教育王國

標題: PN適應班 [打印本頁]

作者: liliankaykay 時間: 14-7-9 13:45 標題: PN適應班

想問通常PN 有幾耐適應期，家長可以在身邊呢？

作者: mannitol 時間: 14-7-9 18:53 標題: 回覆：liliankaykay 的帖子

我試過一間只有3日，另一間有一星期。

作者: liliankaykay 時間: 14-7-9 18:58 標題: 引用：我試過一間只有3日，另一間有一星期。 +

原帖由 mannitol 於 14-07-09 發表
我試過一間只有3日，另一間有一星期。

其實三日真係好少，如果無仲慘。初初番學係咪成班小朋友响度喊？諗起都陰公豬.....

作者: SandraLeung2012 時間: 14-7-12 20:32 標題: 回覆：mannitol 的帖子

喊是必然，睇下喊幾耐，如果怕會心痛就等K1先讀，我覺得父母陪幾多日是無意思，小朋友依然會喊

作者: SandraLeung2012 時間: 14-7-12 20:36 標題: 回覆：mannitol 的帖子

我囝個間得一日陪返學

作者: Potato001 時間: 14-7-13 08:45 標題: 回覆：liliankaykay 的帖子

我問過我女讀果間冇得陪（唔知係咪我理解錯），但會慢慢加上堂時間，開頭一小時，之後漸進式加時間。

作者: ngroni 時間: 14-7-15 14:49 標題: 引用：想問通常PN+有幾耐適應期，家長可以在身邊

原帖由 liliankaykay 於 14-07-09 發表
想問通常PN 有幾耐適應期，家長可以在身邊呢？

St Cat 有一個星期一小時的家長陪同期

作者: darichie 時間: 14-7-15 22:32 標題: 回覆：liliankaykay 的帖子

LH頭2日家長可以陪

作者: lokhei1012 時間: 14-7-16 00:13 標題: 回覆：liliankaykay 的帖子

其實陪得多並唔係好事，小朋友習慣耐左，佢地仲難適應，一般都係陪三至四日，時間逐步增加

作者: yankaka 時間: 14-7-24 17:17

2-3日其實都夠, 比佢返得學就唔好怕佢喊, 同埋其實老師話, 佢地入到課室有得玩就老豆姓咩都唔記得架啦!

作者: hoihoima 時間: 14-7-24 23:40

liliankaykay 發表於 14-7-9 18:58
其實三日真係好少，如果無仲慘。初初番學係咪成班小朋友响度喊？諗起都陰公豬.....

...

對我仔來説，他PN時唯一喊個日，就係我陪他番個日。由第二日開始，他自己番，就無再喊了。

作者: mentos_rainbow 時間: 14-7-25 08:11

唔知TT有無得陪呢？我無聽老師講過可以陪所以應該係無，不過都無咩所謂反走陪得幾日，只係早d面對定遲d面對

作者: liliankaykay 時間: 14-7-25 08:13 標題: 回覆：PN適應班

想問大家小朋友有無朝朝話唔番學？其實見佢放學都好開心唔想走，早上都係好驚番學，亦好怕我離開佢，每次分離都大喊。我想知呢段時間會持續幾耐........

作者: winicelwp 時間: 14-7-25 08:51 標題: 回覆：PN適應班

人地話同媽媽分離零舍喊得勁，其他屋企人還好，所以可能通常係扭媽咪

作者: liliankaykay 時間: 14-7-25 09:31 標題: 引用：人地話同媽媽分離零舍喊得勁，其他屋企人還

原帖由 winicelwp 於 14-07-25 發表
人地話同媽媽分離零舍喊得勁，其他屋企人還好，所以可能通常係扭媽咪

...

我而家完全唔敢送佢番學，佢一路喊、掙扎我都好辛苦！

作者: 丁丁aunty 時間: 14-7-25 10:54

我呀仔間學校有一星期適應期, 頭三日番一個鐘家長陪, 跟住兩日就番短o的但無家長陪.....

作者: siumak 時間: 14-7-25 10:55

Cannan 可以陪三日﹐
其實陪幾多日不是問題﹐
點都會喊﹐
就係你開始唔陪上堂果日開始喊。

作者: Potato001 時間: 14-7-25 22:12 標題: 引用：人地話同媽媽分離零舍喊得勁，其他屋企人還

原帖由 winicelwp 於 14-07-25 發表
人地話同媽媽分離零舍喊得勁，其他屋企人還好，所以可能通常係扭媽咪

...

其實都唔關事，我女平日工人照顧，但好癡我，我之前帶佢上playgroup的分離班，一次都冇喊過，不知玩得幾開心。我每日上堂前都會同佢講返學好好玩，要聽老師話，老師會照顧你，唔洗緊張，佢仲會重複講番俾我聽。老師話其實大部份小朋友喊，只會喊十分鐘左右，因為發覺喊完父母都唔會出現，知道喊冇用，就會停止。我女係貪玩嘅小朋友，有得玩就得，所以唔會喊，但新鮮感一過，可能就會覺得悶，會倒亂。

歡迎光臨教育王國 (/)