教育王國

標題: 小一坐一小時校車辛苦嗎? [打印本頁]

作者: fleshmoon 時間: 14-6-18 09:55 標題: 小一坐一小時校車辛苦嗎?

有無小朋友係咁? 會好辛苦嗎?

作者: SY_Joanne 時間: 14-6-18 10:03

大人都辛苦, 何況小孩

作者: little_yolky 時間: 14-6-18 10:05

fleshmoon 發表於 14-6-18 09:55
有無小朋友係咁? 會好辛苦嗎?

好學校就唔辛苦。不過要注意記得提小朋友要先上定廁所。

作者: rrMM 時間: 14-6-18 11:18

very 辛苦
好可憐

作者: nieualma 時間: 14-6-18 11:27

怕暈車浪

作者: Jessy 時間: 14-6-18 11:53

大人都辛苦啦, 叫我日日坐一個鐘車返工, 再坐一個鐘車放工, 放工回到家仲要ot做功課+溫書, 命都無啦!!!!

作者: feiji 時間: 14-6-18 11:58 標題: 回覆：fleshmoon 的帖子

好辛苦㗎

作者: wwsugar 時間: 14-6-18 12:22

本帖最後由 wwsugar 於 14-6-18 12:22 編輯

好學校...都辛苦。一樣。小學啫，長大咗無人會再理你讀咩小學，真係叻到年年頭三名先算啦。

作者: 小曳人 時間: 14-6-18 12:28

唔係辛苦，係浪費時間！
一程一個鐘，來回兩個鐘！如果多功課，小心唔夠時間瞓覺！

作者: yamyau 時間: 14-6-18 12:51

好辛苦

作者: kalong 時間: 14-6-18 12:57 標題: 回覆：yamyau 的帖子

真係好辛苦

作者: 小天使 時間: 14-6-18 13:24 標題: 回覆：小一坐一小時校車辛苦嗎

當然辛苦。

作者: Radiomama 時間: 14-6-18 13:47 標題: 回覆：fleshmoon 的帖子

校車站站停，明明30分鐘車程都變一小時；有其他方法嗎？有時巴士或地鐵仲慳時間。或自己送上學。
要用一小時上學必定是心儀的學校，長遠而言，搬家吧。（我的case就是這樣。）

作者: pupu865 時間: 14-6-18 13:57

好辛苦哦，返到屋企都無晒D時間，功課完，訓得，又要俾人更早出門

作者: 11B 時間: 14-6-18 14:48 標題: 回覆：小一坐一小時校車辛苦嗎

又辛苦又浪費時間。

作者: jswailam928 時間: 14-6-18 15:00 標題: 回覆：little_yolky 的帖子

好定唔好學校都辛苦，咪咁變態啦，日日來回坐兩個鐘，上到小學仲細小朋友，又番全日，又quiz, 又test, 又dict, 又多功課！足夠休息時間好重要！

作者: Jane1983 時間: 14-6-18 15:10

係好心儀，可以暫時頂住，長遠要諗搬。每日省回一個鐘，用嚟食玩訓都好！

作者: sumyee 時間: 14-6-18 15:16 標題: 回覆：小一坐一小時校車辛苦嗎

辛苦，6年

作者: longlokma 時間: 14-6-18 15:38 標題: 回覆：小一坐一小時校車辛苦嗎

辛苦，超辛苦！

作者: gisoleung 時間: 14-6-18 15:40 標題: 回覆：小一坐一小時校車辛苦嗎?

其實近都睇你站頭定站尾，係區內都兜來兜去有時都起碼45分鐘！除非真係行到去學校啦！不過我不主張坐校車過半小時⋯

作者: fc926 時間: 14-6-18 15:50

個人感受:如果大部分時間系行高速公路,都OK,如果市區停燈位那種,半小時都好痛苦

作者: EggTarts 時間: 14-6-18 16:10

我耐不耐坐巴士由長沙灣到將軍澳45min我都想嘔呀!要小朋友日日來回兩粒鍾

作者: pandean 時間: 14-6-18 17:37

日日兩個鐘，回來再做功課，唔使問都知辛苦啦……

有必要甘樣日日浪費2個鐘麼？？

作者: Ononma 時間: 14-6-18 18:18

梗係辛苦啦！

作者: HTLT 時間: 14-6-18 19:57

辛苦!

作者: 王家爸爸 時間: 14-6-18 20:28

我覺得小學應該就近就學，不應該長途跋涉去上學，影響學習效果。

作者: Ivy-1981 時間: 14-6-18 21:12 標題: 回覆：fleshmoon 的帖子

大人都辛苦啦，何況小朋友。

作者: superccc 時間: 14-6-18 21:26

無辦法, 無校車, 唯一是自己帶

作者: Jane1983 時間: 14-6-18 21:32

回覆 superccc 的帖子

自己带返學放學，雖然辛苦困身，但真系好好的親子活動。大家有傾有講，你問吓小朋友今日返學點呀，做左d也？好開心的。
我有時朦朧想起兒時片段，都覺得好温暖。

作者: superccc 時間: 14-6-18 22:04 標題: 引用：回覆+superccc+的帖子自己带返學放學，雖

原帖由 Jane1983 於 14-06-18 發表
回覆 superccc 的帖子

自己带返學放學，雖然辛苦困身，但真系好好的親子活動。大家有傾有講，你問吓小朋友 ...

最多帶3年，4年級可以自己返學

作者: hadwinboy 時間: 14-6-18 22:12 標題: 引用：有無小朋友係咁?+會好辛苦嗎?

原帖由 fleshmoon 於 14-06-18 發表
有無小朋友係咁? 會好辛苦嗎?

我一定會放棄間學校，但如果是超級好學校，我會搬，會按能力盡量近些，減得幾多(車程)得幾多.

作者: kmmum 時間: 14-6-18 22:27 標題: 回覆：wwsugar 的帖子

認同，入到u ,迎新營自介先會講邊間中學。慢慢識到其他朋友，已經講讀那一個系。畢業後，搵工。講讀那間u. 入到大公司，接觸其他人。分本地u, 英國，加拿大。再轉下工，便只講做過那間公司。
我和c6讀既小學已經無左。阿q地想，盡左自己和囡囡能力，已經安慰。

作者: wwsugar 時間: 14-6-18 22:59

本帖最後由 wwsugar 於 14-6-18 23:01 編輯

回覆 kmmum 的帖子

係呀，出到社會，幾靚的學歷，都會慢慢過去，眼見好多人生活好幸福開心，不需要由名校出來，只是見多識廣，慢慢學有所成，反而是有幸福的家，穩定的家境(經濟),和好好的人品和性格。女仔就更加係好視乎個婚姻質素，同名校與否都冇咩關係。講遠咗。其實日日長途跋涉，真係苦不堪言。

作者: little_yolky 時間: 14-6-19 14:55

王家爸爸發表於 14-6-18 20:28
我覺得小學應該就近就學，不應該長途跋涉去上學，影響學習效果。

無辦法, 就近入學好多雙非, 係逼不得以跳船避走。

作者: 王家爸爸 時間: 14-6-19 16:30

little_yolky 發表於 14-6-19 14:55
無辦法, 就近入學好多雙非, 係逼不得以跳船避走。

當初雙非問題沒有提請人大釋法，影響深遠，對香港人和雙非都沒有好處。

作者: little_yolky 時間: 14-6-19 16:42

王家爸爸發表於 14-6-19 16:30
當初雙非問題沒有提請人大釋法，影響深遠，對香港人和雙非都沒有好處。
...

咪就係大家成日都怕釋法囉, 根本呢個係最最需要釋法既一單嘢嚟。依家雙非湧晒嚟, 大家咁排外, 其實對一國兩制都無好處。最初未有咁多雙非時, 第一批自由行都不知幾有禮貌, 又守規矩。點知放下放下, 雙非又嚟, 二線居民又嚟, 咪乜都搶囉。

根本大家將個頭塞入地下扮鴕鳥, 中國係宗主國, 有事當然要搵佢。澳門同中央關係好, 成個橫琴借俾佢, 係珠海澳門雙嬴。

作者: kingkingxoxo 時間: 14-6-20 09:42 標題: 回覆：小一坐一小時校車辛苦嗎?

之前幼稚園K1試過（只坐放學那程），屋企去學校其實15分鐘車程，但保姆車要兜埋其他幼稚園學生，所以坐成粒鐘才回到家，後來我無意中發現，班小朋友原來日日被運豬仔咁轉幾輪車，司機要湊夠數分區走，在路邊交接，太危險，所以即叫停，跪拜老人家幫手接放學才搞得掂。

作者: Keroleen 時間: 14-6-20 23:47 標題: 回覆：wwsugar 的帖子

非常認同！有朋友話試到好學校係人生成功既一半⋯其實，你勁既去到邊都勁，重賺埋自信心！力有不逮既讀名校都唔敢講啦！

作者: yanyan6 時間: 14-6-21 00:51

一個鐘車程,間學校都好遠,要咁遠才有好學校?
而家邊度都有雙單非,只好接受,講唔出邊間沒有,是好無奈

作者: stefi 時間: 14-6-24 15:51 標題: 回覆：小一坐一小時校車辛苦嗎

好辛苦，我只接受到半個鐘頭內既車程
如果你果間係一條龍，係要捱足10幾年

作者: Jane1983 時間: 14-6-24 17:43

吾知系咪就路綫多停站，同好多家長傾開，多數人都系要7點前上校車的，就算實際距离吾算遠

作者: karbb1217 時間: 14-6-25 00:50 標題: 回覆：小一坐一小時校車辛苦嗎?

好辛苦，小朋友最需要係休息。用兩小時換黎不開心和疲勞！家長，你要認真考慮！

本來，我有機會可以去間好有名氣的一條龍私小就讀，但實在頂唔順來回兩小時既車程，放棄了；改了自行一間在家隔離，又不差的小學，路途只需要十分鐘就回到家，瞓完個覺沖埋涼，估計都只是六點，但精神抖擻，做功課都好啲。相比起，講緊個間好有名氣既小學的校車才回到家不久，無得休息仲要勁做功課同溫書。大人做完一日嘢返黎都要休息，何況佢只是一個六歲的小朋友！

作者: bobo101^*^ 時間: 14-6-25 21:51 標題: 引用：我覺得小學應該就近就學，不應該長途跋涉去

原帖由 王家爸爸 於 14-06-18 發表
我覺得小學應該就近就學，不應該長途跋涉去上學，影響學習效果。

Agree

作者: kenwong888 時間: 14-6-26 00:09

小曳人發表於 14-6-18 12:28
唔係辛苦，係浪費時間！
一程一個鐘，來回兩個鐘！如果多功課，小心唔夠時間瞓覺！ ...

Exactly true!
It is a waste of life!

作者: atirw 時間: 14-6-26 00:17 標題: 回覆：小一坐一小時校車辛苦嗎

你每曰返工來回要兩小時，你覺唔覺得辛苦？

作者: sweethoho 時間: 14-6-26 00:26 標題: 回覆：小一坐一小時校車辛苦嗎

超級辛苦, 有必要嗎

作者: nillnill 時間: 14-7-7 18:37 標題: 引用：好辛苦，小朋友最需要係休息。用兩小時換黎

原帖由 karbb1217 於 14-06-25 發表
好辛苦，小朋友最需要係休息。用兩小時換黎不開心和疲勞！家長，你要認真考慮！

本來，我有機會可以去間好 ...

如果派位制度可以如此理想就好。依家愈來愈多人派到遠遠的

作者: hippoo 時間: 14-9-26 20:29

作者: 瑩瑩老豆 時間: 14-9-27 09:37

karbb1217 發表於 14-6-25 00:50
好辛苦，小朋友最需要係休息。用兩小時換黎不開心和疲勞！家長，你要認真考慮！

本來，我有機會可以去間好 ...

真係省回不少時間, 我囡以前讀屋企附件的小學, 行返去不用十分鐘, 每朝訓夠7:30才起床, 8:05才出門口返學.
放學3:45 已回到家, 可以食個下午茶, 睇下電視休息下才開始做功課/溫習.

作者: elainetam 時間: 14-9-27 12:50

我無跨區揀返自己區既學校都要坐45分中車啦
兜呢道兜果道
屋企附近間學校, 5分中內行到既, 又唔係自己網, 真係這麼近那麼遠

作者: wister 時間: 14-9-27 14:21

咁樓主你可唔可以試下跨網報5分鐘內行到果間學校呀？

作者: llmlps 時間: 14-9-27 15:11

最初試了一個月,來回要兩個鐘,之後都係自己駕車接送....

作者: little_yolky 時間: 14-10-7 14:21

yanyan6 發表於 14-6-21 00:51
一個鐘車程,間學校都好遠,要咁遠才有好學校?
而家邊度都有雙單非,只好接受,講唔出邊間沒有,是好無奈 ...

有雙非唔緊要, 但都唔好咁多, 我區三寶學校一級有3/4以上係雙非, 大抽奬填第三的非三寶校, 一班都有接近一半係雙非, 只有只可填第一的學校係少啲, 十個八個咁。所以, 點可以唔避走他方。

上禮拜細囡in私校, 排後面小朋友媽媽講普通話, 但唔知係新移民定單雙非, 但個樣都斯文啲既, 又有禮貌, 個小朋友都幾乖咁。

作者: kenwong888 時間: 14-10-7 17:15

little_yolky 發表於 14-6-19 14:55
無辦法, 就近入學好多雙非, 係逼不得以跳船避走。

Exactly true!
Their parents are very awesome!

作者: subb 時間: 14-10-7 17:26

先問下自己如果份工,返放各要一個鐘車程你是否會去做??? 放工已經好攰重要一個鐘先返到家, 回家之後又要開工, 真係想.............

作者: little_yolky 時間: 14-10-8 09:53

subb 發表於 14-10-7 17:26
先問下自己如果份工,返放各要一個鐘車程你是否會去做??? 放工已經好攰重要一個鐘先返到家, 回家之後又要開 ...

如果份工好有滿足感, 做得好開心, 待遇又好, 咁我會做的。我份工就係咁, 轉三次車, 每日單程連等巴士個幾鐘, 已經做咗20年了。仲要日日開OT, 其中有半年, 一星期一至日, 做70+鐘, 做得好開心, 覺得好有意義。我好多同事住天水圍, 返工單程都要個半鐘的。

不過, 做咗7年之後, 人工多咗, 夠錢就搬咗去公司附近住, 行路10分鐘到

都係近啲好。

作者: subb 時間: 14-10-8 10:47

little_yolky 發表於 14-10-8 09:53
如果份工好有滿足感, 做得好開心, 待遇又好, 咁我會做的。我份工就係咁, 轉三次車, 每日單程連等巴士個幾鐘 ...

咁即係最後都是覺得選擇搬去公司附近"近D" 呢 !!!! Opportunity Cost問題...

作者: little_yolky 時間: 14-10-8 12:13

subb 發表於 14-10-8 10:47
咁即係最後都是覺得選擇搬去公司附近"近D" 呢 !!!! Opportunity Cost問題...

無錢都捱咗7年, 好丫嘛。有錢緊係孟母三遷啦。

我哋住大埔, 上次同阿囡返學校, 阿囡同爸爸講：爸爸, 不如我哋搬去學校隔離呢間屋。話說, 囡囡間學校响九龍城, 樓價係..................

作者: muimui812 時間: 14-10-8 15:32

辛苦。我當初選這間時已打算搬，但入了後，同住的９９唔肯，理由係：個個都係咁撘校車架啦，咪又得！

結果：回到家已差不多５點或更遲，如果小朋友手腳慢就日日到你放工返去都未搞掂Ｄ功課同溫書，ＥＱ有限的就會日日同個小朋友開片。

除了時間唔夠用，到有課外活動，或學校選了小朋友入校隊，住得遠接送練習都好大問題。

最後玩了一個學期，９９終於親眼見到小朋友有幾辛苦，肯搬，但樓價已升了Ｎ％。。。

這樣玩六年是很難捱的，樓主三思。

作者: little_yolky 時間: 14-10-8 16:24

muimui812 發表於 14-10-8 15:32
辛苦。我當初選這間時已打算搬，但入了後，同住的９９唔肯，理由係：個個都係咁撘校車架啦，咪又得！

結果 ...

可唔可以叫99俾番個差價嚟

作者: muimui812 時間: 14-10-8 17:37

little_yolky 發表於 14-10-8 16:24
可唔可以叫99俾番個差價嚟

算啦。。。老人家都係唔想離開生活左廿幾年的社區，同埋佢係未試過唔知死的人，同佢講一個鐘頭車好似當耳邊風咁（其實撘完校車仲要再轉小巴才回到家），好無概念，講唔明。

我地都無同佢講買貴左，費事佢瞓唔著。

作者: Jane1983 時間: 14-10-8 18:13

回覆 muimui812 的帖子

而家搞掂咗咪好，老人家有時好難理解，但你咁孝順，就睇讚

作者: 青青河邊草 時間: 14-10-8 21:09 標題: 回覆：小一坐一小時校車辛苦嗎

啲年青人，坐車30分鐘都話辛苦啦
小朋友真係覺得唔辛苦?
大人，你真可以自己呃自己?

作者: grandmalolo 時間: 14-10-9 07:51

樓主，如為名校或龍校而要山長水遠都要讀, 請搬屋吧！小學生真是無乜時間，溫習、功課、課外活動.....

作者: little_yolky 時間: 14-10-9 12:42

青青河邊草發表於 14-10-8 21:09
啲年青人，坐車30分鐘都話辛苦啦
小朋友真係覺得唔辛苦?
大人，你真可以自己呃自己?

點會唔辛苦, 辛苦架。

但當同區小學原來都係遲15分鐘上車, 又無呢間跨區咁合適。又, 住緊間屋爛到連地產經紀都叫你唔好賣, 學校附近租價又萬幾二萬蚊, 咁都真係無辦法。

作者: little_yolky 時間: 14-10-9 12:46

grandmalolo 發表於 14-10-9 07:51
樓主，如為名校或龍校而要山長水遠都要讀, 請搬屋吧！小學生真是無乜時間，溫習、功課、課外活動..... ...

其實孟母三遷個思想唔難學, 大家只係經濟原因而效法唔到。我想信如果孟母係現代人, 佢都好難做到一遷, 唔好話三遷。

小學生真係忙架, 我既方法係：所有課後興趣班唔參加(學校有課內興趣班, 响下午), 其他興趣班全安排在星期五、六、日, 儘量唔影響小朋友瞓覺時間。其實我都好想囡囡參加小女童軍, 我覺得好多嘢學, 但魚與熊掌不能兼得之下, 只可以捨魚取熊掌。

作者: little_yolky 時間: 14-10-9 14:13

sonkhl 我地做僅孟母已經二遷,因租屋. 發表於 5 分鐘前

租屋真係流動性強好多。

作者: jc2009 時間: 14-10-9 14:19

覺得辛苦

作者: little_yolky 時間: 14-10-9 16:44

sonkhl 其實想買,點知等下等下,買唔起. 發表於半小時前

好彩老公聽阿媽講, 廿幾歲就買咗間爛樓, 不過賣唔番出去咁解。

歡迎光臨教育王國 (/)