教育王國

標題: 課程問題 [打印本頁]

作者: Connieleo 時間: 14-7-8 01:08 標題: 課程問題

請問正在就讀嘅家長，覺得課程淺嗎？
點解永遠給外人嘅感覺，大多數都覺得嶺小好淺？派中學好差？

作者: a_for_apple 時間: 14-7-8 07:04 標題: 回覆：課程問題

我唔會用‘’淺‘’嚟形容，我會用“適當”，因為我哋唔教快，唔教深，坊間認為教快教深先叫正常，所以我哋咪叫“淺”囉。

升中今年先第三屆，前兩屆結果對一間新校嚟講都唔算太差

作者: chanwendy 時間: 14-7-8 10:46

如果常識科, 相比起好多學校叫淺, 因為唔會問時事題, 只要跟足書溫就搞掂.
數學同其他冇教深的學校應該係冇咩分別的.
中文小一相對簡單, 去到小二, 會難好多 (比我地家長的想像中難度增加得太大了), 小二上小三的難度增加會比小一上小二大好多. 往後應該每級都會係咁.
英文會比一般學校高少少, 可能同牛書有關, 我地用新加坡書, 一般冇教深的學校係三年級先學過去式的, 我地二年級尾已正式學. 同時小一開始寫JOURNAL 都已經教用過去式寫了.

作者: li_penguin 時間: 14-7-8 11:20 標題: 回覆：Connieleo 的帖子

呢個疑問我之前都有，特別係見到學校又細又舊初頭有想讀住先再搵其他學校，但發覺小朋友係嶺小返得好開心，原來學校细有學校细既好處就係老師同學生關係好親近，我小朋友個班主任比我仲緊張佢既成積同成長，以今年小一為例，我同其他讀緊熱門津校小朋友功課比較過，嶺小一D唔淺，可能同收既學生質數有關，中文今年考試己經要領會一首詩既意境，阅讀理解字又多又深，英文更加唔使講，因平均小朋友英文程度都好好。同時小一做卷模式己跟足TSA，所以我预計嶺小升中派位黎緊幾年會大進步

作者: li_penguin 時間: 14-7-8 11:32 標題: 回覆：課程問題

全校學生300人，今年家長義工150人，即係話一半家長都會幫手做義工，可以見到嶺小有一班理念相同，有質素同無私既家長，佢哋既小朋友質素自然好，加上一班有heart既老師，嶺小己具備一間好學校既條件。哈哈！希望唔會比人話我hard sell

作者: a_for_apple 時間: 14-7-8 13:41 標題: 引用：全校學生300人，今年家長義工150人，即係話

原帖由 li_penguin 於 14-07-08 發表
全校學生300人，今年家長義工150人，即係話一半家長都會幫手做義工，可以見到嶺小有一班理念相同，有質素同 ...

贊成！

歡迎光臨教育王國 (/)