教育王國
標題: 考慮是否中三留班 [打印本頁]
作者: jaja 時間: 14-6-27 23:00 標題: 考慮是否中三留班
本帖最後由 jaja 於 14-6-27 23:00 編輯
中三成績唔係太好, 宜家考慮要唔要求留班, 我認為花多一年打好基礎比較好, 但小朋友唔想無左班朋友 ? 有人話讀多一年成績都未必會有大進步, 只要選到自己心儀科目, 之後仲可以再追, 唔知有無人可以比到意見。
作者: kachunma 時間: 14-6-27 23:14 標題: 回覆:jaja 的帖子
我認為中三留好D,因成績差照升中四,科好既一定比人選晒,餘下既又未必啱讀,就算中四成績好番,都不可從新選科,唔鐘意都要照讀至中六,到時小朋友咪仲惨!如想比多一年時間小朋友,不如中三留啦!
作者: wyl 時間: 14-6-28 08:34
你意思係學校冇要求你小朋友留班,而你小朋友嘅意願係試升,但你想佢留?你先要同你小朋友有共識,唔好自己決定。你知道你小朋友想選修的科目是什麼嗎?建議你向老師查詢一下,以佢現在成績是否一定選不到心儀科目,然後再同小朋友傾,慢慢引導佢,不能硬來。雙方關係如果因為咁而搞垮或者佢更頽就得不償失。
作者: slowmemame 時間: 14-6-28 09:11
最重要是小朋友唔想, 除了無左班朋友還要考慮小朋友的性格及自信心的問題, 會唔會因為留班而失去信心/覺自卑? 再因此失去學習興趣/動力?
佢是否科科都唔係太好還是某一些科? 贊同wyl 的建議, 先向老師查詢一下,以佢現在成績是否一定選不到心儀科目?
有些科目是中四開始學習, 例如商科, 還有睇下有冇非熱門科目但佢心儀又有機會選到?
而成績唔係太好的問題真係要找出原因, 睇下可以怎樣改進, 我女有一位師姐唔鍾意讀書,只鍾意打波,留咗一年,最後成績依然是包尾.. ...
作者: johnnywalker 時間: 14-6-28 21:53
提示: 作者被禁止或刪除 內容自動屏蔽
作者: dubbies 時間: 14-6-28 22:48 標題: 回覆:考慮是否中三留班
係主科差勁嗎?
作者: pswongg 時間: 14-7-2 10:29 標題: 回覆:jaja 的帖子
選到自己心儀的科目嗎?如果是,有得揀我唔留中三,因為是最辛苦的一年,要讀好多科,我覺得升中四後只讀自己鐘意的科目,時間又多左,可能情況會有改善
作者: jaja 時間: 14-7-2 23:57
多謝哂各位意見, 再了解清楚中文科差零幾分先及格, 英數都合格, 聽左好多意見, 似乎留左未必成績會好左, 因為中三有好多科讀同試, 所以唔打算要求留班, 而且問過老師應該仲可以揀到心儀科目, 所以等中四成績唔好先留
作者: waiwai1224 時間: 14-7-6 22:55 標題: 引用:多謝哂各位意見,+再了解清楚中文科差零幾分
提示: 作者被禁止或刪除 內容自動屏蔽
歡迎光臨 教育王國 (/) |
Powered by Discuz! X1.5 |