教育王國

標題: 鄉局圖復辦學校　校董流會真掃興 [打印本頁]

作者: elbar 時間: 14-6-20 09:18 標題: 鄉局圖復辦學校　校董流會真掃興

本帖最後由 elbar 於 14-6-20 09:19 編輯

依家新界鄉議局有兩間中學，一間位於元朗區，另一間就喺大埔區，至於以前位於大嶼山梅窩嘅南約區中學早前因為殺校，局方就將土地交還教育局，但最近佢哋又想攞番塊地嚟重開學校。鄉議局日前開執委會就傾到復辦學校嘅事，期間竟然爆出大埔區中學校董會最近五次召開校董會會議，都因出席人數不達合法人數而流會。

就嚟就去都撞公務

嘩！連現有學校開會都搞唔掂，仲邊有說服力叫政府畀番塊地佢哋去復校呀？睇嚟主席劉皇發都要發吓功，叫班校董聽話開會先得嘞！

鄉議局轄下教育、文康及宣傳委員會就話，校董會會議出席情況唔好，效果亦唔係太好，所以希望各校董若未能出席會議的話，就應該請假喎。吓，原來缺席不特止，仲連假都唔請呀？有關成員就呼籲各位校董務必出席今個月底嘅校董會會議喎。

但有執委就話，呢個係溝通上不足所致，而且因為學校方面訂定開會日期同時間選擇不足，搞到大家每次去開會都好辛苦，啲時間就嚟就去都同其他公務相撞，又有執委話因為學校校長轉得太快喇，所以大家都好難適應喎。

作者: Cheeselover 時間: 14-6-21 06:45 標題: 回覆：鄉局圖復辦學校　校董流會真掃興

我即時聯想校董會內的校董像不像竊3中陸家四兄弟，他們忙於囤地，搞丁權，那有時間開會。加上搞學校有什麼用？俾自己人讀書？他們將來唔使做有屋收租，讀書有什麼用？所以搞學校，為社會，真搞笑。

作者: ANChan59 時間: 14-6-21 07:57 標題: 引用：我即時聯想校董會內的校董像不像竊3中陸家

原帖由 Cheeselover 於 14-06-21 發表
我即時聯想校董會內的校董像不像竊3中陸家四兄弟，他們忙於囤地，搞丁權，那有時間開會。加上搞學校有什麼 ...

何能為雙非學童？

作者: Cheeselover 時間: 14-6-21 13:23 標題: 回覆：鄉局圖復辦學校　校董流會真掃興

真係想唔出乜嘢誘因去為雙非兒童，多數原居民都緊張自己利益，最想係有人收地賠他們一大筆。

作者: ANChan59 時間: 14-6-21 14:07 標題: 引用：真係想唔出乜嘢誘因去為雙非兒童，多數原居

原帖由 Cheeselover 於 14-06-21 發表
真係想唔出乜嘢誘因去為雙非兒童，多數原居民都緊張自己利益，最想係有人收地賠他們一大筆。

...

可能你估計較正確！

歡迎光臨教育王國 (/)