教育王國

標題: 風水佬預測：怎樣才能考好DSE [打印本頁]

作者: judy 時間: 14-7-15 10:58 標題: 風水佬預測：怎樣才能考好DSE

昨天，陪阿二回校領DSE成績，好彩，最担心嘅一科都過咗骨，成績足以讓他報佢想報嘅科(佢到依家都唔知報咩)。
今年是DSE第三年，不過，中英文課程改革，距今己有八九年。大侄子今年做houseman，佢係第一届撞正中英文課程改革，佢會考中文5**，高考5**；二侄子會考中文5**，阿大會考中文5**，到阿二斷鏈，得5*。咁多人中，阿大的文章最差，火星文咁，阿二最好，平實通順，但今年就炒在作文上，得5。跟開家中四個孩子的歷程，我昨晚同阿大、阿二講，如果俾我後生30年再准備DSE，我一樣可以考得好。

以前會考有讀本，考試時，學生拿起課文讀呀讀、背呀背，平時不讀書的，也可通過考試期間衝刺而過骨。範文嘅好處是：學生點都要準備好範文應試，最唔勤力嘅人，讀好範文，點都有得益。唔好之處是學生只重範文，視野變窄(更甚者是只背答，我讀書時己見此現象)。現在，考的是學生肚中嘅墨水。大侄子、二侄子、阿大、阿二自幼閱讀，佢地考DSE自自然然能輕鬆應付。

除中文外，英文何嘗不是如此？大侄子、二侄子不看英文書，英文自沒有阿大、阿二咁好。阿二平時不做數學，自然冇大侄子、二侄子、阿大咁當數學為家常的咁好。通識，更是如此這般而己。

為甚麼我敢說如果俾我後生30年再准備DSE，我一樣可以考得好呢？因為，我都好閱讀。怎樣才能考好DSE呢？請早點準備吧。早點準備不是叫你中二、中三就操卷，而是要在幼兒園起，開始培养閱讀習慣。

DSE考6-7科，如打好基楚，中、英、數、常基本唔使點理，重點只顧3科，怎會差呢？

作者: mybabycullen 時間: 14-7-15 11:37 標題: 引用：昨天，陪阿二回校領DSE成績，好彩，最担心

原帖由 judy 於 14-07-15 發表
昨天，陪阿二回校領DSE成績，好彩，最担心嘅一科都過咗骨，成績足以讓他報佢想報嘅科(佢到依家都唔知報咩) ...

thx for sharing

作者: shadeslayer 時間: 14-7-15 13:40 標題: 引用：昨天，陪阿二回校領DSE成績，好彩，最担心

原帖由 judy 於 14-07-15 發表
昨天，陪阿二回校領DSE成績，好彩，最担心嘅一科都過咗骨，成績足以讓他報佢想報嘅科(佢到依家都唔知報咩) ...

為何呵二作文最好，卻不夠呵大高分？

作者: eviepa 時間: 14-7-15 17:11

judy,

我就係衰在唔係由幼兒園開始培養個女嘅閱讀興趣，而係從小學起。呢一個差距，我相信已經造成一定嘅影響。不過遲到好過冇到，佢到讀中四時，中英水平已經相當唔錯，高中唔駛好勤力，成績都唔錯。

作者: ACE2126 時間: 14-8-2 23:59

提示: 作者被禁止或刪除內容自動屏蔽

作者: ChiChiPaPa 時間: 14-8-3 10:55

本帖最後由 ChiChiPaPa 於 14-8-3 11:00 編輯

我的兒女更遲，小四才有興趣閱讀，難知HKDSE會否有好成績。

不過，童年應該是玩樂的。我信一切順其自然，不用太刻意。順心順意就好了。

作者: akys 時間: 14-8-3 13:09

回覆 judy 的帖子

我經常同後輩及親友講小學及初中最重要的是攪好两科語文，高中專注餘科，是最有效的取分方法。不過冇人上心。其實當答長文字題時，語文好的同學記points, 差一點的記短句，再差可能要整段背。這些是我當年考公開試時的感受。

作者: eviepa 時間: 14-8-3 13:38

回覆 akys 的帖子

我就是應用這種策略，不過有小小補充，就是，小學及初中，除了兩科語文是關鍵外，數學也是。高中之前，數學不需要拿高分，但需要融匯貫通每個概念。

另外，我女兒喜歡視覺藝術，選修這科的，在高中前一定要自己掏腰包，在外邊把繪畫基礎打好。高中不是個教授繪畫的地方，沒有堅固的繪畫根基，這科絕不能讀得好。

有了強大的中英數能力，就算初中名次不太高，到高中時，就會名列前茅。

作者: serinac 時間: 14-8-4 22:56 標題: 引用：+本帖最後由+ChiChiPaPa+於+14-8-3+11:00+

原帖由 ChiChiPaPa 於 14-08-03 發表
本帖最後由 ChiChiPaPa 於 14-8-3 11:00 編輯

我的兒女更遲，小四才有興趣閱讀，難知HKDSE會否有好成績 ...

咁係唔係有為而治與無為而治的分別呢？還是無為+智多星在背後籌謀一切？

作者: serinac 時間: 14-8-4 23:10 標題: 引用：昨天，陪阿二回校領DSE成績，好彩，最担心

原帖由 judy 於 14-07-15 發表
昨天，陪阿二回校領DSE成績，好彩，最担心嘅一科都過咗骨，成績足以讓他報佢想報嘅科(佢到依家都唔知報咩) ...

Judy 你嘅家族的中文程度都很利害！想知道係咪除了自小大量閲讀外，是否還有其他方法提昇中文作文技巧、文章分析能力呢？

要知道，並不是每個家長都有你和eviepa 那麼高的中文程度去輔導小朋友。

作者: judy 時間: 14-8-5 09:37

Judy 你嘅家族的中文程度都很利害！想知道係咪除了自小大量閲讀外，是否還有其他方法提昇中文作文技巧、文章分析能力呢？

除了睇書，就是小學階段每星期一篇週記。至於寫作技巧，學校老師教就得啦！

作者: serinac 時間: 14-8-5 09:46 標題: 引用：Quote:Judy+你嘅家族的中文程度都很利害！+

原帖由 judy 於 14-08-05 發表
除了睇書，就是小學階段每星期一篇週記。至於寫作技巧，學校老師教就得啦！ ...

謝謝分享。

作者: Derdad 時間: 14-8-5 23:27

judy 發表於 14-8-5 09:37
除了睇書，就是小學階段每星期一篇週記。至於寫作技巧，學校老師教就得啦！ ...

寫作技巧，其實也可由閱讀中學到。
例如故事的起承轉合、句子句式的運用、同義反義詞如何交替運用等。
家長可以從中教子女模仿學習。

歡迎光臨教育王國 (/)