教育王國

標題: 好擔心，老師話寫信叫小兒到健康院評估！！ [打印本頁]

作者: ben.suki 時間: 14-6-22 23:37 標題: 好擔心，老師話寫信叫小兒到健康院評估！！

小兒現在2歲10個月，老師因為覺得小兒有學習遲緩所以話去健康院評估吓！因為小兒仲未可以自行大小便及表達說話能力差，好擔心令可我很不安，而家等8月4曰見醫生再决定是否要轉介到CAC，點解會咁，自問由出世到現在我都悉心照顧，是否我做得不好！

作者: fishballbaby 時間: 14-6-23 00:13 標題: 引用：小兒現在2歲10個月，老師因為覺得小兒有學

原帖由 ben.suki 於 14-06-22 發表
小兒現在2歲10個月，老師因為覺得小兒有學習遲緩所以話去健康院評估吓！因為小兒仲未可以自行大小便及表達 ...

不要太擔心住，每個小朋友的發展進度也不同，尤其是男仔，三歲前講嘢唔叻，一點也不出奇。就算語言發展是delay了，也絕不代表腦部發展delay，還是先做評估，如真的需要做言語治療，及早治療不是更好嗎？6歲前治療是黃金期。

作者: carmenleung 時間: 14-6-23 00:33 標題: 回覆：好擔心，老師話寫信叫小兒到健康院評估！！

不用太擔心，未評估都未知情況如何，只要評估後知道點樣跟進去幫助小朋友就得啦！我兒子兩歲多都未識講野，連爸爸媽媽都唔識叫，返健康院檢查轉介去下葵涌評估，結果要排期做言語治療，但我知排政府要等好耐，所以自己揾私家做言語治療，上左年幾有進步。到阿仔四歲左右，幼稚園班主任發現佢小肌肉發展有問題，我又帶去評估，結果check到佢小肌肉發展緩慢，要做職業治療，我等唔切政府，又係去揾私家上職業治療，再加埋我同阿仔在家努力訓練，好快就追到同齡發展，現在阿仔二年班，說話已沒有問題，成績也不錯，每次都考到五名之內。正如樓上那位所講，六歲前係黃金期，知道問題就努力去幫佢，一定追得番，唔好灰心，支持你！

作者: MrBeast 時間: 14-6-23 09:11

老師咁察覺到問題和主動寫信轉介真是不幸中的大幸

作者: little_yolky 時間: 14-6-23 09:46

ben.suki 發表於 14-6-22 23:37
小兒現在2歲10個月，老師因為覺得小兒有學習遲緩所以話去健康院評估吓！因為小兒仲未可以自行大小便及表達 ...

唔係照顧得唔好啦, 個個小朋友唔一樣, 有啲起跑慢啲, 後來先發力, 尤其係男仔, 細時要用多啲心血。小朋友發展唔係線性的, 會有些時間快, 有些時間慢。上面JM講得啱, 真係一個好老師, 真係有留心小朋友, 而且就算有某方面delay, 早啲跟進咪仲好, 所謂黃金6歲前, 依家3歲都未夠, 慢慢來。

作者: hotingmum 時間: 14-6-23 13:36 標題: 回覆：好擔心，老師話寫信叫小兒到健康院評估！！

我個仔都係發展遲緩，係佢自己既發展步伐未符預期啫，同家人照顧得佢好唔好冇關架！

作者: MrBeast 時間: 14-6-23 14:31

都唔一定，我見過一個照顧太好，反而害了個小孩，不過好彩早介入，k3已追返哂

作者: hadwinboy 時間: 14-6-23 14:56 標題: 回覆：好擔心，老師話寫信叫小兒到健康院評估！！

不要自責，不要自怨自艾，也千其不要把他與其他小朋友比較，努力向前，無論如何他都是你小朋友獨一無二的。

作者: 高齡產婦 時間: 14-6-23 16:13

2歲10個月, 仲係細, 唔雖要太擔心, 咪去跟進下囉.
有時只係有D心理關口, 好似好多小朋友咁, 係都要POO POO在片片, 當佢過咗個心理關口就好快可以做得好好.
至於語言同理解, 小朋友可能只係在儲埋儲埋, 佢唔係唔識的, 一講可以咩都識講, 比多少少時間佢啦.
話說我大哥個大囝, 細時都有咁情況, 依家在CAMBRIDGE畢業了!

作者: Yanamami 時間: 14-6-23 16:20

喺與唔喺，check左先囉。唔喺就買個安心，喺就及早治療（越早發現越好呢~）。要多謝老師留意到。

作者: 悠悠110409 時間: 14-6-23 17:12

本帖最後由悠悠110409 於 14-7-9 17:04 編輯

回覆 ben.suki 的帖子

....

作者: ben.suki 時間: 14-6-23 20:49

好感動非常多謝人家支持，我會努力面對，希望可以渡過難關，小兒可以在六歲前追得上，我只求健康和快樂的小兒，求上天可以賜給我，多謝大家

作者: jujufamily 時間: 14-6-23 22:47 標題: 回覆：carmenleung 的帖子

Right!!!

作者: Isaacmommy 時間: 14-6-24 08:38 標題: 回覆：ben.suki 的帖子

一定要積極面對，盡快求医，等唔切政府就睇私家先，因愈細接受治療愈好。有朋友仔仔一歲就接受治療，结果到小一追番曬，另一個朋友囡囡到四五歲先開始接受治療因老師察覺唔到小朋友有問題同家長唔想相信小朋友有問題，所以小朋友而家十歲都未能追上，還有言語障礙 (當然每個個案都不同)。盡快求医！

作者: cwmicmic 時間: 14-6-24 09:11

老師發現到真係好, 評估咗先, 係唔係都有個知字, 好過估估吓, 萬一真係發現有問題, 及早治療, 積極面對. 有家長就係唔發覺或唔肯承認自己小朋友有問題, 延誤咗醫治既黃金時間, 對家長同小朋友會有更大既影响呀.

努力加油!

作者: 高齡產婦 時間: 14-6-25 09:14

係呀, 愈早發現愈好, 跟進住, 就算真係遲咗D, 都好大機會追返到架, 最緊要係正面面對, 一齊努力.
身邊都有朋友, 當時我發現我囝囝發展比較慢, 而佢囝囝都好似有同樣問題, 還有少少輕微自閉...最後佢決定比小朋友在K1讀多一年, 比多少少時間佢追, 當然, 依家仲係緊密跟進中.

作者: paulinefll 時間: 14-6-25 09:48 標題: 回覆：carmenleung 的帖子

好媽媽

作者: ben.suki 時間: 14-6-25 23:01

多謝大家鼔勵支持

作者: LittleBallBall 時間: 14-6-26 15:37

我想問下大家, 係咩地方做評估呢? 我個仔4歲喇, 由1歲多啲我覺得佢大小肌肉無同齡小朋友咁強.... 但身邊所有人都話唔覺有問題, 好似我變咗怪獸家長咁... 係自己太緊張而覺得佢有問題 (佢地會覺得我迫個小朋友做啲佢做唔到既野... 但其實嗰啲係同齡發展應該做到既野)

依家小朋友4歲喇, 老師都話佢大小肌肉較弱 (但又無話要跟進評估之類), 再終於老公最近都話覺得要搵人評估下.... 好後悔當初無堅持自己既睇法, 及早去糾正問題.... 依家4歲距離黃金6歲唔係好多時間喇...

上網見好多機構有, 但又怕唔知係咪合適, 所以只排咗協康會 (諗住大機構)... 但要排半年至1年呀.... 所以想知仲有咩地方做評估/跟進訓練係好既機構呀?

作者: 瑩瑩老豆 時間: 14-6-26 16:49

本帖最後由瑩瑩老豆於 14-6-26 17:04 編輯

LittleBallBall 發表於 14-6-26 15:37
我想問下大家, 係咩地方做評估呢? 我個仔4歲喇, 由1歲多啲我覺得佢大小肌肉無同齡小朋友咁強.... 但身邊所 ...

因為我地見細囝同大囡發展有段距離, 大囡兩歲已好多野講, 細囝兩歲半都唔講野, 所以叫私家醫生寫介紹信去政府做評估的. 個評估幾全面, 包括講/聽/視力/運動(大小肌肉)等.

作者: 瑩瑩老豆 時間: 14-6-26 16:58

ben.suki 發表於 14-6-22 23:37
小兒現在2歲10個月，老師因為覺得小兒有學習遲緩所以話去健康院評估吓！因為小兒仲未可以自行大小便及表達 ...

就算評估結果係有學習遲緩都唔駛太担心住, 我囝2歲9個月去做評估, 評定語言發展慢左一年, 要排期接受訓練, 但排政府要約2年, 私家又冇去, 只靠平時返學同在家多D 同佢講野, 到差不多四歲已講返多野, 到五歲近來做了一次評估, 大致上已冇乜問題了.

作者: naughtybj 時間: 14-6-28 15:55 標題: 引用：不用太擔心，未評估都未知情況如何，只要評

提示: 作者被禁止或刪除內容自動屏蔽

作者: naughtybj 時間: 14-6-28 15:57 標題: 引用：喺與唔喺，check左先囉。唔喺就買個安心，

提示: 作者被禁止或刪除內容自動屏蔽

作者: carmantse333 時間: 14-6-30 09:33 標題: 回覆：好擔心，老師話寫信叫小兒到健康院評估！！

我囡囡都係3歲先開始戒到片無任可遲緩

作者: LittleBallBall 時間: 14-6-30 16:04

回覆瑩瑩老豆的帖子

想問下叫私家轉介政府, 係排咩既評估? 其實我有試過去健康院問, 佢話叫我自己睇私家醫生, 睇傷風時又順便問過私家醫生, 佢又無話可以轉介番政府, 只話如果覺得佢腳肌有問題 (因為我仔成日都會話腳痛), 就去啲骨科專科照下咁.... 都無人可以講到我知進一步係可以做啲咩評估....

作者: Olympian 時間: 14-6-30 17:46 標題: 回覆：LittleBallBall 的帖子

你一直都有觀察小朋友的發展，所以我不覺得你遲了幫小朋友。肌肉都是以操練為主，你仔都係輕微，4歲開始操一點不遲。我估小朋友有點低張（肌肉張力低），小肌會影響自理和書寫，要找職業治療師訓練。大肌影響運動和上身穩定性（會影響書寫），還要驗檢一下有沒有肌肉協調的問題，如有運動技巧會明顯落後，如拍波，抛接波。這方面要找物理治療師訓練。可以搵私家介政府兒科，睇下政府會否安排職業或物理治療，另繼續排協康，其他機構都有服務，應唔駛排咁耐，但係我唔多熟，特殊版的家會較多資料。可先找職業治療訓練，我認為較重要。另可買書自己教個仔。

作者: 瑩瑩老豆 時間: 14-6-30 21:51

LittleBallBall 發表於 14-6-30 16:04
回覆瑩瑩老豆的帖子

想問下叫私家轉介政府, 係排咩既評估? 其實我有試過去健康院問, 佢話叫我自己睇私家 ...

我都唔知叫做乜評估, 總之我同私家講左阿囝唔講野問題, 佢就寫封信叫我fax 去大口環兒童醫院排期做評估.
到去做評估時除左語言, 另仲會做埋眼耳手腳(例如叫佢行路上落梯級)等都好全面.

可能我囝係語言問題才轉介去大口環, 而你只覺得佢腳肌有問題所以叫你去骨科.

作者: Hoining 時間: 14-7-5 21:10 標題: 回覆：ben.suki 的帖子

提示: 作者被禁止或刪除內容自動屏蔽

作者: ben.suki 時間: 14-7-5 23:12

知道,健康院提早7月9日約見再決定方法,見步行步,快d揾到解决方法,希望兒子盡快踏上正確路,多謝大家鼔勵

作者: chingchingma89 時間: 14-7-8 00:17 標題: 回覆：好擔心，老師話寫信叫小兒到健康院評估！！

你可要求普通科/兒科醫生替你寫轉介信到衞生署的CAC排期，約一個月左右，CAC會安排你和小朋友先見姑娘，見姑娘後的半年至九個月後，CAC會與你約見醫生做評估，你可根據評估結果和醫生建議排社署的服務。上述評估服務費用全免。

你又可到一些私家機構做綜合發展評估，有關評估如有心理學家認證，你可直接把有關評估報吿結果排社署服務。上述方法可縮短輪候評估的時間（約半年至九個月時間），惟評估費用約數千元不等。

作者: ben.suki 時間: 14-7-8 10:57

好清楚,很感謝妳

歡迎光臨教育王國 (/)