教育王國

標題: 乜乜vs乜乜 [打印本頁]

作者: Woody825 時間: 14-6-27 00:05 標題: 乜乜vs乜乜

响baby kingdom成日見到d post係乜乜幼稚園vs乜乜幼稚園，好多時依啲post嘅樓主已經有幾個offers响手，我有陣時真係唔明究竟係咪咁難揀？其實幫子女報名嘅時候，唔係應該心目中已經有左依啲幼稚園嘅排名同埋對間幼稚園有一定嘅認識架啦咩？唔清楚間幼稚園點解又會去報呢？（通常依啲post vs嘅幼稚園都係比較受歡迎嘅幼稚園）當我睇到依啲Post嘅時候，我會覺得係炫耀多於請教。對於一啲未有offer嘅家長黎講唔係咁好受囉。大家又點睇呢？
利申：我家小童已有offer

作者: siufung 時間: 14-6-27 01:34 標題: 回覆：乜乜vs乜乜

個人意見，兩類人都有……有d家長並冇先了解每間學校就報左先，可能名氣好口碑佳的，報左先考左先，心諗競爭咁大都未必收，好彩收左果時，開始有選擇困難……怕自己選錯所以出post問下人或用家，蒐集多d意見，都是無可厚非的……
至於純粹曬命的，可能只佔少數，而且講多幾句就會露出馬腳……不過點都好，自己做認為對的事便是了……

作者: hopegod 時間: 14-6-27 13:52 標題: 回覆：乜乜vs乜乜

現在in學校並不是揀左就可安然入讀，學校亦要揀學生，所以報幾間學校(細仔或需再多報幾間)是合理的，到有兩個或以上offer，認真問下別人意見，我覺得可以接受，亦唔算晒。反而有啲媽咪報十幾二十間，之後上黎話比人聽佢有幾多幾多offer, 好似集郵咁，個啲我就不能接受。

作者: apple_love 時間: 14-6-27 14:01 標題: 引用：現在in學校並不是揀左就可安然入讀，學校亦

原帖由 hopegod 於 14-06-27 發表

我都覚得問乜乜vs 乜乜係可以理解，報之前未必真係認真比較過，做決定前真係想問多幾個意見。但之前見過有post係乜分享大家有幾多個offer,我就感覺係曬多d囉

作者: chok0925 時間: 14-6-27 14:13 標題: 回覆：乜乜vs乜乜

二㨂一都仲可以話剛收到waiting call，剛剛先見人post三㨂一

唔知係咪甘啱一齊call所以唔知點㨂呢？

作者: cl919 時間: 14-6-27 15:00 標題: 回覆：乜乜vs乜乜

我都好想有得曬，可惜無羅

作者: oooasis 時間: 14-6-27 16:15

報之前問，d人又話收左先諗喇
收左之後問，又比人話晒命同炫耀。
好多時，自己心態如何，睇到的世界就會如何。

搞到討論區越來越少人問野，越來越少人分享，是好事咩？
如果無左dXX vs XX的post，我地會少左好多好多有用資訊。

作者: Jane1983 時間: 14-6-27 16:28

真心求教又好，晒命又好，大家匿名係度傾，三吾識七，無所謂。

係EK咁耐，真系收到吾少好料，亦有好心家長pm資訊比我，感恩啦。

作者: kyleebc 時間: 14-6-27 16:43

本帖最後由 kyleebc 於 14-6-27 16:44 編輯

如果要藉EK post去炫耀，反映此等人在實際的生活上缺乏被𧩓同。

作者: kyleebc 時間: 14-6-27 16:54

承接上：缺乏被認同。

作者: Candycat225 時間: 14-6-27 21:44 標題: 回覆：Woody825 的帖子

咁好正常！依家香港社會競爭已經趨向愈來愈細個⋯唔係小朋友想⋯而係家長睇唔到自己仔女將來可以有咩保障自己生活質素，唯有讓小朋友入間好學校，打好d個底，等將來可以排在起跑線。
當有得揀，就怕揀錯學校，影響到小朋友將來！

作者: Woody825 時間: 14-6-27 23:31

回覆 oooasis 的帖子

老實講，我之前都睇過好多依啲posts,其實睇多幾個樓主嘅回覆時會發覺樓主一早已經有preference，可能佢地需要其他的家長認同吧。另外，我又唔覺得冇左啲乜乜vs乜乜嘅post會少左好多資料，睇下你有冇誠意同埋識唔識問人姐，如果事前做左資料搜集再上黎請教而唔係飯來張口，我相信baby kingdom嘅member好樂意互相幫助，因我覺得大部嘅member都係好，helpful,不喜勿插！

歡迎光臨教育王國 (/)