教育王國

標題: 如果舊華德VS舊油天 [打印本頁]

作者: GAT 時間: 14-6-18 01:19 標題: 如果舊華德VS舊油天

兩者你們會點取舍呢？是否兩間都一樣是傳統吹谷形？學術與升中，校網又點比較？

作者: manman33 時間: 14-6-18 07:45

冇得比，梗係油天

作者: sissysze 時間: 14-6-18 08:47 標題: 回覆：如果舊華德VS舊油天

唔同中學校網

作者: karen55407 時間: 14-6-18 08:48 標題: 回覆：如果舊華德VS舊油天

油天

作者: TIGERBAMA 時間: 14-6-18 08:54 標題: 回覆：如果舊華德VS舊油天

舊油天！
兩間吾同級數

作者: little_yolky 時間: 14-6-18 13:41

TIGERBAMA 發表於 14-6-18 08:54
舊油天！
兩間吾同級數

咪又係谷既天主教津校, 有咩唔同級吖, 不過一間唔好彩响41網, 鬼咁多神校, 人人都想試下做神仙既滋味啦。舊油天果區有乜神校同佢爭先? 所以咪做到一哥囉。九龍城中學校網好好的。如果只有天主教分, 20分揀油天唔安全, 不過仍有機會抽中, 20分華德就安全好多。如果係女仔, 我會揀MSC。

作者: kktsa2 時間: 14-6-19 01:00

無錯，講得好！何謂唔同級數？只不過41校網多神級學校，油天個區無神級學校！大家都係抽奬或自行分配！最重要係小朋友適合邊間學校！

作者: bbqyou 時間: 14-6-22 23:38

油天升中派位好一般。。。

作者: 必必 時間: 14-6-23 00:40 標題: 引用：油天升中派位好一般。。。

原帖由 bbqyou 於 14-06-22 發表
油天升中派位好一般。。。

唔好忘記油天只係津校，咁多年以來，係好多人心目中油天升中派位已經係好好。點會係一般。

作者: 奥脫福 時間: 14-6-23 00:58

bbqyou 發表於 14-6-22 23:38

油天升中派位好一般。。。

好一般？！係咪百份百派 Band 1 至叫 excellent？！

作者: janelle427 時間: 14-6-23 01:54 標題: 回覆：如果舊華德VS舊油天

其實舊油天升中有几多band one 位？多謝賜教！

作者: 必必 時間: 14-6-23 07:57 標題: 引用：其實舊油天升中有几多band+one+位？多謝賜

原帖由 janelle427 於 14-06-23 發表
其實舊油天升中有几多band one 位？多謝賜教！

每年學校都會將升中派位所有資料登於網頁，大家有興趣可參考下。學校只updated到7月，之後再有變動就無再更改。

作者: elvisBB 時間: 14-6-23 08:28 標題: 回覆：如果舊華德VS舊油天

華德小班教學，25人一班，一級只有4班，小一小二有雙班主任，對學生很關顧，41校網，Band1學校比band1學生多，你是看名牌還是實用，每年也有學生入神級學校，你可以到網址看看，我覺得它是校舍舊左d,利申我是華德家長。

作者: little_yolky 時間: 14-6-23 10:00

GAT 發表於 14-6-18 01:19
兩者你們會點取舍呢？是否兩間都一樣是傳統吹谷形？學術與升中，校網又點比較？ ...

油天派位都好好(津校計), 但你要睇個區學校你like唔like。因為九龍城網中學好標青, 咁41網有咁多神校(唔止係1線, 係神校), 舊華德升中派位都係咁, 因為上面JM講咗, Band 1位多過Band 1生, 所以Band 2頭小朋友都可以爭取到較好位置。所以, 揀小學記得睇埋中學網。

作者: GAT 時間: 14-6-23 23:33

華德課程深嗎？有沒有教快半年？功課會不會很谷？

作者: kkhon 時間: 14-6-24 00:09

回覆 bbqyou 的帖子

我都好想知除左一條龍或者有聯繫的官津校仲有邊間升中派位同舊油天差吾多或比佢更優勝？甘點解年年公布升中派位日都有記者去採訪呢？

作者: Kitty1230 時間: 14-6-24 09:52

回覆 bbqyou 的帖子

我都好想知除左一條龍或者有聯繫的官津校仲有邊間升中派位同舊油天差吾多或比佢更優勝？甘點解年年公布升中派位日都有記者去採訪呢？ x 2

作者: 必必 時間: 14-6-24 10:09

kkhon 發表於 14-6-24 00:09
回覆 bbqyou 的帖子

我都好想知除左一條龍或者有聯繫的官津校仲有邊間升中派位同舊油天差吾多或比佢更優勝 ...

多數津校都唔會好似兩間油天咁, 列晒全級升中人數, 有幾多個學生入邊間中學都公開. 其他小學通常係列出有學生升讀邊間中學. 好難知其實際升中情況.

記得以前蔡校長講過, 佢係小學唔知咩會既主席, 同某些記者相熟, 記者叫到佢就俾佢地採訪, 就係咁開始, 年年都係一大堆傳謀到訪, 好熱鬧.

作者: little_yolky 時間: 14-6-24 10:17

GAT 發表於 14-6-23 23:33
華德課程深嗎？有沒有教快半年？功課會不會很谷？

我知華德數學有教快, 話唔谷就呃你的, 但如果係聰明仔囡, 就唔會覺得辛苦。

作者: little_yolky 時間: 14-6-24 10:34

必必發表於 14-6-24 10:09
多數津校都唔會好似兩間油天咁, 列晒全級升中人數, 有幾多個學生入邊間中學都公開. 其他小學通常係列出有 ...

呢點真係好值得欣賞, 透明度高。

要注意, 油麻地區的最top學生(+最aggressive既家長), 升小一都會揀兩間油天, 但41網如果aggressive, 實在有太多學校可以揀, 所以, 兩間油天收的同學雖然係經大抽奬, 但都係上下一心地要考取好高既成績, 同41網情況好唔一樣, 最top學生會較分散, 大部份亦唔想再玩升中遊戲, 所以會去考有直屬/聯繫既小學, 亦做就了兩間油天的好成績。

都係果句, 同唔同級數唔係講學校, 唔係講小朋友, 係大家家長本身谷唔谷得, 認唔認同。我老公姪仔(唔好意思, 我唔識我對佢既稱謂, 所以只好咁寫)今年九月會入新油天小一, 佢媽媽奉行 "no pain no gain" 遊戲方法, 所以好buy, 但我則認為學習並不需要pain。有名小JM家長講過, 學校入面唔係所有小朋友都係band 1, 但家長肯定係band 1。各位家長, 分清楚自己 banding 未? 選校除了要選適合小朋友, 也要選適合家長的, 因為小學好多時都要家長一齊陪跑的。大家努力, 共勉之。

作者: a_for_apple 時間: 14-6-24 11:09 標題: 回覆：如果舊華德VS舊油天

女仔我唔會揀油天，升中網女仔好難揀

作者: BB_Duck 時間: 14-6-24 11:29

回覆 little_yolky 的帖子

作者: 巴不得爸爸 時間: 14-6-24 23:03

回覆 little_yolky 的帖子
首先歡迎你老公姪仔加入新油天的大家庭,但相信並不是每個家長都奉行 "no pain no gain"的遊戲.新油天何校長奉行師生共一家,鼓勵學生多閱讀,發掘小朋友不同的長處,最重要的是要學生愉快學習.
在此,真的不明白外界都會認為一間好成績的津校,每每認定成為一間很谷的學校.其實家長可從BK中的全港小學細心閱讀,答案便很快出來了.

作者: kktsa2 時間: 14-6-25 02:37

little_yolky 發表於 14-6-24 10:34
呢點真係好值得欣賞, 透明度高。

要注意, 油麻地區的最top學生(+最aggressive既家長), 升小一都會揀兩間油 ...

同意！並不是個個家長想小朋友讀名校，有些家長會為小朋友㨂一所適合小學! 華德小班教學，雙班主任！這點已勝過大班教學！但每一所學校各有優點缺點，返而看淸楚自己小朋友性格才揀學校！

作者: little_yolky 時間: 14-6-25 09:33

巴不得爸爸發表於 14-6-24 23:03
回覆 little_yolky 的帖子
首先歡迎你老公姪仔加入新油天的大家庭,但相信並不是每個家長都奉行 "no pain no ...

因為佢媽媽係校友, 所以係自行20分入到。就係佢同我講no pain no gain, 她親歷其境, 佢對母校應該係了解的。

佢小朋友好谷得, 讀私幼, 學術好ok, 但就好活潑, 對事物好好奇, 我覺得佢可以去讀直資, 無奈考唔到。爸爸好傷心, 但媽媽就好開心, 因為佢話新油天又好又唔駛錢。

作者: little_yolky 時間: 14-6-25 09:37

kktsa2 發表於 14-6-25 02:37
同意！並不是個個家長想小朋友讀名校，有些家長會為小朋友㨂一所適合小學! 華德小班教學，雙班主任！這點已 ...

其實我覺得華德啲老師都好難教, 因為入得去的都係相對無咁aggressive 既家長, 學生質素更參差, 但又响競爭激烈既41網, 要做出好成績, 係難上加難。

作者: kktsa2 時間: 14-6-26 00:16

Disagree!!!! 有水準和有愛心嘅老師係唔會覺得難教，入得41網嘅家長都唔會passive la,而且並非個個家長需要aggressive?! Aggressive 嘅家長不代表小朋友一定叻passive 嘅家長也不代表小朋友唔叻！真正為小朋友好的話是找一所適合的學校比他們，師資好，口啤好才重要！

作者: elvisBB 時間: 14-6-26 08:03 標題: 回覆：kktsa2 的帖子

說得很好，如果孩子可以在一個單純的地方長大，學會有禮貌，不是很理想嗎？

作者: 奥脫福 時間: 14-6-26 10:20

a_for_apple 發表於 14-6-24 11:09

女仔我唔會揀油天，升中網女仔好難揀

男仔就話要避開女仔者，例如呢個網好多 B1 男仔都會選兩間男校，咁女仔遇到的
競爭亦會減少。況且呢個年紀女仔佔了性別上的優勢，根本無懼男生的挑戰，大熱
男女校當女校辦亦不為過！況且區內亦有大熱女校，所以我係極不同意九龍第一網
（油尖旺區）女仔好難揀的呢個論點。

作者: little_yolky 時間: 14-6-26 10:31

kktsa2 發表於 14-6-26 00:16
Disagree!!!! 有水準和有愛心嘅老師係唔會覺得難教，入得41網嘅家長都唔會passive la,而且並非個個家長需要 ...

但兩間口碑同師資都好喎。
如果：
老師有heart+家長aggressive地配合+叻仔=如魚得水
老師有heart+家長無乜所謂+叻仔=寶寶開心
老師有heart+家長無乜所謂+一般材料=因材施教
老師有heart+家長aggressive地配合+一般材料=可憐寶寶

作者: kktsa2 時間: 14-6-26 14:54

👍👍講得對！入每間學校（名校或地區好學校）都需要老師，家長，學生佩合！結論*華德油天都係好學校只不過唔同人有唔同選擇！

名校學生反而d老師將大部分責任比家長，不是太出色的小朋友又作出勸退，這樣對小朋友公平嗎?
若小朋友係叻仔叻女當然平步青雲！
真正了解自己孩子的性格去找一所學校！不要認為每個家長都喜歡神級學校，實而不華也有人追棒的

作者: little_yolky 時間: 14-6-26 15:49

kktsa2 發表於 14-6-26 14:54
👍👍講得對！入每間學校（名校或地區好學校）都需要老師，家長，學生佩合！結論*華德油天都 ...

所以樓主咪揀得咁辛苦囉。

作者: a_for_apple 時間: 14-6-26 16:47 標題: 引用：Quote:a_for_apple+發表於+14-6-24+11:09+

原帖由 奥脫福 於 14-06-26 發表
男仔就話要避開女仔者，例如呢個網好多 B1 男仔都會選兩間男校，咁女仔遇到的
競爭亦會減少。況且呢個年 ...

以我所知，女仔嚮油尖旺可以揀嘅 band 1 有 QES （男女校，但好少位）， st. mary （自己有兩間小學上，又係得好少好少位），真光（女校叫做最多位了），銘基（我唔太肯定係咪 band 1, 男女校，相對競爭較少），我真心唔覺得選擇多

作者: 林嬌嬌 時間: 14-6-26 17:00 標題: 回覆：如果舊華德VS舊油天

２間也差不多……同一宗教，小校舍…一樣有屋邨學生，big6家長，超勁同學。
升中校綱，男仔便油天好Ｄ…女仔就華德好Ｄ

作者: kktsa2 時間: 14-6-26 17:39

41網：喇沙，黃茐南，銀𨭎，聖家，華英，maryknoll,陳端琪，top 學生也有去st Mary, St. Paul co,dgs！
也不錯呢，只要小朋友成績average 或以上，相信2間學校都派得好

作者: elvisBB 時間: 14-6-26 20:47 標題: 回覆：如果舊華德VS舊油天

仲有丘佐榮，迦密，旅港，民生，培正，間間都是band1，而且加上何文田官中，培道這些學校，其實41網是band2也很容易選校

作者: ocean308 時間: 14-6-26 21:20

41比31的確好d.但舊油這幾年的誇區自行亦有亮麗的成績.謮得油天,家長都會以九華,聖方濟和真光為目標,但去到高年班,全級30名內的男女同學大都誇區其它更高層次的學校.如Ls和上智等,從數字看.成功率很好.

作者: edmondau.1 時間: 14-6-27 12:22

我會看遠一點選華德, 因41網 Band 1英中多位或有多餘, 小朋友比較易入英中 Band 1 學校. 如誇區小心drop 半个Banding.

作者: bbqyou 時間: 14-6-27 13:11 標題: 回覆：edmondau.1 的帖子

其實是旦入到一間都好幸福，
今年大部分家長為左個學位巳經乘下半條人命。。。。
希望小朋友生生性性。。。

作者: dyhc1238 時間: 14-6-27 13:54

根據前幾年的數據，九龍城區約有45%band 1學校，油尖旺區約有48%band 1學校，大家不相伯仲。

但油尖旺的小學比較參差，攞到band 1比較容易，相反九龍城區無論學校、學生或家長也比較平均，若子女的成績不是十分超卓，小心跌落band 2。

歡迎光臨教育王國 (/)