教育王國

標題: 想問有冇幼稚園學校(不包括特殊學校)會收發展遲緩小朋友架 [打印本頁]

作者: loyaldior 時間: 14-6-23 15:03 標題: 想問有冇幼稚園學校(不包括特殊學校)會收發展遲緩小朋友架

仔仔現在2歲了要準備反學校，但早前1歲9個用評估後結束係發展遲緩, 要排政府特殊學校/早期訓練。
無人想自己小朋友上特殊學校，所以我先想問下有冇主流幼稚園係會收發展遲緩的小朋友??????
ps:本人已經好努力去訓練仔仔,而佢亦有進度，最大煩惱係言語方面仲未識講野。希望有人介紹有經驗既言語訓練課程給本人,萬分感謝!

作者: yannietimb 時間: 14-6-23 15:43 標題: 回覆：想問有冇幼稚園學校(不包括特殊學校)會收發展遲緩小朋友架

不要帶有色眼鏡去看特殊學校，特殊學校裡有足夠資源去幫小朋友追翻進度，老師亦一定較有經驗和耐心！如果對小朋友發展而言，是絶對比主流好！主流學校如果給你遇著有愛心有經驗的老師還好，遇著不好的，聽更多的就是不多理會！我曾參觀過間聽障特殊學校，師生比例是1:6,全日班，除正規教育外，每日還有單對單語言訓練，試想想小朋友三年在這密集環境的訓練和在主流學校，老師不會有個別關顧，你覺得三年後分別有幾大？

作者: methy 時間: 14-6-23 17:40 標題: 回覆：loyaldior 的帖子

有，我仔讀了9個月N班，老師好有開心，我仔2歲9個月都未獨立放手行，老師都用盡方式幫，但阿仔各方面都比同齡慢一年，老師有愛心但無受過相關訓練，亦無經驗去幫我仔。

讀了9個月N班，就派到特殊學校（排了2年多），一班7個人，老師同治療師配合，將治療原素溶入課堂，小朋友得益好大。另外接小朋友情況，安排個別訓練。
讀主流，父母感覺良好，但小朋友錯過黃金時間去接受訓練，損失既係小朋友。

我感激間主流幼稚園收我仔讀N班，現在我仔4歲半，讀特殊讀得好開心，又進步得快，但阿仔都手成日問我幾時返去之前間幼稚園讀書。

作者: carmenkmlo 時間: 14-6-23 19:27 標題: 引用：有，我仔讀了9個月N班，老師好有開心，我仔

原帖由 methy 於 14-06-23 發表
有，我仔讀了9個月N班，老師好有開心，我仔2歲9個月都未獨立放手行，老師都用盡方式幫，但阿仔各方面都比同 ...

請問特殊學校，一星期要返幾小時學?
我仔排E位中…
聽障及言語遲緩…
咩情況下,政府才建議排特殊學校！

作者: yannietimb 時間: 14-6-23 21:10 標題: 引用：有，我仔讀了9個月N班，老師好有開心，我仔

原帖由 methy 於 14-06-23 發表
有，我仔讀了9個月N班，老師好有開心，我仔2歲9個月都未獨立放手行，老師都用盡方式幫，但阿仔各方面都比同 ...

非常咁同意你講讀主流，父母感覺良好，讀特殊，小朋友得益最大！就像是之前我在EK看過一句話"愛面子還是愛子女的分別！"

作者: methy 時間: 14-6-23 21:12 標題: 回覆：carmenkmlo 的帖子

一星期返五日，8：30回校食早餐，9am上堂至4：00。

阿仔1歲時係搵私人既兒童中心做評估，排最耐既E+S位，半年後CAC先call我地見醫生，因為果時未識行，建議排S位，未派到S位前派左E位頂住先，等S位。

排咩位係醫生評估的，當然父母都可以「強烈」要求爭取。

作者: feipow 時間: 14-6-25 13:15 標題: 回覆：想問有冇幼稚園學校(不包括特殊學校)會收發展遲緩小朋友架

提示: 作者被禁止或刪除內容自動屏蔽

作者: sshoney 時間: 14-6-26 08:06

我個仔都係2歲, 今年都要搵幼稚園, 情況同你差唔多, 但我反而想快D有上早期訓練, 呢D位好難有, 返主流幼稚園個仔同自己都好大壓力, 早前上PLAYGROUP見到亞仔同其他小朋友唔同, 其他家長又唔理解, 自己又唔想同人講, 攪到上堂好大壓力! 最近反而留意邊間幼稚園有兼收位, 相信呢D學校老師會比主流學校明白小朋友的需要!

作者: misshk12 時間: 14-6-26 10:33

回覆 loyaldior 的帖子

你話仔仔2歲未識講野,我仔都係2歲多先講詞語的。咁你試下看一些語前技巧的書或上網看有關資訊，例如：眼神接觸,互聯專注、模仿動作等,這些是好重要的。再同佢講多D野,看繪本或故事書都好有效的,用簡單同短句先,等佢慢慢吸收,日子有功,到佢識講時你就知道今日的努力無白費。

作者: miafan 時間: 14-6-29 08:36 標題: 回覆：methy 的帖子

我想問如果自己出去揾私人評估中心家評估完，可否直接排e+s,定還是都係要cac評多次先可以排咖？thx

作者: yannietimb 時間: 14-6-29 09:18 標題: 引用：我想問如果自己出去揾私人評估中心家評估完

原帖由 miafan 於 14-06-29 發表
我想問如果自己出去揾私人評估中心家評估完，可否直接排e+s,定還是都係要cac評多次先可以排咖？thx

...

你最好問清楚間私人評估中心，我之前幫仔仔排, 醫務社工send左份form俾我，係要揾兒科醫生做評估（我睇開既兒科醫生介紹了專門做評估既醫生，但頗貴，話約8k，我們最後揾醫生朋友幫手)，填完自己找家庭縱合服務中心社工申請，沒有經cac!

作者: 誠媽 時間: 14-6-29 16:40 標題: 引用：仔仔現在2歲了要準備反學校，但早前1歲9個

原帖由 loyaldior 於 14-06-23 發表
仔仔現在2歲了要準備反學校，但早前1歲9個用評估後結束係發展遲緩, 要排政府特殊學校/早期訓練。
無人想自 ...

我仔仔三歲都完全無語言，係私人密習左一年，而加開始講句子，有問有答，好感恩！，兩歲九個月評古語言一歲，認知一歲半，而加語言三歲六個月，認知三歲八個月，仔仔現在剛剛四歲！各位家長，只要我們努力，仔仔一定會進行的，加油

作者: clingy 時間: 14-6-29 22:48 標題: 回覆：誠媽的帖子

恭喜！小朋友進步得好快！請問第二次評估係邊度做，幾錢？我都想俾我囡評估下，已經做佐一年訓練了

作者: 誠媽 時間: 14-6-29 23:49 標題: 回覆：clingy 的帖子

係巨返私人密習的導師同言語治療師說的，我而加仲返緊，到十月見精神科，到時睇下醫生怎講，因為三月中見過精神科，醫生覺得巨進步好好，所以比多幾個月時間再見一次，看下比i位巨讀，因為我選的是s位

作者: yoyoslam 時間: 14-7-5 23:30

東華三院幼稚園收特殊兒童的, 我個囝當年都收, 先報先收. 無話睇佢能力. 後來學前推介排S位, 我都轉排S入咗協康, 還是同區, 老師都話我咁都排到, 真好彩, 本身佢自己情緒好好, 轉到新學校完全適應, 無問題, 非常好!

作者: hotingmum 時間: 14-7-7 22:04 標題: 回覆：想問有冇幼稚園學校(不包括特殊學校)會收發展遲緩小朋友架

我個仔都係發展遲緩喎，但今年九月番k1，之前冇讀過n班，你地點決定小朋友讀唔讀主流學校架？

作者: Tulip88 時間: 14-7-7 23:41 標題: 引用：回覆+loyaldior+的帖子你話仔仔2歲未識講

原帖由 misshk12 於 14-06-26 發表
回覆 loyaldior 的帖子

你話仔仔2歲未識講野,我仔都係2歲多先講詞語的。咁你試下看一些語前技巧的書或上網 ...

misshk12: 請問你所提及的語前技巧書是些什麼來的，可否介紹一些書？

作者: tszkwan2011 時間: 14-7-14 11:26

我個仔係私人做過初步評估話有發展遲緩同A仔傾向,黎緊9月返i位啦,但佢情緒都有問題嫁,都唔知返學點算

歡迎光臨教育王國 (/)