教育王國

標題: 如果有細佬跟尾，你會選擇津小或是直資、私小呢？ [打印本頁]

作者: Margaret66 時間: 14-6-30 11:34 標題: 如果有細佬跟尾，你會選擇津小或是直資、私小呢？

如果有細佬跟尾，你會選擇津小或是直資、私小呢？
津小有區內band one 的聯係中學，入大學率很高，缺點是功課出名多，母語教學，中文一定有保證，但英文可能難D同英小比較。直資私小不一定收細佬，而且中學又要再考，但英、普教學，功課少，是happy school ....誠心請各位有經驗的家長賜教

作者: twllc 時間: 14-6-30 11:40 標題: 回覆：如果有細佬跟尾，你會選擇津小或是直資、私小呢？

我會兩個小朋友獨立咁睇，如果大的考到直資而且唔谷得的，我會放佢响直資。如果谷得就讀一線官津

作者: sweeticandy 時間: 14-6-30 11:43

我都會按小朋友性格獨立黎睇.
同埋... 先去試下去直資/私小..有咩OFFER再決定方向.

作者: 已刪除用戶 時間: 14-6-30 11:43

HAPPY SCHOOL, 功課小, 又要出去考中學......咁平時升中去邊先?

作者: hkpapa852 時間: 14-6-30 12:03

本帖最後由 hkpapa852 於 14-6-30 12:03 編輯

回覆 Margaret66 的帖子

好多人都話應該一個一個去睇咁會公平D, 但我覺得公唔公平唔係最緊要, 你要問下自己呢幾樣野:

1. 錢係唔係問題?
2. 想唔想玩多次"小一選校"呢個遊戲?
3. 有沒有信心可跟足多個一間學校功課既同家校活動?
4. 如果大嗰個入到一間好的直資/私校, 細嗰只派到間唔理想既官津校(叩門又唔得), 接唔接受到?

作者: 已刪除用戶 時間: 14-6-30 13:09

仲有最基本考慮: 咁你鐘意果間係邊款? 以我自己為例, 鐘意果間咁岩係直資, 條數計得掂, 咪去馬lor

作者: Margaret66 時間: 14-6-30 13:32 標題: 引用：HAPPY+SCHOOL,+功課小,+又要出去考中學....

原帖由 Charlotte_mom 於 14-06-30 發表
HAPPY SCHOOL, 功課小, 又要出去考中學......咁平時升中去邊先?

Happy school 都有少部分入band 1A 中學，但不多，可能是比較新的原固，開頭收生質數參差，但這幾年難入好多。畢業生的中文能力與官津小升上去的有點距離，但英文就遠遠拋離。

作者: Margaret66 時間: 14-6-30 13:41 標題: 引用：+本帖最後由+hkpapa852+於+14-6-30+12:03+

原帖由 hkpapa852 於 14-06-30 發表
本帖最後由 hkpapa852 於 14-6-30 12:03 編輯

回覆 Margaret66 的帖子

謝謝你的分析，1,2都唔係問題。
3 真是要好好思考。
4 我都擔心。其實語言能力在官津小和直資私小會不會有很大分野呢？定升上英中便殊途同歸

作者: hkpapa852 時間: 14-6-30 13:58

Margaret66 發表於 14-6-30 13:41
謝謝你的分析，1,2都唔係問題。
3 真是要好好思考。
4 我都擔心。其實語言能力在官津小和直資私小會不會有 ...

語文能力/環境方面, 如果一線直資/私小, 係會好過大多數官津小學, 但二線直資/私小, 未必好得過地區名官津校.
係香港其實超過9成官津小學校都係中小, 學習上差異應該唔係一個大問題 (而且唔少都有外出補習)

個人覺得, 語文能力方面, 應該由幼稚園開始... 唔係要谷, 係要接觸, 起碼令小朋友唔怕外語, 錯都唔怕開口講
如果你擔心語文能力, 不如諗吓另類選擇: 有幾區有D所謂"地球村"學校, 主要收南亞同外籍人仕子女, 主要教學語言係英文(香港官津英小大多數係呢類), 咁一定唔駛擔心語文能力. 而且只要你有信心協助子女做到全級頭1,2名, 都一定會係Band 1學生, 而呢個難度可能會低過係一線學校Keep住Band 1成績.
"地球村"學校D學生多數中文唔得, 所以唔如果真係有香港學人去比, 一定會成績差D (因為中文係主科)

作者: angel_soso 時間: 14-6-30 14:34

其實諗咁多，今日的遊戲是學校揀你，唔是你揀學校，唔是你想讀就好。今日可以做的是全部報左名先，面完試，佢又收你先算啦。
當然，我身邊的朋友多數是大的為了細佬入了津小，但細佬的性格太活躍，最後都是讀私小/直資，活動教學才適合。
揀適合小朋友的學校，而不要為了細佬，我個人覺得唔公平囉。

作者: 小曳人 時間: 14-6-30 14:45

我會取平衡
即係話，津校會考慮，但只限於都啱大嗰個，如果唔啱，就算本區熱門官津都唔要！所以最終係讀間私小，再報插班~如果兩年內搞唔掂插班，就會留返响原校，讀到升中

作者: puffy0305 時間: 14-6-30 18:01 標題: 回覆：如果有細佬跟尾，你會選擇津小或是直資、私小呢？

我都有同一個問題，大女: 外向好動，善於交際，細女100%相反....都唔知點同大女揀學校好！不過都會去報直資，收咗先算

作者: Margaret66 時間: 14-7-1 14:50 標題: 引用：其實諗咁多，今日的遊戲是學校揀你，唔是你

原帖由 angel_soso 於 14-06-30 發表
其實諗咁多，今日的遊戲是學校揀你，唔是你揀學校，唔是你想讀就好。今日可以做的是全部報左名先，面完試， ...

咁都啱嘅，我個仔超活躍，當然心儀的學校會試。EK 的爸爸媽媽們真的比到好多值得參考的議建，我都不是臨急抱佛腳的人，聽多D，計劃一下，兩手準備。

作者: 青青河邊草 時間: 14-7-1 15:08

分開嚟睇, 我只會睇間學校適唔適合. 我會幫兩個小朋友揀唔同學校.
我大果個讀so called二線直資, 我覺得無想像中咁好.
細果個如無意外會揀番津.校.
直資果間除左英文好少少, 其他都只係好一般.

作者: JHsbb 時間: 14-7-1 22:24

我仔讀私小(HAPPY SCHOOL), 學校當年話大讀緊細必收, 所以2兄妹都同一私小讀書

作者: kingting 時間: 14-7-1 23:14 標題: 回覆：青青河邊草的帖子

可否分享多少少「二線直資」和你所期望的差異？小女派位派了最後的志願，叩門亦2nd in 止步，幸有私小backup, 雖然不是一線但仍準備入讀。其實都擔心私小不能合乎自己期望...

作者: yovin 時間: 14-7-1 23:59 標題: 回覆：Margaret66 的帖子

同我當年一樣，名直資waiting, 派位不好，叩門考入名氣官立，直資以後備取錄……最後我為弟弟而選擇官立，今天也覺得沒選錯。一心一意同哥哥溫習和迎接呈分試，弟弟不用煩惱了……如果在名氣官立能保持band one水準，根本不愁出路，入到精英班同學們小息自發用英語交談 ;有時一同寫作詩書; 有時又自動發起幫助精神，你教我中，我教你數; 同學考試壓力大，試後也會一同溜冰，踏單車，互助互勉，彼此建立brotherhood 的感情。此外，家中兩兄弟多了許多共同的校園話題。
哥哥今年升中，我用他的舊試卷，練習習作同弟弟溫習，已較得心應手。
這是我個經歷，我也想知為兄獨立去選直資而弟弟情況會怎樣發展的真實個案？

作者: Margaret66 時間: 14-7-2 00:59 標題: 引用：同我當年一樣，名直資waiting,+派位不好，

原帖由 yovin 於 14-07-01 發表
同我當年一樣，名直資waiting, 派位不好，叩門考入名氣官立，直資以後備取錄……最後我為弟弟而選擇官立， ...

你的分享實在很鼓舞，請問你可以分享你住那區，和學校功課量如何?

歡迎光臨教育王國 (/)