教育王國

標題: 入左港同小學（14／15），未必入港同書院？ [打印本頁]

作者: bosebb 時間: 14-6-22 11:27 標題: 入左港同小學（14／15），未必入港同書院？

阿仔今年9月就會入讀小一，於6月14日辦入學申請當天，好似聽到校長話將來未必一定入番港同書院！
係未我聽錯？誤會她的意思？港同不是一條龍嗎？
有冇人可以

作者: bosebb 時間: 14-6-22 16:16 標題: 回覆：入左港同小學（14／15），未必入港同書院？

有冇人可以幫手解答下？唔該。

作者: evaken 時間: 14-6-22 16:27 標題: 回覆：入左港同小學（14／15），未必入港同書院？

一條龍應該係必收的，除非學生中英數主科唔合格，咁升到上去都吃力。

作者: evaken 時間: 14-6-22 16:30 標題: 回覆：入左港同小學（14／15），未必入港同書院？

有些勁嘅考到SPCC丶男拔丶女拔等等，所以唔直升上去

作者: mimi1102 時間: 14-6-23 10:56

我想校長話"未必一定入番" 只係想漏條後路, 雖然話係一條龍, 但我覺得如果有人真係成績唔合格, 又或者操行唔合格, 冇理由可以比佢直升, 咁樣會影响書院的成績.

據我所知, 直升都要合乎基本條件, 就係中英數合格同操行合格...(有錯請指教)

作者: Charlotte_mom 時間: 14-6-24 11:06

港同同家長講, 或者老師向小朋友講, 官方講法都係要睇成績同操行ok

呢個要求, 我相信同平時升班要求差唔多, 如果係一直跟唔上, 班主任一早已經通知家長要跟進(唔係話俾壓力或者踢人出校, 咁小朋友真係跟唔上, 都要搵原因同想辦法架, 對嗎?), 唔會去到final exam突然發現差幾分跟住老師叫留班, 唔係咁架......學老師話齋, 升唔升到係睇學生係咪有合理進度, 係咪跟唔上

升中亦一樣, 我女果年只有一個學生, 係學校一早同家長已經傾好, 升出去會較適合; 我亦親眼見到有個成績較弱的同學, 每日(咁我見到一日姐, 每日係我女講返我知)放學後上教員室由老師親自教功課, 我好相信學校會盡力去幫學生, 我女亦係數學勁差的, keep住marginal合格, 長期"被推薦"入補底班, 我無懷疑過會升唔到中學呀, 佢而家都升s3了

歡迎光臨教育王國 (/)