教育王國

標題: 請教：成功插班K2 [打印本頁]

作者: fixedstar99 時間: 14-7-8 11:42 標題: 請教：成功插班K2

小女來緊9月會讀K1，並非最心儀果間。

請問LH、SC、KV、PC等學校都接受K2插班嗎？何時遞交申請合適？

如果要插班K2，小朋友需要如何做準備？

真心請教，謝謝！

作者: MANGAWONG 時間: 14-7-8 14:33 標題: 回覆：請教：成功插班K2

本帖最後由 MANGAWONG 於 19-5-3 23:09 編輯

作者: lovebb2 時間: 14-7-8 16:23 標題: 引用：小女來緊9月會讀K1，並非最心儀果間。請問L

原帖由 fixedstar99 於 14-07-08 發表
小女來緊9月會讀K1，並非最心儀果間。

請問LH、SC、KV、PC等學校都接受K2插班嗎？何時遞交申請合適？

LH,SC,KV都知有人成功k2插班，祝成功。PC未見過。

作者: 晞晞爸b 時間: 14-7-8 17:35

fixedstar99 發表於 14-7-8 11:42
小女來緊9月會讀K1，並非最心儀果間。

請問LH、SC、KV、PC等學校都接受K2插班嗎？何時遞交申請合適？

fixedstar...讀住K1先(非最心儀果間) & 留意你心儀果幾間幾時開始接受K2插班生申請(間間唔同..總之自己多D打去問及留意學校網站)

另外你小朋友自己都要操fit (如果讀緊果間K1係學卷學校)
因為LH、SC、KV皆屬於"谷D"既學校
K2插班面試可能考D比較深D野...

我仔剛剛上個月分別試過2間插K2都有offer (一間元朗學卷學校...另一間係九龍塘非學卷學校)
九龍塘果間全英文面試對答(預左難度高)
但令我比較驚訝既係元朗果間學卷學校面試時竟然考我仔寫字(A-Z...1-10)...而果間元朗學卷學校直到K2先開始教小朋友寫字...即係果間學校自己K1學生都未開始學寫字但考我仔(K1)時竟然expect我仔識寫字..

總之平常心去面對喇

祝你既女兒插班成功! 加油!

另外平時(K1)都要谷你既女..因為到時入左LH、SC、KV讀K2先唔會追得太辛苦.

作者: chunmama2011 時間: 14-7-8 18:15 標題: 引用：Quote:fixedstar99+發表於+14-7-8+11:42+小

原帖由 晞晞爸b 於 14-07-08 發表
fixedstar...讀住K1先(非最心儀果間) & 留意你心儀果幾間幾時開始接受K2插班生申請(間間唔同..總之自己多D ...

插 k2 是不是要小朋友單獨面試?

作者: 晞晞爸b 時間: 14-7-8 18:20

本帖最後由晞晞爸b 於 14-7-8 18:26 編輯

chunmama2011 發表於 14-7-8 18:15
插 k2 是不是要小朋友單獨面試?

間間唔同
我試果兩間都係父母一起入去面試
其中一間係分兩Part...Part one 由NET考我仔英文..Part two 老師帶仔去第二度(單獨見)呢個時候由
校長單獨見我地家長問我地問題

作者: elvina_lmk 時間: 14-7-8 19:12 標題: 回覆：請教：成功插班K2

K2大部份都係小朋友自己入去見。
如果你的K1本身已經谷谷地就唔駛點谷嘅。
建議參加下比賽或者學d有cert嘅嘢,搞下個portfolio, 應該有d幫助。

作者: Macylau 時間: 14-7-8 20:43 標題: 引用：小女來緊9月會讀K1，並非最心儀果間。請問L

原帖由 fixedstar99 於 14-07-08 發表
小女來緊9月會讀K1，並非最心儀果間。

請問LH、SC、KV、PC等學校都接受K2插班嗎？何時遞交申請合適？

KV K2 考插班係做考卷!

作者: fixedstar99 時間: 14-7-9 13:17

回覆 MANGAWONG 的帖子

請問K1下半年開始send 申請表會否太早？
定系暑期7-8月合適D?
謝謝！

作者: fixedstar99 時間: 14-7-9 13:59

回覆晞晞爸b 的帖子

晞晞爸b，好多謝你詳盡的回覆。

學術上既“谷”，我會做好準備，小女平日喜歡睇書學野、好奇心強、學習能力較高，我都有較多時間陪佢一起學習，希望呢方面不會有太大問題。

但對於英文面試，我有D擔心。似乎LH、SC interview都要全英文？聽講LH面試仲要用英文講故事？？

小女K1會讀無學卷幼稚園，據聞每日都有NET英文老師，但每日上堂時間只得30mins，我擔心單靠學校的話，小朋友好難在1年之內達到面試時全英文對答的水準。

但我地屋企英文語境都唔系太好。我同我先生都係每日工作上用英文完全冇問題，但一講到daily life全英對話，就唔係咁得啦，所以我地自己操練唔到小朋友英文口語。請問你有咩suggestion可以幫助小女加強英文口語呢？你個小朋友係咪PN同K1既英文語境已經好好，可以train到小朋友interview時用流利英文對答？定系你有咩其他方法可以分享？謝謝！！

作者: fixedstar99 時間: 14-7-9 14:04

回覆 Macylau 的帖子

插班K2做考卷？但會唔會小朋友連題目D字都唔識睇呢？？

定系會有老師在旁邊解讀題目要求呢？？

KV係考中文定英文呢？是否需要英文面試？

我係KV website見唔到有關於插班的信息，是否佢地好少有插班呢？

作者: fixedstar99 時間: 14-7-9 14:05

回覆晞晞爸b 的帖子

元朗果間如此考試，相信就算你考到都未必去讀

作者: Gerard 時間: 14-7-9 14:07 標題: 回覆：請教：成功插班K2

提示: 作者被禁止或刪除內容自動屏蔽

作者: fixedstar99 時間: 14-7-9 14:17

回覆 Gerard 的帖子

小朋友平日屋企玩開既書，都有呢類練習，不過暫時3歲未去到寫字咁深。

所以小朋友考KV既話，小朋友至少應該識得寫簡單數字同字母，否則可能識得答案唔識寫出來，right？

作者: Gerard 時間: 14-7-9 16:26 標題: 回覆：請教：成功插班K2

提示: 作者被禁止或刪除內容自動屏蔽

作者: twllc 時間: 14-7-9 16:33 標題: 回覆：fixedstar99 的帖子

舊年我幫孖仔報考LH,又唔覺得佢英文考得好深，反而中文字深d... 果陣佢地讀學卷幼稚園，每星期一次英文興趣班，只睇英文卡通和英文書，已經ok。中文都出去讀過幾個月認字班先去考。

果陣佢地k1下學期先報名（約5月份），6月in完，7月有offer，但結果我冇要到… 因揾唔到街車接送。不過間間分校唔同，我識人報青衣果間，連in的機會都冇

作者: fixedstar99 時間: 14-7-9 17:00

回覆 twllc 的帖子

twllc，LH其實係我最心儀既幼稚園，你既資料令我多佐D信心，謝謝！

照你個case，即係K1下學期一開始就要遞交插班生表了喔！不過我正正要報讀青衣分校，睇怕要等到有位面試機會十分渺茫，唔知可否同時申請2-3間分校既插班呢

之前問過一位插班LH K1既家長，話係要全英文+普通話問答喔！仲係要插班K1, 唔系K2!!
其實會否面試用邊一種語言，學校會根據小朋友自身既情況來決定呢？請問你話中文深，其實係如何深法？

你個小朋友上佐認字班之後，面試前大概識得幾多個字呢？

作者: fixedstar99 時間: 14-7-9 17:12

回覆 Gerard 的帖子

多謝你的資料！！

小女仲讀緊PN，不過已經好中意做呢类題目，試過連續1.5 hrs 做曬成本【左右腦練習題】（連線配對、圈出答案等，未去到寫字）。來緊升上K1，我會慢慢教佢寫字，希望可以應付到K2插班個考試

作者: dickey09 時間: 14-7-9 17:37

囝囝考過好幾間學校插班K2,包括宣道,禮賢,SC,崇真.每間報名時間及考試方式都好唔同.
宣道-報名時間响12月左右下載報名表(同K1同一時間報);面試方式:小朋友自己跟老師入房, 約四至五名一齊面試
禮賢-約五月尾寫信.面試方式:家長可與小朋友一起,家長坐後排,只需面試
崇真-約五月尾打電話問,之後到學校報名.面試方式:小朋友自己跟老師(據囝囝講要串字,及寫中文)
SC-約五月左右寫信,面試方式:先小朋友跟老師去面試,之後再見家長

作者: fixedstar99 時間: 14-7-9 17:42

回覆 elvina_lmk 的帖子

插班K2需要交portfolio了嗎？

作者: Linuslouis 時間: 14-7-9 17:56

回覆 dickey09 的帖子

請問你小朋友最終成功取祿K2插班嗎？

作者: Linuslouis 時間: 14-7-9 18:00

回覆 fixedstar99 的帖子

版主會否有興趣祟真國際班下午班，今年9月k1仲有位喎，可以試下

作者: Gerard 時間: 14-7-9 18:13 標題: 引用：回覆+Gerard+的帖子多謝你的資料！！小女

提示: 作者被禁止或刪除內容自動屏蔽

作者: twllc 時間: 14-7-9 19:02 標題: 回覆：fixedstar99 的帖子

Sorry, 頭先睇番原來LH果陣8月1日先call interview,見完第二日俾offer... 佢果陣問的詞語包括汽車、輪船、飛機同馬路。好彩認字班剛學了“車船飛馬”

佢地認字班每堂學7個字左右，不過返屋企都要同佢温習。如果識教响屋企教仲好，但唔知点解我教佢地教極都唔記得，出面學反而易學到。

其實我兩個仔果陣都考了好幾間學校，除左一間冇offer外（果間係我未開始谷佢地前in的，in完先知中招… 好深），谷左3個月先去見的都有offer,所以讀緊happy school又想插k2真係要補下。

作者: dickey09 時間: 14-7-10 10:01

回覆 Linuslouis 的帖子

宣道waiting, SC及崇真取錄, 最終選擇SC

作者: Kjk0905 時間: 14-7-10 10:26 標題: 引用：回覆+fixedstar99+的帖子版主會否有興趣

原帖由 Linuslouis 於 14-07-09 發表
回覆 fixedstar99 的帖子

版主會否有興趣祟真國際班下午班，今年9月k1仲有位喎，可以試下 ...

點解話TT 今年K1國際仲有位？

作者: Linuslouis 時間: 14-7-10 10:36 標題: 回覆：Kjk0905 的帖子

因我聽完2/7簡介會時問老師k2插班時，傾傾下佢話今年k1國際班下午班仲有位，早兩人in了，下午即收電話取祿

作者: fixedstar99 時間: 14-7-10 11:01

回覆 Linuslouis 的帖子

多謝你既信息。

請問崇真國際班係咪有NET做班主任？英普班？國際班同Local班有咩唔同？國際班係培養去銜接IB既？？
學費會否好貴？

sorry，對崇真國際班了解唔多，請賜教。

作者: fixedstar99 時間: 14-7-10 11:05

回覆 dickey09 的帖子

多謝你的信息！請問插班之前，你個小朋友係讀邊類幼稚園呢？

作者: dickey09 時間: 14-7-10 11:12

深水埗的幼稚園

作者: fixedstar99 時間: 14-7-10 11:15

回覆 dickey09 的帖子

本身有冇學卷既？英文語境好唔好既？聽講SC係全英文interview，所以你個小朋友英文對答都應該好好，係咪？

作者: dickey09 時間: 14-7-10 11:55

本身係有學卷.英語環境係完全不可以.

.至於interview時囝囝表如何,真係唔知道,囝囝in完之後冇講in咗乜

.估計係在遊戲時進行interview

作者: lovebb2 時間: 14-7-10 11:57 標題: 引用：回覆+Linuslouis+的帖子宣道waiting,+SC

原帖由 dickey09 於 14-07-10 發表
回覆 Linuslouis 的帖子

宣道waiting, SC及崇真取錄, 最終選擇SC

if 宣道有位，你會揀sc定宣道？ thanks

作者: dickey09 時間: 14-7-10 12:03

回覆 lovebb2 的帖子

e個問題真係好難取捨

作者: Linuslouis 時間: 14-7-10 18:26

回覆 fixedstar99 的帖子

據學校講，英普班會係每日兩小時外藉老師，1小時普通話老師，沒有粵話老師。我有D擔心小朋友是否適應！而學費每月＄4000，我覺得都真係唔平。

作者: cherryird 時間: 14-7-11 06:49 標題: 回覆：請教：成功插班K2

提示: 作者被禁止或刪除內容自動屏蔽

作者: fixedstar99 時間: 14-7-11 09:26

回覆 cherryird 的帖子

我都明白插班其實幾睇緣分，如果根本冇人走，就完全冇位插班。
請問你係插班邊間分校呢？

作者: cherryird 時間: 14-7-11 09:31

提示: 作者被禁止或刪除內容自動屏蔽

作者: fixedstar99 時間: 14-7-11 09:43

回覆 cherryird 的帖子

明白，謝謝！

作者: icceye 時間: 14-7-18 12:01

提示: 作者被禁止或刪除內容自動屏蔽

作者: dickey09 時間: 14-7-18 12:23

回覆 icceye 的帖子

恭喜晒!!成功邊間學校?

作者: Linuslouis 時間: 14-7-18 12:44 標題: 回覆：icceye 的帖子

崇真k2插班？

作者: icceye 時間: 14-7-18 13:13

提示: 作者被禁止或刪除內容自動屏蔽

歡迎光臨教育王國 (/)