教育王國

標題: 關於升中一買電話比小朋友 [打印本頁]

作者: candyhmama 時間: 14-7-13 21:06 標題: 關於升中一買電話比小朋友

升左中一,就真係有權力黎呢個版面

仔女要求買電話,唸唸下佢都系時候有一部自己電話啦...時時刻刻用媽咪wts,同學打電話都係吖嗎聽真係好淤

買左又驚佢地玩

以下系我ge做法
1.今時今日,冇WiFi電話就得打電話同message,好多game冇得打,更加唔好唸住同班FD Facebook 慢慢inbox/wts/wechat

所以用月費計劃絕對唔可以有3G/4G
2.SD卡.唔洗買SD卡,手機自帶儲存空間,down個wts+wechat,再+影相都冇乜位啦,除非iPhone唔同講法,16G用到飽
3.上面講iPhone冇計,但仲有一樣野輕鬆搞掂iPhone.就係set密碼,每次down Apps都要輸入密碼,當然唔好比仔女知密碼
系屋企有WiFi點算?佢打機打到唔洗溫書,直接封左佢啦,話停就停,反正家長好多有無限WiFi,驚你?溫好書我share我部機WiFi比你

大家有冇咩好方法一齊分享下~

作者: Yanamami 時間: 14-7-13 21:47

試過啦！熄wifi，她自己上clubhouse上。

作者: candyhmama 時間: 14-7-14 07:04

Yanamami 發表於 14-7-13 21:47
試過啦！熄wifi，她自己上clubhouse上。

d clubhouse ge WiFi都有限時咼...

作者: 王家爸爸 時間: 14-7-15 15:55

candyhmama 發表於 14-7-13 21:06
升左中一,就真係有權力黎呢個版面
仔女要求買電話,唸唸下佢都系時候有一部自己電話啦...時時刻刻用 ...

教小朋友自律會更好。

作者: johnnywalker 時間: 14-7-15 18:55

提示: 作者被禁止或刪除內容自動屏蔽

作者: belanita 時間: 14-7-15 20:05 標題: 回覆：關於升中一買電話比小朋友

同意開始訓練佢自律，可以先約法三章，如果做唔到就沒收。學校就建議至少督促小朋友做功課時要關機

作者: fourleaf 時間: 14-7-16 17:44 標題: 回覆：關於升中一買電話比小朋友

買部只有打电話function的老人电話

作者: 瑩瑩老豆 時間: 14-7-16 21:40

candyhmama 發表於 14-7-13 21:06
升左中一,就真係有權力黎呢個版面
仔女要求買電話,唸唸下佢都系時候有一部自己電話啦...時時刻刻用 ...

阿囡升中一, 我都係等佢考完小六畢業試比左部舊smartphone 佢, 既然比得佢用就開埋data plan, 只係提佢要自律.
so far 佢係同佢班小六同學whatapps, facebook 等.

作者: happymama22 時間: 14-8-2 21:57

whatsapp實在太吸引, 上網魔力更大, 自律談何容易。都係叫孩子用我的手機whatsapp及上網先。中一是一個轉變, 希望循序漸進的變, 也不希望管用手機帶來磨擦。有冇人見過一些有型有款岩後生仔女, 但冇乜功能的手機？

作者: 王家爸爸 時間: 14-8-3 08:42

happymama22 發表於 14-8-2 21:57
whatsapp實在太吸引, 上網魔力更大, 自律談何容易。都係叫孩子用我的手機whatsapp及上網先。中一是一個轉變 ...

如果是 Android 手機，功能沒有太大的不同。

作者: ABC-DAD 時間: 14-8-3 09:05

到左發展社交嘅階段，用社交軟件嘅破壞力，喺家長要有心理準備，時間管理上宜先小人，後君子，先定好協議，逐步修訂，免去日後一啲心病

作者: Yanamami 時間: 14-8-3 11:54

協議係單方面隨时可以自行修改！

而修改一方多数係受制-方添。

作者: ChiChiPaPa 時間: 14-8-3 15:15

我的想法是善用電話應該通過教育而非限制達至。

女兒升中後，有出電話給她，無限 plan，下載軟件也不設限制，讓她學會自我制約。我認為他人(包括父母)的制約不會長久有效。

作者: 樂恩媽 時間: 14-8-4 08:23

當孩子未識自律節制時,就不要讓他身處試探當中!
我已講明只會給普通手機作聯絡之用,囝囝亦同意了。

作者: 123WING 時間: 14-8-4 16:10

中學生根本不會有節制. 買前什麼都話答應. 當機到手時, 你估他/她們能自己控制使用時間嗎? 自己只有激氣. 給部只可打出打入舊款手機就夠.

作者: 樂恩媽 時間: 14-8-4 16:22

123WING 發表於 14-8-4 16:10
中學生根本不會有節制. 買前什麼都話答應. 當機到手時, 你估他/她們能自己控制使用時間嗎? 自己只有激氣 ...

Yes, five!

作者: happymama22 時間: 14-8-5 10:24

回覆 happymama22 的帖子

謝謝, 我會留意一下

作者: ET.UFO 時間: 14-8-5 21:16 標題: 引用：中學生根本不會有節制.++買前什麼都話答應.

原帖由 123WING 於 14-08-04 發表
中學生根本不會有節制. 買前什麼都話答應. 當機到手時, 你估他/她們能自己控制使用時間嗎? 自己只有激氣 ...

同意，成人都不能自制。還要高估他們能力?用簡單電話先啦。

作者: yanj 時間: 14-8-5 22:00

如有需要，可用以下方法大幅削弱 iPhone 的上網功能：

Settings>General>Restrictions，然後限制 Safari、Apps......等等

這可成為跟兒女協議如何使用 smartphone 時的其中一張牌。

作者: edith208 時間: 14-8-7 07:10

candyhmama 發表於 14-7-13 21:06
升左中一,就真係有權力黎呢個版面
仔女要求買電話,唸唸下佢都系時候有一部自己電話啦...時時刻刻用 ...

開左whatsapp group, 你的小朋友系返學日子就永無寧日, 以前打電話問功課, 1對1, 宜家group member 問一題又響, 答問題又響, 答嘴又響, 你小朋友的定力有多少?

特別上中一, 又要自由, 又要培養自制力, 又要交朋友, 更要應付功課, 學業

去年我做中一班主任, 家長投訴仔女掛住部手機多過讀書同家人

約法三章 VS 反叛, 話同學得, 點解自己唔得 ......

講道理總好過強收手機

作者: loklok0104 時間: 14-8-7 08:25 標題: 回覆：關於升中一買電話比小朋友

大陸好多手機輻射大, 咁紅米/小米手機同樣會否輻射大? 如for中學生會否唔太適合

作者: 樂恩媽 時間: 14-8-8 20:26

我有同囝囝講如做group project 要用WhatsApp溝通,可用我部手機,有正經事我無理由唔通知他,對嗎!

作者: Horsebbj 時間: 14-8-9 11:25 標題: 引用：我的想法是善用電話應該通過教育而非限制達

原帖由 ChiChiPaPa 於 14-08-03 發表
我的想法是善用電話應該通過教育而非限制達至。

女兒升中後，有出電話給她，無限 plan，下載軟件也不設限 ...

怎樣教懂他們學會自我約制?

作者: YuYuMother 時間: 14-8-9 12:41 標題: 引用：Quote:原帖由+ChiChiPaPa+於+14-08-03+發表

原帖由 Horsebbj 於 14-08-09 發表
怎樣教懂他們學會自我約制?

我覺得要喺過程中學習，唔比佢用只係斬腳趾避沙蟲。比佢用前約法三章，中間見到有問題要同佢傾，輔導佢，真係話唔聽就收機。

雖則話約法三章，但我唔會set太多限制/條件，或喺佢部機set restrictions……set左即唔信佢，咁不如唔好比佢用。

作者: tttw1 時間: 14-8-9 17:28 標題: 回覆：YuYuMother 的帖子

Agreed

作者: yanj 時間: 14-8-10 01:05

YuYuMother 發表於 14-8-9 12:41
我覺得要喺過程中學習，唔比佢用只係斬腳趾避沙蟲。比佢用前約法三章，中間見到有問題要同佢傾，輔導佢，真係話唔聽就收機。

雖則話約法三章，但我唔會set太多限制/條件，或喺佢部機set restrictions……set左即唔信佢，咁不如唔好比佢用。
其實都唔使 set 好多 restrictions。只需要停左 whatsapp 的 notification，就已經可以減少「人機合一」的情況，繼而便會相對地天下太平。

作者: waiwai1224 時間: 14-8-10 22:07 標題: 回覆：關於升中一買電話比小朋友

提示: 作者被禁止或刪除內容自動屏蔽

作者: yanj 時間: 14-8-10 23:59

waiwai1224 發表於 14-8-10 22:07
依家科技咁先進，好難禁到

科技由人，定係人由科技？

歡迎光臨教育王國 (/)