教育王國

標題: 有無人好似我咁小朋友一張CERT都無 [打印本頁]

作者: kennis_t 時間: 14-7-26 23:10 標題: 有無人好似我咁小朋友一張CERT都無

有無人好似我咁小朋友一張CERT都無, 依家想同佢考私校直資, 要做PROFILE可以點寫?

作者: AgapePa 時間: 14-7-27 00:05

kennis_t 發表於 14-7-26 23:10
有無人好似我咁小朋友一張CERT都無, 依家想同佢考私校直資, 要做PROFILE可以點寫? ...

寫我無CERT, 但很叻

作者: minniebaby1126 時間: 14-7-27 00:08

寫吓D強項law

, 碰吓實力及運氣

作者: 爸爸愛您 時間: 14-7-27 00:14 標題: 回覆：有無人好似我咁小朋友一張CERT都無

其實臨場表現係佔 95％

作者: hoihoima 時間: 14-7-27 00:24

kennis_t 發表於 14-7-26 23:10
有無人好似我咁小朋友一張CERT都無, 依家想同佢考私校直資, 要做PROFILE可以點寫? ...

有無幼稚園的學業獎、操行獎？

作者: hknote 時間: 14-7-27 00:44 標題: 回覆：有無人好似我咁小朋友一張CERT都無

臨場表現真係佔大多數，臨場表現唔得，幾多cert 都無用！

作者: 11B 時間: 14-7-27 01:14 標題: 引用：臨場表現真係佔大多數，臨場表現唔得，幾多

原帖由 hknote 於 14-07-27 發表
臨場表現真係佔大多數，臨場表現唔得，幾多cert 都無用！

但 cert 係入場卷

作者: hknote 時間: 14-7-27 01:26 標題: 引用：Quote:原帖由+hknote+於+14-07-27+發表臨場

原帖由 11B 於 14-07-27 發表
但 cert 係入場卷

我經驗不是，只要有報名，有無cert也會有1st in，而有無2nd in 或是否即時取錄就睇1st in 既表現。

作者: lauwingtai 時間: 14-7-27 01:49

11B 發表於 14-7-27 01:14
但 cert 係入場卷

完全唔覺，好多時係考生面試分數接近，先會睇你有冇cert，臨場表現始終行先。

作者: manmanchubb 時間: 14-7-27 02:05

performance 重要很多，好多無cert 都有offers.有cert
不代表必有offers

作者: MrBeast 時間: 14-7-27 08:30

本帖最後由 MrBeast 於 14-7-27 08:31 編輯

若只是人有我有的certs, Cover letter 重要得多，但最重要都是面試表現

作者: peggy@wong 時間: 14-7-27 10:24

但我知道多數睇幼稚園成績表多過cert，重點係小朋友臨塲表現，有cert亦不代表小朋友叻架!

作者: Jane1983 時間: 14-7-27 11:22

有cert、獎，吾係入場卷，因為學校都係報就有得in。小朋友叻，in得好，就自然有2nd in或offer。

不過如果幾個小朋友同分，或者係marginal case，校長攞份portfolio望吓，咁肯定係多嘢果個比人印象好d。咩都吾講，剩係睇到父母係悉心栽培就加分。

作者: mcl203 時間: 14-7-27 13:03

有無cert唔太重要...反為有乜東東令學校睇到家長如何培肓小朋友更重要
乜都無...個人認為...就會弱dd ~~~

作者: NKPA 時間: 14-7-27 13:15

大把人無獎狀入名校。放心。

作者: KT1028 時間: 14-7-27 13:54

kennis_t 發表於 14-7-26 23:10
有無人好似我咁小朋友一張CERT都無, 依家想同佢考私校直資, 要做PROFILE可以點寫? ...

1張cert 都無<----係咩解？無獎狀定無課外活動？我都想了解下，個人認為奖狀確實有d难度。

作者: kennis_t 時間: 14-7-27 13:58

hoihoima 發表於 14-7-27 00:24
有無幼稚園的學業獎、操行獎？

咩獎都無

作者: momama 時間: 14-7-27 13:59 標題: 回覆：有無人好似我咁小朋友一張CERT都無

冇唔係問題，因有唔少學校唔收portfolio, 或收咗唔睇，重點係你個小朋友得唔得。

作者: chanwendy 時間: 14-7-28 10:27

我仔無証書, 就連上興趣班的証書都冇, 因為只跟私人教練學游水一樣啫. 我連 portfolio 都冇做, 只係交申請表, 同埋最近兩年的成績表啫, 不過我唔係報神校名校, 只係一間二三線直資啫.

作者: AgapePa 時間: 14-7-28 12:16

有CERT唔係會有offer, 但無CERT就會係學校唔簡你的原因.
呢個年代, 連刷牙, 行路都有CERT.
連人人都有個D CERT都無, 唔係代表小朋友唔叻,
係反映什麼活動都無參加, 什麼都無學, 更表示唔到點栽培小朋友.

作者: ganggang 時間: 14-7-28 12:24

我反而吾擔心cert, 雖然我仔都無,我覺得他天資尚可,證書吾代表什麼
我比較擔心學校歧視我單親

作者: Jane1983 時間: 14-7-28 12:32

回覆 ganggang 的帖子

你自己吾特別提，學校好少專登問。

作者: bapesimon 時間: 14-7-28 12:55 標題: 回覆：ganggang 的帖子

一定冇問題，學校會比人告歧視。但係揀唔揀你小朋友就可以好多原因，因為輪選過程唔透明。

作者: hobby 時間: 14-7-28 13:03

回覆 kennis_t 的帖子

我囡都係cert, 她學校也完全沒有任何奬給小朋友, 全年只有親子種花奬, 或由衛生署搞的健康生活小勇士或網上親子閱讀證書; 因為沒什麼奬, 我會好好準備cover letter, 講出重視親子關係; 個人覺得, 就算沒奬, 如果好學容許報名加紙的話, 就一定會交cover letter

作者: maggiejane 時間: 14-7-28 13:14

我兩個仔女都無cert, 亦無參加任何面試班, 補習班去催谷佢地. 雖然唔係咩神級小學, 但都仍然考到心儀的小學, 所以唔駛灰心.

作者: janette_chan 時間: 14-7-28 13:39

我阿女舊年考小一都無CERT,讀普通HAPPY SCHOOL,無上面試班同補習班,報5間都有2個OFFER,我認為臨場表現好遠比CERT有用得多,多啲同佢睇吓課外書好過嘥錢嘥時間去考嗰啲人有我有嘅CERT啦!!

作者: ayvicki 時間: 14-7-28 13:42 標題: 回覆：有無人好似我咁小朋友一張CERT都無

我覺得cert 唔重要，最緊要小朋友當日表現同禮貌！

作者: Hong497 時間: 14-7-28 14:07 標題: 回覆：ayvicki 的帖子

我覺得無證書，無奬狀，不是問題，問題是小朋友面試時表現最重要，給老師的印象最重要，

作者: bvbb 時間: 14-7-29 10:06

我冇考直資私小，但囡囡叩門成功，沒有任何校外考試証書，個人檔案只放了豬肉獎証書，過去幾年學校畫劇畢業禮表演相，家庭照，賣旗同做義工相。

其實面臨場表現最重要，突出自己令主考老師加深印象

作者: moonychan 時間: 14-7-29 10:21

我2個仔女都冇"獎狀"性質的 cert, 只有 d 興趣班的 "cert". 都係得3幾張 only

我咪放多 d 家庭照, 笑得開心既相入去, 連埋幼稚園成績表咋.

都考到, 放心.

作者: bonbon16 時間: 14-8-1 11:58

回覆 kennis_t 的帖子

小朋友咁細,無cert,無獎,都好正常,我仔仔之前都系乜都無,一樣有好學校收,最緊要臨場表現和做定事前research,看間學校的重點放在那方面,如 : 德行,創意定學朔術性,咁就識點應付每間學校的interview.

作者: 神婆小茜 時間: 14-8-1 20:08 標題: 回覆：有無人好似我咁小朋友一張CERT都無

我個人覺得反而放多時間落品德，禮貌仲實際啦！

作者: 瑩瑩老豆 時間: 14-8-1 20:27

kennis_t 發表於 14-7-26 23:10
有無人好似我咁小朋友一張CERT都無, 依家想同佢考私校直資, 要做PROFILE可以點寫? ...

我囝都係百冇

作者: chunyuma 時間: 14-8-1 20:39 標題: 引用：臨場表現真係佔大多數，臨場表現唔得，幾多

原帖由 hknote 於 14-07-27 發表
臨場表現真係佔大多數，臨場表現唔得，幾多cert 都無用！

Agree no more

作者: JC925 時間: 14-8-2 12:08

個幾月前阿女曾到青衣主X叩門, 面試當日副校長好清楚講出面試計分方法, 其中校內成績及課外活動,比賽等証書佔成30%嫁. 都係果句間間學校要求都不同. 另外記得舊年阿女報考陳守X時, 張申請表其中一欄係要寫小朋友校外比賽獎項的.

作者: naturebeauty 時間: 14-8-2 21:20 標題: 回覆：有無人好似我咁小朋友一張CERT都無

咁我覺得總有一啲學校會看獎狀。不過，我不覺得很重要，因為識得有人幾乎只有跳舞考試的證書，現在已經有音小offer，優才可以見父母了

作者: kenwong888 時間: 14-8-2 21:27

AgapePa 發表於 14-7-28 12:16
有CERT唔係會有offer, 但無CERT就會係學校唔簡你的原因.
呢個年代, 連刷牙, 行路都有CERT.
連人人都有個D C ...

Exactly true!

作者: enidchiu 時間: 14-8-2 22:06

如果學校認為無cert 等於無用心栽培，我覺得太膚淺了，實在有遺教育本義。

作者: sunnygirl 時間: 14-8-2 22:19 標題: 回覆：有無人好似我咁小朋友一張CERT都無

我小朋友都無CERT, 咁做唔做profile 好呢？

作者: enidchiu 時間: 14-8-2 22:23

我的小女無play group , 無任何課外活動，只是有在家中跟大人做下家務，親子閱讀，玩下遊戲，考親幼稚園都收，學校老師和社區活動導師都話佢頗smart. 希望她考小學都咁好采。還有，我覺訓練孩子做家務對他們的身心發展，勝於好多貴價多課外活動。明年的portfolio, 我估我放好多她做家務的型相，哈哈！

作者: 茄子 時間: 14-8-2 22:28 標題: 回覆：kennis_t 的帖子

我冇做portfolio 、亦冇cert,有直資、私校收，但少D offer。我本來打算扣門時才做portfolio,係k3先考cambridge、trinity等，但因k3上學期已有好offer,結果冇考任何證書，亦沒做過portfolio 。不過現在諗返轉頭，我是因為到k2都好無知，又冇上edu kingdom先會咁做。上年暑假同學仔媽咪話已經有幾間過在報名限期，我先知報名，咩都唔知就由有理冇理由沙田到九龍塘報咗10間8間，好彩有學校收。不過，時光能倒流的話，我都唔知k2咁細個可考咩證書、獎狀！

作者: AgapePa 時間: 14-8-3 14:22

enidchiu 發表於 14-8-2 22:06
如果學校認為無cert 等於無用心栽培，我覺得太膚淺了，實在有遺教育本義。 ...

間間都起碼有二,三千個人申請, 學校又點可能逐分慢慢啄, 想唔膚淺都唔得.

作者: AgapePa 時間: 14-8-3 14:28

enidchiu 發表於 14-8-2 22:23
我的小女無play group , 無任何課外活動，只是有在家中跟大人做下家務，親子閱讀，玩下遊戲，考親幼稚園都 ...

既然有社區活動, 點會無Cert ?
課外活動唔一定貴, 好多係免費 eg. 賣旗 , 小一体驗課, 填色比賽

作者: JHsbb 時間: 14-8-4 12:28

我仔一張CERT都無, 又無portfolio去考私校, 入到, 過去1年成續仲好好, KEEP住頭10名

作者: ericby 時間: 14-8-5 13:32

why don't your kids have birth cert?/

作者: hobby 時間: 14-8-5 14:54

其實要有3幾張都唔會好難, 好似參加一些閱讀計劃已經可以取後到, 好多時去幫手賣旗也會有

http://www.hkpl.gov.hk/tc/extension-activities/event-category/23427/reading-programme-for-children-and-youth

歡迎光臨教育王國 (/)