教育王國

標題: LAMK評估 = ADHD? [打印本頁]

作者: phcatyip 時間: 14-6-23 14:24 標題: LAMK評估 = ADHD?

請問我兒子在去年被老師先寫問題作"小一識別", 現在要接受LAMK的評估，即是代表他有ADHD嗎?

他校內成績有10名內的,只是紀律方面有點不受控...很擔心呢

作者: NoellaCheung 時間: 14-10-23 17:46

小一識別同ａｄｈｄ無關，小一係老師觀察學生有無學習困難。如果有，會係小二跟進評估。
ＬＡＭＫ係所有學習支援名單中嘅學生都要做嘅每年評估，亦有學生係因為成績較低所以要做。
如果老師或家長懷疑子女有ＡＤＨＤ可以同學習支援組溝通，轉介教育心理學家或精神科。雖然話係精神科，但係其實係好普遍嘅。咁專業，至少放心唔會咁容易話學生係定唔係先。如果學生係專注力方面無問題，就最好先留意學生問題行為嘅原因，得到啲咩同埋可以逃避到啲咩。
如果係紀律問題，原因有好多，其實好少數係因為學生有自閉症，ＡＤＨＤ等等，因為見得最多反而係家庭支援不足，家庭學校標準差異，學生不習慣小學生活，價值觀未成熟等。可以同學校多作溝通，不過唔好對學校有過分要求，因為佢地要兼顧全校學生唔係易事。
如果你地學校嘅社工同學生支援組係好嘅，可以同佢地傾先，不過未必可以ｔｕｎｅ到所有老師．

歡迎光臨教育王國 (/)