教育王國
標題: 點解個女讀書唔好一定關呀媽事？ [打印本頁]
作者: wwyee 時間: 14-7-11 19:35 標題: 點解個女讀書唔好一定關呀媽事？
C6望住呀女張成績表，問點解咁架，咩你無理佢讀書既咩？
我話中學既野有好多我都未必記得，我唔識點教佢，衹能夠坐係佢旁邊，陪下佢溫習，等佢自己尋找下方法，點讀。C6又話你陪就係陪，咪又係度玩電話，我諗無人會真係坐係度望實佢溫習。呻完
作者: brother4 時間: 14-7-11 20:12 標題: 回覆：點解個女讀書唔好一定關呀媽事？
不如一人教一科，相信佢都一樣，中學難教上去補習還好
作者: Yanamami 時間: 14-7-11 20:44
上到中學要睇個細路自己啦。唔掂就出聲，最多幫他搵補習，點溫點記點答題，考他自己啦。阿媽都唔一定要做人肉紙板添啦，仲喺小學生咩？陪到幾時啊？
作者: 洋蔥頭媽咪 時間: 14-7-11 21:20 標題: 回覆：點解個女讀書唔好一定關呀媽事？
中學都仲要陪讀？？？咁大個要學懂自律啦，如果自己唔肯付出，唔努力父母點幫都冇用。
作者: wwyee 時間: 14-7-11 22:02 標題: 回覆：點解個女讀書唔好一定關呀媽事？
我都係咁同c6講，今年唔得我就準備搵私補比個女，奈何都係一句，你要睇下佢先得架。而家你返半日工多左時間，應該會好D架，唔係你駛咩放早呀～唉～我真係請教過佢，咁我應該如何睇下佢，小學生就睇，中學生唔駛喇呱，我唯一做到既係個女放學唔會盪街，唔講大話，已經有進步喇。又要讀書好又要學乖乖，呀女我都好大壓力架。
作者: wwyee 時間: 14-7-11 22:04 標題: 回覆：brother4 的帖子
男人教仔女？總結信唔過，真係多謝晒
作者: annie40 時間: 14-7-12 00:49
如果爸爸肯教又有心機教，一般教得勝過阿媽教十倍以上。但真正有耐性和勇於岀手又出口的爸爸十分罕見，只要爸爸認真點，孩子已經一早是top5%以上了。使鬼要老婆咁勤奮！
唔信？問下呢處的爸爸就知啦。他們的孩子幾乎是件件超班了。
作者: sampapa 時間: 14-7-12 05:44 標題: 回覆：annie40 的帖子
爸爸或媽媽跟進孩子成績分別不太，主要看我們大人耐性、EQ和敎導方法。
在我校取獎學金的小朋友，大部份都是FTM或是有EQ的爸爸。當然父母都要上班也有取獎學金。
但真實很少男人願意跟進孩子小學學業，所以媽媽着緊很多。
到中學卻會多了爸爸出手。
作者: 瑩瑩老豆 時間: 14-7-12 08:35 標題: 引用：C6望住呀女張成績表，問點解咁架，咩你無理
原帖由 wwyee 於 14-07-11 發表
C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識 ...
作者: suntra 時間: 14-7-12 09:27
brother4 發表於 14-7-11 20:12 
不如一人教一科，相信佢都一樣，中學難教上去補習還好
作者: katf123 時間: 14-7-12 10:22
從來都係唔包生仔啦! 更何況讀書呢! 管教應是父母的共同責任, 當有問題發生的時候不可能只責怪一方呢! 應該係大家商量如何改善才對, 要盡快找出問題才是上策. 加油呀!!
作者: my_majesty 時間: 14-7-12 12:03
唔好影響感情，一齊搵下個問題出係邊啦～
究竟係佢心散唔夠努力
定係學校教既野佢唔名呢？
之後再對症下藥
作者: pris626 時間: 14-7-12 12:38 標題: 回覆：點解個女讀書唔好一定關呀媽事？
有幾差先？band1學校考試唔合格大有人在……
作者: scyauchris 時間: 14-7-14 14:04
不過肯出手跟的爸爸，個小朋友通常是好叻。除左讀書，小朋友有乜問題一定是媽媽問題
作者: scyauchris 時間: 14-7-14 14:04
不過肯出手跟的爸爸，個小朋友通常是好叻。除左讀書，小朋友有乜問題一定是媽媽問題
作者: 黃巴士 時間: 14-7-14 15:42
男人多數都是這樣. 你為佢勞氣, 不如慳返啖氣.
將自己的心機FOUCS放回孩子身上.
作者: MASAYA 時間: 14-7-14 16:24
中學生青春期，睇得越緊越反叛，試下一齊定目標，畀個細路多d主導權，佢自己定既目標要盡力達成，當佢係大人咁睇佢自尊心會好受d
作者: f6f 時間: 14-7-14 17:18
我見好多爸爸及朋友都好緊張小朋友學業禍.....
我自己亦一樣緊張小朋友學業. 相信不可一竹高辦一船人......
作者: 素兒 時間: 14-7-14 17:19
本帖最後由 素兒 於 14-7-14 17:19 編輯
你話一人一半啦, 個女大家都有份, 我教左幼稚園+小學, 你教中學, 都係幾年者, 依家又升左一年喇,你又可以教少一年, 靠你啦。
搞定
作者: 黃巴士 時間: 14-7-15 10:53
本帖最後由 黃巴士 於 14-7-15 10:58 編輯
與另一半解釋或溝通吓 --- 初中是摸索,跌碰期及復原期, 在這時期必須已學會承擔及成長. 高中 - 完全是他/她們自理期了, 家長連督促都沒用了
希望另一半體諒此跌蕩及調息期.
有時孩子手上拿著書, 雙眼望住本書, 但是他/她讀到多少, 讀得熟與否, 讀的是否表面, 溫習是否重點??? 真是要他/她們自己才知道, 要她/他們自己碰釘才知痛.
有時,他/她們可能讀書時是眼望本書, 個心在太空中遊魂
. 難道要像小學時出卷予他/她們做嗎?? 這個學習態度及自律必須要他/她們自己培養出來, 我們家長只可在旁督促及提醒.
共勉之.
.
作者: 王家爸爸 時間: 14-7-15 15:44
brother4 發表於 14-7-11 20:12
不如一人教一科，相信佢都一樣，中學難教上去補習還好
作者: lm251099 時間: 14-7-15 17:29 標題: 引用：如果爸爸肯教又有心機教，一般教得勝過阿媽
原帖由 annie40 於 14-07-12 發表
如果爸爸肯教又有心機教，一般教得勝過阿媽教十倍以上。但真正有耐性和勇於岀手又出口的爸爸十分罕見，只要 ...
作者: annie40 時間: 14-7-15 17:45
回覆 sampapa 的帖子
What does the meaning of FTM? Please teach me.
作者: annie40 時間: 14-7-15 17:50
回覆 lm251099 的帖子
中学的孩子很少还会听父母的话了, 孩子顶多肯听妈妈话到中二,而听爸爸的话的可挨多两年, 因此爸爸的角色非常重要呢!
作者: wwyee 時間: 14-7-15 18:44 標題: 回覆：點解個女讀書唔好一定關呀媽事？
多謝大家嘅回應，其實呢種問題唔淨衹我會遇到。明白小朋友上左中學，唔可以再好似小學一樣容易受父母主導，希望佢自己能尋找適合自己嘅讀書方法，我年少時都遇上過這種問題，父母永遠在旁囉囉嗦嗦，溫習啦～溫習啦～從不會問你上學開唔開心，或者遇上咩野特別事，所以我對讀書係抗拒，而且更是反叛。我唔希望我個女會係我嘅影子，c6唔明白當前最重要除學業外，正處反叛期嘅行為，認為教女一定要比個仔嚴，怕女仔蝕抵。
作者: sampapa 時間: 14-7-15 19:43 標題: 回覆：annie40 的帖子
Full Time Mami,
全職主婦
作者: wwyee 時間: 14-7-15 22:19 標題: 引用：Full+Time+Mami,
全職主婦
+
原帖由 sampapa 於 14-07-15 發表
Full Time Mami,
全職主婦
作者: qkhui 時間: 14-7-16 09:53
上了中學真的是另一種挑戰, 亞仔9月將升中一, 在剛過去的星期六回了中學聽家長會, 岩岩DSE放榜, 聽了一些取得好成績的同學都是說, 家長 "陪讀"是很重要的. 不是真的陪他們溫書, 只是, 當子女在溫習或看書時, 父母同時間亦一起看書, 不要一個在玩手機, 一個在玩電腦. 要給他們覺得有父母支持他們, 是很重要的. 所以父母自己都先要協議要怎樣做
我同意升上中學很多事也應放手, 但不要一下子就完全放手, 因我相信小朋友也有很多憂慮. 即使跟他們一起學習書本上的新知識也很好. 不明白可問回小朋友, 相信他們一定很有滿足感.
我同意大多數爸爸都是沒有耐性的. 我先生一樣. 在小學階段(小1-小4), 他真的完全不理仔仔的功課及溫習. 但如見到成績不是太好, 又或見我太緊張. 他就會不高興, 有要馬兒好, 有要馬兒不吃草 . 到了小5下學期, 因呈分試, 我巳沒有太多能力時間教仔英文科, 因我是要上班的. 回家真的沒有太多時間. 我唯有同先生講, 英文我真的教不了, 你有時間你就教. 不然, 我不擔保英文成績. 雖然先生也會教, 但此終是不主動的. 所以亞仔英文都是比其他科差的.
但老公話, 中學他會負責亞仔的. 因他學歷比我高, 我巳沒有能力教仔中學課程, 希望他真的講得出做得到.
作者: little_yolky 時間: 14-7-16 17:09
wwyee 發表於 14-7-11 19:35
C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識 ...
3. 多啲同囡囡傾計
你同老公講, 我做半職, 係為咗教個囡唔好學壞, 唔係做補習老師, 你咁多要求, 俾多啲家用等我請個工人做家務同私補。
作者: little_yolky 時間: 14-7-16 17:14
annie40 發表於 14-7-12 00:49
如果爸爸肯教又有心機教，一般教得勝過阿媽教十倍以上。但真正有耐性和勇於岀手又出口的爸爸十分罕見，只要 ...
阿囡仲要拒絕咗爸爸, 話爸爸你普通話又差, 英文又差, 我自己讀就得喇, 搞到爸爸都好抑鬱。
作者: annie40 時間: 14-7-16 17:56
我老公肯教個囡又有耐性, 出口又出手, 但阿囡點解連top 20都做唔到既? 我好想晒命同人講我個囡考第一, 我好抑鬱。
阿囡仲要拒絕咗爸爸, 話爸爸你普通話又差, 英文又差, 我自己讀就得喇, 搞到爸爸都好抑鬱。
**** ******
* 如果一班40人, 中间是20-30, 也不是太差吧
*跟孩子相处, 要有切入点, 不是你肯教, 她就一定收到的
*小女在小一开始, 已经知道妈妈普通話又差, 英文又差的事实真相, 因此 自己上课留心学好了.
*因为孩子说的是老实话, 我不但没有抑鬱, 还走为上着, 只是讲下广东话故事和教下计加减乘除而已. 其他是量力而为.
外子很有学问,有耐性, 但完全不懂跟幼儿沟通和如何传递学问, 非常长气, 小女跟爸爸玩就可以了, 教学是可免则免吧.
如果父母没教的天份, 一是去努力学习, 一是不要勉勉强强教到阿女惊左读书.要培养孩子, 要做的事很多, 教做人, 教诚实, 教公德心, 教善良, 已经好鬼唔得闲了........不一定要学功课的.
作者: andrew 時間: 14-7-16 23:26
真絛唔好.
作者: little_yolky 時間: 14-7-18 16:06
annie40 發表於 14-7-16 17:56
我老公肯教個囡又有耐性, 出口又出手, 但阿囡點解連top 20都做唔到既? 我好想晒命同人講我個囡考第一, 我好 ...
我老公又係好長氣, 長氣到我都頂唔住, 我就好火爆, 我囡囡同你囡囡一樣, 因為唔想「被」教, 所以就自己上堂專心, 自己溫習, 盡所能响我放工之前乜都搞掂, 唔俾我捉到痛腳。
我真係好唔得閑, 又要同阿細日日練說話(發音唔正), 又要玩交換日記培養佢哋寫作, 又要時不時按佢哋程度搵書佢哋睇, 我英文又唔好, 又唔識教, 我又要返工, 個工人又蠢, 一日到黑做錯嘢, 老公又成日埋怨我仲未同佢翻譯, 篇嘢又深又悶, 真係幾多條命都唔夠用。
作者: benny2014 時間: 14-7-20 16:45
我在學校工作，家長日派成績表，有個學生的父親竟然將成績退步的責任推晒落佢老婆度，好似完全唔關佢事咁，我忍唔住提醒他，說個仔你都有份的。
作者: wwyee 時間: 14-7-21 08:33 標題: 回覆：little_yolky 的帖子
火爆都係大壓力，咩野都關你事。
家族讀書叻，又唔太關事嘅，我仔有個同學，佢地家族親戚又係讀得，個個都專業人員，奈何個同學仔自己讀得唔理想，黎緊中六送佢過英國讀，父母講明讀完碩士先可以返黎香港，個同學成日同我個仔傾訴，話自己好孤寂好大壓力。
作者: wwyee 時間: 14-7-21 08:35 標題: 引用：我在學校工作，家長日派成績表，有個學生的
原帖由 benny2014 於 14-07-20 發表
我在學校工作，家長日派成績表，有個學生的父親竟然將成績退步的責任推晒落佢老婆度，好似完全唔關佢事咁， ...
，唔好話佢條精子差。
作者: katf123 時間: 14-7-21 13:25
wwyee 發表於 14-7-21 08:35
呢個老豆真係，唔好話佢條精子差。
作者: eviepa 時間: 14-7-21 21:38
本帖最後由 eviepa 於 14-7-21 21:41 編輯
我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿女成績稍稍回落就埋怨我。
最經典果次係中5考試，阿女幾科失手，輸左小小，全班考第二。咁我就畀老婆埋怨la，真係火都黎。
作者: ChiChiPaPa 時間: 14-7-21 23:37
eviepa 發表於 14-7-21 21:38
我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿 ...
作者: Woomingling 時間: 14-7-22 08:07 標題: 回覆：eviepa 的帖子
你老婆巧幸福啊！
作者: MASAYA 時間: 14-7-22 13:58
eviepa 發表於 14-7-21 21:38
我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿 ...
我家沒長輩沒工人幫忙湊兩個細路同做家務，所以媽媽全職在家都忙到踢晒腳，學習方面冇時間理佢地，所以我比較關心兩個女上中學前可唔可以培養到對追求知識既興趣同閱讀習慣，但我份工係返得晏放得晏，平日見既時間唔多，最多係星期六同日whole day，請問有咩方法可以利用有限時間令佢地鍾意睇書？兩個女其實都鍾意睇書，不過都係鍾意睇圖多，字就要我伴讀先會睇
作者: eviepa 時間: 14-7-22 19:41
喜歡看圖畫書就讓她們多看吧，慢慢就會自動看有字的書了，不要心急。
伴讀是重要的，怎樣也得要每天抽半小時伴讀才好。
作者: MASAYA 時間: 14-7-29 14:13
eviepa 發表於 14-7-22 19:41
喜歡看圖畫書就讓她們多看吧，慢慢就會自動看有字的書了，不要心急。
伴讀是重要的，怎樣也得要每天抽半小 ...
作者: chumamma 時間: 14-7-31 22:36
wwyee 發表於 14-7-11 19:35
C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識 ...
我就係同老公各人分擔科目, 小學時, 老公負責囡囡數學常識運動, 我就負責中英普視藝等科目。
我們兩人好似當女兒係機械人, 各人用自己一套去谷自己個幾科, 當數學差時, 我會挖苦老公, 會更加努力, 當我科中文差時, 老公會挖苦下我, 個囡就挾中間不斷比我兩個人谷, 兩公婆大家互相辛苦付出, 犧牲吃玩樂時間, 其他人睇我們可能覺得我們好變態。
我記得個女小六時, 中英數常, 視藝科科都有攞獎。
其實仔女讀書, 不是單靠一個人, 要兩公婆大家配合。
現在女兒升中學了, 老公同我每人又要負責多三科, 單是一個女人仔, 根本做唔到咁多科。
作者: andrew 時間: 14-8-1 06:14
我都係，阿仔讀書關晒我事。不單單是讀書，打波、彈琴都係一手包辦。
作者: awah112 時間: 14-8-1 09:35 標題: 回覆：點解個女讀書唔好一定關呀媽事？
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |