教育王國

標題: 會考5分　進修實戰　青年工作假期月掙6萬 [打印本頁]

作者: elbar 時間: 14-7-9 10:54 標題: 會考5分　進修實戰　青年工作假期月掙6萬

曾澳洲工作假期Peter認為實戰經驗比齋讀書更可貴，有經驗做得好，自然有人賞識，最緊要搵到自己條路。

【明報專訊】香港年輕人眼中理想人工係幾多？今年25歲Peter試過澳洲工作假期（working holiday）做餐館，薪金連津貼月入近6萬港元（底薪三萬二）。當然，高人工背後有好多辛酸史，就好似佢澳洲做中餐館，日做12個鐘，Peter話其實當地搵做唔難，只睇你肯唔肯做。

「搵做唔難睇你肯唔肯做」

DSE下周一就放榜。話說以前會考得5分Peter知道自己唔係讀書材料，佢讀兩年酒店服務管理高級文憑後，去四季酒店做廚房工作，一年半後因為表現好升做部長；之後被澳洲開中餐館老闆賞識挖角，呢位老闆更專登飛過同佢傾，Peter見佢咁有誠意，就跟佢去澳洲，以working holiday方式工作。

難得遇到好老闆，Peter待遇唔錯，一個月已有三萬二，老闆仲包食住，所以Peter基本上唔使出錢，但Peter話唔係個個好似佢咁好彩，「無做過餐飲，過去做餐館實被人壓價」。做半年，Peter就轉去西餐廳做，一日返4個鐘，所以佢先有時間一邊做一邊玩，真正working同holiday兼備。Peter已回港，現於米芝蓮餐廳工作。

歡迎光臨教育王國 (/)