教育王國
標題: 今年升中派位 [打印本頁]
作者: Connieleo 時間: 14-7-8 10:10 標題: 今年升中派位
請問今年升中派位好嗎?有幾多%是第一次願?
作者: chanwendy 時間: 14-7-8 10:39
應該冇咁快上載喎, 上年都好似兩三日後先上載.
作者: li_penguin 時間: 14-7-9 10:34 標題: 回覆:Connieleo 的帖子
今年派得同上年差唔多,不過就多左去直資,差唔多一半人,其餘就一半去band 1一半去band 2同3

作者: chanwendy 時間: 14-7-9 16:17
今朝睇了家長傳出嚟的結果, 今年應該係最差的, BAND 1 比例好少, 反而 BAND 2 就超過一半. 考直資比例過去三年都相約.
作者: sakesakee 時間: 14-7-9 16:59
唔洗傳, 頭先下午上學校網頁己有結果...
作者: chanwendy 時間: 14-7-9 17:16
你在學校網頁邊度搵到呀, 我只見到 12-13 的結果咋, 未見有13-14 喎.
作者: chanwendy 時間: 14-7-9 17:19
本帖最後由 chanwendy 於 14-7-9 17:26 編輯
搵到喇, 不過其中匯基書院(東九龍)應該係打錯咗,應該係津校匯基書院先啱. 有家長在學校影返嚟的大表, 係寫住係津校同深水埗網的. 所以應該唔係東九龍的直資. 除非係學校打錯校網吧!
作者: DD仔 時間: 14-7-10 10:09
今年的派位看起来不甚悦目,好像比不上第一年的水准。
希望学校和同学继续努力,愉快学习的同时,也要在分班试中拿好成绩,让师弟师妹可以有好的出路。
作者: chanwendy 時間: 14-7-10 10:15
DD仔 發表於 14-7-10 10:09 
今年的派位看起来不甚悦目,好像比不上第一年的水准。
希望学校和同学继续努力,愉快学习的同时,也要在分 ...
對, 真的比不上第一屆. 我倒想知到底是學校建議同學選校填表時太保守, 還是過去兩屆的學兄學姐在考 PRE-S1 時考得不好, 影響了今屆學生各 BANDING 的比率, 抑或今屆學生的水平真的太一般. 這些都值得學校去探討研究一下.
作者: DD仔 時間: 14-7-10 10:32
根据我这个一直留意此校的家长,加上有好朋友的孩子在此校就读,我有这样的看法:
1)他们办学很有心,很鼓励愉快学习,情况有点像启思幼稚园(很多分校那间),学科程度不会很高,但能提升学习兴趣。只是,来到要以考试分数定英雄的时候,就会吃亏。
2)他们人数少,只要有个别同学没心机尽力考试,就会影响很大。当然,反过来亦言,但现阶段看起来,前者机会大一点。
3)好像pre-s1的成绩是以隔年计算,不算今年,岭小只有2届毕业生,不知道是如何计算,有可能不一定全是毕业生的责任。
4)从派位名单看来,band1津校不多,band2直资/津校有一定数目,但最令人担心的是band3的学校都好像不少。我觉得,读直资小学,升中到band2已经是最低要求,如果要到band3, 真的会很心伤。
作者: li_penguin 時間: 14-7-10 11:52 標題: 回覆:今年升中派位
其實今年派位相對係平均左,初步睇學校資料,有10個左右派左band 1,12個band 2,當中3個2A,6個2B同3個2C,派band 3就6個。感覺派得差左因為今年無人入到神校,只有2個同學入左band 1A。反而入直資就多左,有大约26人,當中有較出名既東匯基,羅氏,有5個一齊入培基,有6個就入左次一级既福建,惠僑,中聖同香島。今年我都預計成積唔會太好,因為學生比較參差,認同嶺小仍需努力,但睇到學校而家小一己開始操練TSA模式,相信學校己針對問題做改善

作者: DD仔 時間: 14-7-10 13:38
如果根据khmama的2010排名,名单上应该有12个派去band3. 圣道迦南,惠侨,中圣都是。此外,林大辉和九龙塘学校給人家的印象都是band3,只因khmama算它们为band2,我也没有计算进去。
无论如何,真的希望学校能针对性地改善pre-s1的成绩。有朝一日,好像之前有为家长所讲,会好像陈守仁一样,越来越进步。
作者: Connieleo 時間: 14-7-10 14:02
唉!我是即將入讀小一嘅家長!
其實,在選擇入讀嶺小,身邊嘅朋友已經成日都我講,你真喺決定揀呢間?
但自己真喺好想仔仔喲小班,有愛心嘅環境長大,從而培養自信心和自學嘅態度!
但䏲完升中派位成績,真喺有D驚!
讀緊嘅家長,點睇?
作者: gigiic 時間: 14-7-10 14:43
chanwendy 發表於 14-7-9 17:19 
搵到喇, 不過其中匯基書院(東九龍)應該係打錯咗,應該係津校匯基書院先啱. 有家長在學校影返嚟的大表, 係寫 ...
呢樣我想問一下張spreadsheet係該位家長自制給參考抑或真的係學校記錄?? 我覺得學校出得上網, 錯的機會很小吧!
作者: chanwendy 時間: 14-7-10 14:51
li_penguin 發表於 14-7-10 11:52 
其實今年派位相對係平均左,初步睇學校資料,有10個左右派左band 1,12個band 2,當中3個2A,6個2B同3個2C ...
學校上載的名單有少少錯的, 我有家長影的版本, 應該係在學校壁佈版直接影出嚟的. 其中匯基(東九龍) 同福建中學, 單睇校名都會以為係觀塘區的直資英中. 但係家長影的版本所見, 學校寫的匯基(東九龍) 註明係深水埗津校,並冇highlight 係直資. 而福建中學亦註明係東區校網,呢兩間都係band2 校.
作者: chanwendy 時間: 14-7-10 14:54
gigiic 發表於 14-7-10 14:43 
呢樣我想問一下張spreadsheet係該位家長自制給參考抑或真的係學校記錄?? 我覺得學校出得上網, 錯的機會很小 ...
家長傳出的恁該係直接影學校壁佈板的結果的, 有埋所派中學的所屬校網的.
作者: chanwendy 時間: 14-7-10 15:07
我綜合了學校上載的名單, 再對比了家長傳的版本, 今年51 人, 其中21人考直資, 當中超過一半係band 2. 整體入 band 1 的只有約 25%, band 2 53%, band 3 22%. 如果只計津校派位的30 人當中, band 1 30%, band 2 50%, band 3 20%. 今年的band 3 派位率係比上年少的, 但 band 1 比上年少了1x%.
作者: li_penguin 時間: 14-7-10 15:43 標題: 回覆:chanwendy 的帖子
謝謝妳的詳細資料

作者: sakesakee 時間: 14-7-10 15:45
Connieleo 發表於 14-7-10 14:02 
唉!我是即將入讀小一嘅家長!
其實,在選擇入讀嶺小,身邊嘅朋友已經成日都我講,你真喺決定揀呢間?
但自 ...
HI, 你好呀, 我囡囡都係今年9月讀小一,,
我同你一樣, 睇到個升中結果個心都涼左一截... 
即是感覺上有少少"莫非揀錯左"..
其實我覺得最終都係要睇小朋友本身,, 我本住"沒有最好, 只有最適合"...
我見仁紀仁立, 有7X人入左林護,, 如果齋睇結果, 應該會好開心,,, 但係,, 嗰間學校係咪適合我個囡呢... 學校風氣又會唔會另到我個囡讀得唔開心呢...
唯有咁樣諗啦,, 呢樣亦係我揀嶺小既最終目的...
希望如上面咁多位家長話齋, 學校可以越做越好...
一齊去好好咁迎接小一生活啦... 
作者: li_penguin 時間: 14-7-10 16:12 標題: 回覆:sakesakee 的帖子
好同意妳講,我小朋友舊年自行收個間小學每年都好多小朋友派去安柱,但就勁“谷“,我最後都揀左嶺小,睇到佢今年小一既成長,表現出黎既開心,令我覺得無揀錯學校,自己覺得小朋友係K3時學術都唔差,但發覺佢好多同學仔D學術成積都比我小朋友好,所以令我覺得嶺小黎緊成積會一年比一年好,因為派位成積始終取决於小朋友質數

作者: gigiic 時間: 14-7-10 16:19
chanwendy 發表於 14-7-10 10:15 
對, 真的比不上第一屆. 我倒想知到底是學校建議同學選校填表時太保守, 還是過去兩屆的學兄學姐在考 PRE-S1 ...
恕我愚眛一問... "過去兩屆的學兄學姐在考 PRE-S1 時考得不好, 影響了今屆學生各 BANDING 的比率", 唔係好明, 如何影響banding比率?? 可否解多少少???
作者: chanwendy 時間: 14-7-10 16:55
gigiic 發表於 14-7-10 16:19 
恕我愚眛一問... "過去兩屆的學兄學姐在考 PRE-S1 時考得不好, 影響了今屆學生各 BANDING 的比率", 唔係好 ...
我都係從ek 刨返嚟架咋, 以我理解係pre-s1 的結果, 係會影響該間小間來緊 banding 1, 2, 3 比例的. 有錯請其他家長指正.
作者: li_penguin 時間: 14-7-10 16:57 標題: 回覆:gigiic 的帖子
以我理解,小五到小六要考3次呈分試,呢幾次成積就決定派中學既banding,而Pre-S1就係中一分班試,按學生能力分班,小六學生派左位後去派位既中學考,中學就按小學派過黎既學生成積參考呢間小學既程度而決定下年比幾多位呢間小學。以仁立/仁纪為例,就因為呢兩間小學派去林護既學生考Pre-S1成積好,所以林護覺得呢兩間小學黎既學生程度高,所以每年都收幾十人

作者: chanwendy 時間: 14-7-10 17:31
li_penguin 發表於 14-7-10 16:57 
以我理解,小五到小六要考3次呈分試,呢幾次成積就決定派中學既banding,而Pre-S1就係中一分班試,按學生能 ...
好似唔係決定呢間中學下年比幾多位某小學喎, 而且一間中學好似冇決定權去收邊間小學的學生架喎, 咁何來決定下年比幾多位呢間小學呢, 派位係係按小學生的志願排序同學生的banding 去排的.
如果按你的講的, 咁如果a中學今年冇收到a小學的學生, 咁係咪就a小學學生即使在各派到的中學考pre-s1 考得幾好都好, a中學來年都唔會收a小學的學生? 但事實好似唔係咁喎.
作者: DD仔 時間: 14-7-10 17:44
Pre-S1的成绩反映这小学毕业生相对于全港小学毕业生的程度。 如果两届的毕业生的成绩,90%都占全港的前1/3,此小学就会有90%band1%. 宣道小学就是一个例子。 另一个极端的例子,没有恶意,是屯门自然小学,据说是一个band1都没有。全是在乎毕业生的Pre-S1的成绩。
作者: sakesakee 時間: 14-7-10 17:54
咁知道pre-s1 既band % 後,, 對學校和學生有甚麼用處呢?
作者: comb523 時間: 14-7-10 18:10
52個學生有16個入咗Band 1學校.
作者: mimi0129 時間: 14-7-10 18:16
睇倒呢個topic真是的少少擔心,我女今年入讀小一。雖然學校理念好好,但如果學生是出路是禁的話,真是有D擔憂. 而且我地2008年的出世的小朋友勁多,考小一都禁大竟爭真是唔敢想象升中學會是點.
作者: comb523 時間: 14-7-10 18:19
中華基督教會銘賢書院 1B.......1人
華英中學 1A....................2人
迦密中學 1A.................1人
沙田崇真中學 1B................1人
香港四邑商工總會黃棣珊紀念中學 1C................2人
天主教郭得勝中學 1C.................1人
賽馬會體藝中學 1C..................1人
滙基書院(東九龍)1C...................3人
香島中學 1C...................2人
保良局羅氏基金中學 1C................1人
福建中學 1C..................1人
作者: comb523 時間: 14-7-10 18:33
上年42學生有13個Band 1.
今年52學生有16個Band 1.
作者: gigiic 時間: 14-7-10 19:43
回覆 chanwendy 的帖子
THX, 明了!
作者: DD仔 時間: 14-7-10 23:19
回覆 sakesakee 的帖子
当你知道所属学校的band1%,再比对自己的校内排名,就知道自己所属banding,可以选什么中学。
以一所band1%是zero的学校为例,就是说即使你有多努力,也几乎不可能进到band1官津中学。
作者: sakesakee 時間: 14-7-10 23:48 標題: 回覆:DD仔 的帖子
咁我又唔明喇, 反正升中派位係跟小朋友自己, 假設我小朋友係band 1, 咁到我揀學校時我就揀啲band 1學校。咁小學band 幾都無關係架!!!
唔好意思,, 我都係唔明

作者: DD仔 時間: 14-7-11 00:48
回覆 sakesakee 的帖子
假设宣道小学和自然学校都有100个学生。
假设宣道有90%band1%,而自然学校有zero band1%.
如果你在宣道考89名,你还是band1生。
如果你在自然学校考第一名,你都不是band1生。
所以,学校的band1%影响很大。
作者: gigiic 時間: 14-7-11 04:22 標題: 引用:回覆+sakesakee+的帖子
假设宣道小学和自
原帖由 DD仔 於 14-07-11 發表
回覆 sakesakee 的帖子
假设宣道小学和自然学校都有100个学生。
咁即係話只要學兄姐在pre-s1考得唔好,會影響下年學弟妹揀學校banding%?

作者: sakesakee 時間: 14-7-11 08:37 標題: 引用:回覆+sakesakee+的帖子
假设宣道小学和自
原帖由 DD仔 於 14-07-11 發表
回覆 sakesakee 的帖子
假设宣道小学和自然学校都有100个学生。
即是個banding 唔係全港性?
即是話, 如果自然小學有一個學生考第一(同宣道考第一嗰個同分), 咁自然小學考第一嗰個可否去考band 1 學校?
請指教

作者: DD仔 時間: 14-7-11 09:55
gigiic 發表於 14-7-11 04:22 
咁即係話只要學兄姐在pre-s1考得唔好,會影響下年學弟妹揀學校banding%?
答案是肯定的。但因为是用隔年/2年的成绩来调整,所以不一定是下一年,可能是下两年。
作者: DD仔 時間: 14-7-11 10:08
sakesakee 發表於 14-7-11 08:37 
即是個banding 唔係全港性?
即是話, 如果自然小學有一個學生考第一(同宣道考第一嗰個同分), 咁自然小學考 ...
如果你是指在校内的成绩,比方说两个学生都分别在宣道和自然学校平均分都考99分。
最重要不是分数,而是他们在本身级别的根据呈分试标准分调整后的排名。如果两个都是考第一,在宣道的话,当然是band1, 但自然学校那位,因为学兄学姐没有人的成绩达到全港的前1/3, 所以即使是考第一,都不是band1.
作者: gigiic 時間: 14-7-11 10:20
回覆 DD仔 的帖子
謝謝你耐心的解釋, THX!
作者: gigiic 時間: 14-7-11 10:22
本帖最後由 gigiic 於 14-7-11 10:37 編輯
DD仔 發表於 14-7-11 10:08 
如果你是指在校内的成绩,比方说两个学生都分别在宣道和自然学校平均分都考99分。
最重要不是分数,而是他 ...
所以囉....個個爭崩頭入名校不無道理 , 不為最適合而選校, 為最多 BAND 1 % 而選校 
作者: li_penguin 時間: 14-7-11 11:01 標題: 回覆:DD仔 的帖子
謝謝你的詳細分折

作者: sakesakee 時間: 14-7-11 11:42
DD仔 發表於 14-7-11 10:08 
如果你是指在校内的成绩,比方说两个学生都分别在宣道和自然学校平均分都考99分。
最重要不是分数,而是他 ...
我而家概括明白個遊戲玩法.... 
多謝你既耐心解答
作者: DD仔 時間: 14-7-11 14:14
各位家长,太客气了。我也是在EK学到这些东西而已。
就是因为pre-s1重要,所以小学课程不可能不从这方面考虑,要令到学生可以在此考试中拿到好成绩。但这也带到基本步 - 求学就是求分数。不然的话,就要有心理准备读band2-3学校。实在是很无奈。。。
作者: bbkingdombb 時間: 14-7-11 16:51
本帖最後由 bbkingdombb 於 14-7-11 16:59 編輯
DD仔 發表於 14-7-11 09:55 
答案是肯定的。但因为是用隔年/2年的成绩来调整,所以不一定是下一年,可能是下两年。
...
May I know which year/ two years are used to determine the distribution of the current year as this school only have two cohorts of graduates (2012 and 2013) so far?
Or just simply use the average of of pre-S1 of this district?
作者: mimi0129 時間: 14-7-11 16:54
禁樣的話~~~~現在嶺小~~~~是屬于band??
作者: DD仔 時間: 14-7-11 17:12
bbkingdombb 發表於 14-7-11 16:51 
May I know which year/ two years are used to determine the distribution of the current year as this ...
我都不肯定,都需要高人指教。但相信第一届的Pre-S1成绩应该用得着。
Just a guess: 1/3 band1% + 第一届的Pre-S1成绩的band1% 的平均。
作者: sandytaitai 時間: 14-7-11 17:13 標題: 回覆:mimi0129 的帖子
小學没有banding 的

作者: bbkingdombb 時間: 14-7-11 17:14
chanwendy 發表於 14-7-10 15:07 
我綜合了學校上載的名單, 再對比了家長傳的版本, 今年51 人, 其中21人考直資, 當中超過一半係band 2. 整體 ...
能夠有352這個分佈, 對一所關愛唔谷的學校來說,我其實又可以接受。有不少功課量比嶺小雙倍/三倍的,其分佈也只是343, 442....等. (當然名校除外)
作者: bbkingdombb 時間: 14-7-11 17:23
本帖最後由 bbkingdombb 於 14-7-11 17:30 編輯
DD仔 發表於 14-7-11 17:12 
我都不肯定,都需要高人指教。但相信第一届的Pre-S1成绩应该用得着。
Just a guess: 1/3 band1% + 第一届 ...
據聞, pre-S1 現在不是年年考, 同TSA隔年考.
曾經聽過, 首三年的派位都是用該區pre-S1平均值, 如屬實,則首三年派位應沒有明顯分別, 亦沒有太多參巧值.(因偏離333不會遠)
作者: DD仔 時間: 14-7-11 17:36
mimi0129 發表於 14-7-11 16:54 
禁樣的話~~~~現在嶺小~~~~是屬于band??
小学是不分banding的,band1%达80-90%的一搬来说都算是一线啦,如宣道,九龙塘,SFA等等,60% - 80%的如礼贤,陈守仁,吕明才等等,现在岭小是25%的话。。。
作者: DD仔 時間: 14-7-11 17:53
bbkingdombb 發表於 14-7-11 17:23 
據聞, pre-S1 現在不是年年考, 同TSA隔年考.
曾經聽過, 首三年的派位都是用該區pre-S1平均值, 如屬實,則 ...
但愿如此,则表示岭小在明年开始可以有新突破。
作者: mimi0129 時間: 14-7-11 17:57
回覆 DD仔 的帖子
OH~~~GOD! 依家唔知講咩好
作者: bbkingdombb 時間: 14-7-11 18:49
DD仔 發表於 14-7-11 17:36 
小学是不分banding的,band1%达80-90%的一搬来说都算是一线啦,如宣道,九龙塘,SFA等等,60% - 80%的如礼 ...
在全幾百所學校中,Band 1 能有60%以上的相信不出數十間.
嶺小不需要, 亦不會同這類學校比較
作者: mimi0129 時間: 14-7-11 20:46
回覆 bbkingdombb 的帖子
話就話唔需要比較,禁現實還是現實,學生的出路是好重要的。嶺小應該好好諗嚇有咩辦法提高。
作者: DD仔 時間: 14-7-12 00:43
回覆 bbkingdombb 的帖子
我比较熟识沙田区的小学。除了两吕小和培基外,有一定数目的二线小学的band1%都在40%-50%左右。我个人觉得岭小若要维持它的位置,一定要起码达到这个水平。
小学讲理念,愉快学习,我buy的,不然我不会留意这间学校。但人是会毕业升中的,大家都知香港的band3中学可以恶劣到什么程度。如果只是小学愉快,中学沉沦,大学无望的话,都几头痕。
作者: bbkingdombb 時間: 14-7-12 01:29
DD仔你好,我都記得你是沙田區的.
‘有一定数目的二线小学的band1%都在40%-50%左右。‘
所以我都會揀這些小學. 我只會幫仔揀沙循約30%第一組別的學校.

作者: bbkingdombb 時間: 14-7-12 01:36
‘大家都知香港的band3中学可以恶劣到什么程度。‘
所以不少嶺小家長都會為仔女報直資私校,約為今屆畢業生約四成

作者: DD仔 時間: 14-7-12 01:41
回覆 bbkingdombb 的帖子
做家长的,就是这样矛盾。一,二线的小学都会很谷的,但若不谷,又难维持band1%. 心想孩子在无痛愉快学习环境长大,但又要面对残酷的升中问题。
如果在你所讲的30%band1%学校读书,校风又好,不用交学费,自己的孩子又自觉肯读书,就不用担心,可能更容易考得前列,进好的中学。
现在岭小的问题,是如果很多孩子都努力,都有好的表现,但只因受制于低迷的band1%, 导致很多孩子都惟有读次一等的中学,这就是家长比较难接受的。
作者: bbkingdombb 時間: 14-7-12 01:53
其實嶺小屬有教無類的一款學校,她不一定會揀好學生去教,而是選擇去教好D學生.不然也不會收我仔.
所以,我估計將來的banding分佈都會係咁上下,352,361或442之類. 個人用家角度來說,非常滿意了!

作者: bbkingdombb 時間: 14-7-12 01:56
‘大家都知香港的band3中学可以恶劣到什么程度。‘
所以不少嶺小家長都會為仔女報直資私校,約為今屆畢業生約四成

作者: bbkingdombb 時間: 14-7-12 01:56
本帖最後由 bbkingdombb 於 14-7-14 02:01 編輯

作者: DD仔 時間: 14-7-12 16:58
你可能對升中比較看得開,但大多數家長不是這樣想的,升讀band1中學還是小學歷程的終極目標,但過程當然越愉快越好啦。
學校是否索性把升中派位結果拿走了?
作者: mimi0129 時間: 14-7-12 17:31
回覆 bbkingdombb 的帖子
但報讀直資或私校都是成績有返禁上下先收架。
作者: bbkingdombb 時間: 14-7-13 01:49
作為用家,我覺得派位352分佈比一般津校333相若或略好,又何需隱瞞.
自己接觸過的本校家長都是較為隨遇而安,不太擔心派位,當然,關注就必定會有.
其實,升學都好講子女的資質. 勉強亦未必有幸福.
要整靚盤數,其實又好易,只要每年把成績最差的兩三位同學請走,到四年級就可以零或接近零Band3了.派位分佈就變了460,Band1率又提高了. 現時不少‘好‘學校都進行緊. 不過,嶺小不會如樣做,反而會努力幫你補底,希望每一學生都好

作者: bbkingdombb 時間: 14-7-13 01:55
mimi,可能開學後,同多些本校家長溝通後,再了解多些,擔心就會減低.
祝你子女開學愉快啊!

作者: bbkingdombb 時間: 14-7-13 02:23
本帖最後由 bbkingdombb 於 14-7-14 01:57 編輯

作者: towingfung 時間: 14-7-13 08:15
我的小孩在嶺小讀了4年,9月升5年級,最初我們選讀嶺小時,還沒有學生升中作參考!其實這3年的升中結果,對於一所新校來說,我個人覺得絕對可以接受,因爲大部份都可以入到band1和band2的中學。
我們選讀嶺小,不是想追什麽排名和分數, 而是想小朋友開心開心地去學習,在學校的愛和父母的愛下成長,希望小孩也學會把這份關愛和大愛傳開去,分數只是其次!
這幾天我對我的小孩說,5 6年級新的學期,要面對幾次重要的考試,大家都需要加把勁,努力去準備。只要盡了力,到最后還是派到band3的學校也無所謂,只好認命自己不是讀書的材料吧!
嶺小的功課不多,每天做好功課后,小孩就可以玩她想玩的。還有很多時間給小孩培養她喜愛的課外活動,如跳舞,畫畫,古淨等。星期六/日,上完課外活動之後,還可以安排一家人去玩,我想這樣開心快樂的小學生活,到她長大后回想起也應該覺得無悔吧!
學習不止于小學的6年,也不止于中學的6年,而是終身的,到今天我們不是還在學習中嗎?只不過是遊戲的規則扭曲了我們的應有的價值吧!
作者: mimi0129 時間: 14-7-13 22:44
回覆 bbkingdombb 的帖子
多謝你的鼓勵和分享!
作者: chanwendy 時間: 14-7-14 12:00
bbkingdombb 發表於 14-7-13 01:49 
作為用家,我覺得派位352分佈比一般津校333相若或略好,又何需隱瞞.
自己接觸過的本校家長都是較為隨遇而 ...
呢點我同意, 嶺小的家長真係隨遇而安的, 雖然今年的派位成績比之前稍為遜色, 但家長們都係只寄予來年更好, 家長們都覺得自己小朋友資質的闗係影響更大. 今年有4 成考直資, 當中大部份係 band 2 學校, 家長係似係重視學校各方面的質素, 多過學校本身banding.
作者: bbkingdombb 時間: 14-7-20 01:20
'我們選讀嶺小,不是想追什麽排名和分數, 而是想小朋友開心開心地去學習,在學校的愛和父母的愛下成長,希望小孩也學會把這份關愛和大愛傳開去,分數只是其次!
只要盡了力,到最后還是派到band3的學校也無所謂,只好認命自己不是讀書的材料吧!
嶺小的功課不多,每天做好功課后,小孩就可以玩她想玩的。還有很多時間給小孩培養她喜愛的課外活動,如跳舞,畫畫,古淨等。星期六/日,上完課外活動之後,還可以安排一家人去玩,我想這樣開心快樂的小學生活,到她長大后回想起也應該覺得無悔吧!'
agree with you very much! 
作者: bbkingdombb 時間: 14-7-23 10:53
同大家分享一個升中故事.
幾年前,一位親戚女兒讀半明校小一,家長日老師同親戚講,‘你女考試平均分只得80分,我們假假地都是一間名校,這分數校方不能接受受,請多加努力........待續..

作者: bbkingdombb 時間: 14-7-23 15:24
bbkingdombb | 2014-07-23 10:53同大家分享一個升中故事.幾年前,一位親戚女兒讀半明校小一,家長日老師同親戚講,‘你女考試平均分只得80分,我們假假地都是一間名校,這分數校方不能接受,請多加努力,找補習老師,做多些練習,否則會跟不上.
親戚說,‘我成家對80分都好滿意,冇諗過要補習...‘
雙方均無言. 會面中老師沒有提及這小一生在校的生活,例如交友,小息搞乜,上堂情況....等
如是者,每年家長日都是相同的對白,大家都覺得無澺思,親戚後來選了轉校,轉去嶺小姊妹學校啟基,轉校後,大家啱咀形,家長日不只提分數,還有學校生活,家校都覺愉快不少.
用相同的書,但功課少了一半,空間多了,生活趣味亦多了,我唸呢D都係嶺小家長想要的
去年升中,考進了主力收Band2A學生的直資中學. 期終試全級百幾人考20左右. 該校一般前幾十名可考得UGC資助大學學位. 親戚同亞女都好滿意.

作者: a_for_apple 時間: 14-7-23 15:37 標題: 回覆:bbkingdombb 的帖子
thx for sharing!
我相信揀嶺小嘅,絶對唔係只追求分數嘅家長,相反,如果係只追求分數嘅,要考慮下嶺小啱唔啱。我唔係話嶺小淺,只係唔會好似人哋咁教快教深,令人錯覺佢係淺。個個番學都開開心心,真係好難得。我唔想我仔女五,六年後因為讀書壓力 bom 一聲就跳咗落嚟,到時真係後悔莫及。

作者: henrybobo 時間: 14-9-25 15:33
請問奌揾到今年個LIST?
作者: a_for_apple 時間: 14-9-26 00:54 標題: 引用:請問奌揾到今年個LIST?+
原帖由 henrybobo 於 14-09-25 發表
請問奌揾到今年個LIST?
之前有出過,跟住冇咗

作者: chanwendy 時間: 14-11-17 10:19
學校網頁出返個結果, 不過係執過的, 只提供部分學校, 唔係放榜時上載的那個.
早幾日有機會碰到一名知情人士, 解釋了點解上年派得唔好. 因為轉直資初期, 收生好少, 但係直資係按人頭收政府資助的, 所以當時咩人都會收, 所以都收了好多有學習需要的學生, 而呢啲學生本身學術就係較弱, 所以整個派位結果相對冇咁好. 而今年情況可能都會係差不多, 今年的五年級可能會好好多.
作者: a_for_apple 時間: 14-11-24 00:01 標題: 引用:學校網頁出返個結果,+不過係執過的,+只提供
原帖由 chanwendy 於 14-11-17 發表
學校網頁出返個結果, 不過係執過的, 只提供部分學校, 唔係放榜時上載的那個.
早幾日有機會碰到一名知情人 ...
thx chanwendy! 期待一年比一年好!
歡迎光臨 教育王國 (/) |
Powered by Discuz! X1.5 |