教育王國

標題: 囡囡已經27個月仲係無咩句子去唔去做評估好? [打印本頁]

作者: 豬C9 時間: 14-6-27 22:35 標題: 囡囡已經27個月仲係無咩句子去唔去做評估好?

本身母嬰院上次2歲返去見姑娘都係唔合格,但係姑娘話阿囡比歲半個時有進步。再觀察唔洗咁急,2歲半返去再睇情況但係依家女女已經27個月仲係無咩句子, 叠字識得算多20-30個。都有小量雙語詞eg,好味,好靚,好大,hello,屙便便。但係就係無句子

好無帶阿女去私人評估? 定係等多3個月返母院。

作者: clingy 時間: 14-6-27 23:05 標題: 回覆：豬C9 的帖子

聽得明指令嗎？如果聽得明，只係唔講嘢，應該問題不大。如果聽唔明，就需要擔心，應盡快搵私人評估。我囡細個聽唔明指令，完全答唔到問題或做出適當反應，但自己識背誦唐詩，兒歌，之後發現係自閉

作者: 豬C9 時間: 14-6-28 09:28

回覆 clingy 的帖子

大部份都聽得明,不過係唔多肯講野,仲要識講果d 好多音唔係太準,就黎in k 唔知點算。

作者: Tracymom 時間: 14-6-29 00:50 標題: 回覆：clingy 的帖子

後來怎樣？是去S位嗎？去了S位有無進步？我評估了，無動作配合的純語言指令五得，現在建議排S位。

作者: clingy 時間: 14-6-29 22:23 標題: 回覆：Tracymom 的帖子

囡囡係不同嘅私人訓練中心訓練已有一年，內容包羅萬有，現已開口講話，識答簡單問題，與一年前相比進步好多，雖然與同齡小朋友仍有差距，但看到有改善嘅空間，非常欣慰，感恩。

我地仍未排到政府服務，但小朋友嘅黃金訓練時間就得幾年，唯有自己做好財務分配。

作者: clingy 時間: 14-6-29 22:32 標題: 回覆：豬C9 的帖子

恭喜你，聽得明即係可以溝通到了。發音唔准可以玩下吹泡泡，吹笛，吹蠟燭，食d硬質堅果，幫助鍛煉下口肌，具體方法可以Google。唔多講嘢可能小朋友仲未儲夠詞彙，或者溝通動機唔夠，你可以同佢講故事，玩多d遊戲

作者: 豬C9 時間: 14-6-30 08:57

回覆 clingy 的帖子

好多謝你意見

或者我同囡囡報下興趣班,等佢見多d小朋友,刺激佢講多d野。你同你小朋友都要加油呀!

作者: swk0201 時間: 14-7-5 14:17

本帖最後由 swk0201 於 14-7-5 14:20 編輯

回覆豬C9 的帖子

重點單字發音正確,句子少可以再觀察
如單字發音不準很少單字可要求轉介語言治療

當年我個女歲半單字很少(爸爸講到似豆豆,媽媽媽咪只會混合左亞咪,爺爺講左鞋鞋,水變成隊隊)在我強烈要求健康院轉介,結果正實口部發育遟左半年,就開始接受語言治療直至一年級,當時語言治療師提意早點入學,會對小女語言有幫助,所以佢二歲入n1班,入學後真的有進步,講多左單字及句子,雖然發音不準,但有治療師教及跟進,去到小三小四駁咀不知幾叻,成條頂心杉咁

小兒也是歲半左右單字比姐姐多,但句子很少,又是n1入學,之後k3發音有少少不正確由語言治療跟進一年後close file 依家把咀真想用AA膠封住佢

所以句子少發音正準,無須太擔心,但暫時觀察及比多D同差不多年紀的小朋友比佢接觸,小朋友玩耍時的溝通,吵架(不是打架!)都是增進佢學習語言的好方法

轉介信可由健康院發或家庭醫生都可以

歡迎光臨教育王國 (/)