教育王國

標題: 歷奇村 / 朗研社 / Top Kids.. 好唔好? [打印本頁]

作者: w.ling 時間: 14-7-29 14:55 標題: 歷奇村 / 朗研社 / Top Kids.. 好唔好?

請問有冇人係歷奇村 / 朗研社 / Top Kids返過?
因小囡今年冇N既插班, 想佢夠2歲時, 返下學, 學下自理, 習慣下學校既生活. 上網Search到呢3間, 都有學前班, 父母不需一起上堂. 但唔知好唔好既呢? 收費又點? 第1堂就直接唔駛父母一齊上? 定漸進式, 慢慢父母先唔駛陪?

作者: SS0512 時間: 14-7-31 18:29 標題: 回覆：w.ling 的帖子

我小朋友有返朗研社，導師很有經驗，小朋友很喜歡。係價錢較貴。

要否家長陪，視乎你小朋友跟父母分離的情況。我小朋友第一堂我陪足1 hour, 第二堂陪了45 min, 第三堂陪了30分，第四堂陪了15 min...第五堂放低佢我就走。佢地盡量會幫小朋友快些適應獨立上課，所以如你小朋友ok,佢地一定叫你出去。但開頭睇到小朋友上課情況也好，令我更安心和看到她們真的很有經驗。

作者: w.ling 時間: 14-7-31 22:06 標題: 引用：我小朋友有返朗研社，導師很有經驗，小朋友

原帖由 SS0512 於 14-07-31 發表
我小朋友有返朗研社，導師很有經驗，小朋友很喜歡。係價錢較貴。

要否家長陪，視乎你小朋友跟父母分離的情 ...

我有正職，佢一星期要返3日，我怕我請唔到咁多日假陪佢咋，但我又好想佢夠2歲，返下呢的班，學習下分離，同埋我見好多時小朋友返左學，會定少少，自理會好的，學野快的。覺得佢一個係屋企好悶咁。
夠佢上堂，駛唔駛好似pg咁，陪住佢四圍行，一齊玩咁架? 如果我上唔到咁多堂，可以搵婆婆陪，但婆婆年紀大，但佢辛苦。
想問埋，佢會唔會好多人報，要排好耐先有得上?

作者: SS0512 時間: 14-8-1 01:20 標題: 引用：Quote:原帖由+SS0512+於+14-07-31+發表我小

原帖由 w.ling 於 14-07-31 發表
我有正職，佢一星期要返3日，我怕我請唔到咁多日假陪佢咋，但我又好想佢夠2歲，返下呢的班，學習下分離，同 ...

我初時是返週末的突破班，基本上陪上堂真是坐在一旁，連回應小朋友，佢地都唔expect家長做。如初時我小朋友上課時會成日望住我叫mommy,導師都提我只點頭作為回應便可，否則小朋友便會依賴，更加難分離。據我所知，我要陪四堂才分離已經是很多的了。建議你打去問下，我果陣打去查詢，她們refer我 to一個資深的導師同我傾，了解我小朋友的情況，然後再建議我報哪一個班。好surprise未必報名都同我傾咁耐。突破班雖然最貴，但物有所值。當小朋友其他改善了某些問題，導師也會建議下一期可讀其他班。我報讀了幾期，so far都有位。希望以上sharing可幫到你。

作者: w.ling 時間: 14-8-1 14:39 標題: 引用：Quote:原帖由+w.ling+於+14-07-31+發表我有

原帖由 SS0512 於 14-08-01 發表
我初時是返週末的突破班，基本上陪上堂真是坐在一旁，連回應小朋友，佢地都唔expect家長做。如初時我小朋友 ...

非常感謝你既分享呀，非常有用。
咁等我搵日打去問下先。謝謝你!

作者: w.ling 時間: 14-8-1 14:41 標題: 回覆：w.ling 的帖子

預備班其實都唔平呢。
一個月要3千幾近4千，但就一星期返3堂。不過so far，我見呢間既comments好似都好正面呢。

歡迎光臨教育王國 (/)