教育王國

標題: 返左一日面試班有感 [打印本頁]

作者: shana_tsun 時間: 14-7-19 17:02 標題: 返左一日面試班有感

同班既小朋友，全部都係同我女差不多大，我女21個月大。對比起黎，我女真係專注力好差好差。人地個個可以坐定定，教數字時聽老師講，跟老師講。我女呢，完全無聽老師講野，叫佢讀佢都唔讀，坐唔定周圍走。究竟係我女性格問題嗎？我真係好擔心，究竟同齡既小朋友係咪都唔係我女咁架。，教佢講，佢就算肯講，都係hea住講、而且都唔係望住個數字。上完呢堂，我真係好心灰。。。抑鬱症又發作了，很是擔心個女無書讀。。。呢個情況下，都唔知黎緊in k1點算？我女只做到好簡單既野，例如n1考既野，比生果人，拍手舉手呢d。。。顏色認字什麼講中文名什麼的完全唔得，。唉

其實平時我覺得佢有點小聰明，話頭醒尾、教佢野要用同你玩既方式，我當時都係咁教認生果，但一要佢去專心學d認知既野佢就唔掂，特別係字，咩字都係話(B),係教學方式唔岩佢？定係我個女有問題？？我唔上過呢堂望到其他小朋友禁叻，都唔知自己個女差的。。。

作者: Joellejoby 時間: 14-7-19 17:35 標題: 回覆：shana_tsun 的帖子

21個月咁細！大啲就好啲！放心我囡都係

作者: anna1020 時間: 14-7-19 17:54

我個女都係21M. 最唔鍾意返學, 一上堂就攬住我, 猛咁話走, 返屋企, 真係好煩. 我覺得小朋友去到某一個stage就會自動對某事產生興趣, 迫都迫唔黎. 好似佢最近先識數字(講ONLY, 我冇教佢認字), ABC更加唔識. 試下放鬆D啦, 小朋友要學野的時候, 會快到你唔信.

作者: ngakiho 時間: 14-7-19 21:43 標題: 回覆：返左一日面試班有感

第一次返可能新環境，睇下下次有無好d!

作者: shana_tsun 時間: 14-7-19 21:45 標題: 引用：第一次返可能新環境，睇下下次有無好d! +

原帖由 ngakiho 於 14-07-19 發表
第一次返可能新環境，睇下下次有無好d!

其實佢既表現同係屋企無兩樣，都係專注力好差，所以應該唔關環境事。佢係要好有興趣既野就會學得好快，要佢坐定聽指令佢完全唔得

作者: doggy2013 時間: 14-7-19 22:19

shana_tsun 發表於 14-7-19 17:02
同班既小朋友，全部都係同我女差不多大，我女21個月大。對比起黎，我女真係專注力好差好差。人地個個可以坐 ...

咁仲好，等你EXPECTATION唔好咁高

作者: shana_tsun 時間: 14-7-19 22:27 標題: 引用：Quote:shana_tsun+發表於+14-7-19+17:02+同

原帖由 doggy2013 於 14-07-19 發表
咁仲好，等你EXPECTATION唔好咁高

我現在只有擔心

作者: happyapple 時間: 14-7-19 22:56 標題: 引用：Quote:原帖由+doggy2013+於+14-07-19+發表

原帖由 shana_tsun 於 14-07-19 發表
我現在只有擔心

是細b嗎？如果係細既，有時佢發展未到谷都谷唔到，我囝係11尾b，第一年考k1, 都知唔及人，講野都講唔清楚，又怕羞，我都冇太大期望，有得讀就讀住先，大一年再考，完全是兩回事，SC, KV, MS, PC, TT 全部考到，我唔係晒命，我係明白你現在的心情，想鼓勵下你。盡力去面試，實有學校收，再唔係讀住先，睇下發展，下年做大b再考都得架

作者: bibi0531 時間: 14-7-20 00:04 標題: 回覆：返左一日面試班有感

我個女剛剛20個月，又係專注力麻麻，教26個字母教到一平就走咗去，每件玩具玩幾嘢就唔玩，到現在還未識分顔色、形狀

，今年要考K1,邊夠D大B嚟

作者: twllc 時間: 14-7-20 00:05 標題: 回覆：返左一日面試班有感

我想分享下我舊年的經驗… 我女係1111細b，舊年佢一開始返面試班時坐唔定，係咁要攞鞋離開課室，我都唔俾佢離開座椅，佢喊得淒涼我只俾可以安撫情緒的野佢（例如奶咀）… 稔番起來我真係狠心。

佢第二三堂好少少，肯坐定少少時間，之後又同佢角力… 大約第5堂先可以全程坐定，開始享受上堂…可能知道我唔會心軟，同埋熟習了環境和導師，開始越黎越放膽，亦留心了。

佢k1考了10間（因為已有pn直升k1 offer,所以我報的都係較有名氣的學校），有2個offer和2個waiting。講番我個女，佢係較怕羞和cool, 唔鍾意笑的。所以對於細b加怕羞性格，有咁的成績我已經好滿意。

樓主加油！如果導師有經驗，不妨上多幾課，睇下情況有冇改善。

作者: shana_tsun 時間: 14-7-20 00:06 標題: 引用：Quote:原帖由+shana_tsun+於+14-07-19+發表

原帖由 happyapple 於 14-07-19 發表
是細b嗎？如果係細既，有時佢發展未到谷都谷唔到，我囝係11尾b，第一年考k1, 都知唔及人，講野都講唔清楚， ...

我都明白做大b會易入讀好多，但我知有d小學係唔中意收大b架，幼稚園就中意，所以先有顧慮，anyway多謝你

作者: shana_tsun 時間: 14-7-20 00:09 標題: 引用：我想分享下我舊年的經驗…+我女係1111細b，

原帖由 twllc 於 14-07-20 發表
我想分享下我舊年的經驗… 我女係1111細b，舊年佢一開始返面試班時坐唔定，係咁要攞鞋離開課室，我都唔俾佢 ...

聽到你咁講都有少少安慰。。多謝你！教緊既老師本身都係幼稚園老師，所以用返幼稚園教法，完全唔係pg形式同佢玩住教咁，所以我女無咩興趣聽，我都希望佢有改善啦！慘在我女未有pn收所以我咁顧慮。。

作者: shana_tsun 時間: 14-7-20 00:10 標題: 引用：我個女剛剛20個月，又係專注力麻麻，教26個

原帖由 bibi0531 於 14-07-20 發表
我個女剛剛20個月，又係專注力麻麻，教26個字母教到一平就走咗去，每件玩具玩幾嘢就唔玩，到現在還未識分顔 ...

你教到一半都好好，我個女係完全唔聽，只有自己中意點玩就點玩，好苦惱

作者: w.ling 時間: 14-7-20 00:11 標題: 回覆：返左一日面試班有感

我個囡20個半月大。都坐坐唔定。只係上pg都睇到佢同其他小朋友已分別。但我又會同自己講，小朋友坐唔定，貪玩，想周圍探索，其實先係正常，只係家下年代，將所有野推前哂者。我都有擔心今年in k1，我都冇特別教佢英文，亦會擔心佢考唔考到學校。但同時同自己講，佢係細b，大不了到時做大b囉!

作者: shana_tsun 時間: 14-7-20 00:13 標題: 引用：我個囡20個半月大。都坐坐唔定。只係上pg都

原帖由 w.ling 於 14-07-20 發表
我個囡20個半月大。都坐坐唔定。只係上pg都睇到佢同其他小朋友已分別。但我又會同自己講，小朋友坐唔定，貪 ...

我都明白係時代催迫，其實家長bb都辛苦，但無辦法，但我聽人講雖然大b係易入讀幼稚園、但有d小學係唔中意收大b架。。我女10月出世如果真係等一年變左超大b，我擔心呢樣野咋

作者: w.ling 時間: 14-7-20 00:14 標題: 回覆：返左一日面試班有感

其實返返下，佢地習慣左個模式又會好的。之前返pg，佢開初都唔肯坐，食餅俾手工，都成日要起身，返多幾堂，佢都係活動既類型，但開始都受下控制，每堂知道個個時段做的咩，都會自己去做，tum下又會坐一陣。

作者: w.ling 時間: 14-7-20 00:16 標題: 引用：Quote:原帖由+w.ling+於+14-07-20+發表我個

原帖由 shana_tsun 於 14-07-20 發表
我都明白係時代催迫，其實家長bb都辛苦，但無辦法，但我聽人講雖然大b係易入讀幼稚園、但有d小學係唔中意收 ...

我女都係10月b。但順其自然啦。迫自己，亦即係迫個小朋友，佢地會好辛苦，一陣搞到佢明明有能力，到時都做得唔好呢。bb係好難control，好睇心情呢! 一起加油呀!

作者: breadbb 時間: 14-7-20 00:27 標題: 回覆：返左一日面試班有感

小朋友個個性格唔同可能你小朋友係探索型！盡量比佢埋枱玩開頭幾分鐘慢慢加上去慢慢培養唔洗擔心

作者: aheihei 時間: 14-7-20 02:20 標題: 引用：Quote:原帖由+w.ling+於+14-07-20+發表我個

原帖由 shana_tsun 於 14-07-20 發表
我都明白係時代催迫，其實家長bb都辛苦，但無辦法，但我聽人講雖然大b係易入讀幼稚園、但有d小學係唔中意收 ...

有什麼小學唔中意收大b??

作者: feipow 時間: 14-7-20 05:08 標題: 回覆：返左一日面試班有感

提示: 作者被禁止或刪除內容自動屏蔽

作者: apple_love 時間: 14-7-20 13:48 標題: 引用：Quote:原帖由+shana_tsun+於+14-07-20+發表

原帖由 aheihei 於 14-07-20 發表
有什麼小學唔中意收大b??

係囉，仲咩唔鐘意收大b

作者: macmate 時間: 14-7-20 15:22 標題: 引用：Quote:原帖由+w.ling+於+14-07-20+發表我個

原帖由 shana_tsun 於 14-07-20 發表
我都明白係時代催迫，其實家長bb都辛苦，但無辦法，但我聽人講雖然大b係易入讀幼稚園、但有d小學係唔中意收 ...

我知只有個別一，兩間唔收大b，其餘都會收b喎！不如你查清楚啲先，唔好亂咁嚇人，呢度有好好好多大b家長

作者: 藍藍媽 時間: 14-7-20 15:59 標題: 引用：Quote:原帖由+twllc+於+14-07-20+發表我想

原帖由 shana_tsun 於 14-07-20 發表
聽到你咁講都有少少安慰。。多謝你！教緊既老師本身都係幼稚園老師，所以用返幼稚園教法，完全唔係pg形式同 ...

細B係蝕低好多，差半年，已差好遠…… 建議你都報下n 班同留意下有無d學校主要in 家長的…… 降低d要求，最緊要有書讀先！加油！！！

作者: apple_love 時間: 14-7-20 16:07 標題: 引用：Quote:原帖由+shana_tsun+於+14-07-20+發表

原帖由 macmate 於 14-07-20 發表
我知只有個別一，兩間唔收大b，其餘都會收b喎！不如你查清楚啲先，唔好亂咁嚇人，呢度有好好好多大b家長:qu ...

咁個一兩間唔收大b的原因係乜呢？唔好意思因我仔係大b所以好疑惑

作者: shana_tsun 時間: 14-7-20 17:02 標題: 引用：帶你個女check下感統有冇問題。 +

原帖由 feipow 於 14-07-20 發表
帶你個女check下感統有冇問題。

請問可去邊度check呀？健康院有嗎？未夠兩歲可去check嗎？

作者: shana_tsun 時間: 14-7-20 17:03 標題: 引用：Quote:原帖由+shana_tsun+於+14-07-20+發表

原帖由 macmate 於 14-07-20 發表
我知只有個別一，兩間唔收大b，其餘都會收b喎！不如你查清楚啲先，唔好亂咁嚇人，呢度有好好好多大b家長:qu ...

我係聽有個朋友媽咪做教師講的，我聽到都嚇親

作者: shana_tsun 時間: 14-7-20 17:05 標題: 引用：Quote:原帖由+shana_tsun+於+14-07-20+發表

原帖由 藍藍媽 於 14-07-20 發表
細B係蝕低好多，差半年，已差好遠…… 建議你都報下n 班同留意下有無d學校主要in 家長的…… 降低d要求，最 ...

唔知荃灣區有無主要in家長既幼稚園？我係邊度可以搵到多點呢d資訊？謝謝你

作者: ozoz 時間: 14-7-20 17:43 標題: 引用：Quote:原帖由+w.ling+於+14-07-20+發表我個

原帖由 shana_tsun 於 14-07-20 發表
我都明白係時代催迫，其實家長bb都辛苦，但無辦法，但我聽人講雖然大b係易入讀幼稚園、但有d小學係唔中意收 ...

邊d小學唔喜歡收超大？我大女考完小一，唔覺得有學校唔喜歡超大。至於你女女，同我細女有d似，之前返pg無坐過，教乜都唔識因為無心機聽。自從足2歳返pn 之後就好好多。你返咗一次啫，比d時間，會好好多。另外，記得喺選校方面有d策略，揾定資料邊d啱佢讀，狂大包圍的話，佢未必應付到，好易兩頭唔到岸。

作者: ozoz 時間: 14-7-20 17:47 標題: 引用：Quote:原帖由+shana_tsun+於+14-07-20+發表

原帖由 macmate 於 14-07-20 發表
我知只有個別一，兩間唔收大b，其餘都會收b喎！不如你查清楚啲先，唔好亂咁嚇人，呢度有好好好多大b家長:qu ...

我知有1-2間唔收p1 repeat ,並非唔收大b, 佢地出於好意，唔想家長谷爆小朋友。至於唔收超大，我好似聽過，不過我大女上年考完小一，無一間話唔收超大。

作者: happyapple 時間: 14-7-20 18:02 標題: 引用：Quote:原帖由+macmate+於+14-07-20+發表我

原帖由 ozoz 於 14-07-20 發表
我知有1-2間唔收p1 repeat ,並非唔收大b, 佢地出於好意，唔想家長谷爆小朋友。至於唔收超大，我好似聽過， ...

同意，應該係唔收repeat k3 既超大b。我識好幾個朋友超大b考小學都冇話冇得報喎

作者: ozoz 時間: 14-7-20 20:29 標題: 引用：Quote:原帖由+ozoz+於+14-07-20+發表我知有

原帖由 happyapple 於 14-07-20 發表
同意，應該係唔收repeat k3 既超大b。我識好幾個朋友超大b考小學都冇話冇得報喎

...

Repeat k3未聽過唔ok, repeat p1就聽過1-2間，其他全部適齡就可以。

作者: happyapple 時間: 14-7-20 20:52 標題: 引用：Quote:原帖由+happyapple+於+14-07-20+發表

原帖由 ozoz 於 14-07-20 發表
Repeat k3未聽過唔ok, repeat p1就聽過1-2間，其他全部適齡就可以。

係repeat p.1先啱, 謝更正。

作者: feipow 時間: 14-7-20 22:49 標題: 引用：Quote:原帖由+feipow+於+14-07-20+發表帶你

提示: 作者被禁止或刪除內容自動屏蔽

作者: shana_tsun 時間: 14-7-21 00:47 標題: 引用：Quote:原帖由+shana_tsun+於+14-07-20+發表

原帖由 feipow 於 14-07-20 發表
可以去健康院排期見醫生轉介或叫私家醫生寫紙俾你去政府兒童發展中心排期評估，但要半年至九個月，私人就會 ...

多謝你！

作者: 天神村 時間: 14-7-21 01:07

我個囡係6月b, 之前返開playgroup, 一樣跑跑跑，叫排隊拎嘢食，佢永遠要做第一，點都唔肯排，工人姐姐每次返嚟，都話頭暈

，啱啱今個月開始上學前班 (私人中心嗰啲，家長要出面等)，我見佢返嚟多嘢講左，去廁所會唱歌 (但唔知佢唱咩)，中心嘅facebook 裡，見到阿囡坐定定聽老師講嘢！
或者你試下搵啲學前班，有時啲小朋友見到媽媽係到，會無咁集中上堂，而且趁而家訓練小朋友自己一個人，就算interview 要佢同其他小朋友一齊玩，佢都唔會喊先。

作者: shana_tsun 時間: 14-7-21 01:12 標題: 引用：我個囡係6月b,+之前返開playgroup,+一樣跑

原帖由 天神村 於 14-07-21 發表
我個囡係6月b, 之前返開playgroup, 一樣跑跑跑，叫排隊拎嘢食，佢永遠要做第一，點都唔肯排，工人姐姐每次 ...

間面試班都有叫我報埋學前班可能會好d，但我有點懷疑個成效，因為面試班教學方式太少互動，比較似幼稚園正式教學，坐定定聽，跟住讀，然後教學玩具time，唔夠attractive 去吸引我好動女女注意，我都係夾硬禁住佢去聽但佢都好唔專心。我驚比佢單獨去上，老師顧唔到佢，佢又唔專心，都係浪費時間金錢。雖然果間野d人都係咁同我講，話可能我唔係度反而會好點，衰在無得睇到入面教成點，我就真係有猶豫，唔知你點睇呢？你又係帶b去邊一間學前班？可以話我知嗎？謝謝

作者: shana_tsun 時間: 14-7-21 01:14 標題: 引用：我個囡係6月b,+之前返開playgroup,+一樣跑

原帖由 天神村 於 14-07-21 發表
我個囡係6月b, 之前返開playgroup, 一樣跑跑跑，叫排隊拎嘢食，佢永遠要做第一，點都唔肯排，工人姐姐每次 ...

其實佢陌生都好少會喊，佢幾大膽，係只係坐唔定，專注力欠奉

作者: 天神村 時間: 14-7-21 02:08

shana_tsun 發表試班都有叫我報埋學前班可能會好d，但我有點懷疑個成效，因為面互動，比較似幼稚園正 ...

我個間係觀塘，上兩個鐘。佢話有一個老師加一個助教喎，模式都似你所講，教句子，會一齊唱歌，做勞作同集體遊戲，其間一齊排隊去廁所，每日有老師評語！
講真，我唔知返學前班有無幫助，畢竟我只係返左三星期，但我可以做到嘅都會盡力做，始終我地今年學位競爭大。
重可能我都想自己教，但可惜我要返工，平時得佢同工人兩個，咁我寧願佢返學好過！
做媽媽真係好多嘢煩，大家一齊努力！

作者: 天神村 時間: 14-7-21 02:11

shana_tsun 發表於 14-7-21 01:14
其實佢陌生都好少會喊，佢幾大膽，係只係坐唔定，專注力欠奉

已經好叻女啦！見到陌生人少喊。

作者: shana_tsun 時間: 14-7-21 02:11 標題: 引用：Quote:shana_tsun+發表試班都有叫我報埋學

原帖由 天神村 於 14-07-21 發表
我個間係觀塘，上兩個鐘。佢話有一個老師加一個助教喎，模式都似你所講，教句子，會一齊唱歌，做勞作同集體 ...

佢都係答我會有兩個老師呀！但我只係諗佢地都未必顧到全部小朋友留心聽咋！因為個班歲半已可以返，但所有老師都本身係幼教黎，如果你小朋友試左ok我諗都可以試下。。唔通真係我唔係度會專心點？

作者: BBQporkpork 時間: 14-7-21 09:14

回覆 shana_tsun 的帖子

其實你囡囡9月係咪會返n班?? or 今年考n??
如果已有n班offer, 返左學應該會坐得定d!!! 唔駛太擔心!!!

作者: w.ling 時間: 14-7-21 09:17 標題: 回覆：返左一日面試班有感

家下阿囡20個半月大，冇班返。等佢2歲，都會搵間可以俾佢自己上堂。我個囡都坐唔家，之前返緊一間係觀塘既pg，岩岩完左，要排到9月先有得再返。而我係太子同會上緊另一間，上左幾堂，因為我見佢鐘意音樂，就搵左間多的音樂既pf俾佢玩下，睇下佢點。2間個模式好唔同。太子呢間，冇咁多規律性既training。觀塘個間，我上左2個course，其實堂堂個模式都係一樣，只係手工做既野唔同之類，初時岩岩上第2個coursw時，叫做係升堂，但見上既好似都差唔多，唱既歌都係同一首咁。但上上下，黎緊第3個coursw都會跟佢上，因為覺得咁樣有的似返學，每堂都係同一個模式，佢慢慢習慣，知道個個時間就要搬檯chair，就等食餅仔，羅左餅仔又要等哂所有小朋友先可以開始食。佢有左個規律感，我覺得對佢係有幫助。
反觀，上太子個間，佢都玩得開心的，唱遊多，可以周圍行。可能觀塘個間已經train左佢，會肯坐下，有時叫佢，佢都會坐係到，只係未必專心聽老師講。

作者: shana_tsun 時間: 14-7-21 09:19 標題: 引用：回覆+shana_tsun+的帖子其實你囡囡9月係

原帖由 BBQporkpork 於 14-07-21 發表
回覆 shana_tsun 的帖子

其實你囡囡9月係咪會返n班?? or 今年考n??

上年報n，而家未有消息。。將會報出年k1..

作者: w.ling 時間: 14-7-21 09:20 標題: 引用：回覆+shana_tsun+的帖子其實你囡囡9月係

原帖由 BBQporkpork 於 14-07-21 發表
回覆 shana_tsun 的帖子

其實你囡囡9月係咪會返n班?? or 今年考n??

我都覺得返左學會好的，佢見周圍既同學係咁，會都會學，同埋佢會有個規律感。只不過有時都擔心佢, 唔肯坐，唔肯聽指令既話，點樣interview者。但只好盡量，亦唔會強迫阿囡。此終每個小朋友既性格都唔同，盡量搵一間岩佢既學習摸式既學校佢返。

作者: BBQporkpork 時間: 14-7-21 09:23

回覆 BBQporkpork 的帖子

如果係考n, 你可以search下d學校點in再train佢!!!
鼓勵下你先,
我大囡in N o個時坐得好定ga....
不過有d學校係唔buy ga... (要group in o個d)
因為佢太乖冇返應!!!!
所以你諗下想搵咩type o既學校先!!!

作者: BBQporkpork 時間: 14-7-21 09:28

w.ling 發表於 14-7-21 09:20
我都覺得返左學會好的，佢見周圍既同學係咁，會都會學，同埋佢會有個規律感。只不過有時都擔心佢, 唔肯坐， ...

其實係ga, 你train 到佢幾乖都唔一定有用!!!
我個大囡 in K 時間間都好合作ga, 但最想佢考到個間, 佢偏偏一句聲都唔出...

所以媽媽們, 放鬆d!!!

作者: w.ling 時間: 14-7-21 09:30 標題: 引用：Quote:原帖由+BBQporkpork+於+14-07-21+發

原帖由 shana_tsun 於 14-07-21 發表
上年報n，而家未有消息。。將會報出年k1..

我都冇n。但我會搵下幼兒中心呀之類，俾佢習慣下返學咋。
我個囡10月b，又要插班，對interview都冇幫助，再諗，有機會佢插班返學，個段時間又係interview，如果返學驚，勁喊，到時interiew佢會唔會反而仲差，會唔會一入去就驚，又以及媽媽要dell低佢一個人添。所以我諗諗下，冇n班返，都唔係話一定會差的。同埋插班既話，應該媽媽頭幾堂冇得陪上堂，人地9月開始都陪左啦。咁佢可能仲驚，等個2歲人仔，我唔想佢有機會冇安全感。雖然個個小朋友都唔同，但佢仲細，我唔想迫佢咋，佢又細膽個隻。

作者: w.ling 時間: 14-7-21 09:34 標題: 引用：Quote:w.ling+發表於+14-7-21+09:20+我都覺

原帖由 BBQporkpork 於 14-07-21 發表
其實係ga, 你train 到佢幾乖都唔一定有用!!!
我個大囡 in K 時間間都好合作ga, 但最想佢考到個間, 佢偏偏一 ...

佢家下學野學得最快，係佢唔覺唔覺你講左既野，佢學返黎，我教會color，佢一直都唔識，冇專登教個的，就學左都唔個。只係都盡力，教下佢color,形狀，起碼自己有出力做過，唔係咩都唔做，學唔學到，都要靠佢自己。

作者: vickywong1014 時間: 14-7-21 09:35 標題: 回覆：shana_tsun 的帖子

見你咁嘅情況好想分享下我女女嘅經驗，小女係11年12月細B，由於家住中西區，名校林立，當然好希望小女可以入到任何一間。係上年七月，當時小女先啱啱識講自己個名，所以決定報面試班！當時每上一堂，就越覺阿女唔掂，坐唔定又唔留心，玩面試玩具又唔似其他大B，不過上左兩個月後開始見到進步，但當然唔及班上其餘大B或中B！踏入十月，首間面試開始，陸續到一月，總共見左9間，到目前為止,首輪正取生有3間(普通幼稚園)，其他6間都waiting,包括4間龍或半龍幼稚園! 等到5月，另外兩間普通幼稚園都收到call收女女！直至上星期四，第一心儀幼稚園竟然都收小女，簡直好似發夢咁！結論係如唔大貪，普通幼稚園應該唔大問題，但名校就要博一博！

作者: w.ling 時間: 14-7-21 09:36 標題: 回覆：返左一日面試班有感

我之前聽過一個講堂，我好認同佢講一樣野。就係搵一間學校係岩自己小朋友既學習模式。咁你去interview時，先好大機會考到。佢個仔只係in幾間，好似5間都冇，但就間間都收。當然，父母係咩人，都可能有影響個收生結果啦。

作者: 天神村 時間: 14-7-21 09:39

BBQporkpork 發表於 14-7-21 09:28
其實係ga, 你train 到佢幾乖都唔一定有用!!!
我個大囡 in K 時間間都好合作ga, 但最想佢考到個間, 佢偏偏一 ...

好有同感

就算坐定定，但亦要佢開口答老師嘢，呢個都係好大問題！

作者: shana_tsun 時間: 14-7-21 10:46 標題: 引用：見你咁嘅情況好想分享下我女女嘅經驗，小女

原帖由 vickywong1014 於 14-07-21 發表
見你咁嘅情況好想分享下我女女嘅經驗，小女係11年12月細B，由於家住中西區，名校林立，當然好希望小女可以 ...

聽到你咁講定少少

希望佢快快有改善啦

作者: yiu_mimi 時間: 14-7-21 12:13

回覆 twllc 的帖子

Thanks for your sharing

作者: esmetam67 時間: 14-7-21 13:38

U can go to govt clinic for check up, no need to queue for a long time
but maybe u observe ur gal for a couple of lessons see if any progress
don't worry

作者: Sachr.baby 時間: 14-7-22 14:18

其實唔洗太早介定小朋友佢既學習能力有咩問題, 只係得21 MTH, 佢地既學習唔係坐定定咁去學習佢所認知既野, 佢地係用感觀去學習, 佢地而家只係未識得去表逹佢地識左既野, 到左某一個STAGE, 佢地就會突然間去表現到佢之前吸收左你無刻意教過佢既野.....

INTERVIEW其實EVEN 坐得幾定真係無用, 佢地心情唔好都係一句野都唔會答你, 你唔會迫到佢做任何既野, 不過上下PG 其實有用既, 慣左群体同埋有老C同佢地講下指領, 唔洗初次去接觸INTERVIEW 既老師去指示佢地做咩, 佢地會無咁驚.

作者: shana_tsun 時間: 14-7-22 16:04 標題: 引用：其實唔洗太早介定小朋友佢既學習能力有咩問

原帖由 Sachr.baby 於 14-07-22 發表
其實唔洗太早介定小朋友佢既學習能力有咩問題, 只係得21 MTH, 佢地既學習唔係坐定定咁去學習佢所認知既野, ...

佢上pg果d完全唔怕生保，呢個我唔擔心，但係好難吸引到佢乖乖地聽人講野囉，even我同佢講野比指令佢都係睇心情做

作者: Sachr.baby 時間: 14-7-22 16:32

shana_tsun 發表於 14-7-22 16:04
佢上pg果d完全唔怕生保，呢個我唔擔心，但係好難吸引到佢乖乖地聽人講野囉，even我同佢講野比指令佢都係睇 ...

唔係怕生保家, 係佢聽慣左老師有指領佢係真係會識.
當然你唔好只係比幾堂佢就覺得佢會做.....小朋友係潛言默化佢, 佢習慣左就自然會聽使.

相反我覺得小朋友係唔鐘意聽自己屋企人講野, 人地講野就會留心D 既.

歡迎光臨教育王國 (/)