教育王國

標題: 入唔返精英班, 好失望~ [打印本頁]

作者: qqwong 時間: 14-7-7 15:54 標題: 入唔返精英班, 好失望~

阿囡F.1時讀精英班, 今日成績出咗來, 被降去普通班. 佢而經好勤力溫習, 默書經常滿分, 操行各方面不錯, 但還是欠了什麼的...聽別人說平時死讀爛讀都唔會有好成績, 相反, 別的同學考試期間掛住玩, 默書又經常唔合格, 但又入得返; 我覺得越來越不懂教導她, 好想放棄唔再插手她的學業...

作者: hw1115 時間: 14-7-7 16:13

我中2開始已完全放手.

作者: 黃巴士 時間: 14-7-7 18:00

入唔倒精英班，咪再努力出年再來過囉。身邊很多小学時入精英班的同學仔，l)中一都入唔倒精英班。2〉又有些中一入了精英班，中二彈返出來。3)又有些至中三都入唔到精英班。
無須少少障礙就心灰

。她的学習之路，才剛剛真正開始。共勉之。

作者: Miss_Parker 時間: 14-7-7 18:39

如果個同學講話無溫書, 我敢講佢無可能無溫! 呢D大話聽得多啦,5好信! 塞翁失馬, 焉知非福, 普通班的一年可以令女女有鬥心同目標! 相信夠勤力, 系普通班發圍不是難事! 中一二依兩年好快D放手, 讀書係自己本份!

作者: Yanamami 時間: 14-7-7 20:08

我女一入F1就輔導班！但我都放手由她自己摸點讀點答題，慢慢她就有進步，一直到而家升F4,都慢慢喺度進步緊。放鬆d囉~~好似Miss_Parker話齋，d叻叻同學話無讀無補習，信唔過呢（雖然又真喺有呢d人，但喺好少有野，唔多吖~）。仲有時間努力準備DSE，呢個先喺目標嘛~~加油。

作者: SK22 時間: 14-7-7 23:36 標題: 回覆：入唔返精英班, 好失望~

我囡有2個同學，同學A中一時入了精英班，但中二彈回普通班，中三又努力入回精英班。同學B中一中二都在普通班，中三派到精英班。你和囡囡不要咁快放棄，加油。

作者: dubbies 時間: 14-7-8 10:19 標題: 回覆：入唔返精英班, 好失望~

唔好用小學mindset覺得應該努力完就有回報。中學開始有叻人開竅再努力左而突圍，又有人初中科目讀得比你仔女通透。要做的唔係放棄，而係從另一角度支援仔女，給她資源和空間，心理上支持佢讀好就得，共勉之

作者: 柏禧媽咪 時間: 14-7-8 13:25

家吓d小朋友和家長已好大壓力, 既然小朋友已盡力了, 成績又不是太差, 又何苦逼得太緊呢, 何況入得同一間中學, 即代表小朋友們既成績差不多, 小心逼得太緊, 弄巧反拙, 傷了大家既感情啊呀!

作者: mc 時間: 14-7-8 15:30

回覆 qqwong 的帖子

中學的計分方式和小學不同，平日的小測大測，包括默書，在整體成績中只佔很少的百分比，反而大考是佔最重的分數。中二還可以繼續努力，只要有鬥心，就一定可以在中三入返精英班，中三的成績才是用來作為中四選科的準則。這個暑假，就要去看看究竟你女兒的弱項在哪裡？按道理，中文、英文、數學是主科目，佔分最重，這三科的成績也足以影響全級的排名，看看缺乏甚麼再去對症下藥，不要灰心，在BAND1的中學普通班也不會太差的，學校不會只理精英班就不理普通班，因為中學的排名都是要看整體的升大學比例，不是僅有一小部份人升到大學就是好學校。

不過書仍是要由你固女自己去讀，方法也因人而異，最重要是她知道自己應該在哪個方向努力，只要肯努力，有志者事竟成，加油！

作者: qqwong 時間: 14-7-8 18:51

回覆 mc 的帖子

怪不得阿囡嘅同學, 從不看重默書, 小測等, 反而阿囡死讀爛讀, 考試還是剛剛合格, 可能咁樣令她有點洩氣!

其實, 阿囡最弱是數學科, 可能這個緣故拉低全級排名, 本身她數學已積弱, 找私補也補不了, 只希望她早日開竅, 找到方法去幫自己吧!

作者: manwaimail 時間: 14-7-8 19:29

下年加油，不要灰心

作者: goodboy1 時間: 14-7-9 09:22

提示: 作者被禁止或刪除內容自動屏蔽

作者: longlokma 時間: 14-7-9 09:30 標題: 引用：Quote:SK22+發表於+14-7-7+23:36+我囡有2個

原帖由 goodboy1 於 14-07-09 發表
精英班和普通班, 學校在教法上會有什麼分別同埋, 彈出彈入對學生好嗎 ...

有些学校，例如伊中也有精英班的，教深d，每年跟成绩分班。我覺得唔好，令学生太大壓力。放心，你仔升的中学，中一至中三都冇分精英班的！

作者: goodboy1 時間: 14-7-9 10:01

提示: 作者被禁止或刪除內容自動屏蔽

作者: 王家爸爸 時間: 14-7-9 10:11

goodboy1 發表於 14-7-9 10:01
好彩！我想佢享受讀書多d, 而唔係入去受刑.....

非精英班，教師的主要工作是控制紀律。

作者: goodboy1 時間: 14-7-9 10:18

提示: 作者被禁止或刪除內容自動屏蔽

作者: skkeung 時間: 14-7-9 10:21 標題: 引用：唔好用小學mindset覺得應該努力完就有回報

原帖由 dubbies 於 14-07-08 發表
唔好用小學mindset覺得應該努力完就有回報。中學開始有叻人開竅再努力左而突圍，又有人初中科目讀得比你仔 ...

好有理！

作者: goodboy1 時間: 14-7-9 14:23

提示: 作者被禁止或刪除內容自動屏蔽

作者: slowmemame 時間: 14-7-9 16:04

樓主不要灰心, 繼續支持阿囡, 加油!

作者: Kerie_Tabo 時間: 14-7-10 15:35 標題: 回覆：qqwong 的帖子

中英數成績好影響㗎⋯我囡細時有上kumon 補數，上上下懶唔肯做無返⋯反而上到中一佢自己要求讀返⋯不如暑假補下數，鞏固返

作者: 令令 時間: 14-7-11 16:45

qqwong 發表於 14-7-7 15:54
阿囡F.1時讀精英班, 今日成績出咗來, 被降去普通班. 佢而經好勤力溫習, 默書經常滿分, 操行各方面不錯, 但 ...

今日同阿仔取成績表,成績差左好多,唔可以原班升,跳出左精英班,9月升中三,阿仔返到屋企好似無乜心機,無胃口食野,

入左房

作者: angelfan07 時間: 14-7-20 02:22 標題: 回覆：入唔返精英班, 好失望~

我囡今年升中一，我同亞囡講，你讀六年小學都無入過蒸魚班，但一樣升到英中（小六亞囡嗰班得3個B1生，亞囡係其中一個)，只要努力，讀乜野班都可以拎到好成績！

作者: ericby 時間: 14-7-20 13:06

放棄不插手她的學業

作者: qqwong 時間: 14-7-20 14:46

没再插手她的學業，因她想靠自己，看看實力有多少！

歡迎光臨教育王國 (/)