教育王國
標題: 艱難的決擇 [打印本頁]
作者: carriekwp 時間: 14-8-2 18:46 標題: 艱難的決擇
想幫升K3的仔簡一間band2的屋邨小學，但始終仍有心理關口，想大家給一点中立意見。
老師對我個仔啲評價係 '聰明但專注力不足，(refer 去健康院做test), 比普通小朋友需要多一点時間做功課及學習' 。爸爸係名私校畢業生，一直希望個仔跟佢一樣，認為所有事都可以習慣。 band2 小學係我自己母校，上月去了參觀，和校長談過，新校長有心搞好間小學，亦申請左政府50萬特別資助協助特別需要的學生(如讀寫障礙，ADHD…), 但學業成績一般。
作者: nillnill 時間: 14-8-2 20:29 標題: 回覆：carriekwp 的帖子
很者。因為支援夠。前者名校就算必修，支援不足，而且名校往往對表現差學生有排斥心理，好容易被學校勸退收場。再者，只要支援得好，到第二年可能不用支援就可以正常讀落去，到時再決定是否轉校都得。就算唔轉，第日在弱小學校成為band1成績，選擇仍然與名校同等。
作者: fishchow 時間: 14-8-2 20:39 標題: 回覆：carriekwp 的帖子
聰明但專注力不足- 仔仔在K3 成績如何？
作者: carriekwp 時間: 14-8-2 21:01 標題: 回覆：fishchow 的帖子
9月升K3, 做功課同上堂時成日發夢，但叫一叫佢就會返嚟，好在唔會搞同學，成績中等，老師話佢成日魂遊都算ok, 佢用别人一半時聽書，所以算聰明。
作者: 已刪除用戶 時間: 14-8-2 21:32
同我仔情況相似
我係你的話, 會去名校問下有咩支援(in case真係確診專注力失調), 包括社工安排, 社交支援(a仔社交係會差d, 因為連待人接物都無認真留意), 平時老師點做, 調前d? 分組點攪?
如果學校黑口黑面, 或者都答唔出, 咁就算把喇, 6年流流長, 小朋友日日在學校都唔好過
現階段, 確唔確診都好, 可以搵d專注班俾佢上, 總會有幫助
作者: WWS2000 時間: 14-8-2 22:24
阿仔都有相類似問題，我傾向選間唔迫而又是活動教學嘅俾佢。。。
可否告知邊個net嘅屋村校呢？
作者: Argyle 時間: 14-8-3 16:00 標題: 回覆：Charlotte_mom 的帖子
現今的幼稚園課程設計，有些真的很沉悶，抄寫默書，年復年，日復日，唔專心可能係正常反應，男仔更甚。
作者: carriekwp 時間: 14-8-3 17:29 標題: 回覆：Charlotte_mom 的帖子
我無問過，因為開放日實在太多人，同時我亦覺得大部份出名/唔憂收生的學校校長老師對眼都生响額頭，佢地都最憎哩d學生。但爸爸就覺得迫迫下得，因為佢細過都係咁(專注力不足可能是遺傳於佢，爸爸2兄妹都有).
作者: Jane1983 時間: 14-8-3 17:39
爸爸間名私係傳統教學定係都活動教學呢？有無自己龍校中學？龍校吾使煩升中，教學有自pacing，有好處。
你覺得學校眼角高，但都了解吓佢地有什麼配套和支援，或者佢地都有呢，做吓盡職調查。如果佢地真系無支援，又嫌棄，課程又好傳統好谷，咁你可以同你老公解釋無謂玩個小朋友lor。
作者: 已刪除用戶 時間: 14-8-3 18:13
Argyle 發表於 14-8-3 16:00 
現今的幼稚園課程設計，有些真的很沉悶，抄寫默書，年復年，日復日，唔專心可能係正常反應，男仔更甚。
...
作者: 已刪除用戶 時間: 14-8-3 18:15
"無謂玩個小朋友lor" EXACTLY!
何必辛苦自己辛苦小朋友, 而家個個小朋友都周身刀, 唔係以前個世界咁簡單, 樣樣都迫, 破壞親子關係, 唔值得! 我自己揀左中庸之道, GOOD ENOUGH就好
作者: nillnill 時間: 14-8-3 18:48 標題: 引用：現今的幼稚園課程設計，有些真的很沉悶，抄
原帖由 Argyle 於 14-08-03 發表
現今的幼稚園課程設計，有些真的很沉悶，抄寫默書，年復年，日復日，唔專心可能係正常反應，男仔更甚。
...
有些幼稚園無為而治，活動教小朋友，無默書
但都有家長話唔好
作者: carriekwp 時間: 14-8-3 21:48 標題: 回覆：Charlotte_mom 的帖子
其實我老公到最後都會比我決定，因為佢都知道我都係想個仔好。不過係我驚，驚做左一個錯誤的決定，多謝大家的意見，其實一直我都介意别人的睇法，所以先會心大心細，對，先要改善專注力的問題，到時2/3年班ok再去插班都未遲，可能到時阿仔自己唔想去啦！
作者: a_for_apple 時間: 14-8-3 22:27 標題: 回覆：艱難的決擇
我仔都係，輕微 ADHD, 但有小聰明，成績中上，但我唔想日日同佢做功課要搏鬥，所以唔揀好傳統而又多功課嘅小學，同埋我唔想成日收投訴電話。
我當初會好留意學校多唔多特殊教育嘅老師，同埋會留意/睇下 post, 睇下佢哋有冇愛心，包唔包容，而家阿仔升小二，佢又讀得開心，我又輕鬆啲
作者: babycute2009 時間: 14-8-3 22:36
Charlotte_mom 發表於 14-8-2 21:32
同我仔情況相似
我係你的話, 會去名校問下有咩支援(in case真係確診專注力失調), 包括社工安排, 社交支援(a ...
我小朋友上堂都經常遊魂, 其實係未因為睇得多電視呢? 因我小朋友係好鍾意睇電視
作者: Andymammy 時間: 14-8-3 22:49 標題: 回覆：babycute2009 的帖子
睇電視會減低專注力
作者: Andymammy 時間: 14-8-3 22:49 標題: 回覆：babycute2009 的帖子
睇電視會減低專注力
作者: elvina_lmk 時間: 14-8-8 00:08 標題: 回覆：艱難的決擇
學畫畫,閱讀試下增加專注力。
作者: rainbowcov 時間: 14-8-8 06:36
babycute2009 發表於 14-8-3 22:36
請問知唔知邊度有比較有效既專注班?
我小朋友上堂都經常遊魂, 其實係未因為睇得多電視呢? 因我小朋友係好 ...
作者: little_yolky 時間: 14-8-8 09:51
carriekwp 發表於 14-8-3 21:48
其實我老公到最後都會比我決定，因為佢都知道我都係想個仔好。不過係我驚，驚做左一個錯誤的決定，多謝大家 ...
佢都好有心咁幫囝囝揀咗間二線小學, 最初諗住無咁harsh。點知入學果年轉校長, policy轉晒, 搞到佢要辭咗份工跟功課。你間二線剛轉新校長, 應該好啲, 可以keep住個policy。
小朋友遊魂佢自己都唔想的, 控制唔到, 無得話迫迫吓就得, 因為佢唔係跩。如果津校有backup, 就揀津校, 上面JM講得啱, 如果讀得上, 做埋band 1好過私校做band 2, 除非係龍校唔駛煩升中。BTW, 二線津校升中網好唔好都要考慮。專注力不足既小朋友要媽媽有200%耐心至得, 你要努力, 辛苦你了, 一定會變好的。
作者: 已刪除用戶 時間: 14-8-8 11:41
我仔上過小童群益會專注班, 而家上健苗軒, 不過改上社交情緒(佢除左ADHD仲有非典型自閉, 更煩)
佢有覆診, 有食藥, 佢食左藥效果好明顯, 一唔食, 多手多腳(自己都解釋唔到點解要咁做, 明知唔岩, 就係控制唔到, 醫生解釋類似個腦無左YES/NO掣, 一股衝動就去, 係會影響老師上堂, 亦會影響同學對佢印象, 進一步影響社交), 發呆, 食左豬油膏執個書包執一個鐘都成檯野, 真係幾頭痕
作者: subb 時間: 14-8-8 12:03
其實現階段唔好諗太多, 你都講"爸爸係名私校畢業生"~~~出生率高,香港認成績唔認人, 要考入名C小都好艱難 ! C及直資小學都難考
作者: ckh311 時間: 14-8-8 12:46 標題: 引用：其實現階段唔好諗太多,+你都講"爸爸係名私
原帖由 subb 於 14-08-08 發表
其實現階段唔好諗太多, 你都講"爸爸係名私校畢業生"~~~出生率高,香港認成績唔認人, 要考入名C小都好艱難 ! ...
作者: sexymami 時間: 14-8-8 13:13 標題: 回覆：艱難的決擇
我小時候都成日上堂發夢，去到高年級都係一樣，連初中老師評語都係話我有小聰明但專注力不足，一直讀上去要思考的越來越多要背的越來越少，咁我啲成績先越來越好。
所以你又唔㙙太擔心的。
不過唔好太大功課壓力的學校可能會讀得開啲。
作者: applyp1 時間: 14-8-8 20:06 標題: 回覆：艱難的決擇
小兒K3至小二都係專注不足，被評為踏界專注不足，但到小三好明顯有改善，返學有返哂自信。小一，小二跟佢功課默測考可用吐血去形容。但見佢漸漸改善，真係好開心。
以下小小貼士:
寫字一定要佢左手僸實紙追住右手寫字，成為習慣，會專注好多。
中文叫佢一路寫一路拆字讀出聲，e.g, 讀字要讀成言士四具。
英文拆phonic音。
作者: carriekwp 時間: 14-8-12 19:59 標題: 回覆：applyp1 的帖子
現在做功課都可以用嘔血嚟形容，將來上小學更加可以想像。大家建議啲方法我都會試下，希望有用啦！因為我相信每個小朋友都係一粒星星，要响適當啲環境先會發光發亮！
| 歡迎光臨 教育王國 (/) |
Powered by Discuz! X1.5 |