教育王國

標題: 比小朋友學英數有無用呢? [打印本頁]

作者: skyking102 時間: 14-6-21 02:38 標題: 比小朋友學英數有無用呢?

小朋友讀大埔某公立學校既p.４(近八號花園果間), 本身都係精英班既, 學校都有用英文教常識。本身小朋友都有補習同學野果D, 校內外既都有喇, 咁其實都想佢遲下入番大埔區既英中果D。
但係好驚小朋友一時間好難適應全部轉哂英語學習，尤其數學科，因為呢Ｄ科真係唔明就唔明，如果唔適應用英文學習，真係好麻煩。

咁岩撞正早幾日去翠屏商場睇跌打見有英數班學，其實我都唔係好清楚外邊九龍港島既小學係咪一早已經有教英數，係既小朋友咪比人學慢左一拍！？
因為真係當小朋友係金菠蘿，好擔心佢既學業，所以個心就七上八落，諗緊比唔比小朋友學英數好。其實咁早學英數好唔好？

作者: chanmana 時間: 14-6-21 06:03 標題: 回覆：skyking102 的帖子

我地細過時都係小學讀中數，升英中學英數，我記得我用很少時間便適應，如你女係band one, 都很叻，要對佢有信心!

作者: tantanmama 時間: 14-6-21 11:37

你小朋友的英文如何? 如果英文夠勁, 唔洗擔心佢轉英數會唔識.

作者: momama 時間: 14-6-21 11:40 標題: 回覆：比小朋友學英數有無用呢

買本英數作業做囉

作者: momama 時間: 14-6-21 11:43 標題: 回覆：比小朋友學英數有無用呢

SFA係中教數，教完一個概念就做d英數練習，你可以用同一方法喺屋企搞掂，當然本身英文唔可以太差。

作者: skyking102 時間: 14-6-21 12:53

唔該哂各位，不過我都係去補習社攞多少少資料睇睇先

作者: 洋蔥頭媽咪 時間: 14-6-21 15:56 標題: 回覆：比小朋友學英數有無用呢

我小朋友學校學英文數學，但要佢做中文數佢會唔太明ｄ題目架，例如乜乜形，乜乜體果ｄ，用開英文用返中文比較難明，所以如果學校用開中就中，英就英，我覺得沒必要刻意用第二様題目去操練嘅。

作者: 王家爸爸 時間: 14-6-21 20:46

洋蔥頭媽咪發表於 14-6-21 15:56
我小朋友學校學英文數學，但要佢做中文數佢會唔太明ｄ題目架，例如乜乜形，乜乜體果ｄ，用開英文用返中文比 ...

做英數的原因是小學教中數，中學教英數，所以需要提前適應。

作者: 洋蔥頭媽咪 時間: 14-6-21 20:56 標題: 引用：Quote:洋蔥頭媽咪+發表於+14-6-21+15:56+我

原帖由 王家爸爸 於 14-06-21 發表
做英數的原因是小學教中數，中學教英數，所以需要提前適應。

就係怕佢小朋友在外補習做慣英數唔識睇番中數，始終佢學校係考中數。相反做開中數升中轉英數只要英文底子好其實唔難。

作者: 王家爸爸 時間: 14-6-21 21:09

洋蔥頭媽咪發表於 14-6-21 20:56
就係怕佢小朋友在外補習做慣英數唔識睇番中數，始終佢學校係考中數。相反做開中數升中轉英數只要英文底子好 ...

我認為最合適的做英數時機是小六期末考試後。

作者: 洋蔥頭媽咪 時間: 14-6-21 21:23 標題: 引用：Quote:洋蔥頭媽咪+發表於+14-6-21+20:56+就

原帖由 王家爸爸 於 14-06-21 發表
我認為最合適的做英數時機是小六期末考試後。

同意，因為早學不等如一定好，小朋友细反而好亂，又中又英難適應。

作者: longlokma 時間: 14-6-22 07:02 標題: 引用：Quote:洋蔥頭媽咪+發表於+14-6-21+20:56+就

原帖由 王家爸爸 於 14-06-21 發表
我認為最合適的做英數時機是小六期末考試後。

同意，我都認為咁最好！在小六升中的暑假做本英数暑期習作，好快熟哂！

作者: kennyklt 時間: 14-6-22 08:46 標題: 回覆：比小朋友學英數有無用呢?

數學係考concept，使用嘅語言係其次。而且數學用嘅英文都係simple English，理解題目唔會難過comphrension，答題唔會複雜過composition。只要把keywords由中轉英已經可以。其他人講得啱，把焦點放喺逞分試，之後先訓練英數都唔遲。

作者: 王家爸爸 時間: 14-6-22 09:00

longlokma 發表於 14-6-22 07:02
同意，我都認為咁最好！在小六升中的暑假做本英数暑期習作，好快熟哂！

...

我也就是上星期剛買，打算暑假給兒子做，相信好快就會熟哂！

作者: skyking102 時間: 14-6-22 13:43

kennyklt 發表於 14-6-22 08:46
數學係考concept，使用嘅語言係其次。而且數學用嘅英文都係simple English，理解題目唔會難過comphrension ...

係呀，我都明，所以最後都係幫小朋友報左個劍橋大學認可外籍老師教既英文班算，我尋日特登走去翠屏問佢有無咩證書證明，見佢個老師真係有哂證書，所以應該信得過既。

作者: birdbird 時間: 14-6-22 22:29 標題: 引用：Quote:洋蔥頭媽咪+發表於+14-6-21+15:56+我

原帖由 王家爸爸 於 14-06-21 發表
做英數的原因是小學教中數，中學教英數，所以需要提前適應。

其實在P.6 升F.1 個summer 買本英數做下就得。目的是學睇題目，識番d terms. F.1 的數深極有限

歡迎光臨教育王國 (/)