教育王國
標題: 暑假何須太充實 hea過又如何 [打印本頁]
作者: 小時了了 時間: 14-6-20 09:54 標題: 暑假何須太充實 hea過又如何
暑假何須太充實 hea過又如何
撰文:沈帥青
欄名:港是港非
報紙: 香港經濟日報
日期: 2014年6月20日
http://www.hket.com/eti/article/ ... 197277?ref=facebook
暑假將至，家長比孩子還緊張，忙於盤算將子女不用上學的時間排得密麻麻。不過，誰說暑假過得充實才是好？家長怕孩子太hea是荒廢光陰，但閒着無事，也可以是成長一部分。
33%家長 擬安排3至4項活動
學校暑假悠悠長，兩個月假期，孩子未必有得hea。上月便有調查指，本港小學生家長就孩子的暑假安排早有打算，33%受訪家長擬為子女報讀3至4個暑期活動，平均預算金額近5,000元，約25%家長準備花費逾8,000元為子女報暑期班。調查機構又指，有6歲小女孩平常已經參加6項課外活動，在暑假其家長準備為她多報3項暑期活動，令小女孩有吃不消的感覺。
暑假本來應該讓孩子放假唞一唞，但現代父母有時間有金錢，對子女的暑假變得緊張，惟恐子女太hea等如白過了假期，忙於替其報讀各類活動，各大社區中心及興趣班的暑假課程，「手快有手慢無」，孩子一個暑假上5、6個興趣班是等閒事，暑假隨時忙過返學。
暑假是否一定要過得充實？美國兒童聯盟創辦人阿爾蒙（Joan Almon）曾於《紐約時報》撰文，稱小孩子的暑假都充斥着各種大人安排的活動，就算是夏令營的行程，也全由大人策劃，情況令人不樂見。
提升創意 「空白暑假」惹熱議
近日也有一篇網誌《2014，孩子的空白暑假》在網上有不少分享，撰文者是台灣師範大學的講師，本身也是母親，她指周遭不少人建議她，要為兒子安排緊湊又忙碌的暑假，如兩個月都去補習、參加英文夏令營等，但她卻決定，給孩子一個不補習、不參加課外活動的暑假。
她提到，孩子是要一個「空白的暑假」，空白不是甚麼都不做，而是讓孩子可以做自己的事。
不少專家曾談及「留白」的好處，她引述日本腦科學家茂木健一郎在其著作《感動腦》的說法，給孩子一些空白時間，才能激發內心的創造力。
若人無時無刻只想着讀書、工作，腦內滿是煩惱，就算面前有美好事物，也不會有情感觸動。不少好的想法，都是因為心裏有空白才可以產生。
其實，不少家長要花費大量金錢、心力為孩子安排活動，是怕孩子無事可做，認為是愛錫表現，又擔心暑假這麼長時間，孩子會把所學知識忘掉大半，令學業退步，故此在暑假期間補習、多上興趣班，讓孩子一直繼續學習。
不過《The Over-Scheduled Child》作者、美國學者羅森菲爾德（Alvin Rosenfeld）就曾指，給孩子保留足夠的空白時間，反而令他們有空間及機會找到及發展個人興趣。
「輕鬆看書 效果如上學習班」
閒著無事的時間，也是成長的一部分。悠長假期太hea，確實會令學童把部分所學到的知識「交回」給老師，即是被稱為暑假學習流失（Summer Learning Loss）現象，研究指學生在暑假後的數學水平，平均倒退兩個月，但要減少學習流失，卻不一定要填滿時間表。
美國田納西大學便有研究指，孩子若在暑假期間看12本書，效果已等同參加暑假學習班，若然如此的話，在暑假多帶孩子到圖書館，讓他們看自己有興趣的書本，豈不更好嗎？
現今孩子自由玩樂時間已較過往年代的小孩少得多。成年人整年忙於工作，也要放大假休息、去旅行充電，更何況是年幼孩子？讓小小的腦袋，多一點留白空間吧。
作者: 小時了了 時間: 14-6-20 10:02
本帖最後由 小時了了 於 14-6-20 10:03 編輯
知易行難. 父母心理關口是擔心仔囡無暑期活動的話, 仔囡係暑假只顧打機, 睇電視又或者玩手機, 浪費時間, 浪費青春!!!!!
Balance of life is important but difficult!
作者: little_yolky 時間: 14-6-20 10:37
小時了了 發表於 14-6-20 10:02 
知易行難. 父母心理關口是擔心仔囡無暑期活動的話, 仔囡係暑假只顧打機, 睇電視又或者玩手機, 浪費時間, 浪 ...
平日我囡囡已有3項興趣班, 暑假我加多2樣, 其中一樣係學游水, 一星期兩堂, 好似多咗2樣咁。星期二、四、五、六都有嘢做, 星期六仲係由朝早10:45至下午3:30。都幾辛苦。整咗個時間表俾佢, 每日上午練琴、睇中英文書、寫作, 下午free time, 每日黃昏可睇半個鐘sophia公主電視(返學時無得睇電視), 佢都開心到暈咗。
可能我都太變態了, 但樣樣興趣班都咁好, 都唔知cut得邊樣。
作者: natnatbaby 時間: 14-6-20 10:44 標題: 回覆：暑假何須太充實 hea過又如何
囡囡試後返半日中，天天打給我幾次叫悶，吾知做咩好……叫她看書又話吾好……叫她寫下野，只寫一下……。一到四時說要看電視至我回家。若暑假不參加暑期班，我就更頭痛。
作者: mimi1102 時間: 14-6-20 13:16
我自己細個時, 就係過著空白暑假, 但係回憶中, 空白暑假係超悶的, 被迫睇唔想睇的卡通片, 咁啱隔離有憐居同你玩下都好, 如果冇, 就真係得個悶字, 未到八月, 已經超想快D 開學...
作者: pooh仔 時間: 14-6-20 14:38 標題: 回覆：mimi1102 的帖子
對。 返學想放假，放得耐又想快啲返學。 以前兄弟姐妹多又有鄰居陪玩，好充實， 但不見有創意。
作者: pooh仔 時間: 14-6-20 14:40 標題: 引用：囡囡試後返半日中，天天打給我幾次叫悶，吾
原帖由 natnatbaby 於 14-06-20 發表
囡囡試後返半日中，天天打給我幾次叫悶，吾知做咩好……叫她看書又話吾好……叫她寫下野，只寫一下……。一 ...
， 一喺睇電視冇停， 對放我哋working mum 好難做到讓小孩留白。
作者: 小時了了 時間: 14-6-20 15:02
本帖最後由 小時了了 於 14-6-20 15:05 編輯
little_yolky 發表於 14-6-20 10:37
係, 同我啱啱學游水一樣, 道理係明白的, 但就係做唔到。
平日我囡囡已有3項興趣班, 暑假我加多2樣, 其中一 ...
我 5月時係社區中心報暑期活動, 都係參觀海關及水警基地, 整蛋糕及煮野食之類, 我覺得係玩, 其餘時間可以講係"留白"了, "留白"- 佢係爺爺屋企睇電視, 又或者嗲老人家帶佢去麥記食雪榚薯條無益食物
作者: Jane1983 時間: 14-6-20 15:11
我想小朋友過暑假過得開心，太hea會悶，太多嘢會辛苦。而家度來度去，又要就外出旅行，又要就番上開請假無得補的恆常班，頭都大！
學術班吾會上，但會每日少少時間看看書，做吓正經嘢。
作者: 已刪除用戶 時間: 14-6-20 15:14
我仔只報左晝班,小領袖班,1 日外出活動班，
再７月，８月全家外遊，
其他都係空閒時間。
作者: little_yolky 時間: 14-6-20 15:16
mimi1102 發表於 14-6-20 13:16
我自己細個時, 就係過著空白暑假, 但係回憶中, 空白暑假係超悶的, 被迫睇唔想睇的卡通片, 咁啱隔離有憐居同 ...
我細時的個半月, 首先用兩個禮拜做晒暑期作業(當然一邊hea一邊做), 然後執舊書去丟, 再包新書(用包書膠, 唔係好似依家用書套), 跟住, 用兩個禮拜讀晒新學年所有課程, 餘下個零禮拜就準備新學期既嘢, 好充實。
作者: 小時了了 時間: 14-6-20 15:29
本帖最後由 小時了了 於 14-6-20 15:30 編輯
Jane1983 發表於 14-6-20 15:11
我想小朋友過暑假過得開心，太hea會悶，太多嘢會辛苦。而家度來度去，又要就外出旅行，又要就番上開請假無 ...
"正經野", 我目標希望阿囡同我一齊可以完成背誦我選擇範圍的 "三字經"及其白話文解釋 (唔背誦全部, 太多了, 係我能力不隸 
)(之前農曆新年及復活節兩個長假期才開始背)
作者: Jane1983 時間: 14-6-20 15:45
本帖最後由 Jane1983 於 14-6-21 17:19 編輯
回覆 小時了了 的帖子
讀吓好，背就睇佢興趣，鍾意又無妨。
但看中英文書，就希望日日都做到。
作者: irischowys 時間: 14-6-20 23:16 標題: 回覆：暑假何須太充實 hea過又如何
上年暑假，我教個女補爛衫，縫補鈕扣， 去超級市場一起買餸煮飯，佢好開心。 今年考試後，我教佢整啫喱，踩單車，現在學緊彈frozen啲歌，佢想自彈自唱。 我很喜歡在暑假學些實用的東西，如今年會教佢去邊度交水電費，在銀行怎存款及提款，開GmaiI比佢，煮公仔麫等......
作者: 小時了了 時間: 14-6-21 00:29
本帖最後由 小時了了 於 14-6-21 00:39 編輯
irischowys 發表於 14-6-20 23:16
上年暑假，我教個女補爛衫，縫補鈕扣， 去超級市場一起買餸煮飯，佢好開心。 今年考試後，我教佢整啫喱，踩 ...
呢個帖應改為：集思廣益如何放暑假？
您的"實用的東西"都好好，您令我想起以前我上司有帶佢初中嘅仔到區域法院旁聽，等小朋友見識真實法庭的案例，例如店舖盜竊，亂過馬路，海關充公貨物等輕微罪案，等佢地警惕下要做好市民。我要問問小學生可否入法庭旁聽先，我都想帶阿囡去區域法院聽下，學下野，見識下。
作者: zeno1213 時間: 14-6-21 10:05
細路係屋企一定悶爆左, 番社區中心或去暑期托管, 一定開心過係屋企HEA, 佢地可以同朋友仔玩, 我地番工既又放心, 又唔洗搵老人家睇自己個仔, 老人家悶時阿仔仲悶, 點解要係屋企HEA, 搵邊個同佢HEA?? 我仔去開托管, 都好開心..!!
作者: Olympian 時間: 14-6-21 16:11 標題: 回覆：zeno1213 的帖子
讚成，係留白，唔係空白。
作者: wwsugar 時間: 14-6-21 20:20
我係全職媽咪，打算幫他約多點play dates 又玩又學！唔係就好寂寞。
作者: 王家爸爸 時間: 14-6-21 21:24
Olympian 發表於 14-6-21 16:11
讚成，係留白，唔係空白。
作者: S-Kwok 時間: 14-6-21 21:43 標題: 引用：Quote:Olympian+發表於+14-6-21+16:11+讚成
原帖由 王家爸爸 於 14-06-21 發表
也可以考慮去社區中心做義工，過一個有意義的暑假。
作者: S-Kwok 時間: 14-6-21 21:44 標題: 引用：我係全職媽咪，打算幫他約多點play+dates+
原帖由 wwsugar 於 14-06-21 發表
我係全職媽咪，打算幫他約多點play dates 又玩又學！唔係就好寂寞。
作者: iluvchun 時間: 14-6-21 22:21 標題: 回覆：暑假何須太充實 hea過又如何
我囡係獨女，成日叫悶，親戚又住得遠，所以暑假安排了一星期五日興趣班和英文班，有些日子要一日走兩場。報名前要考慮地點、學費和時間，其實家長都好難控制
作者: hadwinboy 時間: 14-6-21 22:50 標題: 引用：我囡係獨女，成日叫悶，親戚又住得遠，所以
原帖由 iluvchun 於 14-06-21 發表
我囡係獨女，成日叫悶，親戚又住得遠，所以暑假安排了一星期五日興趣班和英文班，有些日子要一日走兩場。報 ...
作者: cherrieshum 時間: 14-6-22 09:06 標題: 回覆：暑假何須太充實 hea過又如何
我覺得充實很重要，子女有寄託，我又可以鬆一鬆! 所以已一早安排了暑假活動! 惟一缺點就是用很多錢，兩個小孩差不多花費一萬元
作者: little_yolky 時間: 14-6-23 13:24
hadwinboy 發表於 14-6-21 22:50
我個仔的情況差不多。上星期考完試只返了兩日學，有一曰水運會，另外兩天一早起身佢已經問我他有什麼可做。 ...
7:30-8:00 吃早餐
8:00-9:00 看中文書
9:00-10:00 練琴
10:00-11:00 看英文書
11:00-12:00 寫作練習
12:00-12:30 吃午飯
12:30-1:00 break
1:00-2:00 做練習/暑期作業
2:00-6:00 自由活動 (畫畫/圖工/拉筋/練功架/玩玩具/發夢......等等)
6:00-6:30 吃晚飯
6:30-7:00 TV
7:00-8:00 英文audio book / 普通話電視
8:00-9:00 沖涼/刷牙
9:00-9:30 故事時間
9:30 睡覺
以上係囡囡暑假time table, 囡囡話：點解free time咁少既？
作者: hadwinboy 時間: 14-6-23 15:01 標題: 引用：Quote:hadwinboy+發表於+14-6-21+22:50+我
原帖由 little_yolky 於 14-06-23 發表
7:00-7:30 起床、梳洗
7:30-8:00 吃早餐
8:00-9:00 看中文書
作者: little_yolky 時間: 14-6-23 15:04
hadwinboy 發表於 14-6-23 15:01
暑假都要有時間表做人
作者: hadwinboy 時間: 14-6-23 18:48 標題: 引用：Quote:hadwinboy+發表於+14-6-23+15:01+暑
原帖由 little_yolky 於 14-06-23 發表
無時間表, 佢可以同你畫畫畫足一個暑假。
作者: dabi34 時間: 14-7-1 19:44 標題: 回覆：暑假何須太充實 hea過又如何
現今孩子自由玩樂時間已較過往年代的小孩少得多。成年人整年忙於工作，也要放大假休息、去旅行充電，更何況是年幼孩子？讓小小的腦袋，多一點留白空間吧。
| 歡迎光臨 教育王國 (/) |
Powered by Discuz! X1.5 |