教育王國

標題: 比比意見，全日班定半日班 [打印本頁]

作者: tungtung12 時間: 14-8-11 15:26 標題: 比比意見，全日班定半日班

大仔而家15個月，出年2015會讀pn.
而家陀緊個細仔，今年12月出世。

屋企有一個姐姐幫手，暫時做得唔錯。屋企人婆婆嫲嫲都可以和願意幫手，但每邊車程都要30分鐘。

因為姐姐一個湊兩個會好吃力，所以考慮緊好唔好安排大仔讀全日pn.雖然有屋企人幫手，但始終仲有一個細仔，怕有時真係有咩事大家都會好辛苦，日日都要黎我地度又累。我地兩邊屋企一個九龍一個新界，事但搬近一邊呢個方案我同老公達唔到一個共識。

有無姊妹可以分享下返全日既好同壞處？

作者: ce366 時間: 14-8-11 15:30

全日可以學好多自理. 我覺得如果你無人照顧. 番全日係最好.

作者: tungtung12 時間: 14-8-11 15:59 標題: 回覆：比比意見，全日班定半日班

其實我地有人手，但我都唔想姐姐同屋企人太辛苦。只係一年nursery 全日，想聽下大家意見其實有咩好同唔好。

作者: socute 時間: 14-8-11 17:40 標題: 回覆：比比意見，全日班定半日班

我同你情況完全一樣，大嘅15個月，細嘅1月出世，有姐姐湊做得幾好，99願意幫手但不是住得好近。我都考慮緊俾大囡讀全日，但怕她有hard feeling 覺得我因為個細扔佢番全日，我工作的地方很近屋企，番半日接送我可以做，但是只是怕姐姐睇不住2個，有全日班我會報住先

作者: Samuelqq 時間: 14-8-11 18:23

個人意見, 咁細細個讀PN就全日好似好辛苦咁, 本身PN就讀唔讀都得, 依家仲全日, 其實番全日好多時下午都係訓下食下野, 如果屋企有人睇到就訓屋企好過啦

作者: tungtung12 時間: 14-8-11 18:58 標題: 引用：我同你情況完全一樣，大嘅15個月，細嘅1月

原帖由 socute 於 14-08-11 發表
我同你情況完全一樣，大嘅15個月，細嘅1月出世，有姐姐湊做得幾好，99願意幫手但不是住得好近。我都考慮緊 ...

係呀，其實半日唔係唔得，不過全日既大家都會輕鬆啲。只不過係10個月啫，我都考慮緊

作者: siumak 時間: 14-8-11 19:33 標題: 回覆：比比意見，全日班定半日班

唔好成日覺得番全日好慘，
佢地節目好豐富架！

上、下晝各番一間果啲就真係慘嘞！

BTW，我好多朋友家有細B就安排大B讀全日。

作者: bbjanbb 時間: 14-8-11 19:42 標題: 回覆：比比意見，全日班定半日班

我ftm, 亦都安排大仔返全日，聽日開學啦。
細仔3個月後出世。

作者: cowsheep 時間: 14-8-11 22:20

我贊成返全日，上年我係大仔N班全日，細妹几個月，其實就算吾係細妹，我都吾想阿仔對住姐姐，好多人覺得返全日，下午冇乜野學，其實真係食飯，擦牙，排洗，睇故事書，瞓覺，排洗，上一節堂，就放學啦，但畢業時老師話佢地全日班的同學感情好好，吾似半日淨係上堂，就係因為多左個D吾係課堂的時間，佢地好似一齊生活甘，多左溝通，阿仔好開心，完全吾覺返全日好慘，因為有得食，有得瞓，又有同學仔一齊，點都好過對住個姐姐。有時大仔放假，一湊二真係辛苦，細個個可能比大個個嘈醒，姐姐可能去個廁所都吾得。
吾好的係怕易病(阿仔好彩冇)&全日班少位

作者: cowsheep 時間: 14-8-11 22:21

我贊成返全日，上年我係大仔N班全日，細妹几個月，其實就算吾係細妹，我都吾想阿仔對住姐姐，好多人覺得返全日，下午冇乜野學，其實真係食飯，擦牙，排洗，睇故事書，瞓覺，排洗，上一節堂，就放學啦，但畢業時老師話佢地全日班的同學感情好好，吾似半日淨係上堂，就係因為多左個D吾係課堂的時間，佢地好似一齊生活甘，多左溝通，阿仔好開心，完全吾覺返全日好慘，因為有得食，有得瞓，又有同學仔一齊，點都好過對住個姐姐。有時大仔放假，一湊二真係辛苦，細個個可能比大個個嘈醒，姐姐可能去個廁所都吾得。
吾好的係怕易病(阿仔好彩冇)&全日班少位

作者: kvvvcheung 時間: 14-8-12 08:24 標題: 回覆：比比意見，全日班定半日班

贊成全日學自理

作者: elmolly 時間: 14-8-12 09:43

其實全日班好少位仲難入過半日班, 有得讀先煩啦. 我有人湊都比兩個都返全日, 起學校有老師同學好過起屋企比工人同老人家縱.

作者: 甘恩 時間: 14-8-12 11:25

有得揀，必定揀全日。學習自理好重要。

作者: mamath 時間: 14-8-12 11:56

我也有兩個, 經歷過大仔番半日, 得一個工人及要老人家幫手的日子.

當初我大仔有全日N班, 就是怕他病和太辛苦, 所以轉了半日班. 但細妹出世後, 有點後悔這個決定, 因為大仔返半日其實時間好短, 工人很忙, 而且老人家也有些辛苦(我已住近阿媽). 現在大仔放暑假, 更覺日子難過, 因大仔在家, 妹妹難得睡覺.

若再重選, 我會選全日班. 不過是一年時間, 小孩子應該沒問題, 但大人就容易好多. 但最好找間比較注重hygiene的, 因始終全日在校易些感染

作者: tungtung12 時間: 14-8-12 12:51 標題: 引用：我也有兩個,+經歷過大仔番半日,+得一個工人

原帖由 mamath 於 14-08-12 發表
我也有兩個, 經歷過大仔番半日, 得一個工人及要老人家幫手的日子.

當初我大仔有全日N班, 就是怕他病和太辛 ...

多謝你意見。我住九龍，有無邊間全日pn比較好可以提供下資料比我？

作者: 小芝~ 時間: 14-8-15 08:23 標題: 回覆：cowsheep 的帖子

我仔今年9月反全日 N，聽你講完安樂D

歡迎光臨教育王國 (/)