******
全部是很'有可能实现'的梦想............大前题是最好有位非常有天份, 有实力(才智德兼备), 有斗心, 好鬼勤力的妈妈, 再加点'因缘际会', 事情便易办得多了.
小女的妈妈除了经常发白日梦, 偶然帮忙'吶喊助威', 算是勤力, 其他是全部欠奉......如此条件下, 顺顺利利, 养大个女, 已经非常本事了!
那些年......带孩子的日子! 简直是狂想曲的日子!
作者: torunpoland 時間: 14-8-19 15:02
本帖最後由 torunpoland 於 14-8-19 15:04 編輯
回覆 小時了了 的帖子
一個很有意思的帖！
早幾年，我還未當媽媽，當然有許多關於孩子的幻想，心想，我和先生的父母讀書都不多，到底我們也是研究院畢業，有職場上有些微成績，收入也可以（絕非打工皇帝），我想大家都明白這種情況吧，沒理由我們下一代會差過其父母。這是我一直以來的想法。
後來看了Good Will Hunting（驕陽似我），知道即使天才擁有非一般的才華，也有權選擇一條許多人認為平凡的路，任憑身邊的人說他浪費了上帝給他天賦云云。那時，剛有朋友苦著臉說自己的資優孩子，在學業成績上沒反映出他的天賦，日怨夜憤。所以，對於這齣電影的訊息，我是很深刻的，因為，朋友沒想過孩子所希望的。（當然，我亦明白朋友乾著急的無奈）。Having said all these, I want you to remember, this is his life, not yours.
直至懷了孩子，上了BK，知道孩子健康不是必然，孩子可以很辛苦，有些問題，可能俾心機俾多些錢可以解決，有些卻不可能，甚至......有些孩子很早離世，留下短暫的回憶予父母。所以，健康才是最重要的。到現在為止，我仍然可以保持這種心態。也許，我的孩子仍小，未面對各樣競爭吧！但我信 go with the tide是最好的，但不代表我沒有期望，而重要的是我會／樂意／願意接受跟我期望有落差的孩子。
我說說我對孩子的期望：
(1)音樂：希望學精一樣樂器，但不勉強。我希望他可以認識音樂，以另一角度了解世界人心。大仔已四歲，還小，尚未安排，況且暫不見他有興趣或天分。我相信天才是天生的。
(2)體育：不見他擁有特別天分，但已安排習泳，進展理想，但亦毫不勉強，只為求生。踏單車是另一期望，未開始。足球，他頗有興趣，曾經上堂個多月，可以考慮再參加。
(3)其他興趣：中國書法，沒法子，這是認識中文的好途徑。另外，若非他主動要求，表示強烈意願，我都不會主動安排其他活動。
(4)愉快學習：我期望將來他上了小學後，在家時間是玩和看書。功課越少越好。
(5)語文：中英兼擅。好像在發夢吧？自問英文有限公司，只好請老師一星期一次跟他對話／說故事／玩，讓他看英文卡通。中文，由我親自督師，不問進度，只求日日有進步，保持興趣。通向這條大路的方法，就是閱讀。若到10-12歲左右，英文基礎夠的話，可以考慮多學一種歐洲外語，但要看他程度，不勉強。
(6)禮貌：家教執行嚴厲，這方面，習慣成自然，禮多人不怪。
(7)視野：我期望孩子一早知道世界很大，香港很小，各處地方各有優勢，若能兼收並蓄，集百家大成方成一家之理，並不拘泥於細末微碎的井底蛀之見。這點，我相信是很重要的。
我說的大抵不過紙上談兵，孩子還小嘛！但我相信，方向緊要過方法。若是方向正確，晚點到目的地也不算遲。何況網上資源多如牛毛，總有順風車可搭。
作者: 小時了了 時間: 14-8-19 15:31
annie40 發表於 14-8-19 13:19
回覆 小時了了 的帖子
哈哈! 想起也开心死了,
哈!哈! 套用星爺名句: "人如果無夢想, 咁同咸魚無分別".
換一角度唔好咁沉重講話咩 "落差"而係講"夢想/幻想,", 成個 topic 唔同晒, 人都輕鬆面對好多.
Thank you so much!
作者: annie40 時間: 14-8-19 16:20
[b]回覆 [url=forum.php?mod=redirect&goto=findpost&pid=39233830&ptid=2879759][color=Olive]torunpoland[/color] 的帖子[/url][/b]
谢谢你! 言词诚挚, 真是很好的分享! 孩子真的十分幸福呢!
如果可以, 请考虑多添一个綱要, 就是事无大小, 学懂感恩! 生活里足够是最好, 不要多给不必要的luxury. 这一代的见识不会少, 却多偏见, 偏听, 偏爱, 究其原因是没有'兼爱'的能力, 没有同理心, 这样的思维必然妨碍日后身心发展.
话多了, 请谅!
作者: annie40 時間: 14-8-19 16:22
(6)禮貌：家教執行嚴厲，這方面，習慣成自然，禮多人不怪。
**** ***
I like it very very much.
作者: annie40 時間: 14-8-19 16:32
回覆 小時了了 的帖子
Mom can dream....................dream....dream.....dream 紧女女的未来老公靓仔, 本事, 有爱心, 有本心, romantic...... Oh, no one good enough! 点算好? :(
作者: torunpoland 時間: 14-8-19 21:48 標題: 回覆：annie40 的帖子
本帖最後由 torunpoland 於 14-8-20 15:21 編輯
謝謝意見。
有時，明明心裡想買點甚麼給他，剛巧他又想要，我會特地不買，我不想他「扭計成功」。我想孩子明白，既然不是必須品（當今世代的孩子也許不明何謂必須，因為一樣不缺），也就不會隨便亂買。
感恩，我們嘗試以身作則教導。
兼聽，相信從我們的「視野」一方面著手。
作者: annie40 時間: 14-8-20 00:14
回覆 torunpoland 的帖子
這點自己也做得不好，只是外子是天性對自己孤寒，我要扮演十分尊重爸爸的角色，也要一起努力的「孤寒」。孩子的貴重物件，多是一些aunty，uncle 送的，或是找個借口送的，因為少見更會珍惜，那怕是很簡單的物事，孩子依然記掛別人對她的綣顧和心意。交往是相對的，愈是感恩，人生路上，遇上的慷慨愈多，年輕人的機會多得很，只怕一點微的不屑，一丁點的煩躁，便白白的把機會送走。態度決定高度，是錯不了。
朋友間，交往頻密的更節儉的竟然也不少，這個潮流不錯啊！送人家孩子漂亮禮物時，真窩心！看來彼此把人家孩子借過來，偶爾嬌竉一番，有點像交換禮物呢！
作者: michk 時間: 14-8-20 01:16 標題: 回覆：從前我希望/要求仔女點樣,依家仔女咁樣!唉!要接受好大落差
多謝樓主分享。令我回想起很多以前的心路歷程。每個父母或多或少都對孩子的將來有點幻想。以前有點迷失，想與別人的孩子比較。後來經歷過許多事情，醒覺其實他有的潛質和能力不是我可以控制和想像。我看樓主與我的信仰一樣，也不妨用一點基督教術語，上帝在他們身上有祂自己的計劃。我們作為地上的父母只要引導他們行在正途上。他們的將來，我們實在沒有造物主的智慧來為他們來安排一切。
作者: Jessy 時間: 14-8-20 12:54
torunpoland 發表於 14-8-19 21:48
謝謝意見。
有時，明明心裡想買點甚麼給他，剛巧他又想要，我會特地不買，我不想他「扭計成功」。我想孩子 ...
作者: judy 時間: 14-8-20 12:58
希望孩子長大了要怎樣怎樣，講真，真係唔到我地諗，不如燒多啲香，求神保佑天下太平仲好。打開本歷吏書，古今中外，有幾多太平年呢？
不遇，當孩子仲細時，在我地仲可以完全掌握時，我最想孩子四肢發達，身體健康。大少常說，帶孩子出門，啲人一見會，就會話，你個子好高大噃，跑得好怏噃，父母即刻有晒面子。嗰啲排隊排第一嘅，父母要多費周章，證明其他都排第一，才可show-off。
阿仔細個，除了游水、滑冰、足球外，操其四肢發達的大計，就落在大少和工人姐姐身上，工人姐姐最主要帶佢去踩單車，大少教阿仔所有佢識嘅(包括見過)運動，這包括了篮球、羽毛球、乒乓球、棒球、輕功......
結果：
1.單車：阿仔K2己話要踩两個輪，俾佢纏到煩，唯有應承，結果，一個下午搞掂，第二日回家，知他在公園玩，去看佢。佢踩緊單車，遠遠見到我，揮手同我打招呼，嚇死我。
2.足球，滑冰。家人認為危險，只學半年。
3.游水游得好，泳會叫佢加入泳隊，但阿仔更希望打羽毛球，現一星期只練一堂。
4.羽毛球，大少教咁多種運動中，最成功就是羽毛球，現一星期練近8小時。
除了做運動外，阿仔第二法寶就是睇書。本來以為男仔難搞，點知唔係。我發現了"屁屁尿尿，打打殺殺"八字真言。只要内容有此八字真言，無論中英文，阿仔都喜歡。
作者: torunpoland 時間: 14-8-20 13:13 標題: 回覆：judy 的帖子
本帖最後由 torunpoland 於 14-8-20 15:20 編輯
男仔先喜歡波波車車，之後屁屁尿尿，之後打打殺殺。
謝謝賜教！
作者: kerkermui 時間: 14-8-20 13:37
我覺得我對兩個小朋友嘅期望不停咁改變緊 (微調中)因為生佢兩個時，我身體一路都有問題，所以，佢地平安已經係我最大嘅心願
到大d，同老公定下以下計劃：
音樂：培養對音樂嘅興趣，係爸媽送俾孩子一生人嘅禮物
運動：基本上一定要學游水
學習：學認字，愛閱讀，愛書
老大so far都叫做到上面嘅嘢，音樂有d拖拖拉拉，但老師話佢OK嘅，所以會繼續
游水都算ok，望佢識游，唔望佢游得快
學習都算唔錯，好鍾意睇書，好鍾意計數，會自己做功課，考試測驗半放手都OK
老二就pick up得好慢，對音樂毫無興趣，但就好鍾意玩水，學緊游水，認字差d，但都好鍾意書
身體，兩個都唔太好，唉~
作者: poodlema 時間: 14-8-20 14:23
回覆 Yanamami 的帖子
D野好似相反咁O既?
令我有D懷疑其實係咪越細個迫佢佢越無心機學, 越諗住唔理佢就去學?
人係犯賤架嘛...
不過我覺得最緊要小朋友開心。
作者: 小時了了 時間: 14-8-21 09:31
本帖最後由 小時了了 於 14-8-21 09:32 編輯
上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭睇電視, 老人家打她, 她就用"粗口"回敬" 老人家). 呢個落差.... 唉!
作為父母的我倆, 倆老人家以至親戚朋友無一個人有講"粗口", 我理想地認為這"身教"已可避免小女粗言穢語, 當晚大興問師怒罵小女她從何處學來, 她好理所當然話周街啲人成日講...當晚她當然被阿爸及阿媽(即係我)罵個狗血淋頭, 另加上一課如何處理憤怒情緒管理
呢排新聞有 2單法庭版阿仔聯同朋友/同學殺害父母, 以及娛樂版"房東"毒害事件. 尋晚我同阿女傾這3單新聞, 全部都係同學又或者係好朋友叫去做的, 我同佢講, 妳自己人生路妳自己選擇及決定的, 父母無可能 24小時睇住妳. 而且, 叫做壞事及錯事的人好多時係妳好朋友, 妳要識 say no. 阿女即刻講如果佢吸毒唔洗我教啦. 我正想罵她時, 她接住講到時佢坐牢, 俾懲教處啲人教了.
我無言
作者: 小時了了 時間: 14-8-21 09:43
係我講大道理教女時, 我同佢講升小四開始要參加紀律制服團隊, 妳要學好品格, 服從, 紀律.... 前文我講過我一直以來好想佢參加基督少年軍, 但係佢嫌考章辛苦, 又要背唔知咩野, 又要步操等等唔肯參加. 之前遊說佢一年未能成功, 尋晚我傾開"房東"毒害及2單法庭版新聞, 我同佢講教好佢係作為父母的職責, 佢今年一定要參加. 她今次見我咁強硬, 無好似以前咁強烈反對, 反而勉強應承了. 唉!
作者: judy 時間: 14-8-21 10:08
上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭睇電視, 老人家打她, 她就用"粗口"回敬" 老人家). 呢個落差.... 唉!
大劑。
作者: 仔仔錫錫你 時間: 14-8-21 10:31
我地無咩要求，大前提要開心有時間玩,就算返學仍要有2小時自由時間：
大仔今年升小3，未夠8歲：
畫：創意原本唔差，可惜學校思想較守舊，鉗制小朋友得幾緊要，攪到依家唔係好得，但抄畫就一流。
音樂：學左1年有2級程度，老師話佢唔錯，手指超夠力所以學得很快。可惜我地成日帶佢周圍玩，攪到佢坐唔定繼而唔想練琴，最後升2年班後停了。
運動：ok, 5歲前學識單車游水，咩都玩。好彩周身刀都有一兩把利，暫時是2項學界運動冠軍,來年都應該係3甲必入。
學術：我地要求唔高。學校全級約170人，頭100名都係b1生。我地只要求功課測考自己攪掂，考頭50名內，sofar 小一開始到現在全放手唔理都未跌出。
作者: MASAYA 時間: 14-8-21 10:37
小時了了 發表於 14-8-21 09:31
上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭 ...
我覺得每個人都有學壞既機會，細個學壞，壞極有個譜，同埋會易d學返好，變返好就冇咁易再壞返，因為諗通左，反而成左年先開始學壞最弊，好難返轉頭
p.s. 有d人覺得講粗口冇乜大不了，但我覺得細個講粗口唔理，大個就唔止講粗口
作者: annie40 時間: 14-8-21 15:00
回覆 小時了了 的帖子
上星期新出現一個落差 ------ 9歲升小四的阿女生平第一次出聲講 "粗口"(X你老X) 罵奶奶 (事原小女與奶奶爭睇電視, 老人家打她, 她就用"粗口"回敬" 老人家). 呢個落差.... 唉!
**** **** ****
拿拿临今次我要帮你个女嘞! 九岁的孩子最痛恨父母处事不公平, 千期不要期望佢奉旨的让细佬妹, 奉命的让老人家,他们的世界处于非黑即白区, 唔会理解如何运用灰色地带, 佢講 "粗口"当然系唔岩, 但有人出手打人, 是无理在先, 据理力争, 简直好有potential 当'大状', 妈妈无理由只系责骂一个, 另一个就无呢事干啊!
要骂就一起骂, 顺手打烂部電視机.......睇下边个够我恶死...........此乃幻想部分, 我真的无甘勇!
请拉埋女女入房, 话比佢知嫲嫲读书少,唔识上网,唔识打机, 生活苦闷, 无呢嗜好, 電視节目好落后, 留番比D六十岁以上阿毛睇就差不多, 重要话自己要睇少D, 否则太老饼了..........等阿女觉得你有道理, 然后讲番一小时大道理, 临尾话
Cotton On 的笔袋, 和notebook 很漂亮, 又得意, 不如亲住减价, 开学前去選番一些都好播!!!!
始终是一家人, 大事化小, 请你老公劝慰老人家, 切记要: 动口不动手: 孩子, 不能随便'打'. 不然把電視机送走好了，天下太平!
作者: dontaskme 時間: 14-8-21 17:47 標題: 回覆：judy 的帖子
我仔應該差不多把圖書館有關屎尿屁的中文書都看過了
作者: hadwinboy 時間: 14-8-21 19:10 標題: 引用：+本帖最後由+小時了了+於+14-8-21+09:32+編
原帖由 小時了了 於 14-08-21 發表
本帖最後由 小時了了 於 14-8-21 09:32 編輯
上星期新出現一個落差 ------ 9歲升小四的阿女生平第一次出 ...
作者: MrBeast 時間: 14-8-21 19:15
MASAYA 發表於 14-8-21 10:37
問下佢講完粗口有咩感覺，會唔會舒服左？心情好左？件事解決左？(唔好質問既語氣，一定有反彈)
我覺得每個 ...
與其朋背間學到，倒不如自己以輕鬆方法討論一下，most importantly, 什麼時候不應用粗口。
作者: MASAYA 時間: 14-8-21 19:31
MrBeast 發表於 14-8-21 19:15
比你引到出lei tim. 粗口都係語言的一部份，在下愚見是應要識和點用，唔係第時出來做野點適應。
與其朋背 ...
作者: Mini-mummy 時間: 14-8-21 21:24 標題: 回覆：從前我希望/要求仔女點樣,依家仔女咁樣!唉!要接受好大落差
期望：
照顧及保護到身邊每一個人
現實：
仲喺我照顧緊佢
作者: annie40 時間: 14-8-22 00:00
間唔中會比人激到系心𥚃要講粗口，講完真系好舒服。zzzzzz粗日可以是感歎詞。完全沒有表達的必要。
作者: Busybody! 時間: 14-8-22 19:46 標題: 回覆：從前我希望/要求仔女點樣,依家仔女咁樣!唉!要接受好大落差
提示: 作者被禁止或刪除 內容自動屏蔽
作者: nillnill 時間: 14-8-22 22:48 標題: 回覆：MASAYA 的帖子
黃霑係大人，而且係能文能不文，識得控制。大人當然唔可以教小朋友講粗口，亦要控制唔係小朋友面前講。呢個身教，唔係教什麼道德尊重，而係教小朋友自制，適當身份做適當事講適當話。小朋友長大後識講粗口抽煙召妓賭錢，呢個係靠佢自己取捨自制，而唔應該大人身教，否則多個成龍。大家寧願自己個仔叻過黃霑抑或似成龍？
作者: 小時了了 時間: 14-8-24 19:11
本帖最後由 小時了了 於 14-8-24 19:34 編輯
MASAYA 發表於 14-8-21 10:37
問下佢講完粗口有咩感覺，會唔會舒服左？心情好左？件事解決左？(唔好質問既語氣，一定有反彈)
我覺得每個 ...
講粗口只係果，之後耐心地同阿女傾，一層一層咁問落去，事實原來是咁的：
所以講粗口 > 因為奶奶打小女 > 因為小女與奶奶爭睇電視 > 因為放暑假不用返學要係奶奶家發呆 (平時返學沒有這衝突）> 最後發現根本原因是 - 小女講因為佢好悶，無野玩，又無人同佢玩，又無電腦玩，只有睇電視"打發時間" （因為報社區中心的暑期活動於上星期完晒所以活動）
當我了解 "因為小女好悶，無野玩，又無人同佢玩，只有睇電視打發時間" 呢個情況，當晚同C6傾&同C6講，如果我自己湊，我會同小女去圖書館，游水，打波，去公園玩等，絕對不會發生依家小女講粗口的惡行。但，我倆深感有 "寄人離下"，老爺奶奶咁老都幫手湊孫，我地真係無可能要求兩老人家上山下海咁陪阿女好充實咁過暑假的啊！唔上山下海，要老人家係圖書發呆一個鐘？兩個鐘？呆等呆坐呆陪？呢個唔係老人家的職責，係父母職責啊！我地無得要求老人家的啊！（雖然問心我真係好想
）同理心我倆會明白小女暑假在家的苦悶，亦體諒老爺奶奶的勞苦！
之後一日，聽女講佢煩咗奶奶好耐想去游水，最後奶奶肯帶佢去, 兩老少一齊游水過咗好愉快又充實嘅一日。"講粗口"無機會講了。
係呢件上，我自己好真實學一樣野，同小朋友傾，真係要好有耐性唔好有預設立場／想法／道理，要一層一層去問，了解事情核心問題，咁衝突會減少好多，親子關係才會長久及良好。
我都係努力學習中！
作者: MASAYA 時間: 14-8-24 22:11
小時了了 發表於 14-8-24 19:11
講粗口只係果，之後耐心地同阿女傾，一層一層咁問落去，事實原來是咁的：
禁止好容易講出口, 但冇了解原因係解決唔到問題, 最壞情況係在你面前做得好乖, 但冇管束下就唔會自律, 仲衰過係你面前講粗口
作者: 小時了了 時間: 14-8-25 09:04
本帖最後由 小時了了 於 14-8-25 09:06 編輯
MASAYA 發表於 14-8-24 22:11
我覺得你做得好好
禁止好容易講出口, 但冇了解原因係解決唔到問題, 最壞情況係在你面前做得好乖, 但 ...
上星期係晴報睇到以下的文章, 個人覺得好好, 同大家分享一下. 正如您所講, 我唔希望小女係我面前同背後嘅品格及行為會有天與地的表現落差.
孩子是不需要管的 - 鄧明儀
20/08/2014
人生總是充滿諷刺的！柯震東與房祖名在北京涉毒被捕，前者兩年前為台灣拍禁毒宣傳片「我不吸毒」，後者父親成龍更是中國禁毒宣傳形象大使，把「拒絕毒品誘惑」說得擲地有聲，更曾揚言：「小房子（房祖名）要是聽話我就不用管了，他要是走了歪路，我必定報警抓他坐牢！」網民立即拿他的金句「中國人是需要管的」改圖揶揄為「孩子是需要管的」。
兩個本來前途無可限量的大男孩，卻為全中國人做了「養不教，父母之過」最諷刺的示範。
柯震東曾在訪問時坦言，家人對他採取「無所謂、放縱」的教育方式，養成他放蕩不羈、口不擇言的個性，「她（媽媽）只管我的錢，其他都不管我，不坐牢就行。」另一邊廂的房祖名卻恰恰相反，自小在超級巨星父母的「壓力」光環下長大，成龍是事事要管、打多讚少的傳統嚴父，甚至經常在傳媒面前數落兒子，說兒子不如他勤奮、努力，「反正覺得他甚麼都不如我好。」
在管與不管之間，父母從來都難以拿捏得準！曾聽過一位兒童心理學博士談他的教育心得：「孩子是天地的，不需要特別去管太多。12歲前孩子是父母的，12歲以後父母再也管不動了。」他說，孩子就是兩夫妻的鏡子，子女表現好與壞其實來自父母的身教。
在中國教育來說，柯爸是太過放任不管；在西方教育來說，成龍是管過多了。畢竟，真正優秀的好孩子，不是管出來的，是教育出來的。
http://www.skypost.com.hk/column/鄧明儀/007010001005/%E5%AD%A9%E5%AD%90%E6%98%AF%E4%B8%8D%E9%9C%80%E8%A6%81%E7%AE%A1%E7%9A%84/150890
作者: little_yolky 時間: 14-8-25 13:00
本帖最後由 little_yolky 於 14-8-27 15:47 編輯
hkpapa852 發表於 14-8-15 18:15
唔好以為8，9唔重要，如果父母都唔尊敬愛護親友，咁你咁叫佢地尊尊愛護親友？ ...
我唔係話唔重要, 係覺得唔認為小小朋友覺得重要。小小朋友都自我中心, 唔會想到他人, 父母只要尊重他們就夠了。所以, 8, 9係重要, 但唔會如文中所說的小小朋友會覺得重要。
作者: Mat_Dad 時間: 14-8-25 15:42
從前我老婆十月懷胎時, 我兩夫婦希望BB出世有手有腳健健康康.
依家阿仔有手有腳健健康康, 感謝主!
作者: 小時了了 時間: 14-8-26 06:38
本帖最後由 小時了了 於 14-8-27 09:15 編輯
http://hk.apple.nextmedia.com/su ... 23/18841144?top=12h
千金難買少年窮 - 陳惜姿
房祖名現年三十二歲，廿八歲時獲父親成龍送一個北京豪宅「Naga上院」單位作生日禮物。這個單位，正是他今天和朋友吸毒的地方。
成龍廿八歲時又在做什麼？
他已拍了《新精武門》、《蛇形刁手》和《醉拳》，成為當時得令的武打明星。
若成龍從小有個富爸爸照顧，凡事不勞而獲，飯來張口，生日時獲豪宅作禮物，他還會有後來的成就嗎？富爸爸捨得讓他為拍戲弄得遍體鱗傷嗎？他還會是名滿中外的成龍嗎？
有個富爸爸，是福還是禍？做名人之後不容易，做中國名人之後更難。外國富豪會把財富捐出來，不為子女留一個仙，中國人不會。中國人喜歡為下一代籌謀，以為把最好的留給子女，最後是害了他們。子女從小要風得風，要雨得雨，這些白白得到的財富和享受，對年輕人是一種蠶食，一種毒害。
千金難買少年窮，是我們經歷過的道理。今天的一切，都憑自己雙手賺來，是我們引以為傲的成績。不為子女留什麼，我認為是應當的。
我常提醒自己，不要令子女過得太好，因不知他們將來家境如何。年少時享受慣了，將來未必會有這種生活。有一個年輕同事跟我說過一句話，令我印象深刻，她說：「我這一代的痛苦，是從小被培養出一種品味和要求，是我憑現在的收入負擔不起的。」
轉載自蘋果日報
作者: rean_chau 時間: 14-8-26 13:55
kerkermui 發表於 14-8-20 13:37
我覺得我對兩個小朋友嘅期望不停咁改變緊 (微調中)因為生佢兩個時，我身體一路都有問題，所以，佢地平安已 ...
其實唔需要一定要佢學彈學唱學吹先叫做興趣 其實教佢學識欣賞音樂都唔錯丫.
作者: kerkermui 時間: 14-8-26 19:34
rean_chau 發表於 14-8-26 13:55
點解覺得培養音樂係一生既禮物? 除非佢好有天份同興趣, 如果單靠聰明其實係唔會成為興趣, 只會當一個學科 ...
我地明白，有時作為家長，點都要俾d壓力先會去練習，而練習本身未必會好有趣
但到成功之後，就會變得有趣
我地希望從學習樂器當中，佢學懂音樂，從而懂得欣賞音樂
作者: marble2004 時間: 14-8-26 21:36
回覆 小時了了 的帖子
千金難買少年窮 - agreed! Thinking back of the good old days, we were so poor but then we trained to be tough - be able to face all the difficulties and challenges. I bet the kids, teenages or even those 20's or early 30's won't be able to handle.
作者: little_yolky 時間: 14-8-27 15:44
rean_chau 發表於 14-8-26 13:55
點解覺得培養音樂係一生既禮物? 除非佢好有天份同興趣, 如果單靠聰明其實係唔會成為興趣, 只會當一個學科 ...
好似我囡囡, 學校一定要學一種樂器, 咁我咪俾佢學琴囉, 依家升小二, 都仲係一級程度, 樂器只係俾佢學校考試交差既嘢, 佢自己本身好鐘意唱歌, 所以就參加詩歌班同學粵曲。所以「培養音樂」就係教佢學識欣賞音樂, 同你既觀點無出入的。
| 歡迎光臨 教育王國 (/) |
Powered by Discuz! X1.5 |