教育王國

標題: 想起小時侯... [打印本頁]

作者: littlebRenee 時間: 14-6-20 14:13 標題: 想起小時侯...

因為小女9月升K3, 要為佢選校, 從上年8/9月開始就不斷上黎EK爬下文, 留意下有咩學校岩亞女....一邊睇, 一邊就好擔心, E區又話地獄, 個區又話派到第2/3都要去扣...但其實最大既感覺係心痛 --點解HK既教育會變成咁?? 要一個得4/5歲既人仔學咁多野, 要成寸厚證書同獎狀, 父母又咁大壓力??四圍去扣, 不停去搵資料, 仲好似做到四圍去求人咁...

想起小時侯...都因為要搬屋, 亞媽同我考插班, 所謂"考"都只係去間唔太遠, 校風OK啦 (亞媽當時梗係冇做咩資料搜集呀咁...), 入去學務處攞張FORM, 填完交埋D上年成績, 係咁易比個主任望兩野, 問下你平時點做功課呀, 邊個教你呀咁, 邊洗而家架咁者, 又要考哩考路, 好似個樣生得平庸D都冇機會咁......
真係個世界進步左吖?? 定係要求高左?? 唔係好耐之前既事者 (我自己覺得啦...

)?? 點解我地既教育真係變左咁多?? 要D咁細既小朋友咁辛苦?

作者: Taloon 時間: 14-6-20 14:18

我又咁睇..

係現今父母緊張咗，同埋對未來感覺灰暗，覺得讀書唔成就毫無保障。

社會越功利，哩種情況越變嚴重。

作者: Jane1983 時間: 14-6-20 14:37

我係70年代生，當年入小一，屋企附近果間非名校，都要考入學試的，係考卷ga。不過父母就吾係咁緊張啫。

作者: Taloon 時間: 14-6-20 14:48

想當年做細仔既我，屋企附近既學校又係全部唔收，所以小一都要搭校車，到小二先插入最近屋企果間。

當年學校收生準則可能同現今差無幾，只係父母無咁緊張

作者: mawanppl 時間: 14-6-20 15:07

資訊發達左咁多, 已經唔可以直接比較.

作者: little_yolky 時間: 14-6-20 15:39

Taloon 發表於 14-6-20 14:48
想當年做細仔既我，屋企附近既學校又係全部唔收，所以小一都要搭校車，到小二先插入最近屋企果間。

當年學 ...

我就慘, 因為4歲搬咗屋, 咁家姐讀緊間學校好(即依家41網), 我就無端端要跨區坐校車返學。

作者: littlebRenee 時間: 14-6-20 15:44

唉..總之而家做家長就辛苦啦...

大家努力!

作者: lauwingtai 時間: 14-6-20 15:46 標題: 引用：因為小女9月升K3,+要為佢選校,+從上年8/9月

原帖由 littlebRenee 於 14-06-20 發表
因為小女9月升K3, 要為佢選校, 從上年8/9月開始就不斷上黎EK爬下文, 留意下有咩學校岩亞女....一邊睇, 一邊 ...

我又咁睇，都是internet惹的禍，舊時我住沙田，我阿媽連沙田有幾間小學都未知，而家有internet，全港大部分小學嘅升中率，多少功課，多少課外活動，面試考乜我都查到，家長有乜辦法唔爭？但internet有利有弊，時代變咗都冇辦法

作者: Jane1983 時間: 14-6-20 15:53

同埋社會富裕咗，個個都願意投放資源培養下一代，出名的學校多人報咗好多。

作者: Ryan_baba 時間: 14-6-20 15:55

回覆 littlebRenee 的帖子

個陣時，父母的學歷水平不高，對於子女學校的要求亦不高，但求有書讀就得。

作者: picture 時間: 14-6-20 15:59 標題: 回覆：想起小時侯...

因為現在E生、律c，如果冇父母$上的幫助都買唔起樓！

作者: tam_bb 時間: 14-6-20 16:23 標題: 回覆：想起小時侯...

資訊發達咗，好多資料好容易喺Internet、討論區得到。知多D，驚多D。所以現今嘅家長會比以前嘅家長緊張。

作者: xoshan1025 時間: 14-6-20 17:09

me too...我細個真係好求期...我媽媽唔識字....幼稚園老師話邊間適合...幾好校風好又近屋企....入到就讀囉...之後小學老師話邊間適合....又入囉!小學同中學都係第一志願...!成績唔係叻....但唔會學壞!唉....E家....真係為小朋友緊張...同擔心...仲辛苦過自己返學...

作者: MASAYA 時間: 14-6-20 17:54

乜而家個個爭報幼稚園爭入小學唔係因為贏在起跑線呢句宣傳語？

就好似而家乜都投訴既文化我覺得係因為劉德華句：今時今日咁既服務態度係唔得架

覺得一句宣傳語冇咁大影響力？以前打仗徵兵都係靠宣傳語要你去為國捐軀

作者: littlebRenee 時間: 14-6-20 18:48 標題: 回覆：xoshan1025 的帖子

我都覺得係，驚過以前自己會考！驚萬一有d咩錯失就影響個女以後條路

作者: littlebRenee 時間: 14-6-20 18:50 標題: 回覆：MASAYA 的帖子

又未至於咁跨掛？好多港媽都好理智，清楚自己要咩既

作者: socute 時間: 14-6-20 20:20 標題: 回覆：想起小時侯...

當年考小學有筆試。考聖心有一題問個波跌左入個坑用乜嘢執，我當時唔識揀左枝好長好長的鉗，出來問阿媽先知用水。你咪以為細路會不記得，我30年都仲記得小一入學試呀，童年陰影

作者: little_yolky 時間: 14-6-24 16:20

xoshan1025 發表於 14-6-20 17:09
me too...我細個真係好求期...我媽媽唔識字....幼稚園老師話邊間適合...幾好校風好又近屋企....入到就讀囉. ...

係, 以前家長好聽老師講, 好似我大家姐, 當年(佢依家都50幾了)係考升中試, 佢考到瑪利諾同協恩, 小學老師話協恩女仔斯文啲, 我哋家境唔好, 唔好去讀瑪利諾, 小朋友心裡會唔舒服, 咁都得, 所以家姐就去咗協恩。

作者: little_yolky 時間: 14-6-24 16:22

Ryan_baba 發表於 14-6-20 15:55
回覆 littlebRenee 的帖子

個陣時，父母的學歷水平不高，對於子女學校的要求亦不高，但求有書讀就得。 ...

都唔好講得阿爸阿媽咁求其。我哋以前係問下啲有細路讀緊既鄰居邊間好, 話果間夠嚴, 細路唔會學壞先去讀的, 阿爸阿媽仲拍住拖睇人哋放學求證啲細路係咪真係乖架。

作者: miutang 時間: 14-6-24 16:27 標題: 回覆：想起小時侯...

當年選校最近果間，最多是同區學校排先後，入到邊間就讀邊間。如果你今天可以這樣，也會少好多麻煩，問題係大家都喜歡自尋煩惱

作者: little_yolky 時間: 14-6-24 16:30

Ryan_baba 好盡責的父母! like 發表於 23 秒前

因為阿媽好想讀書但無機會, 所以好想啲仔女讀多啲書, 係啲衰女唔生性, 唔聽阿媽講啫。

作者: sweethoho 時間: 14-6-25 14:16 標題: 回覆：想起小時侯...

記得我考了三間小學, 全都要筆試, 都幾頁纸架!

作者: momama 時間: 14-6-25 14:43 標題: 回覆：想起小時侯...

小時SRL幼稚園只有高低班，阿媽話要先去九龍塘幼稚園讀一年幼兒班（即KTS嘅幼稚園，唔知仲喺唔喺度）先夠料考入SRL，跟住上小學、中學。所以我阿媽有做嘢㗎，仲係有半龍嘅意識

作者: littlebRenee 時間: 14-6-25 15:55

我其實都係想講下以前我地小時候既世界簡單好多, 冇咁大競爭. 相對見到而家D小朋友(同家長)咁大壓力, 真係好辛苦

作者: Gary_family 時間: 14-6-25 16:24 標題: 引用：因為小女9月升K3,+要為佢選校,+從上年8/9月

提示: 作者被禁止或刪除內容自動屏蔽

作者: 5tgb 時間: 14-6-25 16:48

回覆 littlebRenee 的帖子

香港教育根本無變到，變的是個別家長。現時很多家長，都是自行選附近小學，有書讀就算架！要選名校，讀雞精、面試班，政府無甘要求架！上教育局網頁，有無教你小一選校前，要讀D也課程，學D也體藝呢？全部都是個別家長自已選的路。自已選得這條路，無理由唔知條路要點行啦！唔好醜化個派位制度，然後以受害人身份自居至得架！

作者: xoshan1025 時間: 14-6-25 17:02

littlebRenee 發表於 14-6-20 18:48
我都覺得係，驚過以前自己會考！驚萬一有d咩錯失就影響個女以後條路

...

影響到到個囡....真係內疚一世!!

作者: xoshan1025 時間: 14-6-25 17:08

little_yolky 發表於 14-6-24 16:20
係, 以前家長好聽老師講, 好似我大家姐, 當年(佢依家都50幾了)係考升中試, 佢考到瑪利諾同協恩, 小學老師話 ...

我都家境唔好..我媽咪獨力揾錢湊大我同細佬....細個O個瑪利諾都幾勢利嫁...

程序相當簡單...E家邊有以前咁...
一陣又profoilo....又叩門....又興趣班...我以前既興趣班真係興趣....

作者: 爸爸愛您 時間: 14-6-25 17:22 標題: 回覆：想起小時侯...

無辦法，時代變左，每樣野嘅要求都高左喇

作者: ngokwan 時間: 14-6-25 17:28 標題: 引用：回覆+littlebRenee+的帖子香港教育根本無

原帖由 5tgb 於 14-06-25 發表
回覆 littlebRenee 的帖子

香港教育根本無變到，變的是個別家長。現時很多家長，都是自行選附近小學，有書 ...

派位制度又真係同我細過的時候,就近入學。
阿媽話派到邊間就讀邊間囉。
現在D父母不滿意被派三四寶，以前D父母則冇所謂。

作者: NT-1 時間: 14-6-25 19:59 標題: 回覆：xoshan1025 的帖子

我是70 年代的人，父母都是從內地偷渡來港生活。他們讀書少，祗能靠勞力糊囗。姐姐原是讀區内有名小學，後因程度追不上而轉校。為方便照顧，我們三兄妹也陸逐跟隨入校。當年小學位處徙置區，個個同學仔都無皇管自由發展，掛住耍樂，唔會温書做功課。我细個科科滿江紅，突然到小五叮一聲明白讀書緊要先開始學温習。到後來出國讀書遇到讀同系的香港人全是名校生，底子好，英文又talk 得，幾悔恨自己細個唔珍惜讀書機會，搞到追英文追到CC 吓

作者: little_yolky 時間: 14-6-26 10:37

NT-1 發表於 14-6-25 19:59
我是70 年代的人，父母都是從內地偷渡來港生活。他們讀書少，祗能靠勞力糊囗。姐姐原是讀區内有名小學，後 ...

你紅個考試滿江紅, 阿媽無同你唱《滿江紅》嗎：怒髮衝冠憑欄處。。。。。大家姐話, 有一次唔知默書定測驗唔合格, 俾阿爸一巴掌打到飛咗出門口。

作者: Cello093 時間: 14-6-26 12:15

little_yolky 發表於 14-6-24 16:20
......好似我大家姐, 當年(佢依家都50幾了)係考升中試, 佢考到瑪利諾同協恩 ...

當年升中試考到好成績都只派一間學校俾你，點會有瑪利諾同協恩都考到?

係咪填第一志願時抉擇咋?

歡迎光臨教育王國 (/)