教育王國

標題: 運動叻、入心儀中學机會大增? [打印本頁]

作者: Sky2002    時間: 14-6-18 12:28     標題: 運動叻、入心儀中學机會大增?

音樂、視藝、畫畫都可列入科目(閒科]、成績好能争分數、但何以運動体育好又吾得?諷剌係各名校都以此作收生基礎、一個成绩A的學生、未必夠成绩B+体育A嘅爭位!

作者: simonkawah    時間: 14-6-18 12:52

體育成績A再加公開比賽獎項就會.
作者: Sky2002    時間: 14-6-18 13:34

甘點解吾跟藝術等科一樣、可在呈分及成绩表上加分?藝術各科、比体育重要?

作者: Horsebbj    時間: 14-6-18 13:45     標題: 回覆:Sky2002 的帖子

點解? 因為公開賽多是和體育, 音樂有關, 學校都需要有相關同學幫學校攞獎, 現實世界就是這樣




作者: Yanamami    時間: 14-6-18 13:51

讀書一定要有番禁上下叻先好用特異功能幫補下~~~唔喺俾你入到去讀唔掂,俾人勸退就好無癮(單靠特異功能入,自己呃自己呀~)。
作者: 王家爸爸    時間: 14-6-18 13:53

Yanamami 發表於 14-6-18 13:51
讀書一定要有番禁上下叻先好用特異功能幫補下~~~唔喺俾你入到去讀唔掂,俾人勸退就好無癮(單靠特異功能入 ...
最怕變成攞獎機器。
作者: NeoMom    時間: 14-6-18 13:54

我反而唔係好明點解呈分要包視藝同音樂。至於名校收的體育健將, 佢地只收最TOP果幾個而已, 睇是睇公開賽成績而唔係體育科成績



作者: maypa    時間: 14-6-18 14:14

在歐美才會重視體育, 因為歐美的理念是人的一生有強健體魄很重要, 但香港普遍只重視學科分數, 毫不重視體育


作者: Horsebbj    時間: 14-6-18 14:18     標題: 引用:讀書一定要有番禁上下叻先好用特異功能幫補

原帖由 Yanamami 於 14-06-18 發表
讀書一定要有番禁上下叻先好用特異功能幫補下~~~唔喺俾你入到去讀唔掂,俾人勸退就好無癮(單靠特異功能入 ...
無奈是每年都有家長樂此不疲




作者: 黃巴士    時間: 14-6-18 14:36

會否是因為平等機會?? 有些小朋友先天身體情況唔太好.....

作者: 小木偶媽咪    時間: 14-6-18 16:27     標題: 回覆:運動叻、入心儀中學机會大增?

我有個朋友,佢仔考全級5x,運動學界冠軍。
係DBS第一批約見學生,另外有兩間津校體育老師主動聯絡,話只要佢去,即收。

另一個囡囡同學,田徑勁,早係大家直資入表申請的時候,已事先張揚HYS,GHS,任佢選。
最終當然入左其中一間。




作者: Yanamami    時間: 14-6-18 16:39

本帖最後由 Yanamami 於 14-6-18 16:40 編輯
小木偶媽咪 發表於 14-6-18 16:27
我有個朋友,佢仔考全級5x,運動學界冠軍。
係DBS第一批約見學生,另外有兩間津校體育老師主動聯絡,話只要 ...

呢d例子多的是。我同學個女,羽毛球叻叻入GH,讀完F1,媽咪同我講班主任問她有無考慮轉校。要知道入左去喺故事既開始,唔喺入左就一了百了。
作者: 木子    時間: 14-6-18 16:59

小木偶媽咪 發表於 14-6-18 16:27
我有個朋友,佢仔考全級5x,運動學界冠軍。
係DBS第一批約見學生,另外有兩間津校體育老師主動聯絡,話只要 ...

我們學校也有一位, 直資收咗, 原本成績都好好
但直資收咗後就....懈怠....六上默分呀都只有三十多分

作者: Sky2002    時間: 14-6-18 17:05

吾好一概而論、有机會入咗去、事後補底狂追、畢业時、運動及學业同樣優異、我身边最少有两個列子、看見佢地、好有毅力!入名校、只是學習氣氛及設施幫到力、主要都係靠自己小朋友!
作者: rubycourt    時間: 14-6-18 17:37     標題: 引用:+本帖最後由+Yanamami+於+14-6-18+16:40+編

原帖由 Yanamami 於 14-06-18 發表
本帖最後由 Yanamami 於 14-6-18 16:40 編輯
我也有認識的,特異功能入咗傳統名校,因經常要練習,根本無時間花在學業上,最後個家長自己決定轉校。




作者: ha8mo    時間: 14-6-18 19:04

提示: 作者被禁止或刪除 內容自動屏蔽
作者: austism    時間: 14-6-18 19:58     標題: 回覆:運動叻、入心儀中學机會大增?

我朋友個仔,某運動取全港亞軍,港青,DBS, SPCC, LS大約11月邀請佢小朋友下年九月入學,學費全免。

要靠運動,要好Top, 佢仔一星期,要六天操練,好誇張,唔係人人頂得順,所以好欣賞佢




作者: 701003    時間: 14-6-18 20:50     標題: 引用:讀書一定要有番禁上下叻先好用特異功能幫補

原帖由 Yanamami 於 14-06-18 發表
讀書一定要有番禁上下叻先好用特異功能幫補下~~~唔喺俾你入到去讀唔掂,俾人勸退就好無癮(單靠特異功能入 ...
唔怕!只要操練勤奮,keep住拎大獎,學校會幫你操pass paper,考試成績也可以操出來!




作者: Anniemun    時間: 14-6-18 23:03

本帖最後由 Anniemun 於 14-6-19 08:26 編輯
rubycourt 發表於 1-6-1 17:37
我也有認識的,特異功能入咗傳統名校,因經常要練習,根本無時間花在學業上,最後個家長自己決定轉校。



  ...

識人因家長知仔女成績沒法操上,但又心繫名校,顧係咁谷運動,一星期操五天,運動就操到好勁,成績就平平,最終入到名校,是好是壞,都是個人選擇,日後承擔番責任囉。
作者: hong2002    時間: 14-6-19 08:25     標題: 回覆:Anniemun 的帖子

其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推薦打全港赛,過程係漫長即同埋好被動,選唔選到好難講,唔係話比錢就可出賽…………好少話係知道讀唔掂書先去操運動,其實亞囝話操波辛苦過讀書!




作者: ANChan59    時間: 14-6-19 08:55     標題: 引用:其實好多時係順住個勢!例如初小玩開某項運

原帖由 hong2002 於 14-06-19 發表
其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推 ...
你講出實情,家長們不要本未倒置!




作者: fion6406    時間: 14-6-19 09:26     標題: 引用:其實好多時係順住個勢!例如初小玩開某項運

原帖由 hong2002 於 14-06-19 發表
其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推 ...
我都覺得谷個無運動天份的仔女出到見得人的比賽成績,與谷個無讀書天份的仔女出到Band 1 成績等大抽獎,兩者比較,前者難上十倍。




作者: fionakong2008    時間: 14-6-19 09:43     標題: 引用:Quote:原帖由+hong2002+於+14-06-19+發表其

原帖由 fion6406 於 14-06-19 發表
我都覺得谷個無運動天份的仔女出到見得人的比賽成績,與谷個無讀書天份的仔女出到Band 1 成績等大抽獎,兩 ...
同意,嗰種能耐,大人也未必做到。同埋家長留意,要全港頭幾名至八名內會好啲,好多就算攞咗區冠係無用㗎!




作者: Glau    時間: 14-6-19 10:01

有D細路真係好有鬥心, 但好多時都係家長意願, 陪打波, 陪游水....(監場).
作者: Anniemun    時間: 14-6-19 13:14

本帖最後由 Anniemun 於 14-6-19 13:15 編輯
hong2002 發表於 14-6-19 08:25
其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推 ...

只係回應吓樓主說運動叻,入心儀學校的機會, 我講嗰個係真人真事, 成績於小學補極都係B2尾, 靠運動叻入係OK, 但成績也不容忽視, 始終再讀上去, 考DSE 係睇成績。

作者: Band5    時間: 14-6-19 13:21     標題: 回覆:運動叻、入心儀中學机會大增?

以全港計,能夠以運動成績入到名校嘅,相比以學業成績入到名校嘅,點計都唔會多過10%,真係好值得人羨慕嗎?其實佢哋用於操練嘅時間,通常都遠高於其他名校學生嘅溫習時間!

好似好多人都唔睇好佢哋!不過能夠有此毅力練到全港有排名,我只覺得佩服,亦相信只要能持續呢種毅力,將來無論運動或學業,都毋須太擔心!




作者: 王家爸爸    時間: 14-6-19 13:28

Band5 發表於 14-6-19 13:21
以全港計,能夠以運動成績入到名校嘅,相比以學業成績入到名校嘅,點計都唔會多過10%,真係好值得人羨慕嗎 ...
絕對不值得人羨慕。但同時,我們亦要欣賞他們的努力。
作者: PalFan    時間: 14-6-19 13:29

Band5 發表於 14-6-19 13:21
以全港計,能夠以運動成績入到名校嘅,相比以學業成績入到名校嘅,點計都唔會多過10%,真係好值得人羨慕嗎 ...

你講得好好, 講出我心聲, 雖則個仔運動未見太突出, 但因為運動令佢改變好多.

其實眼見佢地利用玩樂時間去訓練, 又要顧及學校功課溫書默書. 只係少左時間額外操卷時間.  

作者: PalFan    時間: 14-6-19 13:32

hong2002 發表於 14-6-19 08:25
其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推 ...
你就好, 我個仔仲係覺得讀書辛苦過操運動, 可能佢仲未入到運動最深層次, 希望佢能夠快了解

作者: Mini-mummy    時間: 14-6-19 18:40     標題: 引用:其實好多時係順住個勢!例如初小玩開某項運

原帖由 hong2002 於 14-06-19 發表
其實好多時係順住個勢!例如初小玩開某項運動,好似有d天份,跟住高小被選入校隊,加操打學界,打得好又推 ...
我都識一位家長,佢知自己小朋友唔係讀書料子,已經小一就操體育了⋯⋯




作者: hong2002    時間: 14-6-19 18:41     標題: 回覆:PalFan 的帖子

邊係你唸得咁叻。我仔好膚淺,打波就開心,練體能果d就話辛苦!




作者: babybaby2010    時間: 14-6-20 16:26

Mini-mummy 發表於 14-6-19 18:40
我都識一位家長,佢知自己小朋友唔係讀書料子,已經小一就操體育了⋯⋯



  ...

唔係個個讀唔到書都操得起體育架

作者: PalFan    時間: 14-6-20 16:35

hong2002 發表於 14-6-19 18:41
邊係你唸得咁叻。我仔好膚淺,打波就開心,練體能果d就話辛苦!

要體能好, 才能發揮個種運動既最高能力. 不能單靠技術. 但操體能係極辛苦. 好多小朋友都唔係太喜歡.
要訓練到肌肉自然反應, 係訓練時間浸出來. 同操水道理一樣.



作者: chocolatebear    時間: 14-6-20 16:40

提示: 作者被禁止或刪除 內容自動屏蔽
作者: chocolatebear    時間: 14-6-20 16:48

提示: 作者被禁止或刪除 內容自動屏蔽
作者: hong2002    時間: 14-6-20 17:54     標題: 引用:Quote:原帖由+hong2002+於+14-06-19+發表其

原帖由 Mini-mummy 於 14-06-19 發表
我都識一位家長,佢知自己小朋友唔係讀書料子,已經小一就操體育了⋯⋯



  ...
想講既係我見一隊波之中,有成績好既,普通既,差既,佢地唯一既共同點就係鍾意打波囉。至於最後有人因為運動出色而入名校,定係兼顧唔到而成績退步,定係激發起鬥志而變得更積極,呢d都係outcomes 而唔係原因!
以小學球隊來說,只有家長要求子女放棄練習,未見過有家長要求子女放棄學業!




作者: ha8mo    時間: 14-6-21 09:07

提示: 作者被禁止或刪除 內容自動屏蔽
作者: Band5    時間: 14-6-21 11:50     標題: 回覆:運動叻、入心儀中學机會大增?

小一點肯定佢唔係讀書嘅材料呢?我兒子幼稚園畢業嘅評語最多都只係B2B3之間(當然家長唔會認同),小學並無催谷都好快唔同晒!




作者: chocolatebear    時間: 14-6-21 12:38

提示: 作者被禁止或刪除 內容自動屏蔽
作者: talent2000    時間: 14-6-21 13:06

提示: 作者被禁止或刪除 內容自動屏蔽
作者: Band5    時間: 14-6-21 13:37     標題: 回覆:chocolatebear 的帖子

老師當然唔會咁講咁寫,但每項評分都係僅僅average,評語亦唔多positive,如果攞去小一扣門,你估有冇機會?




作者: chocolatebear    時間: 14-6-21 14:06

提示: 作者被禁止或刪除 內容自動屏蔽
作者: mk3288    時間: 14-6-22 14:32

ha8mo 發表於 14-6-18 19:04
唔怪得話提早公佈自行結果會影響學習氣氛
宜家淨係尊貴的植脂學校先至有搗亂學習氣氛的權利
直資何德何能擁有優先權?我都好奇怪這個安排是如何出爐的?
作者: mk3288    時間: 14-6-22 14:38

austism 發表於 14-6-18 19:58
我朋友個仔,某運動取全港亞軍,港青,DBS, SPCC, LS大約11月邀請佢小朋友下年九月入學,學費全免。

要靠 ...
現在好多行業,除了才能還需要體能。我反而覺得名校看得很長遠,一早知道人生路光靠智能是不夠的,身體強健一樣很重要。
作者: goodenough    時間: 14-6-22 15:53     標題: 引用:呢D老師寫多D正面野唔得既,+應該找學生的優

原帖由 chocolatebear 於 14-06-21 發表
呢D老師寫多D正面野唔得既, 應該找學生的優點去讚, 欣賞. 而唔係去找人弱點.  ...
寫事實就得啦。係好嘅就讚,唔好嘅都要寫,知道左就改。唔好嘅唔寫,或者要變成好嘢,不如取消操行評語。




作者: lalalam27    時間: 14-6-23 02:16

mk3288 發表於 14-6-22 14:38
現在好多行業,除了才能還需要體能。我反而覺得名校看得很長遠,一早知道人生路光靠智能是不夠的,身體強健 ...


作者: 701003    時間: 14-6-23 09:11     標題: 引用:分清楚学生为甚麼要上学校,係讀書增强智能

原帖由 talent2000 於 14-06-21 發表
分清楚学生为甚麼要上学校,係讀書增强智能。運動係次要除非係叻到頂級要以運動为主要求生技能,否則求知为 ...
同意




作者: manman333    時間: 14-6-23 10:48     標題: 回覆:運動叻、入心儀中學机會大增?

其實名校既理念,係全人。即係人生要有各方面的平衡,讀書求知識當然重要仲會一生受用,但讀書係比較個人既,當然做project 都會須要群體合作。不過一個離群既人都可以成績名列前茅,但到出來社會做事卻是大忌。而音樂和体育須要講求團隊精神,服從性,意志。你地見到名校優先取錄運動和音樂優異既學生,其實學業成績優異都一樣會優先取錄。
我同一位朋友講開,佢話,文武相全,文黎講,有機會後期發力,但武方面,卻不可能突然彈出,你不可能從來沒學游水但到12歲又突然間會識,想有成績要從少接觸,訓練。當然,沒体育天份就不用訓練啦,只須要開心做做運動強身健體。況且,現在既小朋友唔係睇電視就打機,做完功課去音樂去運動,可以免去呢d打機時間,家長又唔使同仔女正面沖突,你唔比睇電視唔比打機佢地實唔開心,禁得多關係實差。




作者: PalFan    時間: 14-6-24 10:41

我發覺好多人誤解左校方收運動尖子原因, 其實唔係單單拎獎咁簡單.

小朋友當自己有一樣比別人優勝時, 搵到個人位置, 佢地可以因為目標而努力.
好多時在球場上人和事都令佢學會更多. 這種教學不是書本上可以說得明. 我明白球場上多年令他成長. 這是我深刻體會到的地方.




作者: ANChan59    時間: 14-6-24 15:45

PalFan 發表於 14-6-24 10:41
我發覺好多人誤解左校方收運動尖子原因, 其實唔係單單拎獎咁簡單.

小朋友當自己有一樣比別人優勝時, 搵到 ...
當然唔係 ..... 不過有個別家長因為運動輸到 Short 左,除口up,你會發覺佢齊 up 運動。

音樂及其他唔見佢 up,因為輸幾條街 ....... ?

作者: ha8mo    時間: 14-6-24 19:47

提示: 作者被禁止或刪除 內容自動屏蔽
作者: kawaii1128    時間: 14-6-24 20:54

如果兩個成績相差不遠, 運動叻D當然有優勢

但香港地好現實, 成績唔夠好, DSE衰咗後果自負. 到時神仙都難救






作者: hong2002    時間: 14-6-25 08:31     標題: 回覆:ha8mo 的帖子

學校好功利,你批評合理。但你最後既舉例,意思係咩呢?!拉二胡冇鬼用衰到去做地盆?!
咁我識人會考7A去左跳樓,但我唔覺得要特別去演繹囉!
作為家長,我都係以讀書行先。但我係唔同意話讀唔掂書就去練下運動,咁就可以入名校,仲要係家長意願! 事實唔係咁。




作者: hong2002    時間: 14-6-25 08:57     標題: 回覆:hong2002 的帖子

今日今日,如果小朋友對某些音樂體育,喜歡又有天份,家長除左支持,可以點呢?
升中講緊11至12歲,講緊未練球先跑20分鐘,50下sit up, 50下push up, 佢唔肯家長迫到佢做?!咁聽話咁返屋企操十幾廿份卷都得喇,成績都唔會差!




作者: PalFan    時間: 14-6-25 12:23

ANChan59 發表於 14-6-24 15:45
當然唔係 ..... 不過有個別家長因為運動輸到 Short 左,除口up,你會發覺佢齊 up 運動。

音樂及其他唔見佢 ...

其實輸左, 小朋友一樣會學到野. 才能幫助小朋友成長.



作者: mcl203    時間: 14-6-25 13:09

本帖最後由 mcl203 於 14-6-25 14:35 編輯
PalFan 發表於 14-6-25 12:23
其實輸左, 小朋友一樣會學到野. 才能幫助小朋友成長.

但我識有d家長會認為...佢小朋友未能達標(實情係有時間先去練下果種)...係教練教法出問題...識d某港隊教練亦同意...要轉會再爭過...完全無認真研究問題所在...一心為考神校為目標

體藝精英...真係家長可以強逼就得?...佢地d刻苦係值得讚既!!!


作者: PalFan    時間: 14-6-25 14:07

ha8mo 發表於 14-6-24 19:47
如果係教育的一部份,點解自己在中一收來的學生,升升下班會冇得出場?
而被果班Band 3中中爛仔波牛取代呢 ...

你提到既事情我都有聽聞, 社會現實縮影搬落學校內.   
作者: PalFan    時間: 14-6-25 14:11

mcl203 發表於 14-6-25 13:09
但我識有d家長會認為...我小朋友未能達標(實情係有時間先去練下果種)...係教練教法出問題...識d某港隊教練 ...

教練佔好重要的. 可能之前個仔經歷過, 所以我會覺得影響好大.
作者: mcl203    時間: 14-6-25 14:37

PalFan 發表於 14-6-25 14:11
教練佔好重要的. 可能之前個仔經歷過, 所以我會覺得影響好大.
教練係好重要...但太多家長只認為求求其既参與...就一定要有回報~~~

作者: PalFan    時間: 14-6-26 10:00

mcl203 發表於 14-6-25 14:37
教練係好重要...但太多家長只認為求求其既参與...就一定要有回報~~~

每人都有不同想法, 曾經個仔身邊也出現不少, 機會永遠是留給有準備的人.
作者: adrian_mama    時間: 14-6-26 13:53     標題: 引用:Quote:mcl203+發表於+14-6-25+14:37+教練係

原帖由 PalFan 於 14-06-26 發表
每人都有不同想法, 曾經個仔身邊也出現不少, 機會永遠是留給有準備的人.  ...
同意,除了有準備, 也要有talent及鬥志

我有另一種睇法,希望家長不會本末倒置,而苦了細路...

爸爸喺神校學生,上到中學部自己操練,最後入校隊+港青。本身學術唔算標青,但也是本地名大學碩士畢業生加校隊精英。

我鍾意老公果份運動員有嘅毅力同自信、自律及刻苦,這對日後工作做人做事很有幫助。當然名校能提供多點資源去培訓,但自身的努力也是一种付出。

而家仔仔似爸爸有少少體育天份,
但就有小聰明怕辛苦 。今年小一暑假開始比佢試下操練,目的是希望他能練出一點意志力及毅力。我本身很欣賞運動員,也希望他將來能兩邊兼顧,但可借香港教育制度以學業成績為本。

我是一般家長也以學術重,將來會否再繼續,要看他的興趣及意願(因為小朋友有自己想法,運動喺冇得迫)。又要學業好又要運動叻,除非天資高,否則無謂勉強。

所以那些有天份有排名的學生,我非常敬佩他們及他們的父母。入到名校, 確實有付出過。




作者: PalFan    時間: 14-6-26 17:51

adrian_mama 發表於 14-6-26 13:53
同意,除了有準備, 也要有talent及鬥志

我有另一種睇法,希望家長不會本末倒置,而苦了細路...

入到名校, 佢地係真正有本事, 令人睇得起才有呢個機會, 要全港排名不是一件簡單事. 何況好多神校要成績都有咁上下才收的.








歡迎光臨 教育王國 (/) Powered by Discuz! X1.5