教育王國

標題: 幼稚園面試分享(基本要求) [打印本頁]

作者: Ms.spring 時間: 14-7-9 16:44 標題: 幼稚園面試分享(基本要求)

我個女丁丁係2011年出世，係上年IN 左5間幼稚園，分別係:

1.
聖多馬幼兒園

2.
聖羅撒幼稚園

3.
又一村學校

4.
民生書院

5.
創價幼稚園

6.
德貞幼稚園(見有後補即報)

我個女係全軍覆沒，主要係我無好好訓練~

其實，父母最基本要做既事係「身教」，要小朋友係一個有禮貌既環境成長係好重要。就算唔係要入幼稚園，禮貌都係做人既基本要求。有一點要注意，就係小朋友係由邊個照顧係好有影響力(包括工人，公公婆婆爺爺嫲嫲系列)，佢地既一舉一動係好影響到小朋友既性格，特別係0-3歲。

丁丁係出世3月後由奶奶湊，早上奶奶黎，晚上我地回家，佢做完手尾就返屋企。由於奶奶唔會點出聲，好少同丁丁傾計，老爺3點幾放工會帶BB去公園玩。我地父母同丁丁既時間係晚上和六日。

係見幼稚園時，由於丁丁平時好少出聲，所以問問題都係會唔答。我地初初以為係細B問題。到後期我地去叩門，丁丁係面試表現都係甚差，主要因為我地無好好訓練同培訓丁丁係禮貌方面既認知，因此令佢好明顯輸左一大節。

請各位父母教小朋友考幼稚園首要訓練(要小朋友自動波講):

1.
見到人(老師、校長…..)要講”早晨”OR “”你好”

2.
小朋友要識講自已叫咩名。 (e.g. 我叫丁丁)

3.
人地比野要識講”多謝”

4.
面試完成要執好玩具/拉返好張櫈。

如果小朋友成功可以做齊以上動作，你小朋友既面試已經成功左一半。

作者: liliankaykay 時間: 14-7-9 18:40 標題: 引用：我個女丁丁係2011年出世，係上年IN+左5間幼

原帖由 Ms.spring 於 14-07-09 發表
我個女丁丁係2011年出世，係上年IN 左5間幼稚園，分別係:1.
聖多馬幼兒園
2.

多謝分享。我地屋企都有由細訓練小朋友禮貌。但佢而家trouble two，咩都唱反調，一見到人就話「唔叫人/唔睬人」, 唔知點算.........

作者: mavh 時間: 14-7-10 08:02

回覆 Ms.spring 的帖子

請問in PN班定N班?

作者: Ms.spring 時間: 14-7-10 10:05

我個女個時IN K1~

作者: anna1020 時間: 14-7-11 15:56

回覆 liliankaykay 的帖子

同我個女一樣 "唔答媽媽", 俾佢激死. 叫人都唔會主動叫, 要嗌先開口, 仲要睇心情. 擔心

作者: lingchuchu 時間: 14-7-11 17:27 標題: 回覆：幼稚園面試分享(基本要求)

樓主，你係咪住係深水埗區，我都係。咁最後丁丁讀咗邊間學校，可否分享下。

我囡今年報nursery, 都好驚一間都唔收

作者: 阿月巴 時間: 14-7-12 00:29 標題: 回覆：Ms.spring 的帖子

我都share吓俾大家，囡囡上年考pn，in咗10間（包括所謂神校，地區名校，一般學校）有7個offers，另外3間係waiting 。大部分interview模式大同小異，分group in 同 individual in 2種。其實唔駛講到話日日“train“佢，只要平時俾少少心機同佢玩啲“有用“嘅遊戲，佢就會從中吸收，大咁大人同小朋友都可以開開心心冇壓力（囡囡每次都in得好開心，以為玩緊）。另外，仲要俾佢多啲見人，識同唔識嘅人都打吓招呼，佢哋就唔會驚陌生人。希望大家入到心儀學校

作者: Ms.spring 時間: 14-7-14 09:44

其實同小朋友玩係好重要, 佢地係遊戲中吸收, 之後會突然間做返學既野出黎~(我就係好好既反面教材，無係禮貌方面培訓，認知能力OK, 但基本既做唔到)
我個女最後讀救世軍NURSEY (要做大大B), 主要原因係發現個女既性格要好好執執, 讀NURSEY D老師會可以多D時間觀察小朋友, 睇下有咩配合去協助小朋友發展~
其實有D幼稚園到後期會有位，如果真係無位，可以打電話問/上網(該學校)睇有無學位~

作者: Moonlight819 時間: 14-7-14 21:55 標題: 引用：我個女丁丁係2011年出世，係上年IN+左5間幼

原帖由 Ms.spring 於 14-07-09 發表
我個女丁丁係2011年出世，係上年IN 左5間幼稚園，分別係:1.
聖多馬幼兒園
2.

其實之前和囝囝in pn 時已要識這些了！

作者: Potato001 時間: 14-7-17 19:41 標題: 引用：Quote:原帖由+Ms.spring+於+14-07-09+發表

原帖由 Moonlight819 於 14-07-14 發表
其實之前和囝囝in pn 時已要識這些了！

我女in pn時都未識講野，所以以上嘅野大部份都做唔到，淨係叫佢推櫈和bye bye時會跟住做，但會主動和小朋友打招呼。

in k1, 人人都覺得小朋友大個咗，識多咗野應該要做到“自動自覺”叫人，有禮貌等，但面試始終在陌生環境，小朋友唔習慣和緊張都會影響表現，所以我覺得多啲帶小朋友去街和見人，對面試有一定幫助。

作者: ngroni 時間: 14-7-22 20:45 標題: 引用：我個女丁丁係2011年出世，係上年IN+左5間幼

原帖由 Ms.spring 於 14-07-09 發表
我個女丁丁係2011年出世，係上年IN 左5間幼稚園，分別係:1.
聖多馬幼兒園
2.

同意你的建議,是日作生活中学習,不用强迫!

作者: Samuelqq 時間: 14-7-23 12:13

回覆阿月巴的帖子

請問玩D咩有用嘅遊戲? 我已經不停咁THANK YOU, MORNING 同PLEASE我囡囡, 佢都未學到

作者: sweethoho 時間: 14-7-25 09:29 標題: 回覆：幼稚園面試分享(基本要求)

當然能夠培養做基本要求就最好, 但都要看小朋友性格… 及家長都要注意自己面試的言行和表現, 老師也會把這些看在眼裡的!

作者: Yenlo1321 時間: 14-9-13 17:57

回覆 Ms.spring 的帖子

講得非常好~身教真係很重要~

作者: Annbaat 時間: 14-9-13 18:23 標題: 回覆：幼稚園面試分享(基本要求)

謝謝分享，我女也是11年細b，in 8間有一半有offer。其實我女都不太會講說話，我覺得有offer原因有幾個 1interview無喊，2阿女唔怕陌生人，見人會講hello（其實之後老師問問題佢都唔多答）3家長讀過少少出名嘅小學校（有一間offer，我覺得好明顯係呢個原因）

作者: bingbinghk 時間: 14-9-20 15:32

回覆 Ms.spring 的帖子

作者: Bunnygirl 時間: 14-9-22 17:52

yes agree manner is the most impt thing and far more impt than knowing numbers and ABC. My gal is an active gal and cannot sit still all the time. Have to find way to get her interested on the toy on the table so she can concentrate and answer questions. as her pn can be promoted to K1 i only enroll her in 5 interviews only (4 dragon schools and one IB school). The IB school accpet her as am student while got call waiting from one of the dragon school. Manner can at least keep you on the waiting list. And be patient with the call waiting as most of the school will look for the same batch of students so at the end there'll be someone release the space. Year of dragon is better as eveyone has to make decision by Jan so shorter waiting time!

作者: c129hk 時間: 14-9-23 19:21 標題: 回覆：阿月巴的帖子

請問日日同佢玩'有用的玩具'即係咩？可否分享吓？

作者: twk005 時間: 14-9-24 15:31 標題: 回覆：c129hk 的帖子

Stacking cups、小童寸珠個類

作者: twk005 時間: 14-9-24 15:31 標題: 回覆：c129hk 的帖子

Building blocks

作者: lizwai2003 時間: 14-9-24 17:38

其實interview同小朋友訓練無咩直接關係, 只係運氣夠唔夠...你訓練咗唔等於小朋友interview 時會做., 做得好好,答晒都唔等於收 (聖羅撒幼稚園,民生書院,創價幼稚園,德貞幼稚園都偏向收10月前小朋友), 所以唔收正常.(收11-12月小朋友係有小許運氣因素,我諗都會有一個.)
聖多馬幼兒園 , 又一村學校 ( (其實易收, 只係唔夠運) ...
上年又一村學校出result 時收了很多細B10-12月2011年, 亦有媽媽話小朋友喊住Interview都收pm..最後interview 其實係一個game, 唔好因為這個game不斷訓練小朋友....讀唔到心水kg唔緊要, 最重要係多陪伴小朋友.
禮貌係好難訓練同培訓 " 真係要大人有禮貌, 小朋友先會跟" 無得訓練..

作者: choy3010 時間: 14-10-11 15:51 標題: 回覆：幼稚園面試分享(基本要求)

多謝大家分享！

作者: dcwwdhk 時間: 14-11-26 10:25

我女2歲係11月細B，其實平日教佢唔難，鐘意玩公仔既就用公仔教佢，一齊坐定定，餵公仔食嘢要小心唔好整親公仔呀...而家佢做咩都會帶埋公仔，佢時時都話要教埋啤啤熊一齊 - 無論睇書、玩lego、玩shapes and colours、睇DVD都要帶一齊。佢跌左嘢要教啤啤執返，要細細力慢慢執....呢啲嘢都係平時我想教佢既，咪一齊教啤啤做囉！

而家帶佢出去食肆食飯，有叔叔姨姨(侍應)拎嘢嚟，我女會自己講「唔該姨姨/叔叔」，其實身教都好重要，我時時帶佢出街都會教佢要講唔該。大家努力呀！

歡迎光臨教育王國 (/)