教育王國

標題: 阿仔講嘢好怪,係咪有問題呢? [打印本頁]

作者: 小余 時間: 14-7-13 00:38 標題: 阿仔講嘢好怪,係咪有問題呢?

本帖最後由小余於 14-7-13 00:40 編輯

小兒快6歲,將9月升小一..不嬲佢表達能力一般中的一般.

惟近呢幾個月,不時會聽到啲 un耳的說話, 例如："我塊面"佢會講"我的臉", "有啲污糟"會話"污糟一點兒"...
佢唔係講緊普通話,係廣東話!

我覺得好奇怪,唔知係咪有問題?

還是因為由小到大我同佢睇書時間都會跟住text讀比佢聽, 之後再加廣東話解釋, 話佢知呢句說話如果媽媽鄉下話(即廣東話)即係XXXXX,但寫字就係寫YYYYY.
唔知咁做啱唔啱?

作者: bon_bonny 時間: 14-7-13 07:45 標題: 回覆：阿仔講嘢好怪,係咪有問題呢

我都想知，其實同小朋友睇圖書講故事，係應該照住書面字讀，定口語化句句子講出黎？

作者: MASAYA 時間: 14-7-13 09:26

有d普教中既學生都係咁，而家教育局將三文三語當兩文三語推廣

作者: SY_Joanne 時間: 14-7-13 09:39 標題: 回覆：阿仔講嘢好怪,係咪有問題呢

我囝囝都有這情況，佢講野會跟書本語表達的，可能因佢睇得多書嘅關係，佢讀書成績好好，所以應該冇問題的

作者: yeeyeey2k 時間: 14-7-13 09:58 標題: 回覆：阿仔講嘢好怪,係咪有問題呢

平時同佢講多啲嘢就會減少呢啲情況發生，講故事照字讀唔係咩問題，中間問問題及讀完討論用返正常既廣東話就得啦。

作者: scyauchris 時間: 14-7-14 00:23

我女一直中文口試不太好，我今個月才知她有時用書面語看圖講故事，老師考試期間有提示她不要用書面語的。我暑假係要幫一幫她的，因為小二她決定入國語班，我怕她之後佢係中文口試更有問題。

作者: little_yolky 時間: 14-7-14 12:08

bon_bonny 發表於 14-7-13 07:45
我都想知，其實同小朋友睇圖書講故事，係應該照住書面字讀，定口語化句句子講出黎？

...

好細個時係要口語化, 吸引佢哋興趣, 大小小(幼稚園K1)就要讀一啲書俾佢哋認字同學習語感, 但講古仔仍少不了。

作者: CALVEN 時間: 14-7-14 20:03

scyauchris 發表於 14-7-14 00:23
我女一直中文口試不太好，我今個月才知她有時用書面語看圖講故事，老師考試期間有提示她不要用書面語的。我 ...

係,用書面語講故事會扣分.

作者: Charlotte_mom 時間: 14-7-14 20:45 標題: 回覆：阿仔講嘢好怪,係咪有問題呢?

我仔做自閉評估，其中一條問題係問佢係唔係講野好文縐縐

作者: Charlotte_mom 時間: 14-7-14 20:47 標題: 引用：有d普教中既學生都係咁，而家教育局將三文

原帖由 MASAYA 於 14-07-13 發表
有d普教中既學生都係咁，而家教育局將三文三語當兩文三語推廣

普教中關書面語咩事，唔通廣教中就唔係照書讀而變成口語化？

作者: 小余 時間: 14-7-15 00:44

Charlotte_mom 發表於 14-7-14 20:45
我仔做自閉評估，其中一條問題係問佢係唔係講野好文縐縐

你的意思係小朋友講嘢文縐縐係代表有自閉傾向? 抑或是這代表了他表逹能力不佳才會有此情況?

作者: scyauchris 時間: 14-7-15 07:34

我估囗試用左書面語是會扣分，老師提示不可以用書面語。我女其它科目(普通話及英語)口試同樣無預備又無問題。

作者: CALVEN 時間: 14-7-15 08:18

小余發表於 14-7-15 00:44
你的意思係小朋友講嘢文縐縐係代表有自閉傾向? 抑或是這代表了他表逹能力不佳才會有此情況?

係測試問題其中一條,但有成幾十條問題,要專業人士計算討論後先有結論.

作者: SPF 時間: 14-7-16 20:21 標題: 回覆：小余的帖子

我覺得一d問題都無，只是講明佢受書本的影響好大。這是好事。如果作文寫成：“尼個系好事”，那就説明，口語對他的影響太大，這樣寫作文交功課，問題更大。你的孩子閱讀和思考的時候，很可能是用普通話的。

作者: SPF 時間: 14-7-16 20:34 標題: 回覆：scyauchris 的帖子

我覺得你個老師才有問題。他或她把“口語化”的能力舆“口語”能力渾在一起了。學校要考的，應該是同學的“口語”能力——即時口頭語言表達能力，而不是粤語能力。

歡迎光臨教育王國 (/)