教育王國

標題: 苦惱...執筆問題...(有圖) [打印本頁]

作者: IwanBB 時間: 14-6-18 16:42 標題: 苦惱...執筆問題...(有圖)

女女就快4歲, e+讀k1, 大半年前, 我發現佢拎筆時手腕會舉起唔貼枱面, 好似寫毛筆咁, 同埋手指拎筆姿勢唔岩, 當時已經立即同老師講, 但老師覺得無問題.

之後我特登俾2b粗三角鉛筆俾女女用, 每一次功課, 我都睇得好緊, 後來拎筆手指姿勢好左, 但手腕依然會舉起唔貼枱面, 線條好震, 易出界, 而且油顏色時大力, 容易手倦. 有時右手倦, 會換左手.

我已經時時俾女女元泥膠, 穿朱仔, 蓋印仔, 扭樽蓋, 執豆....希望手仔肌肉好d... 但...無起色

其實我有少少懷疑女女係左手, 因最初係自己用左手先, 但n1時老師一直教佢右手拎湯匙&筆, 整整下習慣用右手

見到好心痛, 老師又唔認為有問題...

希望各位bk媽咪可以指教下我. 萬分感激!!!!

作者: 琪寶 時間: 14-6-19 13:22 標題: 回覆：苦惱...執筆問題...(有圖)

我女又係咁執筆，寫字好細力，線條又震，佢而家開始上職業治療，暫時未見有大改善，我會再同OT講下，睇下有冇針對性的方法

作者: raff 時間: 14-6-19 13:44

我囡K1執筆畫線都唔好,最近見職業治療師,做左評估,再做職業治療,有好大進步.

你囡雖然同我女情況唔同, 但我想一定係手唔夠力. 你睇下會唔會帶佢睇職業治療師. 佢地專業D,可以好快睇到點TRAIN邊組肌肉

我女之前都有左撇子傾向,但因職業治療師覺得佢右手唔太差,會谷右手, 但佢話有D CASE要用番左手

作者: DollyCC 時間: 14-6-19 14:12 標題: 回覆：IwanBB 的帖子

我仔左手，我完全唔知點教佢揸筆，佢仲係拳頭揸

作者: IwanBB 時間: 14-6-19 15:35

raff 發表於 14-6-19 13:44
我囡K1執筆畫線都唔好,最近見職業治療師,做左評估,再做職業治療,有好大進步.

你囡雖然同我女情況唔同, ...

raff,

見到你女女有進步, 我都為你開心!!^^

請問可以提供職業治療師資料和價錢嗎? THX....!!!!

作者: IwanBB 時間: 14-6-19 15:37

琪寶發表於 14-6-19 13:22
我女又係咁執筆，寫字好細力，線條又震，佢而家開始上職業治療，暫時未見有大改善，我會再同OT講下，睇下有 ...

琪寶,

你女女幾歲? 相信一定會進步, 加油!!!

作者: IwanBB 時間: 14-6-19 15:43

回覆 DollyCC 的帖子

老師有無同你傾過囝囝既問題?

作者: yicbc 時間: 14-6-19 16:15

我仔都係吊手腕寫字, 你買支6B筆比佢, 等佢D字深色D, 有成功感先.
跟住佢寫字時你試下用你手輕按佢手腕, 等佢手腕貼枱, 按得一排, 就轉用口提佢.

作者: IwanBB 時間: 14-6-19 17:09

回覆 yicbc 的帖子

試左大半年, 用手輕輕按住佢手仔一下或者一陣, 亦有講要手仔要貼枱, 但無改善

作者: raff 時間: 14-6-19 18:38

回覆 IwanBB 的帖子

我住元朗，所以排番元朗協康的治療師。我建議搵你附近機構，.將來要訓練最好近d.佢地評估每50分鐘720元。大家一齊努力，加油

作者: 琪寶 時間: 14-6-20 08:02 標題: 引用：Quote:琪寶+發表於+14-6-19+13:22+我女又係

原帖由 IwanBB 於 14-06-19 發表
琪寶,

我女同你女差不多，都是快4歲

作者: kennyrita 時間: 14-6-20 09:37

回覆 IwanBB 的帖子

我囡又係4歲多, 佢一係用手碗內彎寫字, 個手臂唔會郁, 所以佢寫線條唔好, 手碗會累及痛, 講極都係咁

作者: IwanBB 時間: 14-6-20 10:43

原來有咁多媽咪受執筆問題困擾...希望我地既小朋友都能進步...

9月女女k2開始日日要做寫字功課, 又要理個小六呈分哥哥, 希望我應付到啦...

作者: 琪寶 時間: 14-6-21 09:15 標題: 回覆：IwanBB 的帖子

問左OT, 佢話我女係因為唔識運用手碗的力，錯用手臂的力寫字，所以會吊起隻手來寫。她建議要多玩要運用手碗力的遊戲，例如好像做掌上壓的posture向前爬，鍛鍊手碗力

作者: raff 時間: 14-6-21 11:41

回覆琪寶的帖子

ot都要阿囡做呢個動作

作者: yicbc 時間: 14-7-8 09:56

IwanBB 發表於 14-6-19 17:09
回覆 yicbc 的帖子

試左大半年, 用手輕輕按住佢手仔一下或者一陣, 亦有講要手仔要貼枱, 但無改善:thinking ...

要長期作戰, 起碼一年!

歡迎光臨教育王國 (/)