教育王國

標題: 點樣可以提升小朋友學習態度差? [打印本頁]

作者: kksushi 時間: 14-7-28 16:44 標題: 點樣可以提升小朋友學習態度差?

小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差

其實我自己點會唔知呀, 阿女易心散好易分心, 加上個心一味只唸玩的事, 學習上的事一D都唔主動, 唔好奇.

佢比我感覺係, 咩都無所為, 有我玩就得. 永遠學習上的野都要放到最後先做, 我唔提佢佢又無左件事. 到底點可以幫佢提升下學習態度呢? 點樣可以令佢積極D唔好只顧住玩?

係米真係要同佢出小D去玩, 等佢心唔好咁散?

作者: 王家爸爸 時間: 14-7-28 17:14

kksushi 發表於 14-7-28 16:44
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

需要查找學習態度差背後的原因。

作者: angel_soso 時間: 14-7-28 17:17

學習都可以是坃的一種。其實3X /120 都唔差啦，

作者: kksushi 時間: 14-7-28 17:17

回覆王家爸爸的帖子

就是想不通, 找不出! 就是什麼學術性的都愛理不理.
老師問是否家中有什麼大事發生過, 沒有家中很好很平淡.

作者: kksushi 時間: 14-7-28 17:19

回覆 angel_soso 的帖子

無錯, 是不差的. 我地父母的已很滿意, 不過佢班主任反而說失望喎! 說她名之再好, 態度唔好都無用

, 咁只會再退步下去.

作者: 王家爸爸 時間: 14-7-28 17:28

kksushi 發表於 14-7-28 17:17
回覆王家爸爸的帖子

就是想不通, 找不出! 就是什麼學術性的都愛理不理.

對每科也沒有興趣，還是只對特定的科目沒有興趣？

作者: angel_soso 時間: 14-7-28 17:30

回覆 kksushi 的帖子

態度差是咪吊兒郎當的感覺？老師覺得小朋友無壓力，有少少唔舒服？

作者: little_yolky 時間: 14-7-28 18:03

kksushi 發表於 14-7-28 16:44
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

因為佢玩唔夠, 所以仲想玩。40/120都可以丫, 問題係要同佢傾下, 如果佢覺得上堂啲嘢太易, 都會心散唔專心的。只可以問番小朋友, 對正下藥。成績係可以了, 係要改善學習態度而已。鐘意看課外書嗎?

作者: kksushi 時間: 14-7-29 09:21

回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣都不大, 成日一拎起本書就係想我地讀比佢聽, 要逼佢自會自己慢慢去睇D字

作者: tam888 時間: 14-7-29 09:38 標題: 引用：回覆+little_yolky+的帖子唉,+講睇書.+我

原帖由 kksushi 於 14-07-29 發表
回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣 ...

如果沒有學習興趣可能是你的課外活動或學術活動太多，其實這個年紀好奇心好強，沒可能對事物不感興趣。如果她對玩是很渴求的，你一定比太小玩給她了，試下每日玩三十分鐘，情況會好些。這也是我對孩子的態度

作者: sososu 時間: 14-7-29 09:45

係....好驚 , 我個女都係咁...
升上小學都唔知點..
而家拿出英文同佢讀下 , 佢經已哭起來...
但係一話唔讀 , 佢走去玩 , 就完全無事...
到上小學 : 相信會回家又不做功課 , 不停見家長...

作者: sososu 時間: 14-7-29 09:47

同埋多多直口...暑假叫佢寫下字 , 又話唔舒服 , E 度痛 , 果度痛...
去玩就完全無事....

直係唔識點左....定你個細路有問題 ???

作者: little_yolky 時間: 14-7-29 10:22

kksushi 發表於 14-7-29 09:21
回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣 ...

係咁架, 因為細個唔識字, 所以唔想自己睇, 俾啲心機講下故仔先, 唔好逼佢睇。字識多咗, 就自然會自己捚嚟睇。

我既經驗係, 由幾個月大開始講古仔, 講呀講, 當然佢好鐘意聽啦, 我講古仔都幾吸引的 (讚下自己先

), 然後講得幾年, 去到K1/K2, 就一時繼續講古仔, 一時又加插下啲青田書咁, 因為學校雖然係hea幼稚園, 但有一度好, 就係好俾心機培養小朋友閱讀。佢哋都有青田叫小朋友讀俾家長聽, 中文一本英文一本, 一個月一次。咁自己屋企既青田你同佢讀下, 又請佢讀下, 讀得好就整個表蓋印仔。有啲繪本書, 因為圖多字少, 你講得幾次佢大概知個故事內容, 咁佢就得閒無嘢做時攞嚟自己睇。睇下睇下越睇越多, 突然有一天, 佢就自己識睇書了。當然, 你唔好望佢完全明白啦, 但都係自己睇。

以上既過程係相當漫長, 日復一日, 最初唔知係咪真係work, 好懷疑, 好咀喪。經過好多年既洗禮, 噚日執書時見到大囡睇好多字既書, 中間夾住書簽, 同老公講：爸爸, 阿囡睇書好快喎。心裡真係好滿足架。當然, 過程係相當艱難, 好似讀極都無結果咁。

作者: little_yolky 時間: 14-7-29 10:28

sososu 發表於 14-7-29 09:47
同埋多多直口...暑假叫佢寫下字 , 又話唔舒服 , E 度痛 , 果度痛...
去玩就完全無事....

因為囡囡數學差, 暑假買咗啲淺既習作佢做。點知都唔識, 喊晒, 話好驚媽咪鬧。見佢驚我就即刻停。俾佢玩兩三日, 咁又乖乖跟番時間表睇書了。

係呀, 又頭暈, 又頭痛, 總之成身唔舒服。咁你就安慰佢, 咁唔舒服不如休息下, 由佢做自己鐘意既事, 就又變番乖寶寶了。過得一兩日, 問佢有無睇書呀? 有無練琴呀? 點解無寫日記俾媽咪既, 咁佢就又知自己要做乜了。

作者: kksushi 時間: 14-7-29 10:47

而家小朋友讀書, 真係要父母同佢鬥智鬥力.

作者: annie40 時間: 14-7-29 11:03

跟孩子相處，要不停微調自己的心態，鬥智鬥力，是樂趣啊！！

投其所好，才有指揮孩子的切入点，想孩子閱讀，必先從聽故事開始，一定要做到阅讀是娛樂。

沒有孩子是任由擺佈的，父母要循循善誘，才能誘導合適的路，共勉之。

作者: MrBeast 時間: 14-7-29 12:10

做完一樣玩一陣得唔得? 另可叫佢自訂時間表

作者: MrBeast 時間: 14-7-29 12:13

另另外考試測驗一完就會帶去玩(如之前有努力溫習), 不計成績

作者: loveDD 時間: 14-7-29 12:35 標題: 引用：小女今年算小二,+上學期全級27/120,+下學期

原帖由 kksushi 於 14-07-28 發表
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

咩叫今年算小二？

如果九月升小三，那麼即是要考TSA，老師緊張是有理由的。

作者: sososu 時間: 14-7-29 13:59

希望係咁...唔係佢心理有問題 . 再觀察一段時間先...

而家做家長 , 真係好辛苦...又要做野...小朋友又懶散 (好似)....

不過都要盡力而為...

作者: MASAYA 時間: 14-7-29 14:07

sososu 發表於 14-7-29 09:45
係....好驚 , 我個女都係咁...
升上小學都唔知點..
而家拿出英文同佢讀下 , 佢經已哭起來...

我女對英文都有d抗拒，但我唔理佢，自己坐埋一邊讀，佢會好好奇咁走埋黎睇

作者: sososu 時間: 14-7-29 15:46

咁都得 ...

作者: shirleyfcl 時間: 14-7-29 21:49

对住无慾无求嘅小朋友就系好激气, 但唔放弃, 多鼓励总会有准步。努力

作者: shiraz 時間: 14-7-29 22:11

有冇聽過一個日本教育家七田真，他教在小朋友初初瞓着的大約二十分鐘內，跟他說話，說一些你的心底話，如你好愛佢，對佢的學習態度覺得失望，希望佢做好啲……
圖書館有他的書，去借本看看。

作者: annie40 時間: 14-7-29 23:59

請問書中有沒有詳細分享當著孩子細訴真情和等孩子睡著二十分鐘後才說話的兩者分別？

作者: KINDYLAM 時間: 14-7-30 10:44

我都係, 小女今年升小二.  主要的三科成績都唔好, 一個學期比一個學期差.  第三個學期見完校長+班主任.  你都還好, 問你是否有什麼大事發生, 我見校長時, 問都沒有問, 只是一直說我們沒有教.

我的確是有事發生, 因我一月突然妊娠毒血, 於29週便開要取出BB.  我及初生的BB都住了醫院一段時間, 完全沒時間理大女.  唉~~  個陣時點會有心情處理咁多野.

之後, 由第二至三個學期成績都唔好, 本身第一個學期都巳不太好的了.

現在SUMMER盡量叫佢做下習作, 不過很多時間都是要迫, 而且我們不在家, 她一樣都是玩多過溫書.

不過, 我想如果她成為仍然唔好, 都會考慮下一年比她重讀, 我知道我女會極度唔開心, 不過沒辦法.  可能她又偏內向及小(十月出生的)

現在可以做的也只能盡量, 因又唔想迫她比了太大的壓力佢咁.  所以, 我由星期一至五中兩三日, 都盡量報了一些英文及中山的學習班給她, 不過如果有時間, 爸爸媽媽親先教會比起外面教易吸收很多的.  我們因工作忙先沒辦法情況下找外面的補習班.  主要不希望她個幾月放下書本太耐, 起碼有個心態知道自己需要做什麼.

你盡量以玩的方式來教一下吧.  每天不用太長時間, 比如半小時又好, 一時間又好, 主要是等他們知道自己需要做什麼, 同埋希望他們習慣溫習.

慢慢來, 大家努力吧!

作者: little_yolky 時間: 14-7-31 13:27

shiraz 發表於 14-7-29 22:11
有冇聽過一個日本教育家七田真，他教在小朋友初初瞓着的大約二十分鐘內，跟他說話，說一些你的心底話，如你 ...

原來真係有呢個方法！我囡囡BB時, 我成日响囡囡瞓覺時响佢耳邊講：媽媽最錫你, 你係媽媽個心肝寶貝, BB都最錫媽媽。不斷咁催眠佢, 老公話我好變態, 所以後來無做了。

作者: akbb2007 時間: 14-8-1 14:25 標題: 回覆：點樣可以提升小朋友學習態度差?

提示: 作者被禁止或刪除內容自動屏蔽

作者: chrischeung 時間: 14-8-2 11:35

回覆 kksushi 的帖子

我同你都一樣，突然下學期跌到亞媽都吾認得，老師打比我話佢下學期心散，系米屋企發生咩大件事

作者: yanyan6 時間: 14-8-4 04:18

loveDD 發表於 14-7-29 12:35
咩叫今年算小二？

如果九月升小三，那麼即是要考TSA，老師緊張是有理由的。

想問,什麼叫得TSA
是否出卷的格式同學校考試有分別?THANKS!

作者: yanyan6 時間: 14-8-4 04:28

shirleyfcl 發表於 14-7-29 21:49
对住无慾无求嘅小朋友就系好激气, 但唔放弃, 多鼓励总会有准步。努力

貼中我心聲,我仔小一升小二,初時小一真係好難教,好彩我仔係乖哪種,一個月的努力終於比我弄好他的學習態度,而家就是我叫仔仔坐低開始溫習,就知要過來,不得唔做呀唔溫,果一個月,真係鬥氣爐氣到病,努力吧

歡迎光臨教育王國 (/)