教育王國

標題: 應該跟隨小朋友意願選校嗎？ [打印本頁]

作者: twllc 時間: 14-7-2 13:32 標題: 應該跟隨小朋友意願選校嗎？

本帖最後由 twllc 於 14-7-2 13:37 編輯

就黎到我孖仔選校了，家住14區，大孖話想讀一間二線私校和妹妹一齊返學（妹妹讀幼稚園部，呢間小學應該唔太難考，但妹妹第時小學未必讀番呢間），而細孖話要讀14區一間二線小學（之前上過呢間的體驗班）。

但我本身較心儀12區一間一線男校，亦稔過如果有二線私校backup，可能搬去12區搏果間男校，或者12區果間二線小學都ok（但果間二線小學今年放乙二都未必抽到）。

如果跟佢地的意願，真係冇乜難度，可以好放心，老公亦唔想煩；但我又想搏果間男校… 但真係搬屋搏男校的話，就冇得選14區果間二線。

請問jm會點取捨？

作者: Jane1983 時間: 14-7-2 13:44

會睇小朋友性格和能力去考慮。小朋友一時一樣，選校甘大件事，父母要幫小朋友安排。但到見完學校有offer，兩間學校如果差不多，會聽他意見。

作者: 爸爸愛您 時間: 14-7-2 13:44 標題: 回覆：應該跟隨小朋友意願選校嗎？

純粹個人意見，我覺得小朋友太細，根本唔懂分辨邊間係適合佢地嘅學校，我係會安排比自己小朋友

作者: sweethoho 時間: 14-7-2 13:48 標題: 回覆：應該跟隨小朋友意願選校嗎？

如果兩間也差不多, 個人認為都可以讓小朋友選! 如果不是, 一定是父母啦！

作者: twllc 時間: 14-7-2 14:14

謝謝咁多位JM意見... 咁我都係照我的意願，根據佢地的能力選校好過。

作者: dralex 時間: 14-7-2 14:24

twllc 發表於 14-7-2 14:14
謝謝咁多位JM意見... 咁我都係照我的意願，根據佢地的能力選校好過。

小朋友好多時都因為喜歡就話要讀....
所以小學都係要家長好好幫佢地揀...!!
我都努力為仔仔報緊香港區既直資同私校先...
好驚冇野係手....到時抽獎又抽得唔好...

作者: stefi 時間: 14-7-2 20:28 標題: 回覆：應該跟隨小朋友意願選校嗎？

我會睇小朋友係咪真係適合，可能我心儀既未必一係岩，我會收集多d資料再作決定

作者: chingcging 時間: 14-7-2 21:13 標題: 回覆：應該跟隨小朋友意願選校嗎？

我會聽小朋友嘅意願，但要同佢講2兄弟一定要同一間，叫佢2個傾吓先。再將自己心儀嘅學校同佢哋講，睇佢哋點簡。基本上唔係3寶4寶嗰啲我都會專重佢嘅決定。真係見過小朋友讀一間佢唔鍾意嘅學校，日日鞋口鞋面，成績差到包尾。佢唔係讀唔到，係佢個心好抗拒。但成績咁差，轉得去邊？終於升中去咗間band 2尾嘅中學，佢讀嘅小學係區內名校。

作者: twllc 時間: 14-7-2 23:26 標題: 回覆：chingcging 的帖子

大孖話想讀果間其實比較適合細孖，而細孖選果間就兩個都適合… 果間二線私小唔係唔好，但萬一第時三個都讀果間，真係幾貴，所以希望做backup好d。

因為一個適合活動，一個適合傳統（但唔太谷得），如果想兩個都啱既，只可揾功課量唔太多，又有d活動，而通常齋男校應該冇咁嚴... 所以我最心儀是12網一間一線男校，第二是12網或14網的二線男女校。如果佢地個別考到直資，我都唔知點好… 到時先算了

作者: japanbread 時間: 14-7-3 12:10 標題: 回覆：應該跟隨小朋友意願選校嗎？

會唔全分開來讀？

歡迎光臨教育王國 (/)