教育王國

標題: 2012年11月出世的細B是否疊埋心報15年PN [打印本頁]

作者: kitkit100 時間: 14-7-13 15:09 標題: 2012年11月出世的細B是否疊埋心報15年PN

大家好, 我們初為人父母，得知龍年出身的細 B 很難爭入 2015 年開學的 K1，

甘我地是否應該放棄報 15 年的 K1，而開始報定下一年的 PN 班呢?

十分感謝分享。

作者: anna1020 時間: 14-7-13 17:46

我個女都係10月B, 我覺得一試無妨丫, 況且仲有4個月時間才interview, 你可以努力train下佢, 得既固然歡喜, 唔得都當係gain個經驗

作者: Bbpig2014 時間: 14-7-13 18:17

可以滿兩歲就插班PN, 及早訓練及適應對你任何決定也有好處。

作者: yfchoy 時間: 14-7-14 10:33

視乎BB的能力，小女都係11月中的細女，9月入小一了！可以跟樓主分享小小經驗。在面試過程中，年紀差兩個月都可以很大，但個人認為除咗佢哋既能力，穩定性都好緊要。當年小女由育嬰園直接去K1，我都以為一定冇問題(因嬰園有訓練佢哋既紀律，自理能力，應對)，點知因為佢唔受控，面試表現唔理想，最後只有一間聯繫幼稚園收佢(我考咗4間)，過了一年，到開咗學9月時，得悉心儀的幼稚園有人退學便立刻報名，最後收咗(面試老師都奇怪為何當初我哋會失敗，因為9月的面試除咗多嘢講，全部好合作，又肯離開我跟第一次見既老師去咗第二間房)，咁就過咗3年幼稚園生涯。不過，年紀越細，佢哋差一兩個月都可以分別好大，我當時唔望佢名列前茅，只但求佢做到老師基本要求便可，咁佢一直都有進步(但都係中等)。佢既小肌肉確實不及大仔同學，但佢既腦筋轉數絕不差，只係十分懶，搞得掂條懶筋絕對唔差

。
由於樓主沒有給小朋友上N班(估計)，在學習自理和小肌肉方面可能會較遜色(但亦一排除家中訓練得好好)，另外，適應群體生活亦是很重要的。現在的學校除了看認知能力外，自理、情緒、紀律，佢哋都着重(當然有些學校會愛較好動小孩)。我覺得可以K1和N班的學校都試，看看小孩能力去到哪兒。可能小孩好喜歡嗰間K1學校，表現得十分好呢？不要太快幫佢哋決定做大B還是細B

作者: kitkit100 時間: 14-7-14 13:33

yfchoy 發表於 14-7-14 10:33
視乎BB的能力，小女都係11月中的細女，9月入小一了！可以跟樓主分享小小經驗。在面試過程中，年紀差兩個月 ...

謝分享，甘我今年 N班又報下, K1 又報下試一試吧。

歡迎光臨教育王國 (/)